متی13
1أمی دوٚہہ تروو یسوعنؔ سُہ مکان یتہِ سُہ تعلیم دِوان اوس تہٕ دراو پنٕنؠ سٲری شٲگرد ہٮ۪تھ گلیلی سۅدرٕ بٔٹھِس کُن۔ سُہ بیوٹھ أتی،2تہٕ بوٚڈ لُکہٕ ہجوُم آو أمِس انٛدؠ انٛدؠ سٔمِتھ امسنٛز تعلیم بوزنہِ۔ لوٗکو باپتھ ہُریمانہٕ جاے بناونہٕ باپتھ۔ کھوٚت سُہ ناوِ تہٕ بیوٹھ اتی پیٚٹھٕ پنٕنؠ تعلیم دِوان۔ لُکہٕ ہجوُم بیوٹھ بٔٹھِس پیٚٹھےٕ یہِ بوزنہِ۔3ہٮ۪چھناونہٕ باپتھ ورتاوِ أمؠ واریاہ تمثیلہٕ۔ تٔمؠ ووٚن، "بوزِو! اکھ زمیندار گوو کُہَس منٛز کینٛہہ بیول وَونہِ۔4ییٚلہِ تٔمؠ بیول چھکُن لوگ، کینٛہہ بیول پیٚو بیرِ پیٚٹھ تہٕ سُہ کھیٚو جاناوارَو۔5کینٛہہ بیٚول پٮیٚو پتھر یتہِ اتھ منٲسب زمیٖنےٕ میجؠ نہٕ۔ چونکہِ آفتابن گرمٲو یہِ زمین ؤلؠ ؤلؠ۔6اتھ دراو بامُن تہِ ؤلؠ۔ ووٚنؠ گوو یُتھےٕ اتھ بامُن دراو، یِم ہوٚکھؠ تاپہٕ تہٕ تژرٕ سٟتؠ ؤلؠ ؤلؠ تکیازِ یِمو ٲولیٚو کُلیو ٲس نہٕ اتھ سخت زمینہِ منٛز موٗلےٕ دِتھ ہیٚکمٕتؠ۔ یِم موٗل ٲسؠ زمینہِ پیٚٹھؠ تہٕ پیٚیؠ دٔزِتھ7کینٛہہ بیول پیٚو کٔنٛڈؠ دوپھن منٛز۔ کٔنٛڈؠ بیول کھوٚت یِمن ٲولیٚن کُلٮ۪ن سٟتؠ سٟتؠ تہٕ کوٚرُکھ یِمن کُلیٚن جہار۔8ووٚنؠ گوو باقےٕ بیول پیٚو رٕژِ زمینہِ منٛز تہٕ یِم آے پھۅلِتھ تہٕ دِتُکھ رُت فصل۔ کینٛژو کُلیٚو دیُت ہتہٕ گنہٕ زیادٕ فصل روُونہٕ آمتہِ بیالہِ کھۅتہٕ، کینٛژو کُلیٚو دیُت شیٹھ گنہٕ زیادٕ تہٕ کینٛژو ترٕہہ گنہٕ۔9یودوے توٚہہِ یہِ زٲنِتھ ہیوٚکُو تیٚلہِ پزِ توٚہہِ میانہِ کتھہِ وارٕ ژٮ۪تھ دِنؠ۔10شٲگرد آے پتہٕ پہن أمِس نِش تہٕ پرُژھہَس، "ژٕ کیازِ تمثیلہٕ ونان ییٚلہِ ژٕ لوٗکن سٟتؠ کتھ چھُکھ کران؟"11تٔمؠ ووٚنُکھ، "خدا چھُ توٚہہِ پیٚٹھ تہِ طٲہِر کران، یِنہٕ سُہ تٔمؠ گۅڈٕ ظٲہِر کوٚر۔ آسمانہٕ پیٚٹھٕ بادشٲہی کرنس متعلق مگر یِمن لوٗکن پیٚٹھ کوٚرنہٕ تٔمؠ یہِ ظٲہِر مثالن منٛز۔12تِم لوٗکھ یِم تہِ سونچنس تہٕ زاننس لایق چھِ یہِ مےٚ ووٚن تِمن بناوِ خدا مزید زاننس لایق۔ مگر تِمن کُن یِم میون ونن وارٕ زاننس سونچنس لایق چھِنہٕ مشہِ پنُن زونمُت کوٚرمُت تہِ۔13اوے چھُس بہٕ تمثیلہٕ ونان ییٚلہِ بہٕ لوٗکن مخٲطب چھُس آسان۔ تکیازِ گوو زِ تِم چھِ دیدمان وُچھان میون کرُن کراوُن۔ تِم چھِنہٕ اتھ سمجھِتھ ہیٚکان۔ گو زِ تِم چھِ بوزان یہِ بہٕ ونان چھُس مگر تِم چھِنہٕ أمکِس معنہِ مفہومس واتان۔14یِم لوٗکھ یہِ کران چھِ تہِ چھُ خدایہِ سُنٛد سُہ ونُن پوٗرِ پوٗرٕ کران یہِ تٔمؠ واریاہ کال برونہٛہ یسعیاہؔ نبیس ووٚن۔ توٚہؠ بوزِیو یہِ مےٚ ووٚن مگر توٚہؠ سمجھِو نہٕ اتھ۔ توٚہؠ وُچھِو یہِ بہٕ کران چھُس مگر توٚہؠ ہیٚچھِو نہٕ أمیُک معنی۔15خداین ووٚن یسعیاہسؔ یِتہِ، "گو زِ تِم لوٗکھ چھِ میون ونُن بوزنس لایق۔ مگر تِم سمجھن نہٕ ہرگِز أمیُک پٲغام۔تِمن چھےٚ أچھ وُچھنہٕ باپتھ۔ مگر تِم ہیٚکن نہٕ صاف صاف وُچھتھےٕ زِ تِم وُچھان کیا تہٕ کوکُن۔ تِمو چھےٚ پننہِ أچھ وچمژٕ اوٕ چھِنہٕ ہیٚکان وُچھِتھ تہِ۔تِم چھِنہٕ پننیٚو کنَو وُچھِتھ ہیٚکان تہٕ پننیٚو بوزِتھ ہیٚکان تہٕ نہ چھِ سمجھتھےٕ ہیٚکان۔یودوے تِم وُچھِتھ بوزِتھ تہِ سمجھِتھ ہیٚکہٕ ہن، تِم پھیرہن مےٚ کُن۔ خدا چھُ ونان بہٕ بٔلراوکھ تِم"16یوٚتام ووٚنؠ تُہنٛد سوال چھُ، خداین بنٲیو توٚہؠ اتھ لایق تکیازِ توٚہؠ چھُو ژٮ۪تراوان مےٚ کیا گو تکیازِ توٚہؠ چھُو سمجھان یہِ بہٕ ونان چھُس۔17یہِ بہٕ توٚہہِ ونان چھُس تہِ چھُ پوٚز: واریاہ نبی تہٕ راستباز لوٗکھ یِم واریاہ برونہٛہ کالہِ یتھ بُترٲژ پیٚٹھ ٲسؠ، رودؠ تہِ وُچھنہٕ باپتھ تچھ بچھ کران یہِ توٚہؠ ووٚنؠ مےٚ کران وُچھان چھُو۔ ووٚنؠ گو تِمو ہیوٚک نہٕ وُچھِتھ۔ تِمو یوٚژھ تہِ بوزُن یہِ توٚہؠ مےٚ ونان بوزان چھُو تِمو بوز نہٕ تہِ یہِ توٚہؠ مےٚ ونان بوزان چھُو۔18ووٚنؠ بوزؠ تو میانہِ ونہِ مژٕ تمثلیلہِ ہُنٛد معنہِ مفہوم۔ تمِس انسان سٕنٛز تمثیل یمؠ مختلف درجہٕ کٮ۪ن زمینن بیول وۅو۔19کینٛہہ لوٗکھ چھِ بوزان زِ خدا کِتھہٕ چھُ بادشٲہی کران مگر سمجھِتھ چھِ ہیٚکان۔ یِم چھِ تتھ بیرِ ہِوؠ یتھ بیول پیٚو۔ تمِس جاناوار سنٛدؠ پٲٹھؠ یُس بیول چھُ کھیٚوان۔ بدکار شیطان چھُ یوان تہٕ یِمن لوٗکن مشراوناوان زِ یِمو کیا بوز۔20کینٛہہ لوٗکھ چھِ خدایہِ سٕنٛز شیٚچھ بوزان تہٕ ؤلؠ ؤلؠ اتھ مازان۔ یِم بوزؠ تو چھِ سنگلاخ زمین یتھ پیٚٹھ بیول چھکنہٕ آو۔21ووٚنؠ گو سنگلاخ زمین آسنہٕ کِنؠ ہیوٚکنہٕ یہِ بیول پنٕنؠ موٗل زمینہِ انٛدر واتنٲوِتھ۔ تِمو کٔر اتھ پژھ کمےٕ کالس۔ یِم چھِ تِم کُلؠ یِمن نہٕ سٔنؠ موٗل چھِ۔ ییٚلہِ لوٗکھ یِتھٮ۪ن لوٗکن ستاوان چھِ تہٕ یِم عِذا دِوان روزان چھِ، یِم چھِ پنٕنؠ پژھ ترٲوِتھ گنہن منٛز پھسان۔22کینٛہہ لوٗکھ چھِ خدایہِ سٕنٛز شیٚچھ بوزان مگر یژھان چھِ یِم امیر بنٕنؠ۔ اوے چھِ یِم چھرا پونٛسہٕ باپتھ ژھل بل کران روزان تہٕ پریشان روزان أمہِ پونٛسہٕ سٟتؠ کینٛہہ نتہٕ کینٛہہ مٔلؠ ہٮ۪نہٕ باپتھ۔ اوٕ کِنؠ چھِ یِم خدایہِ سٕنٛز شیٚچھ مشراوان تہٕ تِمن چیزن کُن تھر کران یِمہٕ خدا کرنہٕ باپتھ ونان چھُ۔ یِم لوٗکھ بوزؠ توکھ سۅ زمین منٛز کنٛڈؠ بیول تہِ چھُ۔23ووٚنؠ گوو کینٛہہ لوٗکھ چھِ میٲنؠ شیٚچھ بوزان تہِ تہٕ سمجھان تہِ۔ کینٛہہ لوٗکھ چھِ تِژھٕ واریاہ کامہِ کران یِمہٕ خدایس خوش چھےٚ۔ کینٛہہ چھِ أمہِ علاوٕ تہٕ خدایس رنٛزناونچہِ کامہِ کران تہٕ کینٛہہ چھِ پزی بسیار یِژھٕ کامہِ کران یِمہٕ خدایس خوش چھےٚ۔ یِم بوزؠ تو سۅ رٕژ ذرخیز زمین یتھ پیٚٹھ کینٛہہ بیول پیٚو۔24یسوعن ونہِ اتھ ہجومس بیٚیہِ تہِ کینٛہہ تمثیلہٕ۔ تٔمؠ ووٚن ییٚلہ خدا آسمانہٕ پیٚٹھٕ بادشٲہی کران چھُ۔ یہِ بوزؠ تو زنتہٕ أکؠ زمین دارن پنٕنؠ نوکر کھہَس رُت بیول رونہِ سوزؠ۔25یمہ وِزِ یِم نوکر نٮ۪ندرِ ٲسؠ تہٕ کھہَن رٲچھ ٲسؠ نہٕ کران۔ أمِس زمیندار سُنٛد دُشمن آو تہٕ چھوٚکُن اتھ زمینس کٔنڈؠ بیول یتھ کٕنکھ ؤوِتھ اوس۔ تہٕ دراو پانس۔26ییٚلہِ یِمو بیالیٚو کوٚٹ کوٚڈ تہٕ سبٕز سبٕز کُلؠ دوپھ نٔنؠ دراے تہٕ ہیٚلؠ ہیٚتِن بنٕنؠ۔ اتھ سٟتؠ کھٔتؠ کنٛڈؠ دوپھ تہِ۔27اوے آے زمیندار سٕنٛدؠ نوکر أمِس نِش تہٕ ووٚنہَس، "جناب توٚہہِ دِیو اسہِ پزی رٕتؠ بیٲلؠ تہٕ تِمے ؤوؠ اسہِ تہنٛدِس کھہَس منٛز۔ مگر یِم کنٛڈؠ دوپھ کتہِ آے۔28زمیندارن ووٚنُکھ، "یہِ کوٚر میانیٚو دُشمنو۔ پننیٚو نوکرو ووٚنُس، توٚہؠ چھُو یژھان زِ أسؠ کڈو کٔنٛڈؠ دوپھ موٗلو۔29تٔمؠ ووٚنُکھ اورٕ، نہ مہٕ کٔرِو یہِ۔ خبر توٚہؠ ما کٔڈیو اتھ ہامس سٟتؠ کٕنکہٕ کُلؠ تہِ۔30دیو اتھ کِنکس تہِ یِمن ہامن یکہٕ وٹہٕ کھسنہِ ہردس تام۔ تٔمہِ وِزِ ونہٕ بہٕ لوٚنن والیٚن۔ گۅڈٕ سمھبرٲیِو یِم پانہٕ یمن گنڈِو زالنہٕ باپتھ۔ اوٕ پتہٕ سمبھرٲیِو کٕنکھ۔ تہٕ ترٲیِو سُہ کُچھن۔31یسوعنؔ ؤنؠ سۅ تمثیل تہِ۔ ییٚلہِ خدا آسمانہٕ پیٚٹھٕ بادشٲہی کران چھُ۔ یہِ زٲنتو تِلہٕ گۅگل بیول یہِ کھسان چھُ ییٚلہِ اکھ انسان یِمن کھہَن منٛز ووان چھُ۔32یودوے زن تِلہٕ گۅگل بیول باقےٕ ساروےٕ بیالیٚو منٛزٕ نیُک چھُ آسان یِم لوٗکھ ووان چھِ۔ اسرائیلس منٛز چھِ یِم بٔڈؠ کُلؠ بنان ییٚلہِ یِم کُلؠ پوٗرٕ جہار لبان چھِ یِم چھِ باقےٕ باغہٕ کُلٮ۪ن ہنٛدؠ کھۅتہٕ بٔڈؠ آسان۔ یِم چھِ بنان بٔڈؠ بٔڈؠ دوپھ۔ بعضے کُلیٚو بٔڈؠ تہِ۔ تہٕ تیٖتؠ بٔڈؠ تہِ گژھان یمچٮ۪ن لنجن منٛز جاناوار ٲلؠ ییران چھِ۔33یسوعنؔ ؤنؠ بیاکھ تمثیل تہِ۔ ییٚلہِ خدا آسمانہٕ پیٚٹھٕ بادشٲہی کران چھُ، زٲنتو زنتہٕ اکھ زنان ژۅچہِ بناونہِ لگان چھےٚ۔ تٔمؠ اوٚن ژتجی لیٹر اوٹ تہٕ رلٲونس رژھ کھنٛڈ خمیر تہٕ ژوٚٹ لٔج کھسنہِ۔34یسوعن ونہِ تمثیلہٕ لوٗکن رنگہٕ رنگہٕ چیز ہٮ۪چھناونہٕ باپتھ۔ ییٚلہِ تہِ سُہ تِمن سٟتؠ کلام کران اوس تس ٲس ہٲل یِژھے ہِشہٕ دلیلہٕ تہٕ تمثیلہٕ وننٕچ۔35یہِ کرنہٕ سٟتؠ بنوو تٔمؠ پننٮ۪ن وننہٕ آمتٮ۪ن واریاہ کال برونہٛہ خدایہِ سُنٛد ونُن پوٚز۔ بہٕ کرٕ توٚہہِ سٟتؠ تمثیلن منٛز کتھ۔ بہٕ ونہٕ توٚہہِ تمثیلن منٛز سُہ راز یُس مےٚ یہِ دنیا بناونہٕ پیٚٹھٕ رازےٕ تھوو۔36ییٚلہِ یسوعنؔ اتھ ہجومس رخصت دیُت، سُہ ژاو مکانس منٛز، اوٕ پتہٕ آس شٲگرد تہٕ ووٚنہَس، "اسہِ تٲرِو فکرِ کٕنکہٕ کھہَس منٛز کھسن واجنیٚن ہامن ہنٛز تمثیل"37أمؠ ووٚنُکھ سُہ یُس رُت بیول ووان چھُ گوس بہٕ آدمؔ سُنٛد گوبر۔38کھاہ گو یہِ دنیا یتہِ لوٗکھ لسان بسان چھِ۔ سُہ بیول یُس پوٚز پھلِتھ آو گو تِم لوٗکھ یِمن بب خدا چھُ۔ پر گاسہٕ چھُ تِمن لوٗکن ہنٛز نمایندگی کران یہُنٛد خدا شیطان چھُ۔39تہٕ ہامہٕ گَے تِم لوٗکھ یِمن مول شیطان چھُ دشمن یمؠ ہامہٕ بیول وو گو شیطان۔ سُہ وقت ییٚلہِ لوٚنن وٲلؠ فصل لوٚنن گو سُہ وقت ییٚلہِ دنیا انٛد واتہِ۔ لونن وٲلؠ گے فرشتہٕ۔40ہامہٕ چھےٚ یِوان سمبراونہٕ تہٕ زالنہٕ۔ یہِ گو ییٚلہِ خدا لوٗکن عدالت لاگہِ ییٚلہِ دنیا انٛد واتہِ۔ یہِ آسہِ یتھٕ پٲٹھؠ۔41بہٕ، آدمؔ سُنٛد گوبر سوزِ پنٕنؠ فرشتہٕ یِم سمبراون میانہِ بادشٲہی تحت تِم سٲری چیز یِم لوٗکن گنہن کُن مٲیِل کران چھِ تہٕ تِم یِم خدایہِ سنٛدین حکمن نہ بوزُن کران چھِ42یِمن لوٗکن برن فرشتہٕ جہنم کِس نارس۔ اتہِ روزن یِم لوٗکھ ودان رِوان تہٕ دند ٹکان تمہِ دگہِ سٟتؠ یۅسہٕ تِمن اتہ تُلٕنؠ آسہِ۔43بہر حال تِم لوٗکھ یِم تسنٛدِ یژھنہٕ مطٲبق لسان بسان چھِ روزان چھِ آفتابٕکؠ پٲٹھؠ پرٮ۪زلان۔ تِم روزن پرزٕلان تکیازِ تُہنٛد بب خدا روز تِمن پیٚٹھ بادشٲہی کران۔ یودوے توٚہؠ یہِ سمجھنس لایق بٔنِو، توٚہہِ پزِ ژٮ۪تھ دِتھ میون ونُن زانُن۔44آسمانو پیٚٹھٕ خدایہِ سٕنٛز بادشٲہی چھےٚ واریاہ مۅلٕل۔ زٲنؠ تو اکھ زۅنا چھُ کنہ کھاہ منٛزٕ تیُتھ خزانہٕ لبان یُس اتہِ بیٚیہِ کٲنٛسہِ دۅبرٲوِتھ تھوومُت اوس۔ ییٚلہِ أمؠ یہِ کھٔنِتھ کوٚڈ، تٔمؠ دۅبروو یہِ أتی بیٚیہِ تاکہِ بدل کانہٛہ لبہِ نہٕ اتھ۔ ادٕ دراو یہِ خوش خوش تہٕ کنُن پنُن سورےٕ جایداد تاکہِ یہِ کھاہ مٔلؠ ہٮ۪نہٕ باپتھ گژھنس پونٛسہٕ جمع۔ پتہ گو تہٕ ہیٚوتُن یہِ کھاہ مٔلؠ۔ تہٕ یتھٕ پٲٹھؠ کٔرِن یہِ دولت حٲصِل۔45أمہِ علاوٕ آسمانہٕ پیٚٹھٕ خدایہِ سٕنٛز بادشٲہی چھےٚ تیٖژاہ مۅلٕل، زٲنتو أکؠ باپٲرؠ رٕتہِ درجُک دُرٕ ژھارنُک سنٛز کوٚر۔46ییٚلہِ تٔمؠ اکھ لال لوٚب یُس بازرس منٛز کٕننہٕ یِوان اوس تٔمؠ کُن پنُن سورےٕ جایداد پونٛسہٕ جمع کرنہٕ باپتھ تاکہِ اتھ ہیٚیہِ مٔلؠ۔ اوٕ پتہٕ آو اتھ مٔلؠ ہیٚنہِ۔47ییٚلہِ خدا آسمانہٕ پیٚٹھٕ بادشٲہی کران چھُ تٔمؠ کوٚر تمِس گاڈٕ ہٲنٛزٕ سٕنٛدؠ پٲٹھؠ یم پننس بٔڈِس زالس منٛز اکھ بٔڈ گاڈ لٔب أکِس سرس منٛز۔ یِمو لبہِ واریاہ گاڈٕ۔ فٲیدٕ منٛد تہٕ غٲر فایدٕ منٛد۔48ییٚلہِ زال برنہٕ آو تِمو لوٚم اتھ بٔٹھِس کُن۔ اوٕ پتہٕ بیٹھؠ تِم أتی تہٕ برٮ۪کھ رٕژ گاڈٕ أکِس بانس۔ مگر غٲر فٲیدٕ منٛد دِژکھ دٲرِتھ۔49ییٚلہِ دنیا انٛد واتہِ۔ یی سپد لوٗکن سٟتؠ۔ یتہِ خدا لوٗکن عدالت لاگہِ تور واتن فرشتہٕ تہٕ کرن الگ الگ راستباز لوٗکن تہٕ بدکارن۔50تِم تراون بدکارن جہنم کِس نارس۔ یِم بدکار روزن اتہِ ودان رِوان تہٕ روزن دند ٹکان تمہ شدید دگہِ تہٕ عذابہٕ کِنؠ یِم یِمن تُلٕنؠ پییہ۔51اوٕ پتہٕ پرُژھ یسوعنؔ پننٮ۪ن شٲگردن، "توٚہہِ ترِوا فکرِ یِمہٕ سارے تمثیلہٕ یِمہٕ مےٚ ونیٚو. تِمو ووٚنُس اورٕ، "آ۔ اسہِ ترِ یِمہٕ فکرِ۔52أمہِ پتہٕ ووٚن تمؠ استادن تہٕ کتھہٕ وٮ۪ژھناون وٲلؠ شٲگردن یِم یِمن تمثیلن سمجھان چھِ تہٕ امی حسابہٕ عمل تہِ کران چھِ آسمانہٕ پیٚٹھٕ خدا سنٛزِ بادشٲہی منٛز چھِ تس مٲلکہِ مکان سٕنٛدؠ پٲٹھؠ یُس نٔوؠ تہٕ پرٲنؠ چیز سٲری پننہِ گدامہٕ منٛزٕ نٮ۪بر کٔڈِتھ یِمن تقسیم کران چھُ۔53ییٚلہِ یسوعنؔ مۅکلاوِ یِمہٕ تمثیلہٕ ؤنِتھ تٔمؠ تُلؠ پنٕنؠ شٲگرد پانس سٟتؠ تہٕ دراو امہِ علاقہٕ منٛزٕ۔54اوٕ پتہٕ گےَ تِم یسوعؔ سٕنٛز زیٚنہٕ جاے نصرت کِس قصبس منٛز۔ سبات کہِ دوٚہہ کٔرؠ أمؠ ہیکلس منٛز لوٗکن تعلیم دِنؠ شروع۔ اتھ پیٚٹھ گے اتہِ لوٗکھ حٲران کینٛژو ووٚن۔ یہِ انسان چھُ اسی ہیٚو اکھ عام انسان تیٚلہِ کِتھہٕ پٲٹھؠ چھُ یہِ ممکن زِ یہِ زانہِ یوٗتاہ تہِ یہِ کِتھہٕ پٲٹھؠ چھُ یِم معجزٕ کران۔55یہِ چھُ أکِس چھانہٕ سُنٛد نیٚچو یقیناً چھُ امسنٛزِ ماجہِ ہُنٛد ناو مریم تہٕ امسنٛدؠ کٲنٛژؠ باے چھِ یعقوب، یوسف، شمعون تہٕ یہُوداہنؔ۔56تہٕ امسنٛزٕ سارے بیٚنہِ چھےٚ یتی سٲنِس قصبس منٛزےٕ روزان۔ یہِ کِتھہٕ پٲٹھؠ چھُ اسہِ تعلیم دِنس لایق تہٕ یِمہٕ کامہِ کرنس قٲبل۔57لوٗکو کٔر اتہِ یسوعؔ سٕنٛز حٲکمیت تٔتی نامنظور اوے ووٚن یسوعن یِمن لوٗکھ چھِ مےٚ تہٕ باقےٕ نبین عزت کران پرٛتھ جایہِ یوٚت أسؠ گژھو مگر پننہِ زمینہِ جاین منٛز چھُنہٕ اسی عزت میلان بلکہِ پننس ٹبر تام چھُنہٕ اسہِ عزت کران۔ یہِ چھُ یقیناً پوٚز۔58اتہِ کٔرؠ نہٕ یسوعنؔ زیادٕ معجزٕ تکیازِ لوٗکن ٲسنہٕ پژھ زِ سُہ چھُ مجاز یم کرنُک۔
Bridge Connectivity Solutions Pvt. Ltd.