مرقُس13
1ییٚلہ یسوعؔ ہیکل کہ صحنہٕ منٛز نیٚبر نیران اوس، تٔمؠ سنٛدیو شاگردو منٛز ووٚن تمِس اکؠ شٲگردن، "وۅستادٕ، وُچھ کٟژ حٲران کرن واجنہِ گرِتھ کنہِ چھےٚ یِمن دیوارن منٛز تہٕ کٟژٕ شاندار عمارژٕ چھےٚ یمہ!"2یسوعؔن ووٚن تمِس، "آ، یمن شاندار عمارژن کنُ چُھکھ ژٕ وچھان مگر یمن متعلق چُھس بہٕ یژھان ژےٚ کینٛہہ ونُن۔ نیٚبرِم حملہِ آور کرن تِمن مکمل تباہ، کانٛہہ کٔنؠ روزِ نہٕ کنہِ پؠٹھ یتھ ہیکل کس علاقس منٛز یۅسہ نَہ گرِاونہٕ ییہِ۔"3ہیکلہٕ پؠٹھٕ وادی منٛز گزرتھ زیتون بالس پؠٹھ واتہِ نہٕ پتہٕ، بؠوٹھ یسوعؔ پتھر۔ ییٚلہِ پطرسؔ، یعقوبؔ، یوحناؔ تہٕ اندریاسؔ تمِس سٟتؠ ٲسؠ، تِمو پرُوژھ تمِس،4"اسہِ ون، تِم چیٖز کرِ سپدُن یمن ہُنٛد خداین منصوبہ بنوومُت چُھ؟ اسہِ کِتھ پٲٹھؠ ہیکو تِمہٕ وقتٕچ نشٲنی وچھتھ؟5یسوعؔن دیت تِمن جواب، "ہوشیار زِ کیاہ سپدِ یتھ نہٕ کانٛہہ توٚہہِ وتہِ ڈالوٕ!6واریاہ لوٗکھ یِنَؤ، تہٕ کرن میون ناو ہٮ۪تھ دعوا۔ پریتھ کانٛہہ وننو پانس متعلق، بہٕ چُھس سُہ مسیحؔ! تِمؠ کرن واریہن لوٗکن گمراہ۔7ییٚلہِ زانٛہہ تہِ لوٗکھ توٚہہ ونن جنگن متعلق یِمؠ سپدان چھِ تہٕ تِمن جنگن متعلق یِمؠ سپدن، پریشانی گژھِ نہٕ ہؠن۔ یِمؠ چیٖز سُپدن ضوٚروٗر۔ پوٚز ییٚلہِ تٔم سُپدن، یہِ گژھِ نہٕ سونٛچن زَ یہِ چُھ دُنیاہکُ خٲتمہٕ!8واریہن مُلکن منٛز یمؠ جمٲژ چھِ تِم کرن پانہٕ وانے لڑٲے، تہٕ واریاہ حُکومژٕ کرن اکھ أکِس سٟتؠ ہَر۔ واریہن جاین گژھِ بُنیل، تہٕ پتہٕ وتھِن درٛاگ۔ یم سُپدنہٕ پتہٕ، لوٗکن آسن صرف تکلیف وچُھنؠ۔ تِمن آسہ تکلیفو سٟتؠ تیٛژ دگ یژٕ أکِس زنانہِ چھِ آسان ییٚلہِ تمِس بچہ زیٚوان چُھ۔ تمہِ پتہٕ واتن تِمن تمہِ کھوتہِ زیادٕ تکلیف۔9تیٛار روٗزؠو لوٗکھ کیاہ کرن توٚہہ سٟتؠ تمہِ وزِ۔ تکیازِ توٚہہ چُھ مےٚ پؠٹھ ایمان، تِم کرن توٚہہِ گرفتار تہٕ کرن مذہبی عدالتن منٛز تُہنٛز پِشی شروٗع۔ یہُودؠ اجتماع گاہن منٛز، دِنؠو چوب۔ سرکارکؠن تھدن حاکِمن نِشہ کرن لوٗکھ توٚہہ مقدِمہ۔ امیٛک نتیجہِ نیرِ، توٚہہِ ؤنؠ مےٚ متعلق۔10میانؠ مرید گژھن تمام قومن ہنٛدؠن لوٗکن نِشہ یہِ رژٕ شیٚچھِ اعلان کرتھ تمہِ برونٛہہ واتناوٕنؠ ییٚلہِ خداین سورےٕ کینٛہہ ختم کرنُک منصوبہ بنوومت چُھ۔11ییٚلہِ لوٗکھ توٚہہ مقدِمہ کرنہٕ باپتھ گرفتار کرنو، توٚہہ کھوژیو نہٕ تتھ متعلق یہِ توٚہؠ وونو۔ امہِ بجایہ وُنؠ زیٚو تہِ یہِ خداین تمہِ وزِ تُہنٛدس دماغس منٛز ترٛومت آسہ۔ یہِ ٲسِو نہٕ توٚہہِ کتھ کران۔ یہِ آسہ پاک روح تُہنٛزِ زؠوٕ کتھ کران۔12 باقیو خراب چیٖز تہِ سُپدن: یِمن لوٗکن مےٚ پؠٹھ ایمان چُھنہٕ کینٛہہ تِم رٹناون تہنٛدن بینن تہٕ باین تاکہِ سرکار کرِ تِمن قتل۔ کینٛہہ والدین دِن پننن شُرن دوٗکھ تہٕ کینٛہہ شُرؠ دِن والدینن دوٗکھ زِ سرکٲری افسر کرن تہنٛدن والدینن قتل۔13واریاہ لوٗکھ کرنوو توٚہہِ نفرت تکیازِ توٚہہِ چُھو مےٚ پؠٹھ ایمان۔ مگر خدایہ کرِ تُہنٛز حفاظت یمِس مےٚ پؠٹھ مظبوطی سان بھروسہٕ آسہ یۅتام تُہنٛز زندگی انٛد واتہِ۔14 تتھ وقتس دوران اژن ہیکلس منٛز ناپاک چیٖز۔ یِم کرن ہیکل لس گندٕ تہٕ لوٗکھ ترٛاون اور گژھن۔ ییٚلہِ توٚہؠ وُچِھو یہِ گژھِ نہٕ آسن، توٚہہ پٔزِ جلد ژٔلنُ! ہرَ کانٛہہ یُس یہِ پران چُھ ما دِیہ دھیان یتھ خبرداری کنُ! تمہِ وقتہٕ یِم لوٗکھ یہُودیہ علاقس منٛز آسن تِمن پٔزِ تھدِن بالن کنُ ژلنُ۔15تِم لوٗکھ یِمؠ پننؠن گرن نیٚبرٕ کنہِ آسن تِمن پٔزِ نہٕ کانٛہہ چیٖز حاصل کرنہٕ خٲطرٕ پننؠن گرن منٛز اژن۔16یِم کھہَن منٛز کٲم آسن کرن تِمن پٔزِ نہٕ بیہِ پلو حاصل کرنہٕ باپتھ پننؠن گرن منٛز واپس گژھن۔17ییٚلہِ یہِ سپدِ، یہِ کوتاہ خطرناک آسہ گۅبہِ کھور زنانن تہٕ یِمہٕ پننؠن شُرن دۅد آسن دِوان۔18تِمن دوہن واتن لوٗکن سیٹھاہ تکلیف۔ لوٗکو چھِنہٕ تتھ مصیبت تنہٕ پؠٹھٕ زانٛہہ وُچھمٕتؠ ینہٕ پؠٹھٕ خداین گوڈٕ یہِ دُنیاہ پٲدٕ کوٚر، لوٗکھ تُلن نہٕ دُبارِ تیتھ تکلیف یمہِ یوٗر۔ لہٰذا دُعا کریو زِ یہِ مصیبتُک وقت گوٗژھنہ ونٛدس منٛز آسن، ییٚلہِ سفر کرن سخ چُھ آسان۔20ہرگاہ خداین آسہ ہے نہٕ فٲصلہٕ نِمُت زِ سُہ کرِ سُہ وقت مخصر ییٚلہِ لوٗکن زیادٕ تکلیف واتہِ، یمہِ سٟتؠ ما مرِ ہرَ کانٛہہ۔ پوٚز تٔمؠ چُھ فٲصلہٕ کوٚڑمُت سُہ وقت گژھِ آسن مخصر تکیازِ تمِس چھِ تِمن لوٗکن متعلق فِکر یمؠ تٔمؠ ژارِؠ متؠ چھِ۔21لوٗکھ ونن تمہ وقتہٕ اپُز زِ تِم چھِ مسیحؔ۔ تہٕ کینٛہہ کرن خدایہ سُنٛد نبی آسنُک دعوا۔ پتہٕ ہاون تِم واریہن قسمن ہنٛدؠ معجزٕ۔ تِم کرن خدایہ سنٛدٮ۪ن ژارِؠ متین لوٗکن تہِ دوکھ دِنچ کوٗشش۔ لہٰذا تمہِ وقتہٕ اگر توٚہہِ ونہِ کانٛہہ، "وچھِو، یپٲرؠ چُھ مسیحؔ، یا ہرگاہ کانٛہہ ونہِ، وچھِو، سُہ چُھ ہُپٲرؠ! اتھ پؠٹھ کرِزو نہٕ یقین! 23ہُشیار روزیٚو! یاد تھویو زِ مےٚ چُھو توٚہؠ برٛونٹھے اتھ متعلق خبردار کرمتؠ!24 ییٚلہِ لوٗکھ تتھ پٲٹھؠ مصیبت تُلن تمہِ وزِ کرِ خدایہ افتابس انہِ گوٚٹ تہٕ زون دِییہ نہِ چَمَک؛25 خدایہ ترٛاو تارکن آسمانہٕ پؠٹھٕ بۅن تہٕ آسمانس منٛز تمام چیٖز ڈلن پننہ جایہِ۔26 امہ پتہٕ لوٗکھ وچُھن مےٚ، آدمؔ سٕنٛدِس گۅبرس، اوٗبرس منٛز طاقتہٕ تہٕ شاندار پٲٹھؠ یوان۔27 پتہٕ سوزکھ بہٕ پننؠ فرشتہٕ تاکہِ تِمؠ سومبراون تِمن لوٗکن یمؠ خداین ہر جایہ ژارِؠ متؠ چھِ، زمیٖنہِ ہنٛدِیو دوٗر دراز جایو پؠٹھٕ۔28وُنؠ چُھس بہٕ یژھان توٚہؠ ہؠچِھو رژھا انجیر کلُ کِتھ پٲٹھؠ چُھ یٹھان۔ ییٚلہِ تمِچہِ لنجہِ نرم چھِ گژھان تہِ تمیکؠ پنہٕ ؤتھر چھِ نیرُن ھیوان، توٚہؠ چُھو زانان زِ ریتہٕ کول چُھ ینہٕ وول۔29یِتھے پٲٹھؠ، ییٚلہِ توٚہؠ وچھان چُھو یمہِ واقہچ مےٚ وُنؠ وضاحت کرِ، توٚہؠ وچھو پانے زِ میانہِ واپس نیرنُک سُہ وقت چُھ سیٹھاہ نزدیک۔ سُہ آسہ تتھٕ پٲٹھؠ زنَ تہِ چُھس بہٕ برونٛٹھےٕ دروازس پؠٹھ۔30یہِ تھایو ذہنس منٛز: یہِ نسٕل گژھِنہِ ختٕم توٚت تام یوٚت تام نہٕ یمو چیٖزو منٛزٕ ہرَ کانٛہہ چیٖز سپدِ ۔31توٚہہ گژھِ مکمل یقین آسن زِ تٔمؠ چیٖز سپدن یمن ہنٛز مےٚ پیش گوییٔ کرٕ زمیٖنس تہِ آسمانس منٛز یہِ کینٛژھا چُھ گژھِ اکہ دوٚہہ ختٕم، پوٚز یَمؠ چیٖز سپدن یقیٖنن یِمؠ مےٚ توٚہہِ ؤنؠ متؠ چُھو۔32کانٛہہ اکھ چُھنہٕ زانان صٔحیح وقت ییٚلہِ بہٕ واپس یمہٕ۔ آسمانٕکؠ فرشتہ تہِ چھِنہٕ زانان۔ حتاکہ بہٕ، خدایہ سُنٛد گۅبرُ، تہِ چُھ نہٕ زانان۔ صرف چُھ میٚون بب زنان۔33لہٰذا روزیٚو تیار! ہمیشہِ روزیٚو ہوٗشیار تہٕ عبادت گُزار، تکیازِ توٚہہ چُھو نہٕ خبر سُہ وقت ییٚلہِ بہٕ واپس یِمہٕ!34یہِ آسہ یتھ ہیو۔ ییٚلہِ اکھ نفرٕ أکِس دوٗر دراز جگہس کنُ سفر یژھان چُھ کرُن تہٕ وُنؠ چُھ گرِ نیرنس تیار آسان، سُہ چُھ پننؠن خدمت گارن ونان زِ تِمن پزِ گرِ سمبالُن۔ سُہ چُھ پریتھ أکِس باند باند کران زِ کس کیاہ پزِ کرُن۔ پتہٕ ونہ دروازِ کسَ رٲچھ درس ہوشیار روز بہٕ آسے واپس۔35تمِس نفرس پٔزِ ہمیشہِ تیار روٗزن، تکیازِ تمِس چھِنہٕ پےِ یہِ مٲلکھ کرِ ییہِ واپس شامس، نیصف رٲژ، سحرن کۅکر بانگہٕ، یا صبحس افتاب آسہ آسمانس منٛز ہیٚور کھوٗمت۔ یتھےٕ پٲٹھؠ، توٚہہ تہِ پٔزِ ہمیشہِ تیار روٗزن، تکیازِ توٚہہ چُھو نہٕ پےٕ بہٕ کرِ یمہٕ واپس۔36یہِ گوٚژھ نہٕ سپدن زِ ییٚلہِ بہٕ اچانک یِمہٕ، بہٕ وُچھ زِ توٚہؠ چُھو نہٕ تیار!37یمہٕ کتھٕ بہٕ توٚہہِ شٲگردن چُھس ونان بہٕ چُھس ونان ہر أکِس: ہمیشہِ روزیٚو تیار!"
Bridge Connectivity Solutions Pvt. Ltd.