2 BaKhorinte2
1Ndakapeleledza ndabona kuti ndisitjabe nekumwe mukumba kunowhomuwhisa zogwadza kakale.2Ngobe hapa ndingamuwhisa zogwadza, ndiyani ungandiyeta ahanha kuhhe kwenyu imwi bandawhisa zogwadza?3Ndakakwala sekwandakathama, kuyetila kuti pandinobuya ndisiwhisiwe zogwadza nayibabo baka bakafanila ndithama kuti ndihanhe, ngobe ndaka ndimugalabgwe mose, kuti hanha kwangu kowhobahanha kwenyu mose.4Ndakamukwalila ndina kudziyidzika kakale ndiwha zogwadza mumoyo, ndilila n'hodzi, kusi kuti ndohaka muwhisa zogwadza koga kuti muzibe ludo gukulu gwandinomuda nago.5Koga hapa kuna wagwadzisa umwe, azogwadzisa imi, koga nedzimwe zila wagwadzisa imwi mose-ndisikubige kukaba tjinhu tjikulukulu kwazo.6Langiwa kukwe nebunji gwenyu kwakalizanila;7koga ke makafanila wuyetila mazwibhatigwa newunkuludzila, kuti ndizo asikuligwe ngebuyendasi gwakapindilila.8Ndizo ndomukumbilisisa kuti mulayidze ludo gwenyu kuwunli.9Ikoku ndiko kwathama kuti ndimukwalile, kuyetila kuti ndimuholesese nekuti ndizibe kuti kene mubanhu banowhilila muzwinhu zose.10Kene yani wamunoyetila mazwibhatigwa, nami bo ndowuyetila mazwibhatigwa. Tjandayetila mazwibhatigwa, hapa kuli kuti ndina tjandayetila mazwibhatigwa, kungentha yenyu mbeli kwaKhirisitu,11kudze tidzibilile Satane mukutikulila; ngobe akuta kuli kuti atitoziba bupitipiti gugwe.12Pandakabuya kuThirowasi ndiwhosumikila ndebo mbuya yaKhirisitu, He bakandihhulila nkoba;13koga nkumbulo wangu awusongogadzikana ngobe gamu langu Thayithasi andizowuwana ko. Ndizo ndakamilika ndiyenda kuMakhedoniya.14Koga ke Ndzimu ngaabokewe, iye muna Khirisitu unogala etitungamila mukukunda, kakale uno andamisa nhuwilila kweluzibo gugwe pose pose ehingisa iswi.15Ngobe kuNdzimu iswi tinhuwilila kwaKhirisitu pakati kwayibabo banotjidziwa nayibabo banopalala,16kuwumwe tinhuwa kunohhisa lufu, kuwumwe bo tinhuwilila kunohhisa bupenyu. Ndiyani wakalizanila n'hingo wakajali?17Ngobe iswi atitonga ibabo, bunji gwabo banoyingidza dama leNdzimu; koga sebanhu bakatambunuka, bakatumwa neNdzimu, mbeli kweNdzimu tolebeleka muna Khirisitu.
The Word for the World International