مرقُس14
1وُنہِ ٲس تتھ بڈِس دوٚہس زٕ دوٚہہ باقی یُس تِم لوٗکھ پورٕ أکِس ہفتس مناون شروٗع کرِہن تتھ ٲس تِمؠ ونان فسح۔ تِمنہٕ دوٚہُن دوران ٲسؠ تِم سُہ بوٗڈ دوٚہہ تہِ مناوان یتھ تِم عیدِ فطیٖر ونان ٲس۔ کاہن سردار تہٕ یہُودؠ فیقہٕ ہیٚچھٕ ناون وٲلؠ ٲسؠ منصوبہ بناوان زِ تِم کتھٕ پٲٹھؠ رٹن یسوعؔس فریب دِتھ۔ تِم ٲسؠ یژھان أمِس رومی حاکِمن برونٛہہ کنہِ الزام دیُن یتھٕ پٲٹھؠ تِم تمِس قتل کرہن۔2تِم ٲسؠ أکِس اکھ ونان، "اسہِ پزِ نہٕ یہِ بوٚڈ دوٚہہ مناونس دوران کرُن کینٛہہ تکیازِ اگر اسہِ یہِ کوٚر پتہٕ لوٗکن کھٔسؠ تن شرارت تہٕ گژھن اسہِ خلاف تہٕ سپدِ فساد!"3یسوعؔ اوس بیت عنیاہ گامس منٛز شمعونؔ یُس برونٛہہ مینٛدؠ لد اوس ، سٕنٛدؠ گرِ مہمان۔ ییٚلہِ تِم غذا کھیوان ٲسؠ، اکھ زنان آیہِ تِمن نِشہ۔ تمِس زنانہِ اوس اکھ سنگِ مرمرکُ عطرِدان یتھ منٛز قیمتی عطر ٲس، سۅ ٲس ناردل کُلچ صاف عطر، یۅسہ سیٹھاہ محنتہٕ سٟتؠ بناونہٕ ٲس آمٕژ۔ تمہِ مُژرٲو سۅ عطرِ دٲنؠ تہٕ پتہٕ ترٲوٕن سٲری سۅ عطر یسوعؔس کلس پؠٹھ۔4کینٛہہ لوٗکھ یِمؠ تتہِ موجود ٲسؠ تِمن آیہ شرارت تہٕ پانس کنُ ونُکھ، "یہِ چُھ غلط زِ امہِ کٔر سۅ عطر ضایہِ!5یہِ عطر ییہِ ہے أکِس ورؠ یچہِ مُزورِ کٕننہٕ، تہٕ پتہٕ ییہِ ہے سُہ پونٛسہٕ غریب لوٗکن دِنہٕ!" تِمو کٔر تمِس بےیزتی۔6مگر یسوعؔن ونُکھ، "أمِس مہَ کرِوُ ملامت! یہِ تمہِ کوٚر مےٚ تہِ چُھ مےٚ سٟتؠ رٕژر۔ اوے پزِ نہِ توٚہؠ یہِ پریشان کٔرنؠ!7 توٚہہِ نِشہ روٗزن غیٖریب لوٗکھ ہرَ ساعتہٕ۔ توٚہیہ ہیکؠو تِمن مدد کٔرتھ یمہٕ ساعتہٕ یژھو۔ پوٚز بہٕ روزِ نہٕ توٚہیہ سٟتؠ ییٚتہِ زیادٕ کألس کینٛہہ۔8یہ چُھ بلکل صحی، تمہِ کوٚر تی یتھ لایق سۅ ٲس۔ زنہٕ تہِ ٲس تمِس پتاہ زِ مےٚ چُھ وۅنؠ جلدےٕ نیرُن تہٕ امہِ مٔژھ میأنس بدنس وُڑراونہٕ برونٛہےٕ عطٕر۔9بہٕ ونہٕ ہوو توٚہہِ یہِ: ییٚلہِ تہِ زانٛہہ میٲنؠ مرید سٲرسےٕ دُنیاہس منٛز یمہِ رٔژِ شیچھ ہُنٛد تبلیغ کٔرن، تِمؠ ونن ییٚتہِ زِ تمہِ زنانہِ کیاہ کوٚر، تہٕ لوٖکھ تھاون تمِس تہِ یاد۔"10پتہٕ گوٗو یہُوداؔ اِسکریوتی کاہن سردارس نِشہ یسوعؔ بنٛد کرُناونس منٛز مدد کرنہٕ باپتھ کٔتھ کرنیہ۔ تٔمؠ کوٚر تٔمہ پتہ تہِ سُہ اوس تِمو بہو شاگردو منٛزٕ اکھ۔11ییٚلہِ تِمو کاہن سردارو بوز زِ سُہ اوس تُہنٛدِ خٲطرٕ یہِ کُرن یژھان، تِم گۓ سیٹھاہ خوش۔ تِمو کوٚر تمِس وعدہ زِ تِم دِن تمِس تمہِ بدلہِ پونٛسہٕ انعامہٕ۔ یہوداہنؔ کوٚر اتِفاق تہٕ لوٚگ یسوعؔ ہسَ رٹناونکُ منٲسب موقہٕ ژھانٛڈنہِ پتہ کرِہس تِمن حوالہٕ۔12 عیٖدِ فطیٖرِکہ گۅڈنکہِ دوٚہہ، ییٚلہِ تِمو اکھ کٹہٕ بچہ فسح باپتھ ذبح کوٚر، شاگردو ووٚن، "یسوعؔ، توٚہؠ کوٚت چُھو یژھان ٲسؠ گژھو تہٕ تتہِ کرو فسح مناونہٕ باپتھ کھیٚن تیار یُتھ أسؠ ہیکؤ تہِ کھیٚتھ؟"13 یسوعؔن ژٲرِؠ پننؠ زِ ژاٹھ یِم سورےٕ تیار کرِہن۔ تِمؠ ووٚن تِمن، "توٚہؠ گٔژھو یروشلم شہرس منٛز۔ توٚہہِ سمکھیٚو اکھ شخصس یُس اکھ برتھ آبہٕ گڈو اسہِ پکناوان۔ تمِس پٔکیو پتہٕ پتہٕ۔14ییٚلہِ سُہ أکِس گرس منٛز اژِ، تمہِ گرٕ کس خاندارس ؤنؠ زِیو، سون وۅستاد چُھ یژھان فسح مناونہٕ چُھ ٲسؠ کھیٚن تیار کرُن تاکہِ سُہ ہیٚکہ پن نین شٲگردن سٟتؠ کھیٚتھ۔ مہربٲنی کٔرتھ ہاو تہٕ آسہ کمرٕ۔15سُہ ہاوِ توٚہہ اکھ بوٚڈ کمرٕ یُس گھرٕ کِس ہیرمِس پوٚہرس پؠٹھ اسہِ۔ اتھ آسہ فرش کرتھ، کھینہٕ خٲطرٕ آسن صوفہٕ، تہٕ بیٚیہِ آسہ کھیٚنہ خٲطرٕ میز، تہٕ یہِ آسہ سانہِ کھیٚن چیٚنہٕ خٲطرٕ تیار۔ پتہٕ کرِو تٔتی اَسہ باپتھ کھیٚن تیار۔"16أتی درٛایہِ تِم ژاٹھ۔ تِم گییہِ شہرس منٛز تہٕ تِمو وُچھ تہِ ہر کانٛہہ چیٖز یہِ تِمن وننہٕ اوس آمُت۔ پتہٕ کوٚر تِمو فسح مناونہٕ باپتھ کھیٚن تیار۔17ییٚلہِ شام ووت، یسوعؔ ژاو تتھ گرس منٛز باہ ژاٹھ ہٮ۪تھ۔18 ییٚلہِ تِم سٲری میزس نکھٕ بہتھ کھیوان ٲسؠ، یسوعؔن ووٚن، "یہِ بوزیٚو احتیاتہٕ سان: توٚہہِ منٛز کرِ اکھ میانین دشمنن مےٚ رٹہ ناونس منٛز مدد۔ سُہ اکھ چُھ ونہِ کین مےٚ سٟتؠ کھوان!"19شٲگرد سٔپدؠ غمگین، ہرَ اکؠ ووٚن یسوعؔ ہس، اکہ اکہ، "یقیٖنن یہِ چُھس نہٕ بہٕ یُس ژےٚ وُنکین دغاہ دییہِ؟"20پتہٕ ووٚن تٔمؠ تِمن، "توٚہہِ بہن شٲگردن منٛز چُھ اکھ سُہ نفر یُس مےٚ سٟتؠ بانس منٛز موجود رسس منٛز پننؠ ژوٚٹ وزٕوان چُھ۔21یہِ چُھ پوٚز زِ مےٚ، آدمؔ سٕنٛدِس گۅبرس چُھ نیرُن، تکیازِ نبیو چُھ تہِ مےٚ متعلق لیٚوکھمُت۔ مگر تمِس نفرٕ سنٛدِ خٲطرٕ اسہِ خطرناک سزا یُس مےٚ رٹناونس منٛز میانین دشمنن مدد کرِ! حقیقتس منٛز، اوس تسٕنٛدِ خٲطرٕ یہِ جان زِ سُہ گوژھنہٕ زانٛہہ پٲدے آسن گومتُ!"22ییٚلہِ تِم کھیٚوان ٲسؠ، تٔمؠ تُج اکھ ہموار ژوٗٹ تہٕ کوٚرن خدایس امہِ خٲطرٕ شُکر ادا۔ پتہٕ کٔرؠ نس ٹُکرٕ تہٕ دِژٕن تِمن تہٕ وُننکھ، "یہِ ژوٚٹ چُھ میون بدن۔ نِیو یہِ تہٕ کھیوو۔"23تمہِ پتہٕ، تلُ تٔمؠ اکھ پیالہٕ یتھ منٛز شراب اوس تہٕ امہِ خٲطرٕ کوٚرن خدایس شُکر ادا۔ پتہٕ دِتنُ پننؠن شٲگردن، تہِ تِمو ساروٕے چیو امہِ پیالہٕ منٛز۔24 یسوعؔن ووٚن پننن شٲگردن، "یہِ شراب چُھ میٚون خوٗن، یُس میانہِ بدنہٕ منٛز نیرِ ییٚلہِ میانؠ دشمن مےٚ قتل کرن۔ یمہِ خوٗنہٕ سٟتؠ چُھس بہٕ تمہِ اقرار نامُک تصدیق کران زِ خداین چُھ واریہن لوٗکن ہنٛدؠ گناہ معاف کرنُک اِرادٕ کوٚڑمُت۔25بہٕ چُھس یژھان توٚہؠ گژھو یہِ زانٕنؠ: بہٕ چیمنہٕ وُنؠ تۅتام شراب یۅتام نہٕ خدایہ سنٛز بادشٲہی ژوپٲرؠ آسہ تیلہِ چیمہٕ بہٕ دُبارِ۔"26خدایہ سنٛدین تعریفن ہُنٛد اکھ بٲتھ گیونہٕ پتہٕ گے یسوعؔ تہٕ تسَنٛدؠ شٲگرد زیتون بالس کنُ۔27وتہِ پکان پکان ووٚن یسوعؔن پننن شٲگردن، "رسول ذکریاہؔ ہن چُھ نوشتن منٛز لیٚوکھمُت زِ خداین کیاہ ووٚن مےٚ متعلق، "بہٕ مارن سُہ پۅہۅل تہٕ تیٖرؠن گژھن چھلہِ چھانٛگر" تِم لفظ نیرن پوٚز۔ توٚہؠ تریو مےٚ تہٕ ژَلِو۔28پوٚز تمہِ پتہٕ خدایہ کرِ مےٚ دُبارِ زندٕ، بہٕ نیرٕ توٚہہِ برونٛہہ گلیل کس علاقس کِنؠ تہٕ سمکھو تیتی۔"29پطرسؔن ووٚن یسوعؔ ہس، "باقیو سٲری شٲگرد ما ترٛاونو توٚہہِ، مگر بہِ نہٕ! بہٕ ترٛووہو نہٕ توٚہؠ!"30پتہٕ ووٚن یسوعؔن پطرسسؔ، "پزر چُھ یہِ زِ ازچہِ رٲژ کۅکرٕ سنٛزِ دوٗیمہِ بانگہِ تام ٲسِتھ ژٕ تریمہِ لٹہِ پانے مےٚ متعلق ووٚنمت زِ ژٕ زانکھ نہٕ مےٚ۔"31پوٚز پطرسنؔ ووٚن تمِس پوٗرٕ پٲٹھؠ، "ہرگاہ تِم مےٚ مارن تہِ، بہٕ ونہٕ نہٕ زانٛہہ زِ بہٕ زانتھ نہٕ ژےٚ کینٛہہ۔ "باقیو ساروےٕ شاگردو تہِ ؤنؠ یہےَ کتھ۔32یسوعؔ تہٕ تسَنٛدؠ شٲگرد گییہِ أکِس جایہ کنُ یتھ لوٗکھ گتسمنی ونان ٲسؠ۔ یسوعؔن ووٚن پننن کیٛنژن شٲگردن، "یتی روزیٚو یوٚت تام بہٕ دُعا کرٕ!"33تٔمؠ تُلؠ پطرسؔ، یعقوبؔ تہٕ یوحناؔ پانس سٟتؠ۔ یسوعؔ گوٚو اِنتِہٲیی جَزبٲتؠ انٛدازٕ دل ملول۔34 تٔمؠ ووٚن تِمن، "مےٚ چُھ سیٹھاہ افسوس۔ مےٚ چُھ باسان زن تہِ چُھ مےٚ مَرُن۔ توٚہؠ روزیٚو یتن تہٕ روزیٚو مےٚ نظرِ!"35یسوعؔ پوٚک رِژھا برونٛہہ تہٕ ترٛووُن پننُ پان زمیٖنس پؠٹھ۔ پتہٕ کوٚر تٔمؠ دُعا زِ اگر سپدتھ ہیٚکہ ہے، تمِس گژھؠ نہٕ پیٚنؠ تکلیف تُلنؠ۔36تٔمؠ ووٚن، "اے میانہِ ببأ، تکیازِ ژٕ ہیککھ کینٛہہ تہِ کٔرتھ، مےٚ بچاو تاکہِ مےٚ آسن نہٕ وُنؠ تکلیف تُلنؠ! پوٚز تہِ مہَ کرِ یہِ بہٕ یژھان چُھس۔ تی کرِ یہِ ژٕ یژھان چُھکھ!"37پتہٕ آو یسوعؔ تتھ جایہِ واپس یتین تٔمؠ پطرسؔ، یعقوبؔ تہٕ یوحنا تھاوؠ مٕتؠ ٲسؠ۔ تٔمؠ وُچھ تٔم شٲگرد شونٛگِتھ۔ تٔمؠ کٔرؠ تِم بیدار تہٕ ووٚنُن پطرسسؔ، یمِس شمعونؔ تہِ ونان ٲسؠ، شمعونؔ! مےٚ چُھ دۅکھ زِ ژےٚ ترٛٲوتھ نینٛدر تہٕ ژٕ ہیٚوککھ نہٕ ییتِس کم وقتس بیدار روٗزتھ!"38تہٕ یسوعؔن ووٚن تٔمن، "توٚہؠ چُھو یژھان تی کرُن یہِ بہٕ ونہٕ، مگر توٚہؠ چُھو نہٕ زیادٕ مضبوط۔ بیدار روزیٚو تہٕ دُعا کٔریوٗ یتھ زنَ توٚہؠ تمہِ وزِ برداش کریو یمہِ وزِ توٚہہ ازمٲیش آسہ!"39پتہٕ گوٚو سُہ دُبارٕ دوٗر پہن تہٕ کوٚرن دُبارِ دُعا یہِ تٔمؠ برونٛہہ کوٚڑمُت اوس۔40ییٚلہِ یسوعؔ واپس آو، تٔمؠ وُچھ تٔمؠ دُبارٕ شونٛگِتھ؛ تِم ٲسؠ مَژِ نینٛدرِ زِ تِمو ہیٚچہ نہٕ أچھ تہِ مُژرٲوتھ۔ تکیازِ تِم گے شرمنٛدٕ، ییٚلہِ تٔمؠ تِم بیدرا کٔرؠ تِمن اوس نہٕ فِکرے تران زِ تِم کیاہ جواب دِن تمِس۔41پتہٕ گوٚو یسوعؔ تہٕ بیہِ اکہ لٹہِ کوٚرن دُعا۔ سُہ آو ترٚیمہِ لٹہِ واپس تہٕ وچھِن تِم بیہِ شونٛگِتھ۔ تٔمؠ ووٚن تِمن، "مےٚ چُھ دوکھ زِ توٚہؠ چُھو بیہِ شونٛگِتھ! توٚہہ کٔرو واریاہ نینٛدر۔ میانہِ باپتھ چُھ مصیبتُک وقت شروٗع سپدن وول۔ وچھِو! کسُ تام گناہگار نفر چُھ مےٚ آدمؔ سنٛدِس گۅبرس، رٹنانس منٛز مدد کرن وول۔42لہٰذا وتھیٚو! أسؠ نیٛرو! وچھِو! یپٲرؠ چُھ سُہ اکھ نفر پکان یُس تِمن مےٚ رٹنس منٛز مدد چُھ کران!"43سُہ اوس وُنہِ کتھےٕ کران، زِ یہُوداؔ ووت۔ اگرچہ سُہ یسوعؔ سنٛدیو بہو شاگردو منٛز اکھ اوس، تمہِ پتہٕ آو سُہ یسوعؔ سنٛدین دشمنن سُہ رٹناونس منٛز مدد کرنہِ۔ تمِس سٟتؠ اوس لوٗکن ہُنٛد اکھ ہجوٗم یِم تلوارٕ تہٕ ڈنڈٕ ہٮ۪تھ ٲس۔ تِم ٲسؠ یہُودؠ مجلسہِ مشاورت ہُنٛدیو سردارو سوٗزِمت۔44یہُوداؔ، یِمؠ یسوعؔ دشمنن اتھِ رٹنوو، اوس لوٗکن ہُنٛدس ہُجومس گۅڈے یہِ ونمُت، "یمِس نفرس بہٕ موٚنؠ کرِ سوسےُ چُھ یُس توٚہؠ ژھاران چھون۔ ییٚلہِ بہٕ تمِس موٚنؠ کرٕ، توٚہؠ رُٹؠ زیون تہٕ، تہِ حفاظتہٕ سان گژھِ گنڈتھ نیٚون۔"45لہٰذا، یہُوداؔ ووت، سُہ گوٚو ولؠ ولؠ یسوعؔ ہس نِشہ تہٕ ووٚننَس، "میانہِ ووستادٕ!" پتہٕ کریٚن یسوعؔ ہس موٚنیہِ۔46پتہٕ لوٗکہٕ ہجومن کٔر یسوؔع ہس تھَپھ تہٕ کوٚرکھ سُہ گرفتار۔47پوٚز تسَنٛدیو شاگردو منٛزٕ اکی شٲگردن، یسَ نکھے اِستادٕ اوس، کٔڈ پننؠ تلوار۔ تٔمؠ تُج تہِ لاین کاہن سردار سٕنٛدِس خدمت گارس، مگر تمہِ سٟتؠ ژھیٚوٚن صرف خدمت گارس کنَ۔48یسوعؔن ووٚن تِمن، "یہِ چُھ حیرَت ناک زِ توٚہؠ چُھو تلوارٕ تہٕ ڈنڈٕ ہٮ۪تھ مےٚ گرفتار کرنہِ آمُت، زنَ تہِ بہٕ اوسس اکھ ڈاکو۔49بےٕ اوسس توٚہہ سٟتؠ واریہن دوہن ہیکلس منٛزٕ لوٗکن تعلیم دِوان۔ توٚہہ کیازِ کٔرو نہٕ تمہِ ساعتہٕ بہٕ گرفتار کرنٕچ کۅٗشش؟ پوٚز یہِ چُھ سپدان تِتھے پٲٹھؠ یتھ پٲٹھؠ زنہٕ نبیو نوشتن منٛز مےٚ متعلق لیٚوکھمُت اوس زِ یہِ سپدِ۔"50 پتہٕ ژھوٚن ساروٕے شاگردو یسوعؔ ترٛٲوتھ تہٕ ژٔلؠ۔51تمہِ ساعتہٕ، اوس اکھ جوان یسوعؔ ہس پتہ پتہ پکان۔ تمِس ٲس اکھ للن ژادر پانس ولتھ۔ لوٗکن ۂنٛدِ ہجومن کٔر تمِس جوانس تھَپھ،52پوٚز، تٔمؠ دِیت درٛسہٕ ژادرِ ہنٛزٕ تٕرِ پچہِ روزٕ تِمن اتھن منٛز تہٕ ژوٚل ننٚگے۔53یمو نفرو یسوعؔ روٚٹمُت اوس تِمو واتہٕ نوو سُہ تتھ گرس منٛز یتہِ زٹھؠ کاہن روٗزان ٲسؠ۔ یہُودؠ مجلسہِ ہنٛدؠ سٲری نفر ٲسؠ تتہِ جمع گژھان۔54پطرسؔن گوٚو یسوعؔ ہس دوٗر روزِتھ پتہٕ پتہٕ۔ سُہ گوٚو تتھ گرکس آنٛگنس منٛز یتہِ کاہن سردار روٗزان اوس، سُہ بؠوٗٹھ تِمن نفرن سٟتؠ یِم کاہن سردار سنٛدِس گرس رٲچھ ٲسؠ۔ سُہ رود نارس نکھ وُشنیر کران۔55کاہن سردار تہٕ یہُودؠ مجلسہ ہنٛدیو نفرو کٔر کوشش تِم لوٗکھ ژھانڈنؠ یِم یسوعؔ ہس متعلق اپُز ونہن تاکہِ تِم کرن رومی حاکمن تمِس قتل کرنہٕ خٲطرٕ مطمئن۔ تِم گےَ نہٕ کامیاب۔56لوٗکن ہُنٛد اکؠ تعدادن ووٚن یسوعؔ ہس متعلق اپُز، پوٚز تِمن بیانن منٛز اوس نہٕ اکھ أکِس سٟتؠ ہشر۔57ٲخرس پؠٹھ گےَ کینٛہہ لوٗکھ کھڑا تہٕ یسوعؔ ہس دِتُکھ یہِ ونان اپُز الزام،58"اسہِ بوز ییٚلہِ تٔمؠ ووٚن، "بہٕ کرن یہِ ہیکل تباہ تکیازِ یہِ اوس انسانن تعمیٖر کوٚڑمُت، تہٕ پتہٕ ترٛیٚن دوہن منٛز کرٕ بہٕ بیاکھ ہیکل تعمیٖر کانٛسہِ ہنٛدِ مدتہٕ بغٲرے۔"59پوٚز کینٛژن نفرن ہُنٛد ونن رَلیوو نہٕ باقین ہنٛدس وننس سٟتؠ۔60پتہٕ ووٚتھ امیر کاہن تِمن برونٛہہ کنہِ تھود تہٕ ونُن یسوعؔ ہس، "یہِ ژےٚ ونمُت چُھتھ تتھ متعلق ونُکھ نہٕ کانٛہہ جواب؟ تتھ سارسے متعلق کیاہ چُھکھ ژِ ونان یمیُک الزام ژےٚ یم دِوان چھی؟"61پوٚز یسوعؔ رود خاموش تہٕ دِتنُ نہٕ کانٛہہ جواب۔ امیر کاہنن کٔر دُبار بیٚیہِ کوشِش۔ تٔمؠ پرُوژھس، "کیاہ ژٕ چُھکھا مسیحؔ؟ کیاہ ژٕ چُھکھا ونان زِ ژٕ چُھکھ خدایہ سُنٛد گۅبُر؟"62 یسوعؔن ووٚن، "بہٕ چُھس تمہِ علاوٕ، توٚہؠ وُچِھو مےٚ، خدایہ سُنٛد گۅبُر، خدایس نکھٕ بادشٲہی کران، یُس مکمل طاقتور چُھ۔ توٚہؠ وچھِو مےٚ اوبرٕ منٛزؠ آسمانہٕ پؠٹھٕ بوٚن وسان۔63یسوعؔ سنٛدین لفظن ہنٛدس جوابس، ژٔٹؠ امیٖرِ کاہنن احتجاجس منٛز پننؠ پؠٹھٕ لاگمٕتؠ پلو، تہٕ تٔمؠ امیر کاہنن ووٚن، "اسہِ چھنہٕ وُنؠ یقیٖنن یمِس نفرس خلاف امہ کھۅتہٕ زیادٕ گواہی ہنٛز ضرورت!64 توٚہہِ بوزیٚو امہِ سُنٛد خدا آسنُک کفرُک دعوا!" تِمو ساروٕے کوٚر اتفاق زِ یسوعؔ اوس قصور وار تہٕ یہِ چُھ واجب القتل۔65تِمو منٛزٕ لاجہِ پتہٕ کینٛژو یسوعؔ ہس تھوٚکہٕ لاینہِ۔ تِمو دِیت تمِس أچھن تھوٚپ، تہٕ پتہٕ لاگؠ ہس چوب دِنؠ تہِ ٲسس ونان، "اگر ژٕ اکھ نبی چُھکھ، ٲسؠ ون ژٕ کمؠ لاییہِ ٹاس!" یمؠ یسوعؔ ہس رٲچھ ٲس تِمو لایہِ تمِس چپٲژ۔66پطرسؔ ییٚلہِ امیٖرِ کاہن سنٛدِس گرکس آنٛگنس نیٚبرٕ کِنؠ اوس، کوٚریو منٛز آیہِ اکھ کوٚرہ یمہِ امیٖرِ کاہن سنٛدِ خٲطرٕ کٲم کرمژ ٲس، تمِس نِشہ۔67ییٚلہِ تمہِ پطرسؔ نارس نکھٕ وُشنیر کران وُچھ، تمہِ گنڈ تسَ غوٗرٕ سان مدے۔ پتہٕ ووٚن تمہِ، "ژٕ تہِ اوسُکھ یسوعؔ ہس سٟتؠ آسان، یُس نفر ناصرتُک اوس!"68مگر پطرسؔن کوٚر اِنکار یہِ ونان، مےٚ چُھنہٕ فکرِ ترٛان زِ ژٕ کس متعلق چھیٚکھ کتھ کران!" پتہ ژوٚل سُہ تتہِ آنٛگنہٕ کہِ دروازِ دوٗر تہٕ کۅکرن دِژ بانگ۔69تمہِ نوکرانہِ وُچھ سُہ تتہِ تہٕ دُبارِ ووٚن تمہِ تِمن لوٗکن یم نکھے کھڑا ٲسؠ، "یہِ نفر اوس تمِس نفرس سٟتؠ یُس توٚہہ گرفتار کوٚڑمُت چھون۔"70مگر تمہِ کوٚر بیٚیہِ اِنکار۔ کینٛہہ وقت گٔژھتھ، تِمو لوٗکو یِم کھڑا ٲسؠ ووٚن پطرسؔس بیٚیہِ، "یمہِ انٛدازٕ ژٕ ونان چُھکھ تہِ چُھ ہاوان زِ ژٕتہِ چُھکھ گلیل علاقکک۔ لہٰذا یہِ چُھ پوٚز زِ ژٕ چُھکھ تِمو نفرو منٛزٕ اکھ یُس یسوعؔ ہس سٟتؠ اوس!"71پوٚز تمِس گوٚو تعجب، "بہٕ زانن نہٕ سُہ کینٛہہ یمِس نفرس متعلق توٚہہ کتھٕ کران چُھو! خدا برونٛہہ کنُ زانتھ چُھس بہٕ پوٚز ونان، سُہ دییہِ مےٚ سزا اگر بہٕ اپُز ونان آسہ!"72تمی ساعتہٕ دِژ کۅکرن بیٚیہِ بانگ۔ پتہ پییٚہِ پطرسؔس سۅ کتھ یاد یوسہ یسوعؔن تمِس گوڈٕ وُنؠ مٕژ ٲس، "کۅکرٕ سنٛزِ دویٚمہِ بانگہِ برونٛہہ اوسُتھ ژےٚ ترٛیہِ لٹہِ اِنکار کوٚڑمُت زِ ژٕ زانکھ مےٚ۔ "ییٚلہِ پطرسسؔ احساس گوٚو زِ تٔمؠ کوٚر ترٛیہِ لٹہِ یسوعؔ ہس زاننَس اِنکار، سُہ گوٚو سیٹھاہ مایوٗس۔ پطرسنؔ ووٚد۔
Bridge Connectivity Solutions Pvt. Ltd.