یوحنا7
1یِمو سارِوٕے واقہو پتہٕ رود یسوعؔ گلیل ہنٛدِس علاقس منٛزےٕ پھیران۔ سُہ اوسنہٕ یژھٲنی یہُوداؔ کِس علاقس منٛز پھیرُن تھورُن۔ تکیازِ اتِکؠ یہُودؠ زِٹھؠ ٲسؠ أمِس کُنہِ ہیٖتہٕ مٲرِتھ ژھٕنہٕ نُک ژھل ژھاران۔2امہِ وزِ ٲس یِمن یہودٮ۪ن ہُنٛد بوٚڈ مقدس دوٚہہ عیدِ خیام کلس پٮ۪ٹھ۔ 3یسوعسؔ ووٚن پننٮ۪و بایو، "وۅتھ نیر تہٕ گژھِ یہُوداؔ شہرس کُن۔ تاکہِ چٲنؠ سٲری شٲگرد وچُھن پانہٕ تہِ دیدمان پٲٹھؠ چانہِ دٔسؠ سپدن وٲلؠ معجزٕ۔4پنٕنؠ معجزٕ ہاو یہداہو منٛز۔ دُنیاہس منٛز مشہور سپدنہٕ وول چُھنہٕ پنٕنؠ کارنامہٕ ژورٕ تھاوان۔ چونکہِ ژےٕ چُھکھ یِم معجزٕ کران۔ ہاو تہٕ باو ژٕ کیاہ چُھکھ پانس زانان تہٕ سمجھان۔"5یسوعسؔ ووٚن یہِ پننیٚو بایو اوٕ کِنؠ تکیازِ تِم ٲسؠ نہٕ تسٕنٛدِس مسیحؔ آسنس پژھ کران۔6چونکہِ تِمن ٲسنہٕ پژھ۔ یسوعنؔ ووٚن تِمن، "یہِ چُھنہٕ منٲسب موقعہ یروشِلم گژھنُک۔ ؤنؠ گو توٚہؠ ہیٚکو کُنہِ وزِ تہِ گٔژھِتھ۔7دُنیہکٮ۪ن لوٗکن چُھنہٕ تُہنٛد کانٛہہ عداوت مگر مےٚ سٟتؠ چُھکھ تکیازِ بہٕ چُھسکھ ونان زِ توٚہؠ چُھو غلطس پٮ۪ٹھ۔8توٚہؠ گٔژھۍٚو یروشلم یہِ دوٚہہ مناونہٕ باپتھ۔ بہٕ چُھس نہٕ وُنہِ اور گژھنٛنہٕ باپتھ تیار۔ یہِ چُھنہٕ میانہِ باپتھ منٲسب وق"9پننٮ۪ن باین یہِ وننہٕ پتہٕ رود بیٚیہِ تہِ کینٛہہ کالا یسوعؔ أتی گلیل ہنٛدِس علاقس منٛزےٕ۔10بہرحال باین ہنٛدِس اتھ بٔڈِس دوٚہس گژھٛنہٕ پتہٕ کینٛژؠ دوٚہؠ گو یسوعؔ پانہٕ تہِ اور ژھوٚپہِ ژھوٚپٲؠ پٲٹھؠ۔11یِمن یہُودؠ زِٹھٮ۪ن یہِ، دٔرؠ شینکھ از مسیحؔ ییہِ اور یہِ بوٚڈ دوٚہہ مناونہِ۔ تِم رودؠ کوس تہٕ أمِس اتہِ ژھانٛڈ دِوان۔ تِم ٲسؠ أکِس أکِس نفرس پرٕژھان "سُہ آدمؔ کتہِ چُھ"12لوٗکھ ٲسؠ ژھوٚپہِ ژھوٚپٲؠ پٲٹھؠ أکِس یسوعسؔ متعلق پرٕژھان۔ کینٛہہ ٲسؠ ونان، "سُہ چُھ اکھ نیک تہٕ رُت انسات۔ ییٚلہِ زن یتہِ کینٛہہ ٲسؠ یِتہِ ونان، "نَہ! سُہ چُھ لوٗکن پچہِ پھیُر کران۔13ؤنؠ گو لوٗکھ ٲسؠ یہُودؠ زِٹھٮ۪ن کھوٚژان۔ اوے ٲسؠ نہٕ تِم کھُلہٕ پٲٹھؠ عام لوٗکن منٛز أمؠ سنٛز کانٛہہ کتھ کران۔14ییٚلہِ عید خیامس سٟتؠ مخصوس دوٚہُن ہُند اوٚڈ حصہٕ انٛدیومُت اوس یسوعؔ ژاو ہیکلہٕ کِس منٛزؠ مِس آنٛگنس منٛز تہٕ لٲجن لوٗکن تعلیم دِنؠ۔15یہُودؠ زِٹھؠ گے یہِ تبلیغ وُچِھتھ روزِتھ۔ تِمو ووٚن، "یمؠ انسانن چھنہٕ کانٛہہ مذہبی تعلیم تہِ پرٲومٕژ۔ أمؠ چھنہٕ مقدس کتابہٕ تہِ وارٕ زانہِ مژٕ۔16یسوعنؔ ونُکھ، "یہِ تعلیم چھنہٕ میٲنؠ بلکہ چھےٚ یہِ خدایہِ سٕنٛدِ طرفہٕ یمؠ بہٕ سوزُس۔17یوٚدوے کانٛہہ خدایہ سنٛز مرضی پٮ۪ٹھ پکُن یژھان چُھ سُہ ہیٚکہِ پانے زٲنِتھ زِ میٲنؠ تعلیم چھنہٕ میانہِ کُنہِ اِرادٕ بلکہ چھےٚ یہِ خدایہِ سٕنٛدِ طرفہٕ۔18کانٛہہ نفر تہِ یُس پننہِ اِرادٕ کتھ کرِ چُھ پٲنؠ پانس پانے تھزَر دیُن یژھان۔ ؤنؠ گو سُہ نفر یُس تھزَر دیُن یژھان چُھ پننس سوزن وٲلِس چُھ پوٚز ونان تہٕ نہک عمل کران۔19یقیناً دِژ توٚہہِ موسیٰؔ ہن خدایہِ سنٛز شریعت۔ مگر توٚہہِ منٛزٕ کُس چُھ اتھ پٮ۪ٹھ عمل کران تہٕ یی چُھ پوٚز۔ توٚہؠ کیازِ چُھو مےٚ مارُن یژھان۔ تہنٛدؠ کِنؠ تتھ شریعتس پٮ۪ٹھ نَہ روزنہٕ کِنؠ یتھ نہٕ توٚہؠ پانہٕ تہِ مازان چُھو۔20امہِ ہجومہٕ منٛزٕ ووٚنُس یورٕ کینٛژو، "ژےٚ چُھے ژامُت جِن پرکس۔ ژےٚ چُھےٕ نہٕ کانٛہہ تہِ مارُن یژھان۔"21یسوعنؔ ووٚن یورٕ اتھ ہجومس، "چونکہِ مےٚ بٔلروو اکھ نفر معجزٕ سٟتؠ۔ تہنٛدِ مقدس آرام کہِ دوٚہہ۔ توٚہؠ گوو یہےَ روزِتھ ہیٚو۔22تکیازِ کینٛہہ صحت بخشن واجنہِ کامہِ ہیٚکو آرامکہ دوٚہہ تہِ کٔرِتھ۔ موسیٰؔ ہن دیُت توٚہہِ خستہٕ کرنُک حکم۔ یہِ شریعت چھےٚ ونان زِ توٚہہِ چُھو شُر زیٚنہٕ پتہٕ سٔتمہِ دوٚہہ لٲزِمن أمِس ختنہٕ کرُن۔ حالانکہ ختنُک حکم گو نہٕ موسیٰؔ سٕنٛدِ پیٚٹھےَ شروع بلکہ سپُد یہِ ریواج تہنٛدٮ۪و اجدادو ابرہامؔ، اضحاقؔ تہٕ یعقوبؔ سٕنٛدِ پٮ۪ٹھٕ شٮروع۔ امہِ شریعتہٕ کِنؠ چُھو توٚہہِ کُنہِ کُنہِ سبت یعنی آرامکہ دوٚہہ تہِ بچو باپتھ ختنہٕ انجام دِنچ کٲم کرٕنؠ پیٚوان۔ 23چونکہِ توٚہہِ چُھ موسیٰؔ سُنٛد حکم پولوسؔنہٕ باپتھ کُنہِ وزِ آرامکہ دوٚہہ سبت تہٕ ختنچ کٲم کرٕنؠ پیٚوان۔ توٚہہِ پزِ نہٕ مےٚ پٮ۪ٹھ ناراض سپدُن زِ مےٚ کٔر اِکھ رٕژ کٲم مثلاً کانٛہہ بٔلراونچ کٲم امہِ خاص دوٚہہ۔24چھرا پنن، س وُچھنس یا سونچس پیٚٹھےٕ مٕہ لٲگِو مےٚ پٮ۪ٹھ عدالت بلکہ پرکھٲیو خدا سٕنٛدِ قانون تہٕ شریعتہٕ مطٲبق یہِ زن صحیح چُھ۔ 25کینٛژھو لوٗکو یِم یروشلمہٕؔ روزان ٲسؠ ووٚن، "یہِ چُھ سُہ آدمؔ یمِس سٲنؠ زِٹھؠ مارُن یژھان چھِ۔26بوزِو یہِ چُھ یمہِ کتھہِ ننہِ وان عامس منٛز ونان۔ مگر سٲنؠ زِٹھؠ چھِنہٕ أمِس خلاف ژٔر تہٕ کران۔ امیٚک مطلب ما گو یہِ زِ یِم سٲنؠ زِٹھؠ چھِ ژَکہِ زانان زِ یہِ چُھ مسیحؔ۔27مگر یہِ انسان ہیٚکنہٕ مسیحؔ ٲسِتھ! اسہِ چھےٚ پتاہ یہِ کتہِ آو۔ مگر ییٚلہِ مسیحؔ ییہِ کانٛہہ زانہِ نہٕ سُہ کتہِ آو۔28ہیکلس منٛز أکِس تبلی کرنس دوران ووٚن یسوعنؔ بڈِ ہَٹہِ، "آ! توٚہؠ چُھو مےٚ زانان تہٕ توٚہؠ زٲنِو یِتہِ زِ بہٕ آس کتہِ پٮ۪ٹھٕ۔ مگر بہٕ آس نہٕ یور پننہِ حکمہٕ بلکہ یمؠ بہٕ سوزُس چُھ پوٚز خدا تہٕ توٚہؠ زٲنیٚو نہٕ تمِس۔29بہٕ زانن سُہ تکیازِ بہٕ آس تسٕنٛدِ پٮ۪ٹھٕ۔ سُے چُھ یمؠ بہٕ یور سوزُس۔30چونکہِ یسوعنؔ ونہِ یِم تہٕ یژھے کِتھہٕ۔ یہُودؠ زِٹھؠ ٲسؠ یژھان أمِس بٲنٛدؠ بناوُن۔ مگر کانٛہہ تہِ ہیوٚک نہٕ أمِس تھَپہِ رٔٹِتھ۔ امسنٛدِ مرنُک وق اوسنہٕ وُنہِ ووتمُت۔31یہُودؠ زِٹھٮ۪ن برعکس ٲسؠ واریاہ لوٗکھ یِمن یسوعسؔ پٮ۪ٹھ پژھ ٲس۔ تِم رودؠ لگاتار ونان، "ییٚلہِ تہِ زانہٛہ مسیحؔ ییہِ سُہ ہیٚکنہٕ امسنٛدِ کھۅتہٕ زیادٕ بہتر معجزٕ کٔرِتھ32کینژھو فریسیو لوٗکو بوزٕ ژوٗرٕ پٲٹھؠ یِم یہنٛزٕ کِتھہٕ یسوعسؔ متعلق۔ امہِ پتہٕ سوز یِمو تہٕ کاہنو ہیکلٕکؠ محٲفظ أمِس بٲنٛدؠ بناونہٕ باپتھ۔33چونکہِ تِمو کوٚر یہِ۔ یسوعنؔ ونُکھ، "بہٕ روزٕ توٚہہِ سٟتؠ یتھے کینٛژس کالسےٕ۔ ؤلؠ آسہ بہٕ خدایس سٟتؠ یمؠ بہٕ یور سوزُس۔34توٚہؠ ژھٲرِیو مےٚ مگر مےٚ لٔبیٚو نہٕ کینٛہہ۔ توٚہؠ ہکیٚو نہٕ تتھ جایہِ مقامس وٲتؠ تھےٕ یتہِ بہٕ آسہ"35یہُودؠ زِٹھؠ رودؠ اکھ أکِس پرٕژھان۔ "یہِ آدمؔ گژھِ کوٚت زِ أسؠ ہیکوون نہٕ لٔبؠ تھےٕ؟ یہِ ما گژھِ پزی تِمن یہودٮ۪ن نِش یِم اسرائیل نٮ۪بر سٲرسےٕ زگتس پھٔہلِتھ چھِ؟ کیاہ یہِ کیاہ پنُن تبلیغ تِمن لوٗکن منٛز تہِ یِم نہٕ یہُودؠ چھِ؟36ٲخٕر امسُنٛد مطلب کیاہ چُھ۔ یمہِ پننہِ وننُک زِ ٲسؠ دِمو سٲرؠ سےٕ دُنیہس زٲلؠ مگر تس لبو نہٕ تہٕ أسؠ واتن نہٕ تتھ مقامس تہِ یتہِ سُہ آسہ37عید خیام طَے یس واتنکہ انٛدمہِ دوٚہہ ووٚتھ یسوعؔ ہیکلہٕ کِس انٛدرمِس آنٛگنس منٛز وۅدٕنؠ تہٕ لوگُن تھَدِ ہَٹہِ ونُن۔ تٔمؠ ووٚن، "سُہ پرٮ۪تھ کانٛہہ زوٚن یمِس تریش چھےٚ یِین مےٚ نِش تہٕ چییِن تریش یوٚسہٕ بہٕ دِمَس۔ 38یی چُھ رسولو مقدس کتابن منٛز لیٚوکھمُت تِمن متعلق یِمن مےٚ پٮ۪ٹھ پژھ آسہ۔ "آب یس پوشوٕنؠ زندگی بخشہِ وُزِ تس انسان سٕٛدِ انٛدرٕ پٮ۪ٹھٕ۔39یسوعنؔ ووٚن ادٕ روح القدس متعلق یس خدا یسوعؔس پٮ۪ٹھ پژھ کرن والیٚن بخشُن یژھان اوس أمؠ ووٚن یہِ تکیازِ اوٚت تام اوسنہٕ خداین روح القدس سوزمُت تمِس پٮ۪ٹھ پژھ تھاون والیٚن پٮ۪ٹھ۔ تہٕ مزید اوٕ کِنؠ زِ یسوعؔن اوس وُنہِ سُہ عزت، سۅ فضیلت پرٲومٕژ یس تس پننہِ ظٲہری مرنہٕ پتہٕ دُبارٕ زِنٛدٕ وتھنہِ تہٕ آسمانن پٮ۪ٹھ کھسنہٕ پتہٕ میلن واجِنؠ ٲس۔ 40ییٚلہِ امہِ ہجوٗمہٕ منٛزٕ کینٛژو لوٗکو یسوعؔ سُنٛد یہِ دوٚپ بوز۔ تِمو ووٚن یہِ چُھ پزی نبی۔ یمِس متعلق خداین ووٚنمُت چُھ زِ سُہ چُھ یِنہٕ وول۔41کینٛژو ووٚن، "یوٚہے چُھ نجات بخشن وول مسیحؔ۔ ؤنؠ گو کینٛژو ووٚن یمن ہُنٛد یہِ غلط خیال اوس زِ مسیحؔ زاو گلیل منٛز۔ مسیحؔ سُنٛد گلیل پٮ۪ٹھٕ یِنُک چُھنہٕ شاید کانٛہہ امکان۔42نبیو چُھ مقدس مسودن منٛز لیٚوکھمُت زِ مسیحؔ ہس چُھ پزنہٕ پٲٹھؠ بادشاہ داوود سنٛدیو زُریٚو پٮ۪ٹھٕ یُن۔ تہٕ تِمن چُھ لٲزمن بیت لحم کہِ کُنہِ گامہٕ پیٚٹھےَ یُن۔ یتہِ پٮ۪ٹھ زن داود تہِ آمُت اوس۔ 43اتھ یسوعؔ سٕنٛدِ سوالس پٮ۪ٹھ گو یہِ ہجوم کانہِ کانہِ۔44ہجومہٕ منٛزٕ ٲسؠ کینٛہہ أمِس بٲنٛدؠ بناوُن یژھان۔ مگر کٲنٛسہِ تہِ ہیوٚک نہٕ سُہ رٔٹِتھ۔45ہیکلٕکؠ پیادٕ آے ژھٔری پوٚت پھیرِتھ حکومت کرن والیٚن کاہنن تہٕ فریسین نِش۔ یِمو پرُژھُکھ۔ "سُہ کیازِ اوٚنوُن توٚہہِ رٔٹِتھ یوت اسہِ نِش۔46ہیکلکٮ۪و پیادو ونُکھ یورٕ، "کٲنٛسہِ دوٚیِم تہِ چھنہٕ ازتام تسٕنٛدؠ پٲٹھؠ یتھ کلام کوٚرمُت۔47چونکہِ یِمو ہیکل کیٚو رٲچھ درو ووٚن یہِ فریسیو پرُوژھ یِمن یورٕ۔ امیٚک تر چھا یہِ زِ تٔمؠ تٲروٕ توٚہہِ تہِ۔48یقیناً چھِنہٕ حکومتی انتظامٕکؠ ارکان تہٕ أسؠ فریسیسی تمِس پٮ۪ٹھ کانٛہہ پژھ ھاوان۔49بہرحال یہِ لوٗکن ہُنٛد ہجوم چُھنہٕ خدا سنٛز شریعت زانان توے وٲج یِمن خداین وُنہٕ۔50امہِ پتہٕ ونُکھ نِیکُدِیمُسؔ ناوںٕکؠ نفرن یُس رٲژ منٛز یسوعؔ سمکھنہِ آمُت اوس۔ یوٚدوے سُہ فریسیسی اوس یتھ جمٲژ زن عام پٲٹھؠ یسوعؔ سنٛز دےٕ ٲس تہٕ توتہِ اوس آمُت۔51تٔمؠ ووٚن یہُودؠ مذہبی زِٹھٮ۪ن کاہنن زِ سٲنؠ یہُودؠ شریعت چھنہٕ مانان کٲنٛسہِ راہ کھالُن۔ تسُنٛد گوٚڈ بوزنہٕ ورٲے زِ آیا تٔمؠ کوٚرمُت کیاہ چُھ۔52تِمو ووٚن أمِس اورٕ نس دٕنِتھ، "یقیناً چُھکھ نہٕ ژٕ پانہٕ تہِ گلیل علاقُک۔ کِنہٕ چُھکھ؟ نیر پر یِم مقدس مسودٕ وارٕ۔ ژٕ وُچھکھ پانے زِ گلیل پٮ۪ٹھٕ وۅتھِنہٕ کانٛہہ رسول۔53پتہٕ دراے تِم سٲری پن پنُن گرٕ۔
Bridge Connectivity Solutions Pvt. Ltd.