خروج37
1پتہٕ بنوو بضلی ایلؔن ککر لکٕرِ ہُنٛد مقدس صندوق، یُس اکھ ہتھ پنژٕ 125 سینٹی میٹر زیوٹھ، پنٛژسَتتھ 75 سینٹی میٹر کھوٚل تہٕ پنٛژسَتتھ 75 سینٹی میٹر تھوٚد اوس۔2تمؠ جورِ تتھ صندوقس اندرؠ تہٕ نیٚبرؠ سۅن تہٕ تتھ سارسے أندؠ أندؠ بنووُن اکھ سۅنہٕ سُنٛد تاج۔3تمؠ بنٲوؠ سۅنہٕ سٕنٛدؠ ژور کٔرؠ تہٕ تِم دبٲین صندوقین ژورن کھوریٚن زٕ اکہِ طرفہٕ تہٕ زٕ بیٚیہِ طرفہٕ۔4تمؠ بنٲوؠ ککر لکٕرِ ہنٛدؠ زٕ ڈنڈٕ تہِ تِمن کوٚرُن سۅنہٕ سُنٛد کھٕژ۔5تمؠ ترٲوؠ ڈنڈٕ صندوقہٕ کیٚن دوشونے طرفن ہنٛدؠن کٔرین منٛز یُتھ زن سُہ تُلنہٕ ییہِ۔6تمؠ بنٲوؠ خٲلص سونُک صندوقہٕ باپتھ اکھ سرپوش یُس اکھ ہتھ پنٛژٕ سینٹی میٹر زیوٹھ تہٕ پنٛژستتھ سینٹی میٹر خجرٕ اوس۔7تمؠ گرِ سوٚنس سرپوش کیٚن دوٚن اندن پؠٹھ زٕ جانور کروبی ملٲیکن ہنٛزٕ شکلہِ۔8تمؠ بنٲوؠ صندوقس سرپوشش پؠٹھ دوٚن اندن پؠٹھ زٕ کروبی ملٲیکھ اکھ اکہِ اندٕ بیاکھ بیٚیہِ اندٕ۔9ملٲیکن ہنٛزٕ پکھٕ پھہلایہٕ سارسے سرپوشش پؠٹھٕ۔ تِم ٲسؠ اکھ اکِس روبرو صندوقکُک سرپوش اوس تِمن منٛزس۔10تمؠ بنٲوؠ ککر لکٕرِ ہُنٛد اکھ میز یُس اکھ میٹر زیوٹھ تہٕ اُوٗڑ میٹر کھولہٕ تہِ دوٚن میٹر اوس تھوٗد۔11تمؠ کوٚر تتھ میزس خٲلص سۅنہٕ سٟتؠ کھٕژ تہٕ تتھ سارسے أندؠ أندؠ بنووُن سۅنہٕ سُنٛد اکھ تاج۔12تمؠ بنوو تتھ سٲرسےٕ أندؠ أندؠ اکھ گیرِ یُس ٲٹھ سینٹی میٹر خٔجرٕ اوس تہٕ تتھ گیرس أندؠ أندؠ بنووُن اکھ سۅنہٕ سُنٛد تاج۔13تمؠ بنٲوؠ سۅنہٕ سٕنٛدؠ ژور کٔرؠ تہٕ تِم دبٲین میزٕ کٮ۪ن ژورن کوٗنن کُن یِم میزٕ چَن زنٛگن نکھٕ ٲسؠ14گیرس نزدیک یمو سٟتؠ میز تُلنہٕ ییہِ ہے۔15تمؠ بنٲوؠ ککر لکٕرِ ہنٛدؠ زٕ ڈنڈٕ تہٕ تِمن کوٚرُن سۅنہٕ سٟتؠ کھٕژ یِم ٲسؠ میز تُلنہٕ خٲطرٕ۔16تمؠ بنٲوؠ میزٕ خٲطرٕ سٲری بانہٕ خٲلص سۅنہٕ سٕنٛدؠ۔ تھالہِ، پیالہٕ، کٹورِ تہٕ ڈوٖگہٕ، یِم کاہنن ہنٛدِ استعمالہٕ باپتھ ٲسؠ تہِ یِمن منٛز یہُوواہسؔ پیش کرنہٕ باپتھ شراب برنہٕ یوان آسہ۔17تمؠ بنوو خٲلص سۅنُک اکھ بوٗڈ شمع دان تہٕ تتھ گرِن کھوٗرؠ تہٕ لنجہِ تہٕ تتھؠ پؠٹھ بنٲوِن پیالہ یِم پوشہِ ٹوٗریو تہٕ ؤتھرؠ سٟتؠ سجاونہٕ ٲسؠ آمٕتؠ۔18شمع دانس پؠٹھ آسہ شٚے لنجہِ، ترےٚ اکہِ طرفہٕ تہٕ ترےٚ دوٚیمہِ طرفہٕ۔19پریتھ لنجہِ پؠٹھ ٲسؠ ترےٚ سۅنہٕ سٕنٛدؠ پیالہٕ یِم تتھ پؠٹھ بادام پوشن ہنٛدؠ پٲٹھؠ بوزنہٕ یوان ٲسؠ۔ تِمن پوشن ٲسؠ ٹوٗرؠ تہٕ ؤتھرؠ۔ یِم ٲسؠ شمع دانچین سارنےٕ شیٚن لنجن پؠٹھ ہیوی۔20شمع دانچہِ پریتھ لنجہِ پؠٹھ ٲسؠ ژور پیالہٕ یِمن منٛز پوشہِ ٹوٗرؠ تہٕ پوشہِ ؤتھر یِم بادام پھُلیِہٕ ہنٛدؠ پٲٹھؠ بوزنہٕ یوان ٲسؠ۔21تمؠ بنٲوؠ پریتھ دوٚن لنجن تلہٕ کَنہِ اکھ پوش تہٕ کرُن اتھ دوٚن دوٚن لنجن سٟتؠ واٹھ زنتہِ ٲسؠ تِم تمی منٛزٕ نیران۔ تٔمؠ بنٲوؠ یِم شمع دانچین شیٚن ونی لنجن پؠٹھ یتھۓ پٲٹھؠ۔22تمؠ گٔرؠ یِم سٲری ٹوٗرؠ تہٕ لنجہِ ڈنڈٕ ہٮ۪تھ أکے خٲلص سۅنہٕ سٕنٛدِ بڈِ شمع منٛزے۔23تمؠ بنٲوؠ خٲلص سوٚنکؠ: ستھ شمع، دٔوزنہِ سوژٕ نیٚبر کرنہٕ خٲطرٕ چمٹہٕ، تہٕ دٔزونہِ سوژٕ رٔٹنہٕ خٲطرٕ تھالہِ۔24تمؠ کٔرؠ تریہِ ترہہ 33 کلو گرام خٲلص سۅن شمع دان، چُمٹہٕ تہٕ تھالہِ بناونہٕ خٲطرٕ استعمال۔25تمؠ بنوو ککر لکٕرِ سٟتؠ قربان گاہ یُس اکھ مربع اوس یمیُک پرٮ۪تھ طرف اوٚڑ میٹر اوس تہ اکھ میٹر اوسُس پرٮ۪تھ طرفہٕ تھزر۔ تتھ ٲسؠ ہیٚنٛگ ہیوؠ بنٲوِتھ یِم تمی لکٕرِ ٹکرٕ منٛزے کڈنہٕ آمٕتؠ ٲسؠ یِمن ہُنٛد قربان گاہ بناونہٕ آمُت اوس۔26تمؠ جوٚر تتھ پؠٹھٕ تہٕ ژورو طرفو ہیٚنٛگ ہٮ۪تھ سۅن بیٚیہِ تھووٚنس سارسے انٛدؠ انٛدؠ سۅنہٕ سُنٛد اکھ تاج۔27تمؠ بنٲوؠ سۅنہٕ سٕنٛدؠ زٕ کٔرؠ تہِ تِم دبٲین قربان گاہس تاجس بوٚنہٕ کنہِ پریتھ طرفہٕ۔ یِم کٔرؠ ٲسؠ ڈنڈٕ منٛز تراونہٕ باپتھ یِمو سٟتؠ قربان گاہ تُلنہٕ ییہِ ہے۔28تمؠ بنٲوؠ تِم زٕ ڈنڈٕ ککر لکٕرِ ہنٛدؠ تہٕ تِمن جوٚرن سۅن۔29تمؠ بنوو مٲلشہِ باپتھ مقدس تیٖل تہٕ مُشِک تراون وُدس منٛز۔ أکؠ عطارن رٔلوو سُہ یکوٹۓ وُدس سٟتؠ۔
Bridge Connectivity Solutions Pvt. Ltd.