پیدٲیش11
1امہِ وقتہٕ ٲسؠ دنیاہس منٛز تمام لوٗکھ اکےٕ زبان بولان۔2مشرقہٕ طرفہٕ وٲتؠ لوٗکھ اورٕ یور پھیرتھ تھورِتھ بابلؔ کِس أکِس مٲدانس منٛز تہٕ لٔگؠ تٔتی روزنہِ۔3پتہٕ ووٚن تِمو اکھ أکِس، "ؤلِو أسؠ تراوو سیرِ تہٕ تِم پییہِ ووکھ تاکہِ تم گژھن تعمیرٕ باپتھ درِ" یتھ کٔنؠ کوٚر تِمو کنیو بجایہ سیرین ہُنٛد استعمال۔ تم لاگنہٕ خٲطرٕ لوگ تِمو چونہٕ بجایہ تارکول کامہِ۔4تِمو ووٚن، "ؤلِو أسؠ کرو پننہِ خٲطرٕ اکھ شہر آباد! اسہِ پزِ اکھ تھوٚد میٖنار تہِ تعمیر کرُن یُس آسمانس تام پِلو کرِ۔ یمہِ سٟتؠ لوٗکن پے لگہ زِ أسؠ کم چھِ۔ اگر أسؠ تہِ کرو نہٕ أسؠ یمو سٲرسے دھرتی چھکرنہٕ!5اکہ دوٚہہ ووٚتھ یہُوواہؔ یہِ شہر تہٕ میٖنار وُچھنہِ یُس لوٗکھ تعمیر کران ٲسؠ۔6یہُوواہنؔ سونچ، "یم لوٗکھ چھِ اکھ کُنی جماتھ یم اکےٕ بوٗلؠ بولان چھِ۔ اگر یمو یہِ قدم تُلمُت چُھ کانٛہہ مسلہٕ چُھنہٕ تکیازِ یُس فٲصلہٕ یم نِن سُہ آسہ نہٕ یہنٛدِ خٲطرٕ ناممکِن!7لہٰذا یِیو، أسؠ گژھو یمن نِشہ تہٕ ہیٚچھنٲوؠ ووکھ یم بیٚون بیٚون زبانہٕ تاکہِ یمن ترِنہٕ اکھ اکؠ سنٛز کتھ فکرِ۔8یہ کرنہٕ سٟتؠ کٔرؠ تِم یہُوواہنؔ زمینہِ پٮ۪ٹھ منتشِر تہٕ لوکو کوٚر یہِ شہر بساوُن بنٛد۔9امہِ شہرُک ناو اوس بابلؔ، تکیازِ اتہِ دِژ نہٕ یہُوواہنؔ سٲرسےٕ زمینہِ پٮ۪ٹھ بسن والین اکےٕ زبان ورتاونہٕ۔ یہُوواہنؔ چھکراوؠ تم امہِ جایہ پٮ۪ٹھٕ سٲرسےٕ زمینس۔10یم ٲسؠ سمؔ سٕنٛدِ قبیلہٕ منٛزکؠ۔ سہلابہٕ پتہٕ دویہ ؤہرؠ ییٚلہِ شیم ہتہٕ وُوہر سپُد، سُہ بنیاو ارفکسد سُنٛد مول۔11ارفکسد سٕنٛدِ زیٚنہٕ پتہٕ رود سم مزید پانٛژن ہتن ؤرین زندٕ تہٕ دِتُن بیٚیہِ تہِ کورین گۅبرَن زایُن۔12ییٚلہ ارفکسدؔ پنٛژترہہ وُوہر ووت تہٕ تمِس زاو سِلحؔ ناوک لڑکہٕ۔13سِلحؔ سٕنٛدِ زینہٕ پتہٕ رود ارفکسد مذید ژورن ہَتن تہٕ تریٚن دوٚہُن زندٕ تہٕ زاس بیٚیہِ تہِ کورِ گۅبُر۔14ترٛہہ وُوہر وٲتِتھ زاو سِلح ہَس عِبر ناوُک فرزنٛد۔15عِبر سٕنٛدِ زیٚنہٕ پتہٕ رود سِلح ژورن ہتن تہٕ تریٚن دوٚہُن زندٕ تہٕ اتھ دوران زاس بیٚیہِ تہِ کورِ گۅبُر۔16ییٚلہِ عِبر ژُویہ ترٛہہ وُوہر ووت، تمسنٛدِ مرِ آو فِلجؔ۔17فِلجؔ سٕنٛدِ زیٚنہٕ پتہٕ رود عِبر مذید ژورن ہتن تہٕ تریٚن دوٚہُن زندٕ تہٕ بنیاو بیٚیہِ تہِ مذید کوریٚن تہٕ لڑکن ہُنٛد مول۔18تمہِ وزِ اوس فِلجؔ ترٛہہ وُوہر ییٚلہِ تس رعو ناوُک فرزندٕ زاو۔19رعو سٕنٛدِ زیٚنہٕ پتہٕ اوس فِلجؔ دوٚن ہَتن تہٕ نون ریتن زندٕ تہٕ دوران زاس بیٚیہِ تہِ شُرؠ۔20رعو اوس دویہِ ترٛہہ وُوہر ییٚلہِ سُہ سروجؔ سُنٛد مول بنیاو۔21سروجؔ سُنٛد مول بننہٕ پتہٕ رود رعو مذید دوٚن ہتن تہٕ ستن ورؠ ین زندٕ تہٕ زاس بیٚیہِ تہِ کورِ گۅبر۔22ترٛہہ وُوہر وٲتِتھ زاو سروجسؔ نحورؔ ناوُک لڑکہٕ۔23نحورؔ زیٚنہٕ پتہٕ رود سروجؔ دوٚن ہَتن ؤرین زندٕ تہٕ اتھ دوران زاس بیٚیہِ تہِ کینٛہہ کورِ گۅبُر۔24ییٚلہِ نحورؔ کُنترہہ وُوہر ووت تٔمؠ دیُت تارحؔ ناوٕ کِس فرزنٛدس زایُن۔25تارح سٕنٛدِ زیٚنہٕ پتہٕ رود نحورؔ مذید أکِس ہتس تہٕ کُنترٕہَن ورین زندٕ اتھ دوران دِتُن بیٚیہِ تہِ کورین گۅبرن زایُن۔26تارحؔ اوس تمہِ وزِ سَتتھ وُوہر ییٚلہِ تمِس ابرامؔ، نحورؔ تہٕ حارانؔ زاے۔27تارح سٕنٛدِ نسب نامُک اوحال چُھ یہِ زِ تارح سنٛدؠ اولاد ٲسؠ ابرامؔ، نحورؔ تہٕ حارانؔ۔ حارانؔ سٕنٛدِس نیٚچوِس اوس لوطؔ ناو۔28حارانس اوس تمہِ وزِ پنُن مول تارح سٟتؠ ییٚلہِ حاران کلدیونؔ ملکہٕ کِس اُورؔ شہرس منٛز مود۔ یہِ چھےٚ سۅ سرِزمین یتہِ سُہ زامُت اوس۔29تہٕ ابرامنؔ تہٕ نحورنؔ کوٚر نیتھٕر۔ ابرامؔ سنٛزِ خاندارنہِ اوس ساریؔ ناو تہٕ نحورؔ سنٛزِ خاندارنہِ ملکہ۔ ملکہ تہٕ تمؠ سنٛز بیٚنہِ اسکہؔ آسہ حارانؔ سنٛزٕ کورِ۔30ساریؔ ٲس ہانٛٹھ یمِس نہٕ کانٛہہ اولاد اوس۔31تارح ہَن کوٚر فٲصلہٕ اُورؔ شہرٕ منٛزٕ نیرُن تہٕ کنعان ملکس منٛز بسُن۔ لہٰذا تُلؠ تٔمؠ پنُن نیٚچو ابرہامؔ تہٕ پنُن زُر حارانؔ سُنٛد نیٚچو لوط تہٕ ابرامؔ سنٛز زنانہٕ ساریؔ پانس سٟتؠ۔ مگر تمہِ تروو کنعان بجایہ حاران شہرسےٕ منٛز ڈیرٕ تہٕ بسییہِ تٔتؠ۔32تارحؔ ہَن کوٚر زٕ ہتھ تہٕ پانٛژھ ؤرشہِ وٲنٛسہِ پٮ۪ٹھ حارانَسؔ منٛز انتقال۔
Bridge Connectivity Solutions Pvt. Ltd.