پیدٲیش12
1پتہٕ وُن یہُوواہنؔ ابرامسؔ، "یتہِ ژٕ وُنہِ کیٚن روزان چُھکھ امہِ ملکہٕ منٛزٕ نیر ژٕ پنُن مٲلؠ قبیلہٕ تہٕ تمہِ سُنٛد خاندان أتی ترٲوِتھ تہٕ گژھ تتھ ملکس منٛز یُس بہٕ ژےٚ ہاوے۔2چٲنیٚن شُرین ہُنٛد بناوٕ بہٕ اکھ بوٚڈ قوم۔ بہٕ کرے ژےٚ تیژ برکتھ تہٕ دِمے پوٗرٕ شوٚہرتھ۔ یہِ بہٕ چانہِ باپتھ کران چُھس تہِ بنہِ باقین ہنٛدِ باپتھ برکتھُک بٲعث۔3یم ژےٚ سٟتؠ رٕژر کرن بہٕ ورتاوٕ تِمن سٟتؠ رُت۔ تہٕ یُس ژےٚ سٟتؠ بُرٲیی ورتاوِ تمِس والہٕ بہٕ لعنت۔ چانہٕ وساطتہٕ کرٕ بہٕ زمینہٕ پٮ۪ٹھ روزن والیٚن سارنی قبیلن برکتھ۔4لہٰذا تروو ابرامنؔ حارانؔ، یہِ زن یہُوواہؔ ہن أمِس کرُن ووٚن۔ ابرہامؔ سنٛز عمر ٲس پنٛژستتھ ؤری ییٚلہ سُہ پنُن تہٕ لوطؔ سُنٛد خاندان أتی ترٲوِتھ دراو۔5ابرامنؔ تُج پنٕنؠ خاندارنؠ ساریؔ تہٕ پنُن بابتھٕر لوط سٟتؠ۔ تٔمؠ تُل پنُن سورےٕ مال تہٕ غلام پانس سٟتؠ یُس تِمو حارانس منٛز جمع کوٚرمُت اوس۔ اتہِ نیرتھ دراو سُہ کنعان چہِ سرِزمینہِ کُن۔6کنعان وٲتِتھ ووت ابرامؔ سِکم علاقس منٛز یتہِ تٔمؠ مورا ناوٕ کِس أکِس بٔڈس کُلِس تل ڈیرٕ تروو۔ یمہِ وزِ یہِ سَپُد تمہِ وزِ ٲسؠ تتہِ کنعانٕکؠ لوٗکھ بسان۔7پتہٕ سپُد یہُوواہؔ اتہِ ظٲہر تہٕ ونُن ابرامسؔ، "بہٕ دمہٕ یہِ ملک چانہِ قبیلچہِ زُریٲژ۔ پتہٕ بنٲو ابرامنؔ اکھ قربان گاہ تاکہِ یہُوواہسؔ ییہِ قربٲنی پیش کرنہٕ۔ یہِ زن تمِس پٮ۪ٹھ ظٲہر سپُدمُت اوس۔8سِکم پٮ۪ٹھٕ کوٚر ابرامنؔ تہٕ تمسنٛدؠ خاندانن بیت ایلؔ کِس مشرِکس کُن پہاڑن ہُنٛد سفر۔ یتِتھ تِمو پنُن ڈھیرٕ دیُت بیت ایلؔ اوس تتھ مغرب انٛدٕ تہٕ مشرقہٕ انٛدٕ اوسس عیؔ۔ اتہِ تہِ بنٲو یمو اکھ قربان گاہ یتہِ تِمو قربٲنیہِ کرِ تہٕ یہُوواہؔ سنٛز عبادت کٔر۔9پتہٕ دراو ابرامؔ اتہِ تہِ کوٚرکھ نیگیو صحراوس کُن سفر شروع۔10اتھ ملکس منٛز اوس قحط چلان لہٰذا پٔکؠ ابرامؔ برونٛہہ تاکہِ مِصر ملکس منٛز دِہن کینٛہہ کال پڑاو۔ تکیازِ یتھ ملکس منٛز تم ٲسؠ تتہِ ٲس خۅراکٕچ واریاہ کمی۔11ییٚلہِ تم ملکہ مِصرس نزدیک واتنہِ لٔگؠ تہٕ ابرامنؔ ووٚن پننہِ خاندارنہِ ساریؔ، بوز! بہٕ چُھس زانان زِ ژٕ چھیٚکھ اکھ خوبصورت خوتون۔12ییٚلہِ مِصرٕکؠ لوٗکھ ژےٚ وُچھنے، تِم ونن، یہِ زٔنؠ چھا أمِس خاندارِنؠ تہٕ تم مارن مےٚ، مگر ژےٚ مارنے نہٕ۔13لہٰذا چُھسے بہٕ ژےٚ ونان زِ ژٕ ؤنؠ تمن بہٕ چھیٚس أمِس بیٚنہِ، تاکہِ بہٕ بچہٕ تہٕ میانؠ زنٛدگی روزِ چانہِ سببہٕ محفوظ۔"14تہٕ پتہٕ سپُد یتھ کٔنؠ زِ یتھےٕ تِم مِصر وٲتؠ تہٕ مِصرِیو وُچھ ابرامؔ سنٛز خاندارنؠ یۅسہ پٔزؠ کِنؠ سیٹھہےٕ خوبصورت ٲس۔15ییٚلہِ فرعون سنٛدیو عہدٕدارو سۅ وُچھ تِمو ووٚن بادشاہس تمؠ سنٛزِ خوبصورتی مُتعلق۔ بادشاہن اننٲو سۅ پانس نِشہ۔16بادشاہ سپُد ساریؔ ہنٛدِ سببہٕ ابرامسؔ پٮ۪ٹھ سیٹھاہ مہربان۔ تٔمؠ دِتؠ تمِس تیر، ژھاوٕلؠ، گاو، خر، نوکر چاکر تہٕ اونٹ۔17مگر بادشاہن نیٚیہ ابرامٕنؔؠ خاندارنؠ ساریؔ، لہٰذا کٔرؠ یہُوواہؔ ہن بادشاہ تہٕ تمسنٛدؠ باقی گرٕ بٲژ ووکھٕ دادیٚن منٛز مُبتلا۔18پتہٕ اوٚن بادشاہن ابرامؔ بُلاوِتھ تہٕ وُننَس، "ژےٚ کۅرتھ مےٚ سٟتؠ سیٹھاہ بُرٕ ورتاو۔ ژےٚ کیازِ ونُتھ نہٕ مےٚ زِ یہِ چھےٚ میانؠ خاندارِنؠ۔19ژےٚ کیازِ ونُتھ، یہِ چھےٚ مےٚ بیٚنہِ تہٕ مےٚ بنٲو سۅ پنٕنؠ خاندارِنؠ۔ ژےٚ پٔزہی نہٕ یہِ کرُن! وُتھ نِن پنٕنؠ خاندارنؠ تہٕ نیر یتہِ۔20بادشاہن دیُت پننٮ۪ن عہدٕدارن حکم زِ ابرہامؔ تمؠ سنٛز خاندارِنؠ تہٕ باقی سورےٕ مالہٕ جاداد ہیٚتھ کٔڈوون سُہ مِصرٕ منٛزٕ نیٚبر۔
Bridge Connectivity Solutions Pvt. Ltd.