2 BaKhorinte3
1Tetangisa zwikudza kakale? Kene kuti tohaka whalo dzinoleba kuti ndiswi boyani dzinohha kumuli kene dzinobva kumuli, sekunoyetiwa nebamwe?2Imwi tjekwenyu mulukwalo gwedu, gwakakwagwa mumimoyo yedu , gunozibgwa kakale gunobagwa nebanhu bose;3kakale molayidza kuti mulukwalo gunobva kuna Khirisitu, guli mbhudilo yehinga kwedu, gusakakwagwa ne inki koga gwakakwagwa neMeya yeNdzimu mpenyu, gusakakwagwa pamabgwe ezwipatalala koga gwakakwagwa mumimoyo yebanhu.4Ikoku ndiko galabgwe kwedu kuNdzimu muna Khirisitu.5Iswi tjekwedu atingati totubula thama kene ini; tubula kwedu kobva kuNdzimu,6iye wakatita tikatubula ba bahingi betjibvumilano tjitshwa, tjisi tjenlayo wakakwagwa koga tjeMeya; ngobe nlayo wakakwagwa unobulaya, koga Meya inopa bupenyu.7Ndizo hapa n'hingo wakahhisa lufu, waka wakakwagwa pabgwe, waka unagudzo, kwakata kuti maIsirayeli akon'we linga Mozisi kubuso ngentha yepenya kwago, nekutobe kwaka kutelela,8ngono n'hingo weMeya awutowhoba netjedza tjikulu?9Ngobe hapa n'hingo wakahhisa tongewa waka unagudzo, gudzo len'hingo unohhisa ndulamo lakafanila bagulu kusipano!10Lebeswa, tjaka tjina gudzo atjitjina gudzo, ngentha yegudzo linopinda latjo kwazo.11Ngobe hapa kuli kuti tjakapinda tjaka tjina gudzo, ngono tjisingapinde tjina gudzo gulu kungapani!12Saku ke tina kugalabgwe kungapa, tina tjilopa,13atitonga Mozisi, wakafukidza buso gugwe nejila kuyetila kuti maIsirayeli basibone pela kwepenya kwakakutelela.14Koga mikumbulo yabo yakayetiwa ikalutala; ngobe kudza kuwhoti nasi, hapa bebala tjibvumilano tjikulukugwi, jila ileliya zwalo losala lisakadusiwa, ngobe lodusiwa muna Khirisitu koga.15Ee, kudza kuwhoti nasi hapa nlayo waMozisi ubagwa jila lokwitidza mikumbulo yabo;16koga hapa nhu ehandukila kuna He jila lodusiwa.17Ngwenu He ndibo Meya, kakale ipapo Meya yaHe payiyapo, ndipo pana lusununguko.18Iswi toseni, buso gwedu gusakafukidziwa nejila, tolakidza gudzo laHe, tohandugwa tifananisiwa naye, tibva mulimwe gudzo tihanduligwa kulimwe; linobva kuna He banoba bali Meya.
The Word for the World International