پیدٲیش10
1نوحؔ سنٛدیو زُریٚو یم تمسنٛدین اولادن سم، حام تہٕ یافت سنٛدؠ نیٚچوؠ ٲسؠ بنیاے سہلابہٕ پتہٕ واریہن شُریٚن ہنٛدؠ مٲلؠ۔2یافت سنٛدؠ اولاد ٲسؠ: جُمرؔ، ماجوجؔ، مادیؔ، یاوانؔ، توبلؔ، مسکؔ تہٕ تیراسؔ۔3جُمرؔ سنٛدؠ اولاد ٲسؠ: اشکنازؔ، ریفتؔ، تہٕ تجرمہؔ۔4تہٕ یاوانؔ سںنٛدیو اولادو منٛزٕ ٲسؠ: اِلیسہؔ، ترسیسؔ، کِتّی، تہٕ دودانی۔5جاونؔ سنٛدؠ شُرؠ تہٕ تِہُنٛد خاندان اوس سمندر بٹھیٚن تہٕ جزیرن منٛز روزان۔ تِہنٛدؠ اولاد بنیاے لوٗکن ہنٛدؠ مختلف قبیلہٕ۔ پرٛتھ قبیلس اوس پنُن الگ علاقہٕ تہٕ پنٕنؠ الگ زبان۔6حامؔ سنٛدیو اولادو منٛزٕ ٲسؠ کُوشؔ، مِصر، فوطؔ تہٕ کنعان۔7کُوشؔ سنٛدیو اولادو منٛزٕ ٲسؠ سبا حویلؔہ، سبط، رعماہ تہٕ سبتِکہ۔ رعماہ سنٛدؠ شُرؠ ٲسؠ سباؔ تہٕ ددانؔ۔8کُوشؔ سنٛدیو اولادو منٛزٕ اوس اکھ نمرُود۔ نمرُود اوس زمینہِ پٮ۪ٹھ سُہ گۅڈنیُک فرد یُس بوٚڈ جنگجو بنیاو۔9یہُوواہنؔ وُچھ زِ سُہ بنیاو اکھ بوٚڈ جنٛگجو۔ اوے ٲسؠ لوٗکھ کٲنٛسہِ بٔڈس شکٲرس متعلق ونان، "یہُوواہؔ چُھ وُچھان زِ ژٕ چُھکھ نمرُودٕنؠ پٲٹھؠ بوٚڈ شکٲرؠ۔"10نمرُود بنیاو پتہٕ بادشاہ یمؠ بابلؔ شہرس پٮ۪ٹھ حکومتھ کٔر۔ ساروٕے گۅڈٕ یمن شہرن پٮ۪ٹھ تٔمؠ حکومتھ کٔر تمن منٛز ٲسؠ بابلؔ، اریکؔ، اکادؔ تہٕ کلنہؔ۔11اتہِ پٮ۪ٹھٕ دراو سُہ باقی لوٗکن سٟتؠ اسُورؔ۔ تہٕ تتہِ بنٲوؠ تٔمؠ نینوہؔ، رحوبوتؔ عیر، کلح،12تہٕ ریسن ناوٕکؠ شہر۔ ریسن اوس نینوہؔ تہٕ کلحؔ ہس منٛزباگ اکھ بوٚڈ شہر۔13تہٕ مِصرٕ پٮ۪ٹھٕ حام سنٛدؠ شُرؠ ٲسؠ لود، عنامؔ، لہاب، تہٕ نفتوحؔ،14فتروس، کسلوحی، تہٕ کیفتو۔ فلستینی لوٗکھ ٲسؠ کسلوحی سٕنٛدِ قبیلہٕ منٛزٕ۔15حامؔ سُنٛد کونٛس ہیٚو نیٚچو کنعان بنیاو صیدا سُنٛد مول۔ یُس تمسُنٛد زیُٹھ اولاد اوس تہٕ حِت اوسُس لۅکُٹ ہیٚو نیٚچو۔16کنعان سنٛدیو وٲرثو منٛزٕ بنیاے یبوس، امورؔ، جِرجاسؔ،17حوی، عارقؔ، سِنؔ،18اروید، زمِر تہٕ حمات، لُکہٕ قبیلہٕ۔ پتہٕ بسیاے کنعان سنٛدؠ اولاد أکِس بٔڈِس علاقس منٛز۔19کنعانؠ ۂنٛدؠ زمینی حدود ٲسؠ شہرِ صیدا کِہ شمالہٕ پٮ۪ٹھٕ جرار کِہ جنوبہٕ کِنؠ غزہ ہس تام پھٟلِتھ۔ تہٕ پتہٕ مشرِقس منٛز سدومؔ، عمورہ، آدمؔ تہٕ زبوئیم چیو سریو کِنؠ لاشہ کِس شہرس تام۔20یم ٲسؠ حام سنٛدؠ اولاد۔ یمن مختلف جمٲژ بنیٚیہ، یمن پن پنٕنؠ قبیلہٕ، پنٕنؠ زبان تہٕ پنٕنؠ زمین ٲس۔21یافت سٕنٛدِس بٔڈس بٲیس سمیس تہِ ٲسؠ نیٚچیو یم عِبر سنٛدین سارنی وٲرثن ہنٛدؠ جدٕ اجداد بنیاے۔22سمؔ سنٛدؠ نیٚچوؠ ٲسؠ عیلامؔ، اشورؔ، ارفکسدؔ، لُد تہٕ ارامؔ۔23ارامؔ سنٛدؠ اولاد ٲسؠ عُض، حول، جتر تہٕ مسؔ۔24ارفکسد بنیاو سلح سُنٛد مول تہٕ سِلح بنیاو عِبر سُنٛد مول۔25عِبر بنیاو دوٚن شُرین ہُنٛد مول، تِمو منٛزٕ اوس اکھ فِلجؔ یمیُک مطلب تقسیم گژھن گو۔ تکیازِ یۅتام سُہ زندٕ رود زمینس پٮ۪ٹھ ٲسؠ لوٗکھ منتشِر گژھتھ بیٚون بیٚون۔ پیلک سُنٛد لۅکُٹ بوے اوس یُقطان۔26یُقطانس نِشہ گے الموداد، شیلف، حصار ماوت، اِراخ۔27ہدورام، اوزال، دِقلہ،28عوبل، ابی مائیل، سباؔ۔29اوفیر، حویلؔہ، تہٕ یوباب پٲدٕ۔ یم سٲری ٲسؠ یُقطان سںنٛدؠ اولاد۔30یمن علاقَن منٛز یم قبیلہٕ بسنہِ لٔگؠ تم ٲسؠ میشا پٮ۪ٹھٕ مشرق کِس پہٲڑی علاقہٕ سفار تام پھٲلِتھ۔31تِم ٲسؠ سمؔ قبیلچہِ زٲژ منٛزٕ۔ یم لوٗکن ہنٛدؠ الگ ونٛڈٕ بنیاے یمن پنٕنؠ قبیلہٕ پنٕنؠ زبان تہٕ پنٕنؠ زمین ٲس۔32یم سٲری قبیلہٕ ٲسؠ نوحؔ سنٛدیو اولادو منٛزٕ۔ پرٛتھ قبیلس اوس پنُن شجرہ نسب تہٕ پرٛتھ اکھ بنیاو اکھ الگ ونٛڈٕ۔ لوٗکن ہنٛدؠ یم سٲری ونٛڈٕ بنیاے سہلابہٕ پتے تہٕ لٔگؠ پرٛتھ طرفہٕ زمینس پٮ۪ٹھ بسنہِ۔
Bridge Connectivity Solutions Pvt. Ltd.