مرقُس15
1صبحس سیٹھاہ سُلہِ کاہن سردار سمکھیے یکجاہ یہُودؠ مجلسہ ہنٛدین باقیو نفرن سٟتؠ یہِ مشورٕ کرنہِ باپتھ زِ یسوعؔ ہس کتھٕ پٲٹھؠ کھالنَ تِم رومکس گورنرس برونٛہہ کنہِ راہ۔ تہنٛدیو رٲچھ درو کوٚر دُبارِ یسوعؔ نیٚن اتھن گنڈ۔ تِمو نیٚو سُہ پیلاطسؔ گورنر سُنٛد گرٕ۔2پِیلاطسؔن پرُوژھ یسوعؔ ہس، "ژٕ چُھکھا ونان زِ سُہ چُھکھ یہُودینؔ ہُنٛد بادشاہ؟" یسوعؔن دِیت تمِس جواب، "ژٕ وونتھ پانے تہِ۔"3پتہٕ کوٚر کاہن سردارو دعوا زِ یسوعؔن آسہ واریاہ خراب کامہ کرِمژٕ۔4لہٰذا پِیلاطسؔن پرُوژھ تمِس دُبارِ، "ژٕ چھےُ ناہ کینٛہہ ونن؟ بوز یم چھِ ونان ژٕ کٟژٕ خراب کامہ چُھتھ کرِمژ!"5پوٚز امہِ پتہٕ تہِ کھوٚت نہٕ یسوعؔ ہس قصور، تٔمؠ ووٚن نہٕ بیٚیہِ کینٛہہ۔ نتیجہِ دراو زِ پیلاطسؔ گوٚو پانہٕ سیٹھاہ حٲران۔6وُنؠ اوس گورنر سُنٛد رِواج پریتھ وریہ عیدٕ قطیر مناونس دوران اکھ نفر قٲد منٛز یلہِ تراون۔ روایتہٕ مطابق اوس سُہ تمِس قٲدِس ییٚلہِ تراوان یمِس متعلق لوٗکو در خواست کوٚڑمُت آسہ ہے۔7تمہِ وقتہٕ اوس اکھ براباسؔ ناوک نفر یُس سِپاہو اوس تروومُت باقیو نفرن سٟتؠ جیلس منٛز۔ تٔمؠ نفرن ٲسؠ رومی حکومتس خلاف بغاوٕتس دوران کینٛہہ سِپاہ قتل کٔرؠ متٕؠ۔8لوٗکن ہُنٛد اکھ گرٛوٚو ووت پیلاطسؔ نِشہ تہٕ ونہس اکھ نفر ترٛاون یلہِ، یتھٕ پٲٹھؠ سُہ عیدِ قطیرکس موقس پؠٹھ روایژ مطابق کران اوس۔9پِیلاطسؔن دیت تِمن جواب، "کیاہ توٚہؠ کٔرؠ وا پسند بہٕ ترٛاون سُہ نفرٕ یلہِ یمِس توٚہؠ یہُودؠ لوٗکھ ونان چُھو سُہ چُھ تُھنٛد بادشاہ؟"10تٔمؠ ووٚن یہِ تکیازِ تمِس اوس فِکرِ توٚرمُت زِ یہُودؠ سردار کیاہ ٲسؠ یژھان کرن۔ تِم ٲسؠ یسوعؔ ہس حسدٕ سٟتؠ تُہمت لاگان تکیازِ واریاہ لوٗکھ ٲسؠ تمہِ سنٛدؠ شٲگرد بنان۔11مگر کاہن سردارو کوٚر سُہ گرٛوٚو مجبور پیلاطسؔ عرض کرنہٕ باپتھ زِ یسوعؔنہِ بدلہٕ ترٛاون براباسؔ تِھنٛدِ باپتھ یلہِ۔12پِیلاطسؔن ووٚن تِمن، دُبارِ، "اگر بہٕ براباسؔ، ترٛاون یلہِ، توٚہؠ کیاہ چُھو یژھان بہٕ کرِ تمِس نفرس سٟتؠ یمِس توٚہؠ یہُودؠ ونان چُھو سُہ چُھ تُہنٛد بادشاہ؟"13پتہٕ دِژ تِمو کریکھٕ دُبارِ، "پنہِ نؠن سِپاہن دِیو حکم تمِس دارس کھالہِ نکُ!"14پتہٕ ووٚن تِمن پِیلاطسنؔ، "کیازِ؟ تمؠ کُس جرم چُھ کوٚڑمُت؟" مگر تِمو دِژِ تمہِ کھۅتہٕ زورٕ کریکھٕ، "پنہ نؠن سِپاہن دِیو سُہ دارس کھالہٕ نکُ حکم!"15تکیازِ پیلاطسؔ اوس یژھان لوٗکن ہنٛدس گرٛوٚوہس خوش کرن، توے تروو تٔمؠ براباسؔ تِھنٛدِ خٲطرٕ یلہِ۔ تنٛدیو سِپاہو ٲس یسوعؔ دالہِ کیو رَنٛدٕکو سٟتؠ کوڑٕ دِتؠ متؠ یمن منٛز ششتٟرک تہٕ اڑجن ہنٛدِ ٹُکرٕ دباؤتھ ٲسؠ، پتہٕ پیلاطسنؔ ووٚن سِپاہن نی ہنُ یسوعؔ تہٕ کھالِہ ہُن دارس۔16پِیلاؔطسنؤ سِپاہو نیٚو یسوعؔ محلہٕ کس آنٛگنس منٛز یتہِ پیلاطسؔ بسان اوس۔ سۅ جاے ٲس حکومتُک مرکزی دفتر۔ پتہٕ کوٚر تِمو تٔمن سارِنے سِپاہن ہنٛز پلٹن حکم یس تتہِ تعینات ٲس۔17تِم سِپاہ جمع گژھنہٕ پتہٕ، تِمو لاگؠ یسوعؔ ہس ووٚزُل جامہٕ۔ تِمو تھوٚو تسَ کٔلس پؠٹھ اکھ تاج یُس تِمو دوپھِ کنٛڈیو ھنٛزؤ کانؤ سٟتؠ ووٚنمُت اوس۔ تٔم چیٖز ٲسؠ تٔمؠ تمِس ٹھٹھٕ کرنہٕ سبؠٕ کران تٔمؠ ٲسؠ ٲکتھ پٲٹھؠ ونان زِ سُہ اوس تُہنٛد بادشاہ۔18پتہٕ ٲسؠ تِم تمِس تتھٕ پٲٹھؠ سلام کران یتھٕ پٲٹھؠ تِم أکِس بادشاہس کرِہن، دُبارِ تمِس ٹھٹھٕ کرنہٕ خٲطرٕ ٲسؠ تِم ونان، "خوشی تمِس بادشاہ سٕنٛدِ خٲطرٕ یُس یہُودینؔ حکومت کران چُھ!"19تِمؠ ٲسؠ تسنٛدس کلس بار بار گۅبہِ بٲنسہِ سٟتؠ ٹاس لایان، تہٕ تِمؠ ٲسؠ تمِس تھوٚکہٕ لایان۔ تِم ٲسؠ ٲکتھ پٲٹھؠ تمِس نمِتھ سٔجدٕ کران۔20ییٚلہِ تِمو تمِس ٹھٹھٕ کٔرتھ سپدییہِ، تِمو کوٚر تمِس ووٚزُل جامہٕ نیٚبر۔ تمِس لاگؠ تِمو پننؠ پلو، تہٕ پتہٕ کوٚر تِمو سُہ شہرِ نیٚبر تاکہِ تمِس کھالن تِم دارس۔21 یسوعؔن تُل پنن صلیب کمےٕ فٲصلِس۔ پتہ سمکھیوو تِمن اکھ شمعونؔ ناوٕک نفرٕ یُس کرینی شہرک اوس۔ سُہ اوس سکندرؔ تہٕ روفسؔ سُنٛد مول۔ سُہ اوس تمہِ وزِ شہرِ نیٚبرٕ پؠٹھٕ گرٕ کنُ پکان۔ تِمو سِپہَو کوٚر سُہ یسوعؔ سٕنٛدِ بدلہٕ صلیب تُلنہٕ خٲطرٕ مجبوٗر، تکیازِ یسوعؔ ہس یُس ازا ووتمُت اوس تمہِ سٟتؠ اوس سُہ کمزور گومت۔22سِپہَو واتہٕ ناوؠ تِم دوٗنوےٕ أکِس جایہِ یتھ تِم گُلگتا ونان ٲسؠ۔ تمہِ ناوک مطلب چُھ، "کلہٕ کھاپرِن ہنٛز جاے۔"23تِمو کرِ کوٗشش یسوعؔ ہس شراب دِنچ یتھ مُر دوا رل اوس، پوٚز تٔمؠ کوٚر یہِ چینس اِنکار۔24 کینٛژو سِپاہو نیہ تمِس پلو۔ پتہٕ دِتہِس صلیبس کنُ کیٔلؠ۔ تمہِ پتہٕ بٲگرکھ پانہٕ وانؠ تسَنٛدٕ پلو شطرجہِ زَارک پٲٹھؠ۔ یہِ کوٚر تِمو امہِ سبہٕ کسَ کیاہ پلو ییہِ حصہٕ۔25صبحچہِ نَو آسہ بجیمژٕ ییٚلہِ تِمو سُہ دارس کھول۔26دارس پؠٹھٕ یسوعؔ سنٛدِس کلس پٹھؠ کِنؠ اوس اکھ نشانہٕ لگاوتِھ یتھ پؠٹھ کمؠ تام سُہ وجہ لیٚوکھمُت اوس زِ تم کیازِ ٲسؠ تمِس دارس کنُ کیٔل دوان۔ یہِ اوس لیکتھ، "یہُودینؔ ہُنٛد بادشاہ۔"27تِمو کھالہِ بیٚیہِ زٕ قٲدٕ پھہہِ یمؠ ڈاکو ٲسؠ۔ تِمو دِیت أکِس یسوعؔ ہس دٔچِھنؠ کِنؠ تہٕ بیس کھووٕرؠ کِنؠ صلیبس پؠٹھ کٔیل۔28 تہٕ تمِس ڈاکوہن سٟتؠ صلیبس کھالنہٕ سٟتؠ کوٚر تِمو نوشتن منٛز بٲوتھ پوٗرٕ زِ، "تہٕ تٔمؠ گنٛزرن تمِس بدکارن منٛز۔29 وتہِ پکن وٲلؠ لوٗکھ ٲسؠ پننؠ اتھٕ ہلاوتھ تمِس زَلالت کران۔ تِمؠ ٲسؠ ونان، "ہوٕ! ژےٚ ونتھ زِ ژٕ کرہک ہیکل تباہ تہٕ ترٛؠن دوہن منٛز کرہن دُبارِ تعمیٖر۔30اگر ژٕ تہِ ہیٚکہ ہکھ کرتھ، تیلہِ صلیبہٕ پؠٹھ بوٚن وسِتھ بچاو پنُن پان!"31کاہن سردار تہٕ یہُودؠ قانون ہیٚچھناون وٲلؠ تہِ، ٲسؠ یژھان یسوعؔ ہس مذاق کرن۔ اوے ٲسؠ تِمؠ اکھ أکِس ونان، "لوٗکھ چھِ دعوا کران زِ أمؠ بچٲوؠ باقیو تکلیفو نِشہ، پوٚز پنُن پان ہیٚکہ نہٕ بچٲوتھ!"32أمؠ کوٚر مسیحؔ آسنُک تہٕ اسرائیل کؠن لوٗکن ہُنٛد بادشاہ آسنُک دعوا۔ اگر أمؠ سنٛدؠ الفاظ پٔزؠ چھِ، أمِس پزِ صلیبہٕ پؠٹھٕ بوٚن وسن! پتہٕ کرو ٲسؠ أمِس پؠٹھ بھروسہٕ!" یمؠ زٕ نفر أمِس نکھٕ صلیبس پؠتھ ٲسؠ تِمو تہِ کرِ أمِس ملامت۔33دُپہرس گییہِ سٲرؠ سےٕ ملکس منٛز انہِ گٹہٕ، تہٕ یہِ روز دُپہرس ترےٚ بجے تام۔34ترےٚ بجۓ دِژ یسوعؔن کریکھ، "اِلاھِی، اِلاھِی، لماِ شَبقتانی؟" یمیُک مطلب چُھ، "میانہِ خدایہ، میانہِ خدایہ، ژےٚ کیازِ ترٛووتھس بہٕ؟"35ییٚلہِ کینٛژو لوٗکو یمؠ تتہِ موجود ٲسؠ بوز، اِلاھیِ، تِمو سمجھ یہِ غلط تہٕ تِمو ووٚن، "بوٗزو! یہِ چُھ ایلیاہسؔ ناد لایان!"36 تِمو منٛز اکھ لاریوو تہٕ بۅرن اکِس سپنجس منٛز ژوک شراب۔ تٔمؠ تھوو یہِ بٲنٛس لورِ ہنٛدس تینٛتِس پؠٹھ، تہٕ پتہٕ یہ ہیٚور کُن رٹِتھ کٔرن کوشِش یسوعؔ ہس سُہ شراب چیاوناونہٕ خاطرٕ۔ ییٚلہِ سُہ تہِ کران اوس، کمؠ تام ووٚنس، "ٹھہر! أسؠ وُچھو ایلیاہؔ ما ییہِ أمِس دارٕ پؠٹھٕ بوٗن والنہِ!"37تہٕ پتہٕ، یسوعؔن دِژٕ زورٕ کریکھ، تٔمؠ ٹھٔہرُوو شہٕ تہٕ دِتنُ زُو۔38تمہِ وزِ ژھیوٚن سۅ ہیکل لک سارِوے کھۅتہٕ پاک جایہِ ہُنٛد گوٚب تہٕ موٗٹ پردٕ ہیرٕ پؠٹھٕ بوٗن تام تتھ گییہِ زٕ ٹُکرٕ۔39سُہ افسر یُس تِمن سپہن ھُنٕٛز نگرأنی کران اوس یمو یسوعؔ صلیبس کھولمت اوس، اوس یسوعؔ ہس برونٛہہ کنہِ وۅدِنی۔ ییٚلہِ تٔمؠ وُچھ یسوعؔن کِتھٕ پٲٹھؠ دِیت زُو، تٔمؠ ووٚن حٲرتس منٛز، "یقیٖنن، یی خدایہ سُنٛد گۅبر یسوعؔ اوس!"40تتہِ آسہ بیٚیہِ کینٛہہ زنانہٕ، دوٗرِ پؠٹھٕ وُچھان کیاہ سُپد۔ تِمو اوس یسوعؔ ہس ساتھ دِتمُت ییٚلہِ سُہ گلیل علاقس منٛز اوس، تہٕ تِمو اوس تمِس ضورورتک ہر کانٛہہ چیٖز دتمُت۔ تِمہ، تہٕ باقیو واریاہ زنانہٕ، آسہ تمِس سٟتؠ یروشلم شہرس منٛز آمژٕ۔ تِمن زنانن منٛز ٲس مریمؔ مگدلِینی قصبچ۔ تتہِ ٲس بیاکھ اکھ مریمؔ، یس لوکٹِس یعقوبؔ تہٕ یوسیسؔن موج ٲس۔ بیٚیہِ ٲس تتہِ سلومیؔ۔42ییٚلہِ شام سپدن وول اوس، یوسفؔ ناوُک اکھ نفر یُس ارِمتیہ قصبہٕ پؠٹھٕ آمُت اوس، آو تپٲرؠ۔ سُہ اوس یہُودؠ مجلسہِ ہُنٛد اکھ رُکن، یمِس ہر کانٛہہ یزتھ کران اوس۔ سُہ اوس تِمو منٛزٕ یم خدایہ سنٛز بادشٲہی شروٗع گژھنچ توقعہٕ سان انتظار کران ٲسؠ۔ سُہ اوس زانان زِ، یہودی شریعہٕ مطابق، اکھ نفر دفن کٔرن چُھ ضوروٗری یمہِ دوٚہہ سُہ شخص انتقال کرِ۔ تمِس گوٚو یہِ تہِ احساس زِ یہِ اوس تیٲری ھُند دوٚہہ، سُہ دوٚہہ ییٚلہِ لوٗکھ آسن یہُودؠ سبت دوٚہہ خٲطرٕ چیٖز تیار کران، تہٕ یہُودؠ سبتکُ دوٚہہ گژھے افتاب لوسنہٕ پؠٹھٕ شروٗع۔ وُنؠ اوس شام واتن وول۔ ہمتہٕ سان، گوٚو سُہ پیلاطسؔ نِشہ یسوعؔ سنٛز لاش پہہِ کوٹہِ پؠٹھ بوٗن والنس تہٕ، یہِ جلد دفن کرنُک اجازت منٛگنس۔44پیلاطسؔ سُپد حٲران ییٚلہِ تم بوز زِ یسوعؔ اوس برٛونٹھے گُذریمت۔ لہٰذا بُلوو تٔمؠ سُہ افسر یُس تِمن سپہن ہُنٛد نگرانی کران اوس یمو یسوعؔ پھاسہِ کھولمت اوس، تہٕ پرُوژھن تِمن آیا یسوعؔ اوسا بروٛنٹھے گُذریمُت۔45ییٚلہِ تٔمؠ افسرن ووٚن پیلاطسؔ زِ یسوعؔ اوس گُذریمت، پیلاطسؔن دیت یوسفسؔ لاش نِنُک اجازت۔46یوسفنؔ اوس اکھ للن کپر ژادر مٔلؠ ہوتمت تمہِ پتہٕ، تٔمؠ تہٕ باقیو وٲج یسوعؔ سنٛز لاش پہہِ کوٹہِ پؠٹھ بوٗن۔ تِمو وول تتھ للن کپرٕ تہٕ ترٛوکُھ أکِس قبرِ منٛز یوسہ برٛونٹھے کنؠن منٛز کٔھنتھ ٲس۔ تہٕ قبر بنٛد کرنہٕ باپتھ أنِکھ اکھ بٔڑ پوتر کٔنؠ ڈٔلوان ڈٔولوان تہٕ تھاوکھ اتھ قبرِ بتھِ دِتھ۔47مگدلِینچ مریمؔ تہٕ یوسیس سنٛز موج ٲس وُچھان تِمو کتھ جایہِ تھاو یسوعؔ سنٛز لاش۔
Bridge Connectivity Solutions Pvt. Ltd.