یوحنا8
1یسوعؔ گو پتہٕ زیتون بالس کُن۔ تہٕ یہِ راتھ گُزٲرٕن أتھؠ نکھَے2دوٚیمہِ دوٚہہ صبح پھۅلوُن آو ہیکل کِس صحنس منٛز واپس۔ واریاہ لوٗکھ آس سمکھنہِ۔3شریعت زان وٲلؠ کینٛہہ ۅوستاد تہٕ فریسیسی آیس اکھ زنانا ہٮ۪تھ۔ تِمو ٲس سۅ کۅکار کران رٔٹمژ۔ تِمو کٔر سۅ منٛز جمٲژ کھڑا۔4کاہن ٲسؠ یسوعسؔ آزماوُن یژھان تاکہِ تمِس کھالن کانٛہہ راہ۔ تھدِس یہُودؠ انتظٲمی مشاورتس منٛز موسیٰؔ سنٛز شریعت پھُٹراونُک۔ اوے ونُکھ أمِس، "استاد اسہِ رٔٹ یہِ زنان کۅکار کران۔ بدکٲری ہنٛز عملہِ دوران۔5موسیٰؔ سنٛزِ شریعُک حکم چُھ زِ یِژھ زنان گژھِ کنہِ کنہِ کٔرِتھ مانرنہٕ یِنؠ۔ بہرحال ژٕ ون اسہِ کیا پزِ کرُن۔ 6یسوعؔ نمیو بوٚن کُن تہٕ لوٚگ زمینس پٮ۪ٹھ کہتام أمِس اونگجہِ سٟتؠ لیکھنہِ7ییٚلہِ تِم یسوعؔس لگاتار پرٕژھان رودؠ۔ سُہ ووٚتھ تھوٚد تہٕ ووننکھ۔ پکو بس سُہ نفر لاین أمِس زنانہِ گۅڈنِچ کٔنؠ یمؠ نہٕ پانہٕ زانٛہہ تہِ کانٛہہ گناہ کوٚرمُت آسہ۔ تہٕ یوٚہے کرِ باقین تہِ أمِس مارنس منٛز رہبری8امہِ پتہٕ نمیوو یسوعؔ بیٚیہِ تہٕ لیٚوکھن کہتام زمینس پٮ۪ٹھ۔9ییٚلہِ تَمو یسوع سُنٛد کلام بوٗز تِمو یہُودؠ زِٹھیٚو یِم تس سوال ٲسؠ کران لوگ لوت لوت اکہ اکہ نیرُن۔ بزرگ دراے گۅڈٕ انوارِ تہٕ ادٕ دراے باقیو لۅکٕٹؠ لۅکٕٹؠ۔ اتہِ رود اتھ لوٗکہٕ ہجومس منٛز چھرا پانہٕ یسوعؔ تہٕ یہِ راہ لد زنان۔10یسوعؔ ووٚتھ تھوٚد تہٕ پرژھُن أمِس کورِ۔ تِم سٲری مرد کوٚت گۓ یِم ژےٚ راہ ٲسے کھالان۔ ژےٚ پٮ۪ٹھ لگوونا کٲنٛسہِ تہِ سزہُک حکم۔11زنانہِ ووٚنُس اورٕ جناب۔ یتہِ چُھنہٕ کہین، "امہِ پتہٕ ووٚنُس یسوعؔن۔ بٕتہ چُھسے نہٕ ژےٚ سزہُک حکم دِوان۔ نیر برونٛہہ کُن کٔرؠ زیٚنہٕ یُتھ ہیٚو گناہ زانہٛہ۔12یسوعؔن ووٚن لوٗکن کُن مزید، "بہٕ چُھس دُنیا کیٚن لوٗکن خدایہ سُنٛد رُت تہٕ پوٚز گاش بخشن وول۔ یُس تہِ میون شٲگرد بنہِ سُہ تراوِ نہٕ پنٕنؠ قدم زنٛہے گناہ چہِ سیٲہی منٛز اتھ برعکس میٲنِس خدایہِ سنٛدِ خٲر، رٕژر تہٕ پوٚز نور یس پوشونہِ زندگی آے دِیَس۔13یورٕ ؤتھِس فریسیسی "ژےٕ چُھکھ پانس پٮ۪ٹھ پانے کُن گواہ۔ موسیٰؔ سٕنٛدِ شریعتس منٛز چھِ زندٕ گواہ آسٕنؠ لازمی ژےٚ یہِ ونکھ ما ییہِ پوٚز ماننہٕ۔14یسوعؔن ونُکھ یورٕ۔ یوٚدوے زن بہٕ پانس پٮٮ۪ٹھ کُنےٕ گواہ تہِ چُھس توتہِ چُھ پوٚز تہِ سورےٕ یہِ بہٕ ونان چُھس تکیازِ بہٕ چُھس زانان زِ بہٕ کتہِ پٮ۪ٹھٕ آس تہٕ مےٚ چھےٚ خبر بہٕ کوٚت چُھس گژھان مےٚ کوٚت چُھ گژُھن۔ مگر توٚہہِ چھنہٕ رژھ تہِ خبر بہٕ کتہِ تہٕ نَہ چُھو خبر بہٕ گژھٕ کوٚت۔15توٚہؠ چُھو لوٗکن پرکھاوان انسٲنی مقیارو ؤنؠ گو بہٕ چُھس نہٕ آمُت کٲنٛسہِ عدالت لاگنہِ امہِ طریقہٕ تہنٛدیٚو معیارو۔16ییٚلہِ زانہٛہ کٲلؠ بہٕ لوٗکن عدالت لاگہٕ بہٕ پرکھاوکھ تِم مستقل میعارو تکیازِ بہٕ چُھس نہٕ لوٗکن پننہِ ذٲتے میعارٕ پرکھاوان بلکہ لاگو بہٕ تہٕ میون مول یمؠ بہٕ یور سوزُس دۅشوے یِکہٕ وٹہٕ عدالت۔17موسیٰؔ ہن چُھ تہنٛزِ شریعت دِنہٕ واجنہِ کتابہِ منٛز لیٚوکھمُت زِ ییٚلہِ کم از کم زٕ گواہ ہِشی گوٲہی دِن تیٚلہِ تیہِ تِم ونن چُھ پوٚز۔ 18بہٕ چُھس پنُن پانہٕ گواہ۔ مگر میون مول بہٕ یور سوزُس تہِ چُھ مےٚ گواہ لہٰذا یہِ بہٕ ونان چُھس تہِ چُھ پوٚز۔ 19چونکہِ یسوعؔن ووٚن زِ تسُنٛد مول چُھ تسُنٛد گواہ فریسیو پرُوژھ أمِس، "پنُن مول کتہِ چُھے۔ یسوعؔن ونُکھ یورٕ۔ توٚہؠ نہٕ زٲنیٚو مےٚ تہٕ میٲنِس مٲلِس۔ یوٚدوے توٚہؠ مےٚ زٲنؠ ہیو، توٚہؠ زٲنؠ ہو میٲنِس مٲل، س تہِ۔ مگر توٚہؠ چُھو نَہ20تٔمؠ ونہِ یِمہٕ کِتھہٕ پانس متعلق ییٚلہِ سُہ ہیکل کِس آنٛگنس منٛز پنٕنؠ تعلیم دِوان اوس۔ تٔمؠ ووٚن یہِ تِمن خزانس نِش ییٚتہِ لوٗکن ہُنٛد پونٛسہٕ ٹونٛک بیترِ جمع یوان اوس کرنہٕ۔ یہِ روٚٹ نہٕ کٲنسے تکیازِ وُنہِ اوسنہٕ امسنٛدِ یمہِ عالمہٕ نیرنُک منٲسب وق ووتمُت۔21یسوعؔن ووٚن لوٗکن مزید۔ بہٕ چُھس ییٚتہِ وُنؠ نیران۔ توٚہؠ روزیٚو مےٚ ژھانٛڈان۔ چونکہِ توٚہؠ چُھو مےٚ پننیٚو گُنہو بٔرِتھ نیتِ کِنؠ اِنکار کران، توٚہؠ مرد خدایہِ سٕنٛدِ طرفہٕ بخششہِ ورٲے۔ توٚہؠ ہیٚکو نہٕ تتھ جایہِ وٲتتھےٕ یوٚت بہٕ واتہٕ۔22یہُودؠ زِٹھیٚو ووٚن پانہٕ وٲنؠ شاید چُھ یہِ پانے پان مارُن یژھان۔ تہٕ یہِ چُھ امیٚک مطلب ییٚلہِ یہِ ونان چُھ زِ أسؠ ہیٚکو نہٕ توٚت وٲتِتھ یوٚت سُہ گژھان چُھ۔23یسوعنؔ ووٚن یِمن توٚہؠ چُھو یمہِ پست زمینہِ پٮ۪ٹھ تہٕ بہٕ چُھس بلند آسمانہٕ پیٚٹھُک۔ توٚہؠ چُھو یمہِ گناہ گار دُنیہکؠ۔ بہٕ چُھس نہٕ امہِ دُنیہُک۔24اوے کِنؠ ووٚنمو زِ توٚہؠ مٔرِو پننٮ۪ن گنہن ہنٛز بخشش خدایس نِش لبنہٕ ورٲے۔ یی سپدِ یقیناً یوٚدوے توٚہؠ پژھ کٔرِو نہٕ زِ بہٕ چُھس خدا۔ یہِ زن بہٕ ونان چُھس۔25تکیازِ امؠ ووٚن یہِ تِمو پرُوژھ أمِس، "ژٕ چُھکھ کُس۔ یسوعنؔ ونُکھ یورٕ بٕتہ اوسُس یی ونان گۅڈٕ پٮ۪ٹھٕ۔26بہٕ ہیٚکہٕ واریاہ کینٛہہ توٚہہِ متعلق ؤنِتھ تہٕ توٚہہِ عدالت لٲگِتھ مگر بہٕ کرٕ نہٕ یُتھ کینٛہہ وُنکٮ۪س۔ بلکہ ونہٕ بہٕ دُنیہکٮ۪ن لوٗکن چھرا تیُتےٕ یہِ مےٚ پانہٕ بوز۔ مےٚ یوت سوزن وٲلِس نِش۔ سُہ چُھ ہمیشہٕ پوٚز ونان۔27تِمو سمُجھ نہٕ رژھ تہِ زِ سُہ اوس تِمن آسمانس پٮ۪ٹھ پننس مٲلِس متعلق ونان۔28یسوعنؔ ووٚن یِمن، "ییٚلہِ توٚہؠ مےٚ کٲٹھِس تُلِو مارنہٕ باپتھ۔ مےٚ آدمؔ سنٛدِس گۅبرس۔ توٚہؠ زٲنِو پانے زِ بہٕ چُھس خدا تہٕ توٚہؠ زٲنِو یِتہِ زِ بہٕ چُھس نہٕ پننہِ اختیارٕ کِہین کران۔ بلکہ چُھس بہٕ تی کران یہِ بہٕ پنٕنؠ مٲلؠ ہٮ۪چھنووُس۔29میون مول یمؠ بہٕ یور سوزُس چُھ ہمیشہٕ مےٚ سٟتؠ۔ تٔمؠ ترووُس نہٕ بہٕ زانہٛہ بے کس تکیازِ بہٕ چُھس ہر ساعتہٕ تی کران مہِ سٟتؠ سُہ فرحت پراوِ۔30یمہِ وزِ یسوعؔ یمہٕ کِتھہٕ کران اوس۔ بیٚیہِ تہٕ بیٚیہِ لوٗکو مون زِ سُے چُھ مسیحؔ۔31یسوعنؔ ووٚن ادٕ تِمن یہودٮ۪ن یم ؤنؠ تس مسیحؔ مانان ٲسؠ۔ یوٚدوے توٚہؠ میٲنؠ تعلیم مٲنِو تیٚلہِ چُھو توٚہؠ میٲنؠ حقیقی شٲگرد۔32امہِ علاوٕ زٲنِو توٚہؠ پانے خدایہِ سنٛز حقیقت تہٕ اتھ مٲنِتھ بخشیٚو یہِ پزر توٚہہِ نجات تمہِ نِشہ یمؠ توٚہؠ غلام چُھو بنٲوِؠ مٕتؠ۔33تِمو ووٚنُس اورٕ ٲسؠ ابرہامؔ سٕنٛدؠ زُرؠ۔ أسؠ چھِنہٕ ذہنؠ کٲنٛسہِ ہنٛدؠ غلام رودؠ مٕتؠ۔ ژٕ کو چُھکھ ونان زِ اسہِ چھےٚ آزٲدی پراوٕنؠ۔34یسوعنؔ ونُکھ، "بہٕ چُھسو ونان پوٚز۔ سُہ ہر کانٛہہ یُس گناہ کرِ چُھ پننٮ۪ن گناہ گار خٲہشن ہندس حکمس تل۔35اکھ غلام چُھنہٕ ہمیشہٕ پننٮ۪ن مٲلکن ہنٛدِ شہرکؠ بٲژ روزان ؤنؠ گو کینٛہہ ہیٚکن یِتھؠ یا آزاد ہیٚکن سپدِتھ۔ مگر اکھ نیٚچو چُھ پننہِ شہرُک ہمیشہٕ اکھ بٲژ۔ 36بس یوٚدوے توٚہہِ اکھ نیٚچو آزاد کرِ گنہن ہُنٛد غلام روزنہٕ نِش۔ توٚہؠ ہیٚکو مکمل پٲٹھؠ گنہو نِش مُچھِ روزِتھ۔37بہٕ چُھس زانان زِ توٚہؠ چُھو ابرہامؔ سٕنٛدؠ جسمٲنی زُرؠ۔ بہرحال توٚہؠ چُھو مےٚ مارُن یژھان تکیازِ توٚہؠ چُھو پژھ تھاونس اِنکار کران۔38بہٕ چُھسو توٚہہِ تِمن چیزن متعلق ونان یِم مےٚ پنٕنؠ مٲلؠ دیدمان ہٲوؠ۔ لہٰذا کٔرِو توٚہؠ تہِ تہٕ یہِ تہنٛدؠ مٲلؠ توٚہہِ ونُو۔ 39تِمو ووٚنُس اورٕ ابرہامؔ چُھ سون جد۔ یسوعنؔ ونُکھ، "یوٚدوے توٚہؠ ابرہامؔ سٕنٛدؠ زُرؠ ٲسؠ ہُو۔ توٚہؠ ٲسؠ ہُو تی کران یہِ تٔمؠ کوٚر۔40بہٕ چُھسو توٚہہِ پزٕ کِتھہٕ ونان یِم مےٚ خداین ونہِ مگر توٚہؠ چُھو اورٕ مےٚ مارنس پٮ۪ٹھ۔ ابرہامنؔ ما کوٚر یتھٕ کِنؠ۔41توٚہؠ چُھو تی کران یہِ تہنٛدؠ اصل مٲلؠ کوٚر۔ تِمو ووٚنُس، "أسؠ چھِنہٕ حرامٕکؠ بچہٕ چٲنؠ پٲٹھؠ اسہِ چُھ بس اکھ مول سُہ گو سون خدا۔42یسوعنؔ ونُکھ، "یوٚدوے خدا تُہنٛد مول آسہ ہے یہِ زن سُہ چُھنہٕ۔ توٚہؠ بٔرؠ ہیٚو مےٚ لول تکیازِ بہٕ آس تسٕنٛدی پٮ۪ٹھٕ۔ تہٕ آس یتھ دُنیہس۔ یہِ چُھ پزر بہٕ آس نہٕ پننہِ اختیارٕ بلکہ سوزُس بہٕ پانہٕ خداین۔43خبر چُھوا توٚہؠ کیازِ نہٕ پانہٕ سمجھان یہِ بہٕ توٚہہِ ونان چُھس۔ یہِ چُھ تکیازِ توٚہؠ چُھو نہٕ مانان یہِ مےٚ ونُو۔44توٚہؠ چُھو پننِس مٲلؠ سٕنٛدؠ، شیطان سٕنٛدؠ تہٕ توٚہؠ چُھو یژھان تی کرُن یہِ سُہ یژھان چُھ۔ سُہ چُھ برابر تنہٕ پٮ۪ٹھٕ لوٗکن ماران ینہٕ لوکو گۅڈٕ گناہ کوٚر۔ تٔمؠ نکور تہِ یہِ حق اوس۔ تکیازِ سُہ چُھنہٕ تِمن پزن کتھن دُہراوان ییٚلہِ تہِ سُہ اپُز ونہِ سُہ چُھ پننہِ فطرت مطٲبق عمل کران۔ تکیازِ سُہ چُھ اپٕزؠ یور۔ بلکہ چُھ سُہ اپزیُک آگُر۔ 45توتہِ چُھو نہٕ توٚہؠ مےٚ پٮ۪ٹھ پژھ۔ تکیازِ بہٕ چُھسو پوٚز ونان۔46چونکہِ مےٚ چُھنہٕ ذہنؠ گناہ کوٚرمُت۔ توٚہہِ منٛزٕ ہیٚکہِ نہٕ کانٛہہ ثٲبت کٔرِتھ زِ مےٚ چُھ گناہ کوٚرمُت۔ چونکہِ بہٕ چُھسو ونان پوٚز کیاہ چُھ۔ کانٛہہ تہِ رُت وجہہ چُھنہٕ توٚہہِ روزان میانہِ کتھہِ پٮ۪ٹھ پژھ نَہ کرنہٕ باپتھ۔47خدا سٕنٛدؠ چھِ خدایس مانان تہٕ مازان یہِ تٔمؠ ووٚن۔ یی چُھ پوٚز۔ توٚہؠ چُھو نہٕ مانان یہِ خدا ونان چُھ تکیازِ توٚہؠ چُھو نہٕ خدا سٕںنٛدؠ۔48یسوعسؔ مخٲلف یہودیٚو ووٚن أمِس أسؠ چھِ یقیناً صحیح یہِ وننس پٮ۪ٹھ زِ ژٕ چُھکھ اکھ سامرٲتؠ یمن أسؠ نفرت کران چھِ تہٕ ژےٚ چُھےٕ ژامُت جِن پرٮ۪کس۔49یسوعنؔ ونُکھ یورٕ، "بہٕ چُھس نہٕ شیطان سٕنٛدِس اختیارس تل بلکہ چُھس بہٕ پننِس مٲلِس آسمانن پٮ۪ٹھ پننس مٲلس عزت بخشان تہٕ توٚہؠ چُھو مےٚ عزت والان۔50بہٕ چُھس نہٕ یژھان لوٗکن پتہٕ لگُن پانس عزت کرناونہٕ باپتھ۔ بلکہ چُھ یہِ بیاکھ یُس یہِ کرناوُن یژھان چُھ تہٕ پرکھاوان چُھ زِ پوٚز کُس چُھ ونان توٚہؠ کِنہٕ بہٕ۔51بہِ چُھسو پوٚز ونان یُس تہِ میٲنؠ تعلیم مانہِ سُہ مرِنہٕ ادٕ زانہٛہ۔52یسوعسؔ مخٲلف یہودیٚو ووٚنُس یورٕ، "ؤنؠ چھےٚ اسہِ پوٗرٕ یقین تہٕ پژھزِ ژےٚ چُھےٕ کُستام جِن رٔٹٕتھ پکناوان۔ ابرہامؔ تہٕ باقیو رسول مودؠ درایہِ یمہِ عالمہٕ کرتام تہٕ توتہِ چُھکھ ژٕ ونان زِ یُس تہِ چٲنؠ تعلیم مانہِ سُہ مرِ نہٕ یقیناً زہنٛؠ۔53ژٕ چُھکھ نہٕ ہرگِز تہِ سٲنِس جدسابرہامس کھۅتہٕ بوٚڈ تہٕ عظیم۔ سُہ مود تہٕ باقے رسول تہِ مودؠ۔ ؤنؠ ون ژٕ کُس چُھکھ؟54یسوعنؔ ونُکھ، "یوٚدوے بہٕ لوٗکن پتہٕ لگہ زِ تِم کرن مےٚ عزت، سُہ عزت آسہ کھوٚٹ۔ میون مول چُھ میون عزت کران۔ سُہ چُھ سُے یمِس متعلق توٚہؠ ونان چُھو زِ سُہ چُھ میون خدا۔55اگرچہِ توٚہؠ أمِس خدایس زانان چُھو نہٕ۔ بہٕ چُھسن سُہ خدا زانان۔ یوٚدوے بہٕ یہِ ونہٕ زِ بہٕ زانن نہٕ، بہٕ چُھس تیٚلہِ اپٕزؠ یور توٚہہِ پرٮ۪تھ کٲنٛسہِ ہنٛدؠ پٲٹھؠ۔ اتھ برعکس زانن بہٕ سُہ تہٕ بہٕ چُھس ہمیشہٕ تس مانان یہِ سُہ ونان چُھ۔56تُہنٛد جد ابرہامؔ اوس سٮؠٹھاہ خوش زِ سُہ چُھ مےٚ یتھ دنیاہس منٛز یوان وُچھان۔ خداین دیُت أمِس مےٚ دنیاہس منٛز یِمن وُچھنُک موقعہ تہٕ اوس بڈٕ خوش۔57چونکہِ یسوعنؔ ووٚن یہِ أمِس مخٲلف یہودیٚو ووٚنُس ابرہامؔ گو یمہِ عالمہٕ واریاہ کال برونٛہہ تہٕ ژٕ چُھکھ نہٕ وُنہِ پنٛژہ وۅہُر تہِ۔ ژےٚ وُچھتھن تہٕ وُچھتھن کِتھہٕ پٲٹھؠ۔58یسوعنؔ ووٚن یِمن، "بہٕ چُھسو توٚہہِ پوٚز ونان بہٕ اوسُس خدا ابرہامؔ سٕنٛدِ زیٚنہٕ تہِ برونٛہہ59چونکہِ سُہ اوس پانس خدا ونان أمِس مخٲلف یہودیٚو تُجہ کنہِ أمِس لاینہٕ باپتھ تاکہِ أمِس کرن از جان مگر یسوعؔ رود ژھٮ۪پہِ ہجومس منٛز تہٕ دراو ہیکلہٕ کہِ صحنہٕ نٮ۪بر۔
Bridge Connectivity Solutions Pvt. Ltd.