متی12
1امہِ پتہٕ کمے وقتہٕ پتہٕ اوس اکہِ سبتہٕ کہِ دوٚہہ یسوعؔ پننٮ۪ن شٲگردن سٟتؠ فصلہٕ دار کھہَو منٛزؠ پکان۔ اوٕ کِنؠ زِ تسٕنٛدؠ شٲگرد ٲسؠ بۅچھِ ۂتؠ۔ تِمو ژٔٹؠ کینٛہہ ہیٚلؠ تہٕ لٲگِکھ کھیٚنؠ۔ اکھ تِژھ کٲم یۅسہٕ نہٕ أمہِ خاص دوٚہہ موسیٰ سٕنٛز کتاب کرنُک اجازت دِوان ٲس۔2کینٛژو فریسیو وُچھؠ تِم یہِ کران تہٕ تِمو ووٚن اوے یسوعسؔ، "وُچھ چٲنؠ شٲگرد کیا چھِ کران یمہِ آرامکہِ دوٚہہ تہِ۔ تورات چھیٚنہٕ أمیُک اجازت دِوان۔3مگر یسوعن ووٚنُکھ یورٕ، "کیا توٚہہِ چھُنا پوٚرمُت یہِ سانٮ۪ن صحیفن منٛز لیکھِتھ چھُ، ییٚلہِ سون جد داوودؔ تہٕ تسٕنٛدؠ نفر بۅچھِ ۂتؠ ٲسؠ، تٔمؠ کیا کوٚر۔4بادشاہ داوودؔ ژاو خدایہِ سنٛدِس پاک گرس منٛز یتہِ تم خدایس عبادت کران ٲسؠ تہٕ کھیٚن سۅ ژوٚٹ یۅسہٕ خدایس برونہٛہ پیش ٲس آمٕژ کرنہٕ۔ مگر موسیٰ سنٛزِ شریعت کِنؠ ٲس چھرا کاہن یہِ ژوٚٹ کھینٕکؠ مجاز۔ ووٚنؠ گوو داوودؔ تہٕ تسنٛدیٚو نفروو کھییہِ یہِ ژوٚٹ پانس۔5یقیناً چھُو توٚہہِ موسیٰ سُنٛد لیٚوکھمُت پوٚرمُت ییٚلہِ تٔمؠ ووٚن زِ یودوے یِمو کاہنو سبات کہِ دوٚہہ پننِس ہیکلس منٛز کٲم کٔرِتھ نافرمٲنی کٔر یہُودؠ شریعتٕچ آرامکہِ دوٚہہ یِم چھِنہٕ قصوروار۔6ؤلِو بہٕ ونو أمیُک مطلب۔ بہٕ آس توٚہہِ نِش تہٕ بہٕ چھُس ہیکلہٕ کھۅتہٕ زیادٕ اہم۔7توٚہہِ پزِ صحیفن منٛز خدایہِ سنٛدین یِمن لفظن ژٮ۪تھ دِنؠ: بہٕ چھُس یژھان زِ توٚہؠ کٔرِو رحمُک سلوک لوٗکن سٟتؠ۔ چھرا کٔرِو نہٕ قربٲنیہِ پیش۔ یودوے توٚہہِ یہِ زونمُت آسہِ ہے، توٚہؠ کٔرؠ ہُو نہٕ میانٮ۪ن بے قصور شٲگردن مزمت قصور ورٲے۔8بہٕ چھُس آدمؔ سُنٛد گۅبُر۔ تہٕ بہٕ چھُس مٲلک لوٗکن وننہٕ باپتھ زِ تِم کیا ہیٚکن کٔرِتھ سبات کہِ دوٚہہ۔9ییٚلہِ أمہِ دوٚہہ یسوعؔ اتہِ دراو، سُہ ژاو ہیکلس منٛز۔10اتہِ وُچھ أمؠ اکھ زز بُڈٕ یسُنٛد اتھہٕ ژمیومُت اوس۔ فریسی ٲسؠ سبات کِس دوٚہس پیٚٹھ پنُن واد واد جٲری تھاوان۔ اوے پرژُھس یمو منٛزٕ أکؠ، "خدا چھا آرامکہِ دوٚہہ لوٗکن شفا دِنُک اجازت دِوان؟" تِم ٲسؠ ژکہِ امید کران زِ یسوعؔ کرِ کانہٛہ اتُر غلط کتھ کٔرِتھ۔11ووٚنؠ گو تِمو ووٚنُکھ، "فرض کٔرِو توٚہہِ منٛزٕ آسہِ کٲنٛسہِ اکُے کٹھ۔ تہٕ سُہ گوو أکِس سٔنِس کھۅڈس منٛز سبات کہِ دوٚہہ۔ کیا توٚہؠ ترٲؠ وُنا سُہ أتی؟ ہرگِز نہٕ۔ توٚہؠ أنؠ وُن یہِ تھپہِ تھوٚسہِ نٮ۪بر کٔڈِتھ۔12اکھ انسان چھُ تیٖرٕ سٕنٛدِ کھۅتہٕ تہِ قٟمتی۔ اوے چھُ یہِ یقیناً درُست سانہِ باپتھ زِ أسؠ بخشو کٲنٛسہِ بٮ۪مارس شفا کُنہِ تہِ دوٚہہ۔ سبت کہِ دوٚہہ زِ، آرامکہِ دوٚہہ تہِ"13پتہٕ ووٚن أمؠ أمِس بٮ۪مارس، "مُژراو پنُن اتھہٕ" أمؠ انسانن مُژروو پنُن ژمیومُت اتھہٕ تہٕ یہِ اتھٕ گو دُبارٕ ٹھیک دوٚیمہِ اتھٕکؠ پٲٹھؠ۔14اوٕ پتہٕ دراے فریسی ہیکلہٕ منٛزٕ نٮ۪بر۔ تِمو لٲجؠ سٲزِش کرٕنؠ بیٚیہِ یسوعؔ سنٛدِ مارنٕچ۔15چونکہِ یسوعؔ اوس زانان زِ فریسی چھِ تمِس مارنٕچ ژھل بل کران۔ تٔمؠ تُلؠ پنٕنؠ شٲگرد سٟتؠ تہٕ دراو اتہِ۔ بجہِ بجہِ لُکہٕ جمٲژ یِمن منٛز واریاہ بٮ۪مار تہِ ٲسؠ، دراے أمِس پتہٕ پتہٕ تہٕ تٔمؠ بٔلرٲوؠ تِم سٲری۔16مگر تٔمؠ کوٚر تِمن سختی سان ٹھاکھ یہِ کتھ باقین وننس۔17یہِ کٔرِتھ کٔر أمؠ یسعیاہؔ نبی سُنٛد اکھ پرون لیکھ درُست ثٲبت۔ تٔمؠ اوس لیٚوکھمُت،18"یہِ چھُ میون خٲدم یُس مےٚ ژور، یمِس بہٕ لول بران چھُس تہٕ یُس مےٚ خوش تھاوان چھُ۔ بہٕ تراوٕ پنُن روح أمِس منٛز، تہٕ سُہ کرِ قٲیِم عدل تہٕ بخشہِ نجات غٲر یہودٮ۪ن"19نَہ تُلہِ سُہ ۂر لوٗکن سٟتؠ نہ تُلہِ شور و شر؛ تہٕ کریکہٕ ناد تہِ نہٕ کوچن کھوٚتن منٛز۔20لیژٮ۪ن پیٚٹھ آسہِ نرم؛ یودوے کانہٛہ مرنس ووتمُت آسہِ، سُہ انٮ۪س واپس۔ لوٗکن پیٚٹھ کرِ عدل تہٕ برات دِیہِ تہنٛز بےٚ راہ آسنٕچ۔21بیٚیہِ کرن غٲر یہُودؠ تس بھروسہٕ تہٕ انن ایمان"22اکہِ دوٚہہ اوٚن کینٛژو لوٗکو یسوعسؔ نِش اکھ اوٚن یمِس پرٮ۪کس اوس بدروح ژامُت تہٕ اوے اوس کلیومُت۔ یسوعنؔ ژلرووُس بدروح تہٕ دیُتنس شفا۔ ادٕ ہیوٚت أمؠ بولُن تہٕ یہِ سپُد گاشدار۔23یہِ وُچھِتھ گوو سورےٕ ہجوم حٲران۔ تِمو لوگ اکھ أکِس پرژھُن، "یہِ انسان ہیٚکہِ نا مسیحؔ ٲسِتھ بادشاہ داوودؔ سُنٛد زُر یس أسؠ پراران چھِ"24چونکہِ فریسیو بوز أمہِ معجزُک۔ تِمو ووٚن یہِ چھُنہٕ خدا۔ بلکہِ بدروحن ہُنٛد بادشاہ بعَلزبُولؔ۔ یُس یمِس نفرس حٲکمس انسانو منٛزٕ بدروح کڈنس منٛز اتھہٕ روٚٹ کران چھُ۔25ووٚنؠ گوو یسوع اوس زانان زِ یِم فریسی کیا چھِ سونچان۔ اوے ووٚن تٔمؠ یِمن۔ یودوے اکہِ قومٕکؠ لوٗکھ پانہٕ وٲنؠ ۂر تُلن تِم کرن پننِس قومس تباہ۔ یودوے أکسےٕ شہرس یا گرس منٛز روزن وٲلؠ ژُو ژُو لاگن، یقیناً روزن نہٕ تِم اکھ جماتھ یا خاندان۔26یِتھے پٲٹھؠ یودوے اگر شیطان پانسےٕ خلاف لڑنہِ لوٚگ یا بدروح ژٔلراوِ پانس نِش تیٚلہِ روزِ سُہ پٲنؠ پانس خلاف لڈان۔ تیٚلہِ کتہِ روزِ سُہ پننٮ۪ن خٲدمن پیٚٹھ حکومت کرنس لایق۔27أمہِ مزید یودوے یہِ پوٚز آسہِ زِ شیطان چھُ مےٚ بدروح ژٔلراونس منٛز اتھہٕ روٚٹ کران۔ تیٚلہِ چھا یِتہِ پوٚز زِ تہنٛدؠ شٲگرد تہِ چھِ شیطان سنٛزِ قوت سٟتؠ دبروح کڈان؟ نَہ! اوے لاگن تِم توٚہہِ عدالت یہِ وننہٕ باپتھ زِ تہنٛزِ اتھ کامہِ پتہٕ کنہِ چھُ شیطان سُنٛد طاقت۔28چونکہِ یہِ چھُ خدایہِ سُنٛد روح یُس مےٚ بدروح کڈنس لایق بناوان چھُ۔ یہِ چھُ ہاوان زِ خدایہِ سٕنٛز بادشٲہی چھےٚ برونہٛےٕ زمینہِ پیٚٹھ قٲیِم۔29بہٕ ہاوَو زِ کیازِ چھُس بہٕ بدروح کڈنس قٲبل۔ کانہٛہ تہِ ہیٚکہ نہٕ شیطانس ہیوِس کٲنٛسہِ طاقت ور شخصہٕ سُنٛد گرٕ أژِتھ تہٕ تسُنٛد جایداد ؤٹِتھ أنِتھ تمِس گۅڈٕ گنٛڈِتھ تھٲوِتھ ورٲے۔ ووٚنؠ گوو ییٚلہِ تس گنڈِتھ تھاوِ تیٚلہِ ہیٚکہِ سُہ جایداد نِتھ۔30کانہٛہ تہِ ہیٚکہِ نہٕ غٲر جانبدار روزِتھ۔ تِم لوٗکھ یِم نہٕ یہِ مانان آسن زِ پاک روح چھُ مےٚ یِم بدروح کڈنس لایق بناوان چھِ میٲنؠ مخالف۔ تہٕ تِم لوٗکھ یِمنہٕ لوٗکن سمبرٲوِتھ انن میٲنؠ شٲگرد بننہٕ باپتھ چھِ لوٗکن مےٚ نِش دورنس منٛز اتھہٕ روٚٹ کران۔31توٚہؠ چھُو ونان زِ یہِ چھُنہٕ مقدس روح یُس مےٚ بدروح کڈنس لایق بناوان چھُ۔ اوے ونو بہٕ توٚہہِ یہِ: یودوے تِم لوٗکھ یِم باقین لوٗکن دستارٕ والن کُنہِ تہِ لِکھہٕ۔ پتہٕ سپدُکھ افسوس تہٕ منٛگن خدایس معافی۔ خدا بخشہِ تِمن مگر سُہ بخشنہِ تِمن لوٗکن یِم مقدس روحس توہین کرن۔32خدا چھُ تیار آدمؔ سٕنٛدِس گۅبرس بُتھِ لگن والیٚن معاف کرنس مگر بہٕ چھُسو خبردار کران زِ سُہ کریٚو نہٕ مقدس روح سنٛدِس کرنس کراونس ہیٚڈن والیٚن ہرگِز معاف۔ خدا نَہ کرِ تِمن ییٚتہِ معاف تہٕ نہ یِنہٕ وٲلِس وقتس منٛز۔33ییٚلہِ توٚہؠ کُنہِ کُلِس پیٚٹھ میٚوٕ وُچھِو، توٚہؠ یژھِو وچُھن یہِ چھا رُت کنہٕ خراب۔ یودوے یہِ رُت آسہِ توٚہؠ زٲنِو زِ یہِ میٚوٕ دِنہٕ وول کُل تہِ چھُ رُت۔ یودوے بہٕ رٕتؠ کار کران چھُس، تیٚلہِ پزِ توٚہہِ زانُن زِ بہٕ چھُسا رُت کِنہٕ خراب۔34توٚہؠ چھُو زہر بٔرِتھ سرفن ہنٛدؠ ہیٚوؠ نیٚچِوؠ۔ توٚہؠ ہیکِو نہٕ رُت ؤنتھےٕ تکیازِ توٚہؠ چھُو ژکہِ خراب۔ انسان یہِ ونہِ تی چھُ تس اندرٕ تہِ آسان۔35رٕتؠ لوٗکھ چھِ رُتے ونان۔ یہِ زٲنتو زنتہٕ تِمو سٲری رٕتؠ چیز أکِس محفوظ صندوقس منٛز تھٲوؠ مٕتؠ چھِ تہٕ یِمن ہیٚکن کُنہِ وِزِ تہِ نٮ۪بر کٔڈِتھ۔ مگر بد لوٗکھ چھِ بدےٕ ونان۔ تکیازِ تِمو چھِ سٲری بد چیز أکِس محفوظ صندوقس بٔرؠ مٕتؠ تہٕ ہیٚکن یِمن کُنہِ وزِ تہِ نٮ۪بر کٔڈِتھ تمہِ جایہِ پیٚٹھ36بہٕ ونو توٚہہِ زِ بجہِ عدالتکہِ دوٚہہ ییٚلہِ خدا عدالت لاگہِ، سُہ پاوٕناوِ سارنےٕ ژٮ۪تس پننہِ پننہِ سارے ونہِ مژٕ فضول کتھہٕ۔ تہ یِمنےٕ پیٚٹھ لاگہِ تِمن عدالت۔37خدا تھاوِ توٚہہِ یِمنے ونمژن کتھن پیٚٹھ نیک لوٗکن منٛز یا بد لوٗکن منٛز۔38اوٕ پتہٕ ووٚن کینٛژو فریسیو تہٕ کاہنو یسوعسؔ، "استاد۔ أسؠ چھِ یژھان زِ توٚہؠ کٔرِو سانہِ باپتھ کانہٛہ معجزٕ یُتھ اسہِ اطمنان ییہِ زِ توٚہؠ چھُو خداین سوزؠ مٕتؠ"39یسوعنؔ ووٚنُکھ یورٕ، "توٚہہِ ساروےٕ وُچھوُوس بہٕ معجزٕ کران مگر ژکہِ چھُو توٚہؠ بد۔ توٚہؠ چھُو نہٕ خلوصہٕ سان خدایہِ سٕنٛز عبادت کران۔ توٚہؠ چھُو یژھان زِ بہٕ کرٕ ثٲبت زِ خداین سوزُس بہٕ۔ خدا ہایو توٚہہِ اکُے معجزٕ۔ یہِ آسیا تِتھُے یُس خداین یونسؔ نبیس سٟتؠ کوٚر۔40یونس اوس أکِس بجہِ گاڈِ ہنٛدِس شکمس منٛز تریٚن دوٚہن تہٕ تریٚن رٲژن۔ تس اتہِ نجات دِنہٕ برونہٛہ۔ یِتھے پٲٹھؠ روزٕ بتہِ آدمؔ سُنٛد گۅبُر تریٚن دوٚہن تہٕ تریٚن رٲژن أکِس سنہِ کھیہِ منٛز زمیٖنس انٛدر تہٕ خدا انہِ مےٚ اتہِ زنٛدے کٔڈِتھ۔41ییٚلہِ خدا سارنےٕ عدالت لاگہِ تہٕ نینوہٕکؠ بسکین روزن تس برونہٛہ کنہِ وۅدٕنؠ باقین لوٗکن سٟتؠ۔ ووٚنؠ گوو تِمو ترٲوؠ گناہ ییٚلہِ یوحناہنؔ تِم خبردار کٔرؠ۔ ووٚنؠ آسو بہٕ توٚہہِ نِش تہٕ بہٕ چھُسو یونسنہِ کھۅتہٕ زیادٕ اہم مگر توٚہہِ ترٲیو نہٕ گناہ کرٕنؠ۔ اوے لاگیٚو توٚہہِ خدا عدالت۔42جنوبی اسرائیلس منٛز شبیا نٲوؠ مُلکٕچ ملکٲنؠ یۅسہٕ واریاہ کال برونہٛہ ٲس، آیہِ اکہِ دوٚہہ دراز علاقہٕ پیٚٹھٕ سلیمانؔ بادشاہ سُنٛد واعظ بوزنہِ یُس دانٲیی ہنٛز کتھ باوان اوس۔ ووٚنؠ آسو بٕتہِ توٚہہِ نِش۔ تہٕ بہٕ چُھسو سلیمانؔ سٕنٛدِ کھۅتہٕ زیادٕ اہم۔ مگر توٚہہِ ترٲیو نہٕ توتہِ گناہ کرٕنؠ۔ اوے ییٚلہِ خدا سارنےٕ لوٗکن عدالت لاگہِ ملکِ شبیا آسہِ توٚہہِ سٟتؠ تس برونہٛہ کنہِ تہٕ سۅ سوزیو توٚہہِ مزمت۔43یسوعن ووٚن پتہٕ ییٚلہِ کُنہِ وِزِ بدروح کٲنٛسہِ انسانس تراوِ یہِ چھُ روزان وٲرانن منٛز پھیران روزنہٕ باپتھ کٲنٛسہِ ژھاران ییٚلہِ نہٕ یہِ کٲنٛسہِ لبہِ۔44یہِ چھُ پانس ونان بہٕ گژھٕ واپس تٔسؠ نِش یٔمِس بہٕ پرٮ۪کس اوسُس ژامُت۔ اوے چھُ یہِ واپس یِوان تہٕ وُچھان زِ خدایہِ سُنٛد روح چھُنہٕ ووٚنؠ أمِس شخصس رٲچھ کینٛہہ۔ أکِس انسان سٕنٛز زندگی زٲنؠ تو سُہ اکھ مکان یُس صاف تہٕ پاک آمُت چھُ کرنہٕ تہٕ یمیُک پرٛتھ کانہٛہ چیز ترتیب سان تھاونہٕ آمُت چھُ، مگر چھُ یہِ خٲلی۔45اوٕ پتہٕ چھُ یہِ بدروح ژھانٛڈ دِتھ مذید ستن بدروحن انان یِم زیادے بد آسن تہٕ چھِ اتھ خٲلی مکانس منٛز روزنہِ لگان۔ یودوے أمِس انسان سٕنٛز حالت گۅڈے خراب ٲس مگر ووٚنؠ چھےٚ یہِ بد تر سپدان۔ یی سپدِ ہے بدکار انسانو. یِمو میٲنؠ تعلیم بوز۔ توٚہہِ سٟتؠ تہِ۔46ییٚلہِ زن یسوعؔ وُنہِ یِمن لوٗکن سٟتؠ کتھ کران اوس، امسنٛز موج تہٕ امسُنٛد کونژ بوے پیٚیہِ اورؠ وٲتِتھ۔ تِم رودؠ برس نٮ۪برٕ کنہِ وۅدٕنؠ تہٕ ٲسؠ یژھان أمِس سٟتؠ کتھ کرٕنؠ۔47کٔمؠ تام ووٚن تمِس، "چٲنؠ موج تہٕ چون کونژ بوے چھِ برس نٮ۪برٕ کنہِ وۅدٕنؠ، تہٕ تِم چھِ یژھان توٚہہِ سٟتؠ کتھ کرٕنؠ"48اوٕ پتہٕ ووٚن یسوعنؔ یہِ شیٚچھ واتناون وٲلِس نفرس، "بہٕ ونے ژےٚ میٲنؠ اصل موج تہٕ اصل بوے کم چھِ"49پتہٕ ہوو تٔمؠ پننٮ۪ن شٲگردن کُن تہٕ ووٚنُن، "یہِ چھےٚ میانہِ ماجہِ تہٕ میانٮ۪ن باین ہنٛز جاے رٹن وٲلؠ۔50تِم لوٗکھ آسمانس پیٚٹھ میٲنِس بب خدایہِ سُنٛد حکم پراون مانن پننٮ۪ن باین، بیٚنٮ۪ن تہٕ ماجہِ ہنٛز جاے۔
Bridge Connectivity Solutions Pvt. Ltd.