خروج16
1تِم سٲری اسرائیلی لوٗکھ درایہِ ایلیمؔ پؠٹھٕ تہٕ وٲتؠ صینؔ وجارس منٛز یۅسہ ایلیمؔ تہٕ سیناؔ پہاڑس منٛز باگ چھےٚ۔ یہِ اوس دوٚیمہِ ریتُک پندٲیم دوٚہہ ینہٕ پؠٹھٕ تِم مِصرٕ منٛزٕ درٲمٕتؠ ٲسؠ۔2اسرائیلی لوٗکھ لٔگؠ تتھ وجارس منٛز موسیٰؔ ہس تہٕ ہارونؔس سٟتؠ ہنہٕ درٛنہٕ کرنہِ۔3تِمو ووٚن تِمن، "کاش أسؠ آسہ ہو یہُوواہؔ سٕنٛدِ اتھٕ مِصرس منٛزے مودؠ مٕتؠ! ییٚتہِ أسؠ ماز تیار کرہو بیٚیہِ آسہ ہے کھینہٕ خٲطرٕ سٲری ژوٚٹ۔ مگر توٚہہِ أنؠ وٕ أسؠ یتھ وجارس منٛز یُتھ زن أسؠ بۅچھِ بۅچھِ کران مارٕ گژھو!"4یہُوواہنؔ ووٚن موسیٰؔ ہس، "وُچھ بہٕ کیاہ چُھس کرن وول۔ چٲنہِ باپتھ تراوٕ بہٕ آسمانہٕ پؠٹھٕ غذا۔ ییٚلہِ بہٕ یہِ کرٕ تہٕ لوٗکن پزِ پریتھ دوٚہہ پنیو خیمو منٛزٕ نیٚبر نیرُن تہٕ تمہِ دوٚہُک کٲفی غذا جمع کرُن۔ یُتھ زن مےٚ مولوم سپدِ زِ تِم کرناہ میٲنؠ فرمانبردٲری کِنہٕ نہٕ۔5پریتھ ہفتکہِ شیمہِ دوٚہہ آسہ تِمن دوٚگنہٕ غذا جمع پوان کرُن یُس دوٚیمہِ دوٚہہ خٲطرٕ آسہ تکیازِ سٔتمہِ دوٚہہ آسہ نہٕ تِمن کینٛہہ تہِ پوان جمع کرُن۔"6اوے ووٚن موسیٰؔ ہن تہٕ ہارونؔن سارنےٕ اسرائیلی لوٗکن، "از شامس سپدِ توٚہہِ مولوم زِ یہِ اوس یہُوواہؔ یمؠ أسؠ مِصرٕ منٛزٕ نیٚبر کڈؠ۔7صبحس ترِ توٚہہِ فِکرِ زِ یہُوواہؔ کوتاہ عظیٖم چُھ، تکیازِ تٔمؠ بوز سۅ شکایت یۅسہ توٚہہِ مےٚ کروٕ۔ أسؠ کُس حثیت چھِ تھاوان تُہنٛزِ شکایتہٕ بوٗزنہٕ خٲطرٕ۔"8پتہٕ ووٚن موسیٰؔ ہن بیٚیہِ، "یہُوواہؔ دِیہ توٚہہِ پریتھ دوٚہہ شامس کھؠنہٕ باپتھ ماز تہٕ پریتھ صبحس دِیو یڈ بریتھ غذا۔ تٔمؠ بوز تُہنٛز سۅ شکایت یۅسہ توٚہہِ مےٚ کروٕ، یہِ چھِ اصلی شکایت یہُوواہسؔ أسؠ کم چھِ۔"9پتہٕ ووٚن موسیٰؔ ہن ہارونسؔ، "سارنےٕ اسرائیل ین ون، یہُوواہسؔ برونٛہہ کُن سپدیو کھڑا، تکیازِ تٔمؠ چھیےٚ تُہنٛز شکایت بوزمٕژ۔"10لہٰذا ییٚلہِ ہاروننؔ اسرائیل کیٚن لوٗکن تہِ ووٚن، تِمو ترٛٲو وجارس کُن نظر تہٕ تِمن گو حیرت یہُوواہؔ سُنٛد جلال وچھتھ یُس تتھ ابرس منٛز تِمن رہنمٲییٔ کران اوس۔11پتہٕ ووٚن یہُوواہنؔ موسیٰؔ ہس،12"مےٚ چھےٚ اسرائیل کیٚن لوٗکن ہنٛز شکایت بوزمٕژ۔ لہٰذا تِمن ون، شامہٕ ژھمبرن کھییٚو توٚہؠ ماز تہٕ صبحس کھییٚو غذا۔ توٚہؠ کھییٚو تہِ سورےٕ یہِ توٚہہِ کھیٚن آسہ۔ پتہٕ ترِ توٚہہِ فِکرِ زِ بہٕ چُھس تُہنٛد خدا، یہُوواہؔ۔"13ییٚلہِ شام سپد تتہِ ٲسؠ بے شمار جاناوار یمو خیمن نال وول۔ صبحس اوس خیمن انٛدؠ انٛدؠ شبنمےٕ شبنم۔14ییٚلہِ شبنم سپدن ہیٚوتُن تِمو وُچھ اکھ زٲولؠ شینہٕ تھوٚس ہیوٗ وار وجارٕکس زمیٖنس پؠٹھ۔ یُس أکِس تُلہٕ کتُرس ہیو بوٗزنہٕ یوان اوس۔15اسرائیل کیو لوٗکو ییٚلہِ یہِ وُچھ، تِمن ٲس نہٕ پتاہ یہِ کیا اوس اوے ونُکھ اکھ أکِس، "یہِ کیا سنا چُھ؟" موسیٰؔ ہن ونُکھ جواب، "یہِ چُھ سُہ غذا یُس تُہنٛدِ کھؠنہٕ باپتھ یہُوواہنؔ سوٗزمُت چُھ۔16یہِ چُھ یہُوواہؔ سُنٛد سُہ حکم یُس ونان اوس زِ توٚہہِ منٛزٕ پریتھ أکِس چُھ ضرورتہٕ مطٲبق کھیٚن جمع کرُن۔ زٕ کلو حسابہٕ پریتھ نفرٕ سٕنٛدِ باپتھ کریو جمع یِم تُہنٛدس خیمس منٛز روٗزان چھِ۔17لہٰذا اسرائیلی لوٗکو کوٚر تیٖ یہِ تِمن وننہٕ آو۔ کینٛژو کوٚر جمع زیادٕ کینٛژو کوٚر جمع کمےٕ۔18تِمو کوٚر پریتھ نفرٕ سٕنٛدِ باپتھ زٕ کلو حسابہٕ جمع، ییٚلہِ تِمو تتھ پیمانہٕ لوٗگ یمو زیادٕ جمع کوٚرمُت اوس تِمن ہُریوو نہٕ کینٛہہ۔ یمو کمےٕ جمع کوٚرمُت اوس تِمن پیٚو نہٕ پرٕ کینٛہہ۔ پریتھ اکؠ نفرن اوس پننٕؠ کِنؠ زیادے پہن جمع کوٚرمُت۔19موسیٰؔ ہن ووٚن تِمن، "صبحس تام کھییٚو یہِ سورےٕ!"20کینٛژو کوٚر نہٕ تہِ یہٕ موسیٰؔ ہن ووٚن۔ تِمو تھووٚ کینٛہہ صبحس تام۔ بہرحال تتھ وتھؠ کیٚمؠ تہٕ وتھُس ہوژن مُشِک۔ موسیٰؔ ہس کٔھژ تتھ پؠٹھ ژکھ۔21تِمو کوٚر پرٛتھ صبحس تیوٗتاہ جمع یوٗتاہ تِمن حاجتھ اوس۔ پتہ ییٚلہِ تاپھ تتیو تہٕ یہِ زمیٖنس پؠٹھ اوس سُہ وؠگلیو۔22شیمِس دوٚہس پؠٹھ پرٛیتھ نفرن ژوٗر کلو غذا جمع یُس باقی دوٚہو کھۅتہٕ دؤگنہٕ اوس۔ ییٚلہِ تِمن لوٗکن ہنٛدؠ سردار موسیٰؔ ہس نِشہ وٲتؠ تہٕ تمِس ونُکھ تتھ مطلق۔23موسیٰؔ ہن ووٚن تِمن، "یہِ چُھ تیٖ یہِ یہُوواہنؔ توٚہہِ ووٚنمُت چُھ: پگاہ چُھ تُہنٛدِ خٲطرٕ آرامُک اکھ دوٚہہ۔ یہِ اکھ دوٚہہ آسہ یہُوواہؔ سٕنٛدِ خٲطرٕ مخصوص۔ لہٰذا از رَنیو تہِ یہِ توٚہہِ از تہٕ بیٚیہِ پگاہ ضرورت پییٚہِ۔ یہِ از شامس بچتھ روزِ سُہ کھیٚیو پگاہ۔"24لہٰذا تِمو کوٚر تیٖ یہِ موسیٰؔ ہن تِمن ووٚن۔ یہِ بچتھ روٗد تہِ تھووٚ تہِ دوٚیمس دوٚہس تام۔ نہٕ ووٚتھ تتھ مُشِک نہٕ وتھؠ تتھ کؠمؠ!25موسیٰؔ ووٚن تتھ دوٚہس پؠٹھ، "یہِ توٚہہِ رٲتھ بچومُت چُھ سُہ کھییٚو از تکیازِ از چُھ یہُوواہؔ سُنٛد اکھ آرامُک دوٚہہ۔ از کٔرِو نہٕ توٚہؠ سُہ غذا نیٚبرٕ حٲصٕل۔26توٚہہِ پزِ پرٛتھ ہفتہٕ شین دوٚہُن ہنٛدِ خٲطرٕ جمع کرُن؛ مگر سٔتمس دوٚہس پؠٹھ آسہ توٚہہِ آرام کرُن تہٕ تمہِ دوٚہہ آسہ نہٕ کانٛہہ چیٖز توٚہہِ جمع کرُن۔"27سٔتمس دوٚہس پؠٹھ درایہِ کینٛہہ لوٗکھ پننیٚو خیمو منٛزٕ نیٚبر سُہ غذا جمع کرنہِ پوٚز تِمو ہیوٗک نہٕ کینٛہہ تہِ لٔبتھ۔28یہُوواہنؔ ووٚن موسیٰؔ ہس لوٗکن ون یہِ: یہُوواہؔ چُھ شرارتس آمُت لانہٕ تکیازِ توٚہہِ لوٗکو چھیو واریاہ کٲلہٕ پؠٹھٕ تِمن سارنےٕ حکمن اِنکار کوٚرمُت یِمن پؠٹھ تٔمؠ توٚہہِ عمل کرنس متعلق ونومُت چُھ!29وُچھو! یہُوواہنؔ چُھ تہنٛدِ باپتھ سبت بنوومُت ادٕ دیوٕ سُہ توٚہہِ شییٚمہِ دوٚہہ پریتھ ہفتہٕ دوٚن دوٚہُن ہُنٛدِ خٲطرٕ غذا۔ لہٰذا پرٛتھ أکِس پزِ پننِس گرس منٛز روٗزن تہٕ کانٛہہ مٕہ نیرِن سٔتِمہِ دوٚہہ اورٕ یوٗر!"30اوے کوٚر لوٗکو سٔتمہِ دوٚہہ آرام۔31اسرائیلی لوٗکو تھووٚ اتھ ناو مَنّ۔ سُہ اوس دانہِ ولہِ بیالِکؠ پٲٹھؠ سفید تہٕ مزٕ کَنؠ ماچھس منٛز رٔنؠ مٕتہ حلوٕکؠ پٲٹھؠ۔32موسیٰؔ ہن ووٚن، "یہِ چُھ تیٖ یہِ یہُوواہنؔ توٚہہِ ووٚنمُت چُھ: توٚہہِ پزِ امہِ منٛز زٕ کلو پننؠن تمام پشتن ہنٛدِ باپتھ رٔچِھتھ تھوُن یتھ زن تِم سُہ غذا وُچِھتھ ہیکن یُس مےٚ توٚہہِ وجارس منٛز کھینہٕ باپتھ دِتو ییٚلہِ مےٚ توٚہؠ مِصرٕ منٛزٕ نیٚبر کڈوٕ۔"33تہٕ موسیٰؔ ہن ووٚن ہارونسؔ، "اکھ بانہٕ تُل تہٕ تتھ منٛز برَ زٕ کلو مَنّ۔ پتہٕ تھووٚ سُہ یہُوواہسؔ برونٛہہ کنہِ۔ توٚہہِ پزِ تمہِ اندازٕ تھوٗن یُتھ یہِ تمام پشتن ہنٛدِ خٲطرٕ روزِ۔"34پتہٕ تھووٚ ہاروننؔ سُہ بانہِ یہُوواہسؔ تہٕ اسرائیل ین درمیان عہد نامس منٛز درج یتھ کَنؠ یہُوواہنؔ موسیٰؔ ہس ووٚنمُت اوس۔35اسرائیلی لوٗکھ روٗدؠ ژتجہن ورؠ ین سُہ مَنّ کھیوان یوٚت تام تِم کنعانچہِ آباد زمیٖنہِ ہنٛدِس سرحدس پؠٹھ وٲتؠ۔36ونؠ چھِ زٕ کلو اکھ اومر ماننہٕ یوان یُس ایفہک دٔہم حصہٕ چُھ۔
Bridge Connectivity Solutions Pvt. Ltd.