Mark6
1พะเยซูก็เตียวออกจากตี้ฮั่นและปิ๊กไป๋เฮือนเก่า หมู่ลูกซิดก็ติ๊ดต๋ามไป๋ตวย2ตอนตึ๋งวันยู๋ดตางศาสนา พะอ๋งก็ตั๋นอยู่ในตี้ปะชุมของจาวยิว มีคนจะนักตี้ทึ่งในคำสอนของพะอ๋ง และอู้กั๋นว่า “เปิ้นไป๋เอาความฮู๊จะหนี้มาจากได แล้วเยี๊ยะการอัศจรรย์จะหนี้ได้จะได๋3เปิ้นเป๋นแค่ช่างไม๊ ลูกของมารีย์ ปี้ป้อจายของยากอบ โยเสส ยูดาส และซีโมน และหมู่น้องสาวของเปิ้นก็อยู่ในเมิงนี้กับหมู่เฮาแฮ๋มตวย” หมู่เปิ้นจึงขุ่นเคืองพะอ๋ง4พะเยซูจึงอู้กับหมู่เปิ้นว่า “ผู้อู้แตนพะเจ๊าได้ฮับเกียรติในตุ๊กตี้ ยกเว้นในเมิงหมู่ญาติปี้น้อง และในเฮือนของตั๋วเก่า”5ตอนอยู่ตี้ฮั่น พะเยซูจึงบะสามารถเยี๊ยะการอัศจรรย์ได้นอกจากวางมือฮักษาคนเจี๊บบะกี่คน6พะอ๋งเป๋กใจ๋ตี้หมู่เปิ้นบะมีความเจื้อในพะอ๋ง พะอ๋งจึงไป๋สอนตี้หมู่เฮือนไก้เคียงแถวอั่นแตน7พะอ๋งฮ้องลูกซิดเอกทั้งซิบสองคนมา แล้วส่งหมู่เปิ้นออกไป๋เป๋นคู่ๆพะอ๋งเยี๊ยะฮื๊อหมู่เปิ้นมีสิทธิอำนาจเหนือวิญญาณจั๋วตึงมด8และตั๋นว่า “อย่าเอาไอยั๋งติดตั๋วไป๋นอกจากไม๊ต้าว บะต้องเอาเข้า ถุงย่ามหรือสตางค์ติดตั๋วไป๋9ฮื๊อใส่เกือกได้แต่บะต้องเอาเสื้อเตี่ยวสำฮองไป๋”10พะอ๋งอู้กับหมู่เปิ้นว่า “เฮือนไดตี้ต้อนฮับสู ก็ฮื๊ออยู่ตี้เฮือนอั่นตลอดจนกว่าจะจากเมิงอั่นไป๋11แต่ถ้าตี้ไดบะต้อนฮับ บ่ฟังหมู่สู ก็ฮื๊อออกไป๋จากตี้ฮั่น และฮื๊อสะวืดขี้ดิ๋นออกจากตี๋น ตวย ฮื๊อเป๋นการย้ำหมู่เปิ้น”12หมู่ลูกซิดของพะอ๋งก็ออกไป๋ตั๋น ฮื๊อผู้คนกับตั๋วกับใจ๋๋เสียใหม่13หมู่เปิ้นขับผีจั๋วออกไป๋จะนัก ทาน้ำมันมะกอกฮื๊อกับคนเจี๊บไปจะนัก และฮักษาหมู่เปิ้นจนหาย14จ้าวแป่นดินเฮโรด ได้ยินจื้อเสียงของพะเยซูเพาะว่าคนอู้กั๋นไป๋ทั่ว บางคนอู้ว่า “เปิ้นต้องเป๋นยอห์นคนเยี๊ยะพิธีจุ่มน้ำตี้ฟื้นขึ้นจากความต๋ายแต๊ๆตึ๋งเยี๊ยะการอัศจรรย์หมู่นี้ได้”15บางคนอู้ว่า “เปิ้นเอลียาห์” และบางคนอู้ว่า “เปิ้นผู้อู้แตนพะเจ๊าอย่างเดียวกับผู้อู้แตนพะเจ๊าคนอื่นๆในสมัยแต่ก่อนอั่น”16ตอนเฮโรดได้ยินเรื่องหมู่นี้ พะอ๋งอู้ว่า “ต้องเป๋นยอห์น คนตี้เฮาสั่งฮื๊อตั๊ดหัวฟื้นขึ้นจากต๋ายแต๊ๆ”17เพาะว่าเฮโรดเองตี้เป๋นคนสั่งฮื๊อยั๊บยอห์นล่ามโซ่และขังคุกฮื็อ เพาะว่าหันสู่นางเฮโรเดียสเมียของฟีลิปน้องป้อจายของเฮโรด18เพาะว่ายอห์นได้ย้ำจ้าวแป่นดินเฮโรดว่า “พะอ๋งเยี๊ยะบะถูก ตี้เอาเมียน้องป้อจายมาเป๋นเมียตั๋วเก่า”19เยี๊ยะฮื๊อเฮโรเดียสแค้นใจ๋ คึดจะฆ่ายอห์น แต่ก็เยี๊ยะบะได้20เพาะว่าจ้าวแป่นดินเฮโรดโก๊วยอห์น พะอ๋งฮู๊ว่ายอห์นเป๋นคนตี้เยี๊ยะตามใจ๋พะจ้าว และเป๋นคนของพะเจ๊าแต๊ๆ จึงปกป้องยอห์นฮื็อ ตุ๊กเตื้อตี้เฮโรดฟังยอห์นสอนก็ตุ๊กใจ๋ แต่ก็ยังจ๊อบฟัง21แล้วโอกาสของนางเฮโรเดียสก็มาตึ๋ง ตอนเฮโรดจัดงานวันเกิดของพะอ๋งขึ้น พะอ๋งเขหมู่ข้าราชการชั้นสูง นายตะหานชั้นผู้ใหญ่ และคนสำคัญๆของแคว้นกาลิลีมาในงาน22ลูกหญิงของนางเฮโรเดียสเข้ามาฟ้อน เยี๊ยะฮื๊อเฮโรดและบรรดาแขกเหรื่อถูกอกถูกใจ๋จะนัก แล้วจ้าวแป่นดินเฮโรดจึงอู้กับแม่หยิงนี้ว่า “ใค้ได้รางวัลไอยั๋งก็ขอมา เฮาจะฮื๊อ”23พะอ๋งยังสัญญาแฮ๋มว่า “เฮาจะฮื๊อกุ๊กอย่างตี้เจ้าขอ แม้กระทั่งกึ่งนึ่งของเมิงนี้”24เปิ้นก็ออกไป๋ซอยอิแม่ว่า “อิแม่ เฮาจะขอไอยั๋งดีเจ้า” อิแม่อู้ว่า “ขอหัวของยอห์นคนเยี๊ยะพิธีจุ่มน้ำสิ”25แล้วเปิ้นก็รีบล่นเข้าไป๋อู้กับจ้าวแป่นดินว่า “เฮาขอหัวของยอห์นคนเยี๊ยะพิธีจุ่มน้ำใส่ซาดมาฮื๊อตี้นี่เจ้า”26จ้าวแป่นดินเฮโรดเสียใจ๋จะนัก แต่เพาะว่าเปิ้นได้สาบานฮื็อแล้วต่อหน้าแขกจะนัก เฮโรดจึงบะกล้าตี้จะปิ๊ดคำอู้ตัวเก่า27เฮโรดจึงสั่งฮื๊อเพชฌฆาตไป๋ตั๊ดหัวของยอห์นในคุกท้นเต้า28และเอาใส่ซาดมาฮื๊อกับเปิ้น แล้วเปิ้นก็เอาไป๋ฮื๊อแม่ของเปิ้น29ตอนลูกซิดของยอห์นฮู๊เข้าก็พากั๋นมาฮับซบของยอห์นไป๋ฝังฮื็อในอุโมงค์30หมู่ลูกซิดตี้พะเยซูส่งออกไป๋ ได้ปิ๊กมาหาพะอ๋ง และเล่าเรื่องกุ๊กอย่างตี้ได้เยี๊ยะและสอนฮื๊อพะอ๋งฟัง แล้วพะเยซูอู้กับหมู่เปิ้นว่า31“หมู่เฮาไป๋หาตี้สงบพักผ่อนกั๋นเถอะ” เพาะว่ามีผู้คนจะนักมาหาพะอ๋ง จนบะมีกั๋นแม้แต่จะกิ๋นเข้า32หมู่เปิ้นจึงลงเฮอไป๋ยังตี้เปลี่ยวฮื๊ออยู่กั๋นเฉพาะหมู่เปิ้น33แต่ก็มีคนจำนวนจะนักหันหมู่เปิ้นจากไป๋และจำเปิ้นได้ จึงมีคนจะนักจากหมู่เฮือนต่างๆรีบเตียวตามไป๋ตี้ฮั่น และไป๋ตึ๋งก่อนหมู่เปิ้น34ตอนพะอ๋งมาตึ๋งเพิ่งก็หันหมู่คนหลายเป๋นจำนวนจะนักรออยู่ก่อนแล้ว พะอ๋งฮู๊สึกเอ็นดู เพาะว่าหมู่เปิ้นอย่างเดียวฝูงสูะตี้บะมีผู้เล่ง พะอ๋งจึงเริ่มตั๋นหมู่เปิ้นหลายเรื่อง35ตอนอั้นแฮงจ๊าดนัก หมู่ลูกซิดมาอู้พะอ๋งว่า “ตี้นี่เปลี่ยวจะนัก และนี่ก็เเรงจะนักแล้ว36ส่งหมู่นี้ปิ๊กไป๋เถอะ หมู่เปิ้นจะได้เข้าไป๋ตามชนบท ตามหมู่เฮือนแถวๆนี้ และไป๋หาซื้อไอยั๋งกิ๋นกั๋น”37แต่พะอ๋งอู้ว่า “โบ๋สูหาไอยั๋งฮื๊อหมู่เปิ้นกิ๋นสิ” หมู่เปิ้นก็อู้ว่า “หมู่เฮาต้องใจ๋ตึ๋งสองร้อยเหรียญสตางค์ทีเดียวนะครับ ตึ๋งจะพอซื้อเข้ามาเล่งคนหมู่นี้”38พะเยซูอู้กับหมู่เปิ้นว่า “ไป๋พ้อสิว่าสูมีขนมปังอยู่กี่กำเต๊าะ” ตอนหมู่เปิ้นก็ปิ๊กมาอู้ว่า “มีขนมปังห้าก้อนกับป๋าสองตั๋วครับ”39พะอ๋งจึงสั่งฮื๊อหมู่เปิ้นไป๋จัดการฮื๊อจาวเฮือนนั่งกั๋นเป๋นก๋วน ๆบนพื้นตี้มีหญ้าขึ้นแถวอั่น40หมู่จาวเฮือนนั่งกั๋นเป๋นก๋วนๆ ก๋วนละนึ่งร้อยบ้าง ห้าซิบบ้าง41แล้วพะอ๋งหยิบขนมปังห้าก้อนและป๋าสองตั๋วขึ้นมา พ้อขึ้นไป๋บนสวรรค์ขอบคุณพะจ้าว แล้วหั๋กขนมปังส่งฮื๊อหมู่ลูกซิดไป๋แจกจาวเฮือน และพะอ๋งแบ่งป๋าสองตั๋วอั่นแจกหมู่เปิ้นตุ๊กคนตวย42ตุ๊กคนกิ๋นจ๊าดอิ่ม43แล้วหมู่ลูกซิดเก็บเศษขนมปังและป๋าตี้เหลือได้ซิบสองเข่งเต็มๆ44นับเฉพาะป้อจายตี้มากิ๋นได้ตึ๋งห้าพันคน45ท้นเต้าหลังจากตี้กิ๋นเสร็จ พะอ๋งฮื๊อหมู่ลูกซิดลงเฮอข้ามฟากไป๋ก่อนล่วงหน้า ไป๋ยังเมิงเบธไซดา ส่วนพะอ๋งยังรอส่งจาวเฮือนอยู่46หลังจากจาวเฮือนปิ๊กเมิ๊อดแล้วพะอ๋งขึ้นไป๋อธิษฐานตี้บนดอย47ในคืนอั่นเฮอของหมู่ลูกซิดยังลอยอยู่กลางตะเลสาบ ส่วนพะอ๋งอยู่บนเพิ่งเพียงคนเดียว48พะอ๋งหันหมู่ลูกซิดกำลังพายเฮออยู่ตวยความยากตุ๊กเพาะว่ามีลมแฮงจะนักต้านเฮอฮื็อ จ้วงตีสามตึ๋งห๋กโมงจ๊าวอั่นพะอ๋งเตียวบนน้ำมาหาหมู่เปิ้น และเยี๊ยะท่าอย่างเดียวจะเตียวเลยไป๋49ตอนหมู่ลูกซิดหันพะอ๋งเตียวอยู่บนน้ำ ก็คึดว่าเป๋นผี ลุฮ๊องเฮ็กซะกั๋นลั่น50เพาะว่าสะดุ้ง๋โก๊วจะนัก แต่ในทันใดอั่น พะอ๋งก็อู้กับหมู่เปิ้นว่า “บะต้องสะดุ้ง๋ เฮาเอง บะต้องโก๊ว”51จากอั่นพะอ๋งก็ขึ้นไป๋อยู่บนเฮอกับหมู่เปิ้น แล้วลมก็สงบลง หมู่เปิ้นปะหลาดใจ๋จะนัก52เพาะว่าหมู่เปิ้นยังมีใจ๋ตี้แข็งกระด้างอยู่ จึงยังบะเข้าใจ๋ตึ๋งการอัศจรรย์ตี้พะอ๋งเพิ่งเยี๊ยะไป๋กับขนมปังห้าก้อนอั่น53ตอนข้ามฟากมาก็มาตึ๋งเพิ่งเมิงเยนเนซาเรท หมู่ลูกซิดก็มัดเฮอฮื็อ54พอลงจากเฮอ จาวเฮือนก็จำพะอ๋งได้55หมู่เปิ้นล่นไป๋เอิ้นจาวเฮือนทั่วบริเวณอั่น และหามคนเจี๊บใส่แคร่มาหาพะอ๋ง บะว่าพะอ๋งจะอยู่ตี้ไดก็ตาม56บะว่าพะอ๋งจะเข้าไป๋ในหมู่เฮือน หรือในเมิง หรือในชนบท จาวเฮือนก็จะนำคนเจี๊บมาวางฮื็อตี้กาด และหมู่คนเจี๊บต่างอ้อนวอนขอแค่แตะจายเสื้อกุมของพะอ๋ง และตุ๊กคนตี้ได้แตะก็หายกั๋นเมิ๊อด
Empower Asia Bible Translation Movement