خروج23
1عدالتس منٛز مہَ وُنیو اپٕزؠ۔ أکِس رٔزیلہٕ شخصس مہَ کریو اپٕزؠ گوٲہی دِنس منٛز مدد۔2تِمن لوٗکن ہنٛزِ جمٲژ سٟتؠ مہَ رٔلیو یِم بدی کرنکؠ سنٛز آسن کران۔ اپٕزؠ گوٲہی مہَ دِیو تہٕ انصاف کرن وٲلِس دِیو سیٚود پٲٹھؠ مقدمن ہُنٛد فٲصلہٕ کرنہٕ۔3عدالتس منٛز مہَ کریو غریب سٕنٛدِس مقدِمس طرفدٲری۔4ہرگاہ توٚہؠ کٲنسہِ ہُنٛد دانٛد یا خر وُچھو یُس یلہٕ آسہ گومُت پتہٕ آسہ آوارٕ پھران سُہ گژھِ تسنٛدس مٲلکس گرٕ واتناون اگر سُہ تُہنٛد دشمن تہِ آسہ۔5ہرگاہ توٚہؠ کٲنٛسہِ ہُنٛد خر وچھو زیادٕ بورٕ سٟتؠ دباونہٕ آمُت تسنٛدس مٲلکس گژھِ سُہ خر تھوٗد تُلنس منٛز مدد کرُن ہرگاہ سُہ نفر ٲسؠ تَن تُہنٛد نفرت کران وول۔ سُہ کُنۓ زوٚن ترٛاون تہٕ پانہٕ وتہِ سیٚودے پکن چُھنہٕ جان۔6مفلس لوٗکن ہنٛدین مکدمن گژھِ تمی اندازٕ فٲصلہٕ کرُنہٕ یُن یمہِ اندازٕ باقی لوٗکن ہنٛدین مکدمن فٲصلہٕ کریو۔7کٲنسہِ مہَ دِیو دوکھہٕ۔ بے گناہ تہٕ پٔزیٲرؠ گژھن نہٕ قتل کرٕنؠ تکیازِ بہٕ گنزراوکھ نہٕ بدکار لوٗکھ نیکن منٛز۔8رشوت مہَ رٹیٚو تکیازِ رشوت کھینہٕ وٲلؠ مُصنف چُھنہٕ دانٲییٔ سان فٲصلہٕ ہیکان کٔرِتھ، تِم چھِ پٔزِیٲرین سٟتؠ نا انصٲفی کران۔9یِم ۅپر توٚہؠ سٟتؠ روٗزان چھِ تِمن سٟتؠ مہَ کریو بدسلوکی۔ ییٚلہِ زن توٚہہِ اَمیُک مِصرس منٛز تجربہٕ چُھو زِ ۅپر کیاہ چھِ محسوس کران۔10شیٚن ورؠ ین کٔرِو زمیٖندٲری تہٕ فصٕل گژھِ تھاون جمع۔11سٔتمس ورؠیہِ پؠٹھٕ تراؤیو سۅ زمیٖن یلہٕ یتھ زن چٲنہٕ قومٕکؠ مفلس تہٕ کھؠن یہٕ تتھ پانے کھسہِ۔ پتہٕ یہِ تتہِ ہُرِ تتھ کھؠن وحشی جانور، یتھے پٲٹھؠ گژھِ کرُن دچھ تہٕ زیتون کُلؠن ہنٛدس مؠوٕس تہِ۔12پریتھ ہفتہٕ کرِ شیٚن دوٚہُن پننُ کار، سٔتمہِ دوٚہہ کرِ آرام۔ یُتھ زن چٲنس دانٛدس تہٕ خرس آرام میلہِ۔ تمہِ دوٚہہ سپدن چٲنؠ غلام بیٚیہِ ۅپر تہِ تازٕ دم یِم ژٕ سٟتؠ روٗزان چھِ۔13ژٕ کرکھ تتھ سٲرسےٕ پؠٹھ دھیان دِتھ عمل یہِ مےٚ ژٕ حکم دِیتمُت چُھے۔ بییٚن معبودن ہنٛز عبادت مہَ کرِ ہتاکہ تِمن ہُنٛد ناو تہِ گژھن نہٕ چانہِ زؠو نیرُن۔14پریتھ ورؠیہِ چُھۓ ژٕ میانہِ احترامہٕ خٲطرٕ ترےٚ لٹہِ عیٖد مناونہِ باپتھ نیرُن۔15ژٕ منٲوؠ زِ عیٖدِ فطیٖر یتھٕ پٲٹھؠ مےٚ ژٕ حکم دِیتمُت چھۓ: ابیب رؠتکہِ مقرر کرنہٕ آمتِس وقتس پؠٹھ، ژےٚ کھیےٚ زِ سٔتن دوٚہُن خمیٖرِ روس ژوٚٹ تکیازِ تمی رؠتہٕ چُھکھ ژٕ مِصرٕ منٛز نیٚبر درامُت۔ نیاز ہٮ۪تھ ییہِ زِ مےٚ نِشہ عبادت کرنہِ۔16دوٚیِم عیٖد چھِ بہار فصلٕ ژٹنٕچؠ عیٖد۔ ربیع فصلہٕ منٛزِ دِیہ زِ مےٚ کُن گوٗڈنکؠ حصہٕ یُس ژےٚ ووٚمُت چُھتھ سُہ لوٗنکھ۔ ترٛیِم عیٖد چھِ خریف فصل لوننہٕ وِزِ ییٚلہِ ورؠ انٛد واتن چُھ تہٕ ژےٚ چُھکھ تہِ سورے فصٕل لونان یہِ ژےٚ وومُت آسن چُھتھ۔17پریتھ ورؠیہِ ترٛییہِ لٹہِ سپدن سٲرۓ مرد یکجاہ جمع تہٕ کرن مےٚ خداوند یہُوواہسؔ عبادت۔18سۅ ژوٚٹ گژھِ نہٕ نیاز کرنہٕ یِن یتھ منٛز خمیٖر سٟتؠ سٟتؠ قربان جانور سُنٛد خوٗن لٲگتھ آسہ۔ عیٖد پؠٹھ قربان کٔرمٕتس جانور سُنٛد چرب گژھِ نہٕ تھون صبحس تام سُہ گژھِ اصل پٲٹھؠ زلُن۔19پریتھ ورؠیہِ ییٚلہِ ژٕ پننُ فصل لونکھ، تمہِ منٛز تُل گوٗڈٕ ساروےٕ کھۅتہٕ رُت حصہٕ پتہٕ گژھِ تتھ جایہِ یتہِ مےٚ ژےٚ عبادت کران چُھکھ تہٕ دِ مےٚ، چٲنِس خدایس یہُوواہسؔ۔ ییٚلہِ ژےٚ اکھ ژھاولؠ بچہٕ مارہن، سُہ رُنؠ زِ نہٕ تٔمؠ سنٛزِ ماجہِ ہنٛدس دوٚدس منٛز۔20وچھان گژھِ! بہٕ چُھس ژےٚ برونٛہہ برونٛہہ اکھ فرشتہٕ سوزن وول یُس وتہِ چٲنؠ رٲچھ کرِ تہٕ ژےٚ واتنٲوی تتھ جایہِ یۅسہ مےٚ چانہِ باپتھ تیار کٔرمٕژ چھےٚ۔21تمِس کرِ یزتھ بیٚیہِ روزُس فرمانبردار۔ تمِس مہَ کھال شرارت، تکیازِ سُہ کرِ نہٕ چٲنؠ گناہ معاف اوے باپتھ چُھ تسَ منٛز میون اختیار تہٕ میون آسُن موجود۔22پوٚز ہرگاہ ژٕ تسنٛد اصل پٲٹھؠ مانکھ بیٚیہِ تہِ سورے کرکھ یہِ بہٕ ژےٚ ونان چُھسے، بہٕ کرٕ لڑٲے چٲنؠن دشمنن تہٕ بدخواہن سٟتؠ۔23پتہٕ پکہِ میون فرشتہٕ ژےٚ برونٛہہ برونٛہہ تہٕ واتنٲوی امورؠؔ ین، حِتی ین، فِرزین، کنعٲنینؔ، حوینؔ بیٚیہِ یبوسینؔ ہنٛدس ملکس منٛز تہٕ بہٕ کرکھ تِم نیست نابود۔24تِہنٛدین معبودن نہٕ کرکھ سجدٕ نہٕ کرکھ تِمن عبادت۔ نہٕ کرکھ تِم کامہِ یِم تِم کران چھِ بلکہ تِہنٛدؠ معبودن کرکھ تباہ، تِہنٛدین کَنؠن ہنٛدین تھمن کرکھ ٹَکرٕ۔25ژےٚ کرکھ مےٚ یہُوواہسؔ چٲنس خدایس عبادت۔ ہرگاہ ژےٚ تہِ کرکھ، بہٕ کرٕ چانس کھؠنس چؠنس برکت، بیٚیہِ بچاوتھ بؠمار سپدنہٕ نِشہ۔26چٲنس ملکس منٛز گژھِ نہٕ کٲنٛسہِ زنانہِ اسقاطِ حمل سپدن تہٕ کانٛہہ تہِ زنان گژھِ نہٕ ہانٛٹھ آسن۔ بہٕ کرے ژےٚ اکھ زیٹھؠ وانٛس عطا۔27بہٕ واتہٕ تتھ ملکس منٛز ژےٚ برونٛہہ یوٚت ژےٚ گژھن چھےٚ یتھ زن بہٕ تمہِ ملکہ کہ لوٗکھ کھوٚژناوکھ بیٚیہِ کرکھ پریشان۔ ییٚلہِ ژےٚ پننؠن دشمنن سٟتؠ لڑٲے کرکھ، بہٕ ژلناوُکھ تِم ژےٚ نِشہ دوٗر۔28بہٕ سوزٕ ژےٚ برونٛہہ تُلرِ یِم تِمن حویینؔ، کنعٲنؠنؔ تہٕ حِتی لوٗکن چانہِ ملکہٕ منٛزٕ نیٚبر کٔڈن۔29بہٕ ہٹاوُکھ نہٕ تِم سٲری أکسےٕ ورؠیس منٛز، ہرگاہ تہِ مےٚ کوٚر، چٲنؠ زمیٖن گژھِ وجار تہِ تتہِ آسن وحشی جانور یِم ژےٚ حملہٕ کرنۓ۔30بہٕ ہٹاوُکھ تِمن لوٗکن ہنٛزٕ جمٲژ لوٚت لوٚت، اکہِ لٹہِ کیژتام، یوٚت تام چانؠن لوٗکن ہُنٛد تعداد بڈِ یتھ زن توٚہؠ سٲرسےٕ ملکس منٛز رۅٗزنس قٲبل سپدیو۔31بہٕ کرٕ چانہِ ملکہٕ باپتھ بحرِ قُلزمؔ پؠٹھٕ فلستین کہٕ سمندرٕ سیٚود سیناؔ کہِ وجارٕ پؠٹھٕ درؠ یاۓ فراتسؔ تام سرحد مقرر۔ بہٕ کرٕ ژےٚ طاقت عطا یُتھ زن ژےٚ تتہِ روٗزن وٲلؠ لوٗکھ دفاہ کرکھ تہٕ واریاہ زمیٖنہِ پؠٹھ کرکھ قبضہٕ۔32یُتھ نہٕ ژٕ تِمن لوٗکن یا تِہنٛدین معبودن سٟتؠ کانٛہہ مہادٕ کرکھ۔33تِمن لوٗکن مہَ دِ پننِس ملکس منٛز روزنہٕ، یُتھ زن نہٕ تِم ژےٚ گناہ کرناونے یا تِہنٛدین معبودن عبادت کرنہٕ باپتھ ورغہٕ لاونے۔
Bridge Connectivity Solutions Pvt. Ltd.