خروج17
1یہُوواہؔ سٕنٛدِ حکمہٕ سٟتؠ کوٚر ساروےٕ اسرائیل یو صینؔ وجارٕ پؠٹھٕ رفیدیمؔ جایہِ کُن سفر ییٚتہِ تِمو ڈیرِ ترٛووٚ۔ بہرحال، تتہِ اوس نہٕ لوٗکن چینہٕ باپتھ آب دستیاب۔2لہٰذا لوٗکو کٔر موسیٰؔ ہس دُبارٕ شکایت، یہِ ونان، "اسہِ دِ چینہٕ باپتھ آب!" موسیٰؔ ووٚن تِمن در جواب، "توٚہہِ پزِ نہٕ مےٚ راہ کھالُن! توٚہہِ پزِ نہٕ یہُوواہؔ آزماوُن!"3لوٗکن ٲس تریش سخ لٔجِمٕژ تہٕ تِم روٗدؠ موسیٰؔ ہس شکایت کران۔ تِم روٗدؠ ونان، "ژےٚ انتھ أسؠ مِصرٕ منٛزٕ کڈتھ یتھ جایہِ مارنہٕ خٲطرٕ تہٕ سانؠن شُرین بیٚیہِ چارواین ہنٛدِ باپتھ چُھنہٕ ییٚتہِ چینہٕ خٲطرٕ آب!"4أتی کوٚر موسیٰؔ ہن یہُوواہسؔ فریاد۔ تٔمؠ ووٚن، "بہٕ کیاہ کرٕ یِمن لوٗکن؟ تِم کرن مےٚ سنگسار تہٕ مارن مےٚ!"5یہُوواہنؔ ووٚن موسیٰؔ ہس، "اسرائیل کیٚن لوٗکن نِشہ گژھِ تہٕ تِہنٛدؠ کینٛہہ زٹھؠ نِکھ پانس سٟتؠ۔ سُہ عاصہٕ تُل پننِس اتھس منٛز یُس ژےٚ دریاۓ نیٖلس لویُتھ۔6نظر تھووٚ! بہٕ آسے تتہِ ژےٚ برونٛہہ کٔنہِ حوربؔ شیلہِ ہنٛدِس دامنس پؠٹھ اِستادٕ۔ تتھ شیلہِ ترٛٲوزِ پننہِ عاصہٕ سٟتؠ ٹاس أتی نیرِ تمہِ منٛزٕ آب تہِ لوٗکھ چؠن۔ "موسیٰؔ ہن کوٚر اسرائیل کیٚن زِٹھن برونٛہہ کنہِ تیٖ یہِ تمِس خداین ووٚن۔7موسیٰؔ ہن تھووٚ تتھ جایہِ ناو مسہؔ تہٕ مریبہؔ تکیازِ تِم ٲسؠ تمِس ہمیشہِ شِکایت کران۔ اسرائیلٕکؠ لوٗکھ روٗدؠ یہُوواہسؔ پرکھان زِ سُہ اوسا تِمن منٛز آسان کِنہٕ نہٕ۔8پتہٕ وٲتؠ عمالیقیؔ لوٗکھ تہٕ لوٚڑکھ اسرائیل کیٚن لوٗکن سٟتؠ رفیدیمسؔ منٛز۔9موسیٰؔ ہن ووٚن یسوعؔس، "کینٛہہ مرد ژارکھ یِم پگاہ عمالیقیؔ لوٗکن سٟتؠ لڑایٔی کرن۔ بہٕ روٗزٕ پہاڑکس تینتٲلس پؠٹھ سُہ عاصہٕ اتھس منٛز رٔٹتھ اِستادٕ یُس مےٚ خداین تُلن ووٚنمُت چُھ۔10یسوعؔن کوٚر تیٖ یہِ موسیٰؔ ہن تمِس ووٚن۔ تٔمؠ تُلؠ کینٛہہ مرد عمالیقینؔ لوٗکن سٟتؠ لڑٲیؠٔ کرنہِ۔ ییٚلہِ تِم لڑٲے کران ٲسؠ، موسیٰؔ، ہارونؔ تہٕ حورؔ کٔھتؠ پہاڑکس تینتٲلس پؠٹھ یتھٕ پٲٹھؠ روٗد تِمن سورےٕ مٲدانِ جنگ نظرن تلَ۔11پتہٕ سپد یہِ: ییٚلہِ زانٛہہ موسیٰؔ ہن اتھٕ ہیٚور تُلان اوس، اسرائیلٕکؠ مرد ٲسؠ غٲلب سپدان؛ ییٚلہِ موسیٰؔ اتھٕ بوٚن تراوان اوس عمالیقیؔ فوج اوس غٲلب سپدان۔12ییٚلہِ موسیٰؔ سٕنٛدؠ اتھٕ تھٔکؠ لہٰذا ہاروننؔ تہٕ حورنؔ انؠ اکھ بٔڈ کٔنؠ یتھ پؠٹھ سُہ بیوٗٹھ۔ تِمو دویو رٔچہِ تمِس سنٛزٕ نرِ ہیٚور کُن دویو انٛدو یوٚت تام افتاب لوس۔13امہِ طریقہٕ دِژ یسوعنؔ تہٕ تٔمؠ سنٛدیو نفرو عمالیقؔکِس بادشاہس تہٕ تسٕنٛدِس فوجس جنگس منٛز شکس۔14پتہٕ ووٚن یہُوواہنؔ موسیٰؔ ہس، "امہِ جنگچؠ لیکھ اکھ کتاب تہٕ پتہٕ بوزناون یسوعؔ۔ بیٚیہِ لیکھ زِ بہٕ کرکھ عمالیقؔی لوٗکھ مکمل پٲٹھؠ تباہ یوٚت تِمن ہُنٛد نام و نشان زمینہِ پؠٹھ ختم سپدِ۔"15پتہٕ بنووٚ موسیٰؔ ہن کنؠن ہُنٛد اکھ قربان گاہ تتھ تھون ناو "یہُوواہؔ چُھ میٲنؠ الم۔"16تٔمؠ ووٚن، "تِمو کوٚر اسہِ سٟتؠ جنگ، تہٕ یہُوواہؔ تھاوِ عمالیقیؔ لوٗکن خلاف تا ابد جنگ جٲری!"
Bridge Connectivity Solutions Pvt. Ltd.