متی11
1ییٚلہِ یسوعؔ پننٮ۪ن بہَن شٲگردن ہِدایت دِتھ مۅکلیوو، تٔمؠ سوزؠ تِم اسرائیل کٮ۪ن مختلف قصبن کُن۔ اوٕ پتہٕ گوو سُہ پانہٕ تہِ انٛدؠ پٔکؠ کیٚن اسرائیلی قصبن کُن تعلیم دِنہِ۔2یپٲرؠ ییٚلہِ زن بپتسمی یوحنا وُنہٕ جیلس اوس، تٔمؠ بوز مسیحؔ کیا چھُ کران۔ اوے سوزؠ أمؠ پنٕنؠ کینٛہہ شٲگرد أمِس نِش3أمِس پرژھنہِ، "کیا ژٕ چھُکھا سُہ نجات دِنہٕ وول مسیحؔ یمہِ سٕنٛدِ یِنچ خوش خبر نبیو دِژمٕژ چھےٚ کِنہٕ سُہ چھُ بدل کانہٛہ یسنٛدِ ینچ امید اسہِ تھاوٕنؠ پزِ۔4یسوعنؔ ووٚن یورٕ یوحنا سنٛدین شٲگردن، "نیرِو واپس تہٕ واتنٲیو یہِ شیٚچھ یوحناہسؔ یہ کینٛژھا توٚہؠ مےٚ لوٗکن ونان بوزان چھُو تہٕ یہِ توٚہؠ مےٚ کران وُچھان چھُو۔5بہٕ چھُسکھ انؠ بیمار گاش دار بناوان، تہٕ بہٕ چھُسکھ لنٛگؠ پکنس لایق بناوان۔ بہٕ چھُس تِمن لوٗکن شفا بخشان یِمن کوڑھ چھُ تہٕ تِم چھُسکھ برادری منٛز واپس اژنس قٲبِل بناوان۔ بہٕ چُھسکھ زرؠ دُبارٕ بوزنس لایق بناوان، تہٕ بہٕ چُھسکھ مودؠ مٕتؠ لوٗکھ دبارٕ زندٕ کران۔ بہٕ چھُس غریب لوٗکن خدایہِ سنٛز رٕژ شیٚچھ ونان۔6یوحناہسؔ تہٕ ون زِ بہٕ چُھس لوٗکن ہیٚچھناوان زِ خدا چُھ تمن لوٗکن سٟتؠ خوش یِم نہٕ ناراض گژھان چِھ ییٚلہِ تم وُچھان چھِ زِ بہٕ کیا چُھس کران تہٕ یہٕ چھِ بوزان یہِ بہٕ ہیٚچھناوان چھُس"7ییٚلہِ یوحناؔ سنٛدؠ شٲگرد دوٗر گےَ، یسوعنؔ کٔر یوحناہسؔ متعلق لوٗکہٕ ہجومس سٟتؠ کتھ کرٕنؠ شروع۔ تمؠ ووٚن تِمن، "ییٚلہِ توٚہؠ بیابانن منز نیرِو یوحناہسؔ نِشہٕ ہیٚچھنہٕ خٲطرٕ تہٕ سُہ توٚہہِ بپتسمہ دِنہٕ خٲطرٕ، توٚہؠ ٲسِو نہٕ یقیناً تمہِ قسمُک شخص وُچھنُک توقع کران یُس آسٲنی سان باقیو سٟتؠ متٲثر چُھ گژھان، یتھ کنؠ زَن اکھ سرکنڈٕ یُس ہوہس منز انٛدؠ پٔکؠ وُڑان چُھ!8توٚہہِ کیا وُچھنُک توقع کوٚرُو؟ یقیناً اوسنہٕ کانہٛہ نفر یمِس درۅگؠ پلو لٲگِتھ ٲسؠ۔ توٚہؠ چھُو وارٕ پٲٹھؠ زانان زِ یِتھؠ پلو لاگن وٲلؠ لوٗکھ چھِ بادشاہن ہنٛدٮ۪ن محلن منٛز روزان نہ کہِ بیابانس منٛز۔9توٚہہِ کیا وُچھنُک توقع کوٚرُو؟ اکھ نبی؟ آ۔ مگر بہٕ ونو توٚہہِ یہِ زِ: یوحنا چُھنہٕ صرف کانٛہہ عام نبی، بلکہ سُہ چُھ تمام نبیو کھۅتہٕ بوٚڑ۔10یوحنا چھُ سُہ یمہِ سُنٛد خدا اوس ذکر کران ییٚلہِ کٲنسہٕ صحیفن منٛز لیوکھ تہٕ ووٚن، 'وُچھِو، بہٕ چُھس پنن قٲصد توٚہہِ برونٹھ سوزان۔ سُہ کرِ تُہنٛدِ یِنہٕ خٲطرٕ لوٗکن تیار۔11یہِ بہٕ توٚہہِ ونان چھُس تہِ چھُ پوٚز: تمو تمام لوٗکو منٛزٕ یم ونیُک تام زندٕ چھِ، خدا چُھ یوحناہسؔ بپتسمہ دِنہٕ وول ساروے کھۅتہٕ بوٚڑ سمجھان۔ امی وقتہٕ چھُ خدا تمن لوٗکن سمجھان یم پننٮ۪ن لوٗکن منٛز غأر ضروری چِھ باسان یمن پیٚٹھ سُہ آسمٲنؠ حکمرٲنی چُھ کران یوحناہسؔ کھۅتہٕ تہِ زیادٕ اہم چُھ۔12تمہٕ وقتہٕ پیٚٹھ ییٚلہِ بپتسمہ دِنہٕ وول یوحناہن عوامس منٛز کُھلہٕ پٲٹھؠ تبلیغ کوٚر، کینٛہہ پرتشدد لوٗکھ چھِ تمن لوٗکن نۅقصان واتناوان یم آسمان کِس خدایہِ سنٛدؠ لوٗکھ چھِ۔13پرٛتھ کانہٛہ چیز یُس بہٕ ونان چھُس یوحناہسؔ متعلق، سُہ چُھ امہٕ حقیقت سٟتؠ پوٚز ثٲبت سپدان زِ نبیو چھُ اتھ متعلق لیٚوکھمُت تہٕ موسیٰ ہنؔ چھُ اتھ متٮعلق شریعتس منٛز لیٚوکھمُت۔ یمو ساروےٕ لیوکھ یوحناہسؔ متعلق تمہِ برونہٛہ ییٚلہِ سُہ زنٛدٕ اوس۔14نہ صرف تہِ، بلکہِ اگر توٚہؠ یہِ سمجھُن یژھان چھُو، بہٕ ونو توٚہہِ زِ یوحناؔ چھُ زنتہٕ ایلیاہؔ نبی سنٛدؠ پٲٹھؠ، یُس نبیو ووٚن زِ سُہ ییہِ آینٛدٕ دُبارٕ دویمہِ پھرِ۔15یُس تہِ بوزنہٕ خٲطرٕ تیار چُھ، توٚہؠ پزِ اتھ پؠٹھ غور کرُن زِ بہٕ کیا چُھس ونان۔16توٚہہِ منٛزٕ واریاہ یِم زنٛدٕ چھِ وُنکٮ۪ن، چھِ زنتہٕ بچہٕ یِم زن بازرن منٛز گنٛدان چھِ۔ یِمن حالاتن منٛز، یوحناؔ تہٕ بہٕ چھِ تِمن کینٛژن ہنٛدؠ پٲٹھؠ یِم توٚہہ باقےٕ شُرؠ چھِ ونان17تہٕ چھِ تِمن ونان، "اسہِ گیٚوو تہنٛدِ باپتھ نیہِ پیٚٹھ خۅشوُن ساز، مگر توٚہہِ کوٚرو نژنس اِنکار! پتہٕ گیٚوو اسہِ تہنٛدِ باپتھ غمگیٖن جنازُک بٲتھ، مگر توٚہہِ کوٚرو ودنس اِنکار!"18بہٕ چُھس یہِ ونان تکیازِ توٚہہِ بوزُو نہٕ یوحناؔ سُنٛد ییٚلہِ سُہ توٚہہِ نِش آو۔ تمؠ کھیو نہٕ اصل غذا تہٕ نہ چیون شراب یِتھٕ پٲٹھؠ زن واریاہ لوٗکھ کران چھِ، توتہِ کوٚروون توٚہہِ سُہ رد تہٕ ووٚنو، "شیطان چھُ امِس قوبو کران"19بہٕ تہِ چھُس یہِ ونان تکیازِ بہٕ، آدمؔ سُنٛد گوبر اوسُس نہٕ یوحناہسؔ ہیٚو ییٚلہِ بہٕ آس۔ بہٕ چھُس سُے غذا کھیوان تہٕ مشروب چیٚوان یِتھٕ پٲٹھؠ باقےٕ لوٗکھ کران چھِ۔ مگر توٚہہِ کوٚروُس بہٕ تہِ رد تہٕ ونُو، "وُچھِو، یہِ نفر چھُ واریاہ غذا کھیٚوان تہٕ واریاہ مشروب چیٚوان، تہٕ سُہ چُھ محصول جمع کرن والیٚن یار تہٕ تِمن لوٗکن یم نہٕ موسیٰ سنٛدِ شریعتچ اطاعت چِھ کران" مگر خدا چُھ پنٕنؠ حکمت ہاوان زِ میانہِ خدمتہٕ تہٕ یوحناؔ سنٛزِ خدمژ دٔسؠ کِتھ کِنؠ چھےٚ لوٗکن ہنٛز زندگی تبدیل گژھان"20تِمن قصبن منٛز ییٚتہِ یسوعنؔ پنٕنؠ واریاہ معجزٕ ٲسؠ کٔرؠ مٕتؠ، تتہِ کٮ۪و لوٗکو کوٚر وُنہِ تہِ پننیٚن بُرٕ کامیٚن پیٚٹھ توبہٕ کرنہٕ نِش اِنکار۔ توَے ہیوٚت تٔمؠ تِمن بےعزتی سان یہِ ونُن،21"توٚہؠ لوٗکھ یِم زن خُرازین شہرس منٛز روزان چِھ تہٕ تم یِم بیت صیدا شہرس منٛز، خدا دِیہِ توٚہہِ سزا تُہنٛدیو بڈیو گنہو کِنؠ! تکیازِ مےٚ کٔرؠ تہنٛدٮ۪ن شہرن منٛز واریاہ معجزٕ، مگر توٚہہِ رُکٲیو نہٕ گناہ کرٕنؠ۔ اگر مےٚ یِم معجزٕ ٹائر تہٕ صیدا کیٚن بُرٕ شہرن منٛز کٔرمٕتؠ آسہٕ ہن، یِم واریاہ کال برونہٛہ موجود ٲسؠ، تِمو بدکار لوٗکو آسہن یقیناً گناہ کرٕنؠ بند کرؠ مٕتؠ۔ تِم آسہن کھردر، خشٕک ماتم پلو لٲگِتھ تہٕ نارکِس سرٕد سوٗرس پیٚٹھ بہِتھ، یہِ زن لوٗکن ہُنٛد رسم چھُ یمن پننٮ۪ن بُرٕ کامٮ۪ن پیٚٹھ افسوس چھُ۔22ؤلِو بہٕ ونو یہِ کتھ: خدا دِیہِ بدکار لوٗکن سزا یِم صور تہٕ صیدون شہرن منٛز روزان ٲسؠ مگر توٚہہِ دِیو تٔمہِ کھۅتہٕ بوٚڈ سزا ییٚلہِ سُہ عدالت لاگہِ قیامتکہِ دوٚہہ۔23مےٚ چُھ توٚہہ لوٗکن تہٕ کینٛہہ ونُن یِم کفرنحوم شہرس منٛز روزان چھِ۔ تُہنٛد خیال چھا زِ باقےٕ لوٗکھ کرن توٚہہِ تیٖتؠ تعریف زِ توٚہؠ گٔژھِو سیوٚدُے جنتس۔ یہِ سپدنہٕ۔ بلکہِ ؤسِو توٚہؠ تل یتہِ خدا لوٗکن مرنہٕ پتہٕ سزا دِوان چھُ۔ یودوے مےٚ یِمے معجزٕ پرانہِ کالہٕ کِس شہرس منٛز ہٲوؠ مٕتؠ آسہٕ ہن تِمو بدکار لوٗکو آسہِ ہن گناہ کرٕنؠ ترٲوؠ مٕتؠ تہٕ تُہنٛد شہر سدومؔ آسہِ ہے وُنہِ تہِ موجود۔ مگر توٚہہِ ترٲیو نہٕ گناہ کرٕنؠ۔24مےٚ دِیو وننہٕ خدا دِیہِ سدومؔ شہرس منٛز روزن والیٚن سزا۔ مگر سُہ دِیہِ توٚہہِ زیادٕ سخ سزا قیامتکہِ دوٚہہ۔25أمہِ وقتہٕ کوٚر یسوعنؔ دعا۔ ہے ببا! ژٕ چھُکھ زمینن تہٕ آسمانن پیٚٹھ حکمرٲنی کران۔ بہٕ چھُس چون شکُر ادا کران زِ ژےٚ تھاوٮ۪تھ یِمہٕ کتھہٕ دانا تہٕ پانس زانن وٲلؠ ونن والیٚن نِشہٕ کٔھٹِتھ بلکہِ کریٚتھ یِمہٕ ظٲہِر تِمن لوٗکن پیٚٹھ یِمو چون پزر قبول کوٚر۔ یتھٕ پٲٹھؠ کانہٛہ شُر بُڈٕ سُنٛد پوٚز زٲنِتھ قبول کران چھُ۔26ہے ببا! بالکل ژےٚ کوٚرُتھ یہِ رُت زٲنِتھ۔27پتہٕ ووٚن یسوعنؔ لوٗکن کُن، میٲنؠ ببن خداین کوٚر مےٚ پیٚٹھ ظٲہِر سورےٕ کینٛہہ یہِ مےٚ زاننُک ضرورت اوس پنٕنؠ کٲم کرنہٕ باپتھ۔ چھرا زانہِ میون ببےٕ۔ بہٕ چھُس کُس ژکہِ۔ أمہِ مزید زانو چھرا بہٕ تِم لوٗکھ یِمن پیٚٹھ مےٚ ظٲہِر کرُن یژھ پزنہٕ پٲٹھؠ تس۔28مےٚ کُن یِیو توٚہؠ تمام لوٗکھ یِم لوسؠ مٕتؠ چھِ، تِمن حکمن ہنٛز پٲروی کران کران یِمن تہنٛدؠ زِٹھؠ توٚہہِ پیروی کرنہٕ باپتھ ونان چھِ۔29مےٚ کٔرِو تسلیم یتھٕ پٲٹھؠ اکھ عقل مند ییچہِ قبول کران چھُ تہٕ ہیٚچھِو بہٕ کیا چھُسو ہیٚچھناوُن یژھان۔ بہٕ چھُسو بڈٕ شریف تہٕ نرم۔ توٚہہِ میلہِ پزی آرام۔30تکیازِ میون بور آسیٚو لوٚت۔ بہٕ تراوَو نہٕ زانہٛہ گوٚب بار۔
Bridge Connectivity Solutions Pvt. Ltd.