متی23
1أمہِ پتہٕ ووٚن یسوعنؔ اتھ ہجومس تہٕ پننیٚن شٲگردن،2"یِمو فریسیو تہٕ یہُودؠ شریعت ہیٚچھناون والیٚو چھُ پنُن پان بنوومُت خدایہِ سنٛدِ طرفہٕ موسیٰ ہس دِنہٕ آمتٮ۪ن احکامن ہند تشریح کرن وٲلؠ تہِ۔3لہٰذا، پزِ توٚہہِ تی کرُن یہِ یِم وننو تہٕ توٚہہِ چھُ تہِ کرُن۔ ووٚنؠ گوو تہِ مہٕ کٔرِو یہِ یِم کران چھِ، تکیازِ تِم چِھنہٕ تہِ کران یہِ تِم توٚہہِ کرنہٕ خٲطرٕ ونان چھِ۔4یِم چھِ توٚہہِ تِتھٮ۪ن حکمن پیٚٹھ عمل کرٕنؠ ونان، یِم حکم کُڈٕرؠ چھِ۔ ووٚنؠ گوو پانہٕ چھِنہٕ تِم یِمن پیٚٹھ عمل کران۔ زٲنؠ تو تِم چھِ توٚہہِ پھیٚکیٚن پیٚٹھ گوٚب بار کھٲلِتھ ونان روزِو پکان۔ مگر پانہٕ ہلٲوٕن نہٕ اونگج تہِ توٚہہِ یہِ بار پکناونس منٛز۔5ییٚلہِ تہِ تِم کینٛہہ اصل چیز کران چھِ، یہِ چھِ تِم کران تاکہِ باقےٕ لوٗکھ وُچھن یہِ تہٕ کرن تُہنٛدؠ تعریف۔ مثالہِ پٲٹھؠ، تِم چھِ پننٮ۪ن مژھن پیٚٹھ تِم تعویزٕ یِمن منٛز صحیفو پیٚٹھٕ کینٛہہ سطرٕ لیکھِتھ چھےٚ آسان۔ زیادے پہن بٔڈؠ بناوان تہٕ پننٮ۪ن چۅغن ہنٛدؠ دامن کھُلہٕ ڈۅلہٕ تھاوان تاکہِ باقےٕ کرن خیال تمن خدایس واریاہ عزت کرن وٲلؠ۔6یِم چھِ یژھان زِ باقےٕ لوٗکھ گژھن یِمن لول برٕنؠ۔ مثالہِ پٲٹھؠ، کال کھٮ۪نہٕ باپتھ چھِ تِم تِمن کرسین پیٚٹھ بیہان یتہِ سٮ۪ٹھا اہم لوٗکھ بیہان آسن۔ عبادت گاہن منٛز چھِ یِم یِژھنےٕ جاین بیہُن یژھان۔7یِم چھِ بازرن منٛز لوٗکن نِش سلام تہٕ تعظیم رٹن تہٕ پانس وۅستاد ونناوُن خۅش کران۔8مگر ہے میانیٚو شاگردو، یِنہٕ لوٗکن دِیو پانس وۅستاد وننہٕ۔ یِتھٕ پٲٹھؠ تِم پننٮ۪ن باقین یہُودؠ وۅستادن ونان چھِ۔ صرف چھُس بہٕ تُہنٛد اصل وۅستاد۔ امیُک مطلب گوو توٚہؠ چھُو سٲری برابر اکھ أکؠ سنٛدؠ بیٚنہِ بٲے ہیِوؠ۔9یتھ زمینہِ پیٚٹھ مہٕ کھٲلِو کٲنٛسہِ بوش پنُن بب ؤنِتھ تکیازِ آسمانہٕ پیٚٹھٕ تُہنٛد بب خدا چھُ پزنہٕ پٲٹھؠ تُہنٛد پوٚز تہٕ حقیقی بب۔10لوٗکن مہٕ دِیو پانس وۅستاد وننہٕ۔ تکیازِ، صرف مسیحؔ چھُ تُہنٛد پوٚز وۅستاد۔11بلکہِ گژھ توٚہہِ منٛزٕ پرٛتھ اکھ یُس یژھان آسہِ زِ خدا گوٚژھ تِمن خاص زانُن۔ باقین ہنٛز پانس نوکر زٲنِتھ خدمت کرٕنؠ۔12خدا چھُ تِمن مدٕ والان یِم پانس خاص زانن تہٕ یِم پانس عٲجزی سان روزن تِمن بناوِ خدا پزنہٕ پٲٹھؠ خاص۔13"ہے توٚہؠ شریعت ہیٚچھناون والیٚو تہٕ توٚہؠ فریسی۔ توٚہؠ چھُو ریاکار۔ کوتاہ سخت عذاب آسہِ توٚہہِ خدایہِ سنٛدِ طرفہٕ۔ تکیازِ توٚہؠ چھُو نہٕ آسمانٕچ بادشٲہی قبوٗلےٕ کران تہٕ نہ چھُو باقین قبول کرنہٕ دِوان۔ نہ چھُو توٚہؠ پانہٕ اتھ بادشٲہی منٛز اژان تہٕ نہٕ چھُو باقین اژنہٕ دِوان۔14افسوس زِ توٚہؠ ریاکار فریسیو تہٕ شریعت کیٚو لیکھہٕ پٔر زانن والیو، مونٛڈن ہنٛز جایداد کھٮ۪نہٕ والیو ییٚلہِ زن توٚہؠ عبادت گُذٲری ہند ہاو باو کران چھُو۔ توٚہہِ میلہِ اوے سخ عذاب۔15"ہے توٚہؠ شریعت کیو زٲنؠ کارو تہٕ فریسیو، توٚہؠ چھُو ریاکار۔ خدا کوتاہ سزا دِیو توٚہہِ۔ توٚہؠ کوتاہ پان چھُو ژٹان۔ کانہٛہ اکھ نفر تہٕ پنٕنؠ کتھ مٲنراونہٕ باپتھ۔ توٚہؠ چھُو سدرن تارٕ تران تہٕ دوٗر دراز علاقن واتان امہِ باپتھ۔ امہِ کِس نتیجس منٛز ییٚلہِ کانہٛہ اکھ توٚہہِ پیٚٹھ ایمان انان چھِ توٚہؠ چھُو تمِس نفرس سیوٚدُے جہنمس لایق بناوان۔ پننہِ کھۅتہٕ تہِ زیادٕ۔16ہے۔ توٚہؠ یہُودؠ سردارو۔ توٚہہِ کوتاہ عذاب دِیو خدا۔ توٚہؠ چھُو پانہٕ أنؠ زنتہٕ باقین وتھ ہاونہِ درامٕتؠ۔ توٚہؠ چُھو ونان یودوے کانہٛہ وعدٕ کرِ کُنہِ چیزُک ہیکلس سٟتؠ زنتہٕ ہیکل کانہٛہ انسان چھُ تہٕ یودوے پتہٕ وعدٕ پوٗرٕ کرِنہٕ سُہ چیز کٔرِتھ۔ کانہٛہ حرج چھُنہٕ۔ مگر یودوے سُہ ہیکلس منٛز سۅنُک وعدٕ کرِ کانہٛہ چیز کرنُک تیٚلہِ چھُ تمِس سُہ وعدٕ پوٗرٕ کرُن ضروری۔17توٚہؠ چھُو احمق زنتہٕ توٚہؠ أنؠ چھُو۔ ہیکلس منٛز سۅن چھُ اہم مگر ہیکل چھُ امہِ کھۅتہٕ ژوٚر اہم۔ تکیازِ لوٗکھ چھِ اتھ خدایہِ سُنٛد ہیکل زٲنِتھ استعمال کران۔18توٚہؠ چھُو یِتہِ ونان، "اگر کانہٛہ کُنہِ چیزُک وعدٕ چھُ کران تہٕ اتھ وعدس چھُ قربان گاہس گواہ روزنہٕ باپتھ ونان، یِتھٕ پٲٹھؠ زن کانہٛہ شخص گوٲہی چھُ دِوان، تہٕ امؠ یُس وعدٕ کوٚر تتھ چھُنہٕ پوٗرٕ کران، تس چھُنہٕ خدایہِ سنٛدِ طرفہٕ یہِ وٲجب کرنہٕ یِوان۔ مگر یودوے سُہ پرژھِ زِ کاہن کیا کرن قربان گاہس نش پیش یہِ وعدٕ پوٗرٕ کرنہٕ باپتھ، یِتھٕ پٲٹھؠ زن کانہٛہ شخص چھُ کران، تیٚلہِ چھُ تس وعدٕ کرن وٲلِس نفرس یہِ وعدٕ پوٗرٕ کرُن لابودی بنان۔19توٚہؠ چھُو بےوقوف، توٚہؠ چھُو زنتہٕ انیٚن لوٗکن ہنٛدؠ پٲٹھؠ۔ قربان گاہس پیٚٹھ تہنٛز نظر چھےٚ اہم مگر قربان گاہ چھُ امہِ کھۅتہٕ تہِ اہم تکیازِ یہِ چھےٚ قربان گاہ یۅسہٕ اتھ نظر چھرا خدایہِ سنٛدِ باپتھ مخصوص کران چھےٚ۔20لہٰذا تِم لوٗکھ یِم زن کینٛہہ کرنُک وعدٕ کرن تہٕ اوٕ پتہٕ کرن قربان گاہس سٟتؠ یہِ وعدٕ پوٗرٕ کرنُک تصدیق زِ تِم کرن تہِ، تِم چھِ ژکہِ یہِ وعدٕ کران قربان گاہس پیٚٹھ پرٛتھ چیزس سٟتؠ یہِ وعدٕ پوٗرٕ کرنُک۔21تہٕ تِم یِم کانہٛہ چیز کرنُک وعدٕ کرن تہٕ پتہٕ پرژھن ہیکلس تصدیق کرنہٕ باپتھ زِ تِم کرن یہِ۔ تِم چھِ خدایس تہِ پرژھان، یمسُنٛد ہیکل چھُ۔ کرن امی چیزُک تصدیق۔22تہٕ تِم یِم وعدٕ کرن کانہٛہ چیز کرنُک تہٕ پتہٕ ونن آسمانس اتھ تصدیق کرنُک، زِ تِم کرن یہِ وعدٕ پوٗرٕ، تِم چھِ خدایہِ سنٛدِس شٲہی تختس پننہِ امہِ وعدُق تصدیق کرناوان تہٕ تِم چھِ خدایس اتھِ یُس اتھ تختس پیٚٹھ بہِتھ چھُ پننِس وعدس تصدیق کرناوان۔23ہے توٚہؠ شریعت ہٮ۪چھناون والیو فریسو۔ توٚہہِ کوتاہ سخ عذاب دِیو خدا۔ توٚہؠ چھُو ریاکار۔ ہرگاہ زن توٚہؠ خدایس پننہِ پُدنہٕ، زیُر تہٕ شونٛٹھ ہِوٮ۪ن دوپھہٕ فصلن ہند دٔہِم حصہٕ تہِ دِوان چُھو۔ توٚہؠ چھُو نہٕ خدایہِ سنٛدین قانونن ہنٛز فرمانبردٲری کران۔ یہِ زن زیادٕ اہم اوس۔ مثالے توٚہؠ چھُو نہٕ باقین سٟتؠ رُت ویوہار کران۔ توٚہؠ چھُو نہٕ لوٗکن پیٚٹھ رحم کران تہٕ توٚہؠ چھُو لوکن ہنٛدٮ۪ن چیزن جبرن کھیٚوان۔ یہِ چھُ رُت زِ توٚہؠ چھُو دوپھہٕ فصلُک دٔہِم حصہٕ خدایس دِوان مگر توٚہہِ پزن باقےٕ اہم قانون تہِ پالٕنؠ۔24توٚہؠ سردار چھُو زنتہٕ أنؠ یِم باقین وتہٕ ہاوٕکؠ بنان چھِ۔ توٚہؠ چھُو خدایس ناراض نہ کرنہٕ باپتھ بڈٕ احتیاط ورتاوان، ووٚنؠ گوو باقین سٟتؠ چھُو تیُتھ ویوہار کران زٲنؠ تو توٚہؠ چھُو سرومٹُےٕ اونٛٹ نینگلاوان۔25"ہے شریعت ہٮ۪چھناون والیو، ہے فریسیو، توٚہؠ چھُو ریاکار۔ خدا کوتاہ سخ عذاب دِیو توٚہہِ! توٚہؠ چھُو پننہِ کرنہٕ سٟتؠ باس دِوان لوٗکن پننہِ رٕژرک۔ مگر توٚہؠ چھُو تِمن خلاف گناہ کران پننہِ لالچہِ سٟتؠ تہٕ لوٗکن ہُنٛد مال پانس کھٮ۪تھ پنُن مزٕ تُلان۔ توٚہؠ چھُو زنتہٕ تِم کھٮ۪نہٕ بانہٕ یِم نٮ۪بٕرؠ کِنؠ صاف چھِ مگر اندرؠ کِنؠ مکٕرؠ۔26ہے فریسی انیٚو! گۅڈٕ پزنو توٚہہِ بد کار کرٕنؠ تراوٕنؠ مثلاً باقین ہُنٛد مال ژوٗرِ نیُن۔ تیٚلہِ سپدِو توٚہؠ راستبٲزی سان کرنس لایق تہٕ بنیٚو زنتہٕ تِم کھٮ۪نہٕ بانہٕ یِم نٮ۪بٕرؠ تہِ صاف آسن تہٕ اندرؠ تہِ۔27ہے شریعت ہٮ۪چھناون والیو، ہے فریسیو۔ تہٕ ریاکارو، خدا کوتاہ سخ عذاب دِیو توٚہہِ۔ توٚہؠ چھُو زنتہٕ لُکہٕ ہنٛزن قبرن پیٚٹھ عمارژ یِمن سفید رنگ کرنہٕ چھُ آمُت تاکہِ لوٗکھ وُچھن یِمن تہٕ اتھٕ لاگنکھ نہٕ۔ نٮ۪بٕرؠ کِنؠ چھِ یِم لوبہٕ وُنؠ۔ مگر اندرؠ چھِ مرن والیٚن ہنٛزو أڈجو تہٕ گندگی سٟتؠ تروپرِتھ تہٕ یُس یِمن اتھٕ لاگہِ سُتہِ گژھِ گندٕ۔28توٚہؠ چھُو زنتہٕ یمے مقبر۔ ییٚلہِ لوٗکھ توٚہہِ کُن وُچھان چھِ، تِم چھِ سونچان زِ توٚہؠ چھُو نیک کامہِ کران۔ مگر توٚہؠ چھُو پزی ریاکار تکیازِ توٚہؠ چھُو نہٕ خدایہِ سنٛدؠ احکام مانان"29"توٚہؠ لوٗکھ یِم یہُودؠ شریعت ہٮ۪چھناوان چھِ تہٕ توٚہؠ فریسی تہٕ ریاکارو۔ خدا کوتاہ سخ عذاب دِیو توٚہہِ۔ توٚہؠ چھُو نبین ہنٛدؠ مقبر نوِ سرٕ تعمیر کران یِم یہُودؠ لوٗکو واریاہ کال برونہٛہ قتل کٔرؠ۔ توٚہؠ چھُو راستباز لوٗکن ہنٛدؠ عزت بخش آثار سجاوان۔30توٚہؠ چھُو ونان، "یودوے أسؠ زُوان آسہ ہو تیٚلہِ ییٚلہِ سٲنؠ اجداد ٲسؠ۔ أسؠ کرہو نہٕ تِمن شریکن زانہٛہ مدد یِمو یِم نبی قتل کٔرؠ"31ییٚلہِ توٚہؠ یہِ ونان چھُو، توٚہؠ چھُو یہِ مانان زِ توٚہؠ چھُو تِمن قٲتِل لوٗکن ہنٛدؠ زُرؠ تہٕ کٔرؠ ووٗکھ قتل تِم نبی یِتھٕ پٲٹھؠ تِمو کوٚر۔32توٚہؠ چھُو تِتھے پٲٹھؠ تیار لوٗکن قتل کرنہٕ باپتھ یِتھٕ پٲٹھؠ تہنٛدؠ اجداد ٲسؠ۔33توٚہؠ لوٗکھ چھُو زہردار سرفن ہنٛدؠ پٲٹھؠ خطرناک۔ توٚہؠ بٔچِو نہٕ ہرگِز تہِ خدایہِ سنٛدِ جہنم کہِ نارٕ نِشہٕ۔34یہِ کتھ تھٲیو ژٮ۪تس زِ اوے سوزٕ بہٕ توٚہہِ نِش نبی، عقلمند لوٗکھ، تہٕ وۅستاد یِم توٚہہِ موسیٰ سنٛز شریعت ہیٚچھناون۔ توٚہؠ کٔرِو کینٛژن قتل تِمن صلیبس پیٚٹھ کِلؠ ٹھٲسِتھ تہٕ باقے کٔرؠ ووکھ باقےٕ ژھلو قتل۔ کینٛژن وٲلِو توٚہؠ قمچہٕ پننٮ۪ن عبادت گاہن منٛز تہٕ ہکنٲؠ وُکھ شہرٕ پتہٕ شہر۔35اوے تہِ گنٛزراوِ توٚہہِ تہٕ تہنٛدٮ۪ن اجدادن خدا قصوروار قتل کرنُک تِمن تمام راستباز لوٗکن یِم یتھ بُترٲژ پیٚٹھ ؤتھؠ۔ یِمن منٛز آدمؔ سُنٛد گوبر ہابلؔ تہِ چھُ یُس نیک راستباز اوس۔ تہٕ بیٚیہِ برکیاؔ سُنٛد نیٚچو زکریا یُس تہنٛدیو جدو ہیکلس تہٕ قربان گاہس درمیان مقدس جایہِ مور۔36یتہِ بہٕ توٚہہِ ونان چھُس، چھُ پوٚز: توٚہؠ لوٗکھ یِم گواہ چھِ تتھ یہِ مےٚ کوٚر چھُو تِم لوٗکھ یِمن خدا سزا دِیہِ یِم تمام نبی مارنُک"37"ہے یروشلم کیو لوٗکو، توٚہہِ کٔرؠ ووکھ سٮ۪ٹھا برونہٛہ کالہِ آمٕتؠ نبی قتل، تہٕ توٚہؠ یِمو کنیٚو سٟتؠ سنگسار کٔرؠ باقےٕ یِم خداین سوزؠ توٚہہِ نِش۔ واریاہہِ پھرِ سونچ مےٚ زِ بہٕ کرو توٚہہِ أکِس جایہِ جمع توٚہہِ بچاونہٕ باپتھ یتھٕ پٲٹھؠ زن اکھ پوٗتؠ کۅکٕر کران چھےٚ۔ مگر توٚہہِ دِتو نہٕ مےٚ تہِ کرنہٕ"38اوے تہِ بوزِو تُہنٛد شہر سپدِ وٲران۔39یہِ تھٲیو ژٮ۪تس: توٚہؠ وُچھِو مےٚ دُبارٕ ییٚلہِ بہٕ واپس پھیرٕ، ییٚلہِ توٚہؠ مےٚ متعلق ؤنِو، خدا چھُ پزی یمِس شخصس نِش خۅش یُس خدایہِ سنٛدِ حکمہٕ یوان چھُ۔
Bridge Connectivity Solutions Pvt. Ltd.