یوحنا9
1یسوعنؔ وُچھ اکہ وتہِ پکان پکان اکھ زیٚنہٕ دوٚہہ پیٚٹھےَ اوٚن نفرا2پننیٚو شاگردو ووٚنُس اُستاد یہِ شخص کٔمؠ سٕنٛدؠ گُنہن کوٚر زیٚنہٕ کالہٕ پٮ۪ٹھٕ اوٚن؟ أمؠ یا امسنٛدؠ مٲلؠ ماجہِ اوسا کانٛہہ گناہ کوٚرمُت۔3یسوعنؔ ونُکھ "نَہ کوٚر یہِ کُنہِ پنٕنؠ گناہن تہٕ نَہ مٲلِس ماجہِ ہنٛدؠ گوٚنہن زیٚنہٕ وزِ اون بلکہ اوس یہِ اوٚن زیٚنہٕ گر پیٚٹھےَ اوٚن تاکہِ بہٕ ہاوٕ لوٗکن معجزٕ یِم خدا اسہِ سٟتؠ کرِ۔4یٖتِس کالس بہٕ توٚہہِ سٟتؠ چُھس اسہِ پزن معجزٕ کرٕنؠ یِم میون خدا یمؠ بہٕ یور سوزُس یژھان چُھ اسہِ کرناوٕنؠ۔ یِتھٕ پٲٹھؠ راتھ چھےٚ دوٚہس پتہٕ پتہٕ ییٚلہِ لوٗکھ کٲم ہیٚکن نہٕ کٔرِتھ۔ اسہِ تہٕ اسہِ وقتےٕ سوریومُت خدایہِ سنٛز کٲم کرنہٕ باپتھ۔5ییٚلہِ زن بہٕ یتھ دُنیہس منٛز وُنہِ موجود چُھس مےٚ چُھ دُنیہس خدایہِ سُنٛد خٲر۔ رٕژر تہٕ پوٚز نور لوٗکن تام واتناوُن۔6یہِ ؤنِتھ لٲے أمؠ پتھرِس تھۅکھ تہٕ بناوٕن ربہِ رژھا پننہِ ٲسکہِ لحابہٕ سٟتؠ۔ پتہٕ لٲجِن یہِ رب أمِس ٲنِس أچھن۔7امہِ پتہٕ ووٚنُن أمِس أنِس نیر چَھل وُنؠ یہِ رب شِلوخؔ کِس حوضس منٛز آرمنی زبٲنؠ منٛز گو شیلوخؔ یُس سوزنہٕ آمُت چُھ۔ یہِ نفر دراو تہٕ چھلُن امہِ آبہٕ بُتھ تہٕ دراو گرٕ کُن أچھ گاش ہٮ۪تھ۔8أمِس نفرٕ سٕنٛدیو ہمسایو تہٕ باقیو یِمو سُہ برونٛہہ وُچھمُت اوس تہٕ ٲسؠ زانان زِ سُہ چُھ اکھ بیچھِ وُن۔ "یہِ ہَے پزی نفر چُھ یُس یتہِ بہتھ بیٚچھان اوس آسان۔9کینٛژو ووٚن "آ یہِ ہے چُھ سُے۔ باقیو ووٚن نَہ۔ یہِ چُھ تس ہیٚو۔ مگر أمؠ نفرن ونُکھ پانہٕ، "اوٕ بےٕ چُھس سُہ نفر یُس اوٚن اوس"10اوے پرژھُس تِمو، "ژٕ کِتھہٕ پٲٹھؠ چُھکھ وُنؠ وُچِھتھ ہیٚکان۔11تٔمؠ ونُکھ، "اکؠ نفرن یمِس لوٗکھ یسوعؔ ونان چھِ بنٲو رب لژھِ تہٕ ٲسکہِ لحابہٕ سٟتؠ تہٕ مٔژھٕن میانٮ۪ن أچھن پتہٕ ووٚننم شیلوم حوضس پٮ۪ٹھ گٔژھِتھ اتھ چھلنہٕ باپتھ۔ بہٕ گوس توٚت تہٕ چٔھجِم یہِ رب۔ امہِ پتہٕ اوسُس بہٕ گاش دار گۅڈنکہِ پھرِ۔"12تِمو پرُژھ أمِس مزید، "سُہ نفر کتہِ چُھ وُنؠ۔ "تٔمؠ ونُکھ اورٕ، "مےٚ چھنہٕ خبر سُہ کتہِ چُھ۔"13اتہِ موجود کینٛژو نفرو تُل یہِ نفر پانس سٟتؠ تہٕ واتنووُکھ کینژن فریسیسی لوٗکن نِش۔14یمہِ دوٚہہ یسوعنؔ رب ٲڈٕر ٲسکہِ آبہٕ سٟتؠ تہٕ أمِس گاش اوٚنُن سُہ اوس یہودٮ۪ن ہنٛدِ آرامُک دوٚہہ۔15یِمو فریسیسو کٔر أمِس نفرس بیٚیہِ اکہِ لٹہِ پرٕژھ گٲر۔ وُنکٮ۪س تہِ پرُژھ أمِس یِمو بیٚیہِ زِ تس کِتھہٕ پٲٹھؠ آو أچھن گاش۔ تٔمؠ ونُکھ تٔمؠ نفرن لٲج میانٮ۪ن أچھن رب، مےٚ چٔھج تہٕ وُنؠ چُھس ہیٚکان وُچِھتھ گۅڈنکہِ پھرِ۔16کینٛژو فریسیسو ووٚن، "أسؠ چھِ زانان زِ یہ شخص چُھنہٕ خدایہِ سنٛدِ طرفہٕ تکیازِ یہِ چُھنہٕ یہُودؠ آرامکہ دوٚہکؠ قانون مانان۔ "بیٚیہِ کینٛژو ووٚن، "یقیناً ہیٚکہ نہٕ کانٛہہ تہِ گناہ گار تِتھؠ معجزٕ کٔرِتھ یِم سُہ کران چُھ۔ فریسیسی لٔگؠ اکھ أکِس بتھِ یسوعؔ، سٕنٛدِس آسنس متعلق۔17یِمو فریسیسو پرُژھ أمِس بیٚیہِ، "أمِس شخصس متعلق کیاہ چُھکھ ژٕ ونان۔ تکیازِ ژٕ چُھکھ پانہٕ ونان زِ أمؠ بنووُکھ ژٕ گاش دار۔ أمؠ نفرن ونُکھ، سُہ گژھِ ضرور رسول آسُن۔18چونکہِ أمِس نفرس ٲس پژھ زِ یسوعؔ چُھ رسول۔ یہُودؠ سردارن بیٹھ نہٕ پژھےٕ زِ یہِ نفر کیاہ اوس اوٚن تہٕ پتہٕ بنیو گاش دار۔ یمہِ موجُب یمو أمِس نفرٕ سُنٛد مول موج تہِ ناد دِتھ اوٚن تِمن تہِ پرژھ گٲر کرنہٕ باپتھ۔19تِمو پرُژھ امسنٛدِس مٲلِس ماجہِ، "یہِ نفر چھا تُہنٛد نیٚچو؟ توٚہؠ چُھوا ونان زِ یہِ یہِ چُھ زیٚنہٕ گرِ پیٚٹھےَ اوٚن۔ یوٚدوے یی چُھ تیٚلہِ کِتھہٕ پٲٹھؠ چُھ وُنؠ یہِ وُچِھتھ ہیٚکان۔20امسنٛدؠ مٲلؠ ماجہِ ونُکھ یورٕ، "أسؠ چھِ وثوقہٕ سان ونان زِ یہِ چُھ سون نیٚچو۔ أسؠ چھِ یِتہِ وثوقہٕ سان ونان زِ یہِ سون نیٚچو اوس زیٚنہٕ پانہٕ پیٚٹھے آماہ۔21وُنؠ گو اسہِ چُھنہٕ فِکرے تران زِ یہِ کِتھہٕ پٲٹھؠ گو وُنؠ گاشدار۔ اسہِ چھنہٕ یِتہِ پتاہ زِ یہِ کٔمؠ بنوو وُچھنس لایق۔ أمؠ سےٕ پرٕژھیٚو۔ یہِ چُھ پانہٕ بالیغ یِمن سوالن جواب دِنہٕ خٲطرٕ۔22یہُودؠ زِٹھیٚو ٲس برونٛہےٕ یہِ کتھ دٔر رٲومٕژ زِ تِم کرن پرٮ۪تھ کٲنٛسہِ ٹھاکھ یہُودؠ مجلسہِ منٛز اژنس یُس یسوعؔ سنٛدِ مسیحؔ آسنُک کانٛہہ دعوا کرِ۔ امہِ موجُب اوس أمِس نفرٕ سُنٛد مول موج کھۅژان تہٕ اوے ونیٚکھ یمہٕ کِتھٕ23اوے تہِ ووٚن یمو یہُودؠ زِٹھیٚن۔ أمسےٕ پرٕژھیٚو۔ یہِ چُھ بالیغ۔24اوے اوٚن یِمو یہُودؠ زِٹھیٚو یہِ اوٚن نفر بیٚیہِ اکہِ لٹہِ ناد دِتھ۔ تِمو ووٚن أمِس، "خدایہِ سنٛدِس ناوس دِ جلال پوٚز تہٕ صرف پوٚز ؤنِتھ! اسہِ چھےٚ پانس پوٗرٕ پژھ زِ یہِ انسان یمِس متعلق ژٕ ونان چُھکھ زِ تٔمؠ بنووُکھ ژٕ گاشدار چُھ گناہ گار۔25امؠ انسانن یُس یسوعنؔ بلروو وونُکھ یور، "مےٚ چھنہٕ خبر زِ سُہ چھا گناہ گار کِنہٕ نَہ۔ بہٕ زانہٕ اکھ کتھ زِ بہٕ اوسُس اوٚن تہٕ وۅنؠ چُھس گاشدار۔26تِمو پرُژھس وۅنؠ، "تِمو کیاہ کوٚرےٕ ژےٚ گاشدار بناونہٕ باپتھ۔ تٔمؠ کِتھہٕ پٲٹھؠ بنووُکھ ژٕ گاشدار۔27تٔمؠ ونُکھ، "یِمن سوالن دِیتو مےٚ توٚہہِ برونٛہےٕ جواب مگر توٚہؠ چُھو نہٕ میانٮ۪ن جوابن دھیانےٕ دِوان۔ توٚہؠ کیازِ چُھو مےٚ اکےٕ کتھ بار بار ونناوان۔ کیاہ توٚہؠ ما چُھو تٔمؠ سٕنٛدؠ شٲگرد بنٕنؠ یژھان۔28ووٚن لوگ أمِس حقارتہٕ سان ونن، "ژٕ ما چُھکھ تمِس انسان سُنٛد شٲگرد أسؠ چھِ پانہٕ موسیٰؔ سٕنٛدؠ شٲگرد۔29اسؠ چھِ پوٗرٕ وثوٗقہٕ سان ونان زِ خدا اوس موسیٰؔ ہس سٟتؠ ہم کلام آسان۔ یمِس انسانس متعلق چھنہٕ اسہِ یِتہِ پتاہ یہِ آو کتہِ پٮ۪ٹھٕ۔"30امؠ نفرن دِتُکھ یورٕ جواب، "بہٕ چُھس حٲران زِ توٚہہِ چھنہٕ یِتہِ خبر زِ سُہ آو کتہِ۔ مگر سُہ چُھ سُہ یمؠ مےٚ انٮ۪ر کوس تہٕ انٮ۪ن أچھن گاش اوٚنُن۔31اسہِ چُھ یقین زِ خدا چُھنہٕ گناہ گارن ہنٛدِس منٛگنس قبول کران۔ بلکہ چُھ تِمن لوٗکن ہنٛدِس منٛگنس قبول کران یِم پزنہٕ پٲٹھؠ عبادت گُذار چھِ تہٕ تہِ کران یہِ سُہ یژھِ یِمن کرناوُن۔32از تام چُھنہٕ کٲنسے بوزمُت زِ کٲنٛسہِ کیاہ چُھ زیٚنہٕ کالہٕ پیٚٹھُک انٮ۪ر کوسمُت تہٕ أچھن گاش اونمُت۔33یوٚدوے انسان خدایہِ سٕنٛدِ پٮ۪ٹھٕ آمُت آسہ ہے تہٕ تٮیٚلہِ کتہِ ہیٚکہِ ہے امہِ لِکھک کانٛہہ تہِ معجزٕ کٔرِتھ۔34یِمو یہُودؠ زِٹھیٚو ووٚنُس یورٕ، "ژٕ اوسُکھ زمُت اوٚن پننہِ مٲلِس مٲجہِ ہںٛدیٚو گنہو کِنؠ۔ ژےٚ کتھ چُھےٕ اسہِ ہٮ۪چھناونہٕ باپتھ پنن تال وتھان۔ امہِ پتہٕ کوٚر یِمو أمِس یہُودؠ مجلس ہنٛدِ جایہِ یِنس ٹھاکھ۔35یسوعنؔ بوز زِ یہُودؠ زٕٹھیٚو تمِس نفرس یہُودؠ مجلسہِ ہنٛزِ جایہِ یِنس ٹھاک لوگمُت یُس تٔمؠ بلروومُت اوس۔ ییٚلہِ تٔمؠ یہِ نفر ژھٲنٛڈِتھ اوٚن پرژھنس، "ژٕ چُھکھا آدمؔ سٕنٛدِس گۅبرس پٮ۪ٹھ پژھ کرن؟"36امؠ نفرن ووٚنُس اورٕ، "جناب سُہ کُس گو" مےٚ ؤنؠ تو تاکہِ بہٕ کرٕ تس پٮ۪ٹھ پژھ۔37یسوعنؔ ووٚنُس۔ ژےٚ وُچھتن سُہ برونٛہےٕ۔ بہٕ چُھس سُہ شخص یُس ژےٚ سٟتؠ کتھ کران چُھ۔38امؠ انسانن ووٚنُس، "خداوند بہٕ چُھسے پژھ کران زِ ژٕ چُھکھ آدمؔ سُنٛد گۅبُر۔ ادٕ ووٚتھ سُہ کوٚٹھٮ۪ن پٮ۪ٹھ تہٕ کوٚرنس سجدٕ39یسوعنؔ ووٚن، "بہٕ چُھس آمُت یتھ دُنیاہس منٛز لوٗکن عدالت لاگنہِ۔ نتیجہٕ نیرِ زِ تم لوٗکھ یِم یہِ ژینان چھِ زِ تِم چھِنہٕ خدا ڈیشِتھ ہیٚکان چُھ۔ پرزٕناون اتھ أکِس أنؠ سٕنٛدؠ پٲٹھؠ یمِس انٮ۪ر ژوٚل تہٕ گاش آو۔ بیاکھ نتیجہٕ نیرِ تِم لوٗکھ یِمن یہِ سونچ چُھ زِ تِم چھِ خدا سنٛز حقیقت ژینتھ ہیٚکان۔ ہیٚکن نہٕ تس پرزٕنٲوتھ تہٕ وُچِھتھ تمِس انسان سٕنٛدؠ پٲٹھؠ یمِس گاش چُھ مگر پیوان چُھس انٮ۪ر۔40ییٚلہِ کینٛژو فریسیو یِم نکھے ٲسؠ یسوعؔ یہِ ونہ نا بوز، تِمو پرُژھُس، "ژٕ چُھکھا سونچان زِ اسؠ تہِ چھِنہٕ خدا سنٛز حقیقت امسُنٛد آسُن پرزٕنٲوتھ ہیٚکان۔ انٮ۪ن ہنٛدؠ پٲٹھؠ۔41یسوعنؔ ونُکھ، "یوٚدوے توٚہہِ پانے زونو زِ توٚہؠ چُھو روحٲنی طور أنؠ۔ توٚہہِ کھسہِ نہٕ گنہُک راہ مگر چونکہِ توھے چُھو دعوا کران خدا سنٛز حقیقت زاننچ۔ أکِس وچُھن وٲلؠ سٕنٛدؠ پٲٹھؠ توٚہؠ چُھن پننہِ گنہُک سزاوار۔
Bridge Connectivity Solutions Pvt. Ltd.