1 پطرس3
1یِتھے پٲٹھؠ چُھو توٚہؠ زنانہٕ یِم ایمان واجنہِ چھےٚ، پننٮ۪ن خانٛدارن روزیٚو تابعہ۔ یہٕ کٔرِو تاکہِ توٚہؠ کٔرؠ وُون کانٛہہ تہِ خانٛدار قٲیل مسیحؔ سٕنٛدِس پٲغامس کُن یُس نہٕ اتھ پٲغامس پٮ۪ٹھ یقین چُھ کران، توٚہہِ کینٛہہ وننہٕ بغٲر گژھہٕ تیار ایمان وول بننہٕ خٲطرٕ۔2تِم کرن مسیحؔ ہس پٮ۪ٹھ یقین تکیازِ تِم چھِ وُچھان زِ توٚہؠ چُھو خلوصہٕ سان برتاو کران تہٕ پیش یِوان احترامہٕ سان تِمن کُن۔3پننہِ جِسمُک نیٚبرِم حصہٕ مہٕ بنٲیِو مستُک خوبصورت انداز یا سۅنہٕ سٕنٛدؠ جوٲہر یا کھٔسِتھ پلو لٲگِتھ۔4امہِ بجایہ بنٲیِو پنُن دماغ تِتھٕ پٲٹھؠ خوبصورت یُس نہٕ زانٛہہ تہِ سورِ۔ میون مطلب چُھ عٲجِز تہٕ پُرامن رٔویہِ تھٲوِتھ۔ یہِ چُھ سُہ چیز یتھ خدا واریاہ قدر چُھ کران۔5یہِ کٔرِو تکیازِ یہِ چھےٚ سۅ وَتھ یمہِ وتہِ واریاہ برونٛہہ رٕژ زندگی گزارن واجنیٚو زنانو بنوو پنُن پان خوبصورت۔ تِمو کوٚر خدایس پٮ۪ٹھ بھروسہٕ تہٕ رودؠ پننٮ۪ن خاندارن تابعہ۔6مثلاً، سارہؔ ہن کٔر پننس خانٛدار ابرہامؔ سنٛز اطاعت تہٕ ووٚنُن تمِس پنُن آغہٕ۔ خدا زانہِ توٚہہِ پننہِ کورِ یوٚدوے توٚہؠ رٕژٕ کامہِ کٔرِو تہٕ بیٚیہِ کھوٚژِو نہٕ تِمن وہناک چیزن یِم توٚہہِ سٟتؠ واقع سپدن۔7توٚہؠ لوٗکھ یِم ایمان وٲلؠ چُھو، بٔسِو امی سمجدٲری سان پننٮ۪ن آشنٮ۪ن سٟتؠ۔ یِمن سٟتؠ کٔرِو سلوک یتھٕ پٲٹھؠ زن توٚہؠ کٲنٛسہِ لیٚژِس سٟتؠ کٔرِو۔ یِمن کٔریو عزت تِمن ہنٛدؠ پٲٹھؠ یِم توٚہہِ سٟتؠ سٟتؠ خدایہِ سُنٛد انعام پراون یعنی پوشہٕ وٕنؠ زندگی۔ یی کٔرِو تاکہِ کینٛہہ تہِ انہِ نہٕ تہنٛدِس دُعا منٛگنس تھۅس۔8یمہِ نامُک ٲخری حصہٕ مۅکلاونہٕ وِزِ چُھس بہٕ توٚہہِ سارنے ونان زِ ہیٚو ذہن تھٲیو پانہٕ وٲنؠ۔ اکھ أکؠ سنٛز بنیو ستتھ تہٕ تسلی۔ اکھ أکِس سٟتؠ روزیٚو ایماندار سٲتھی بٔنِتھ لولہٕ سان۔ اکھ أکِس سٟتؠ کٔرِو رحمُک ورتاو۔ حلیم بٔنِو۔9ییٚلہِ لوٗکھ توٚہہِ سٟتؠ کینٛہہ بد ورتاون یا بے عزتی کرنو، توٚہؠ مہٕ کٔرِو یورٕ تہِ یی۔ بلکہِ منٛگیٚو تِمن کیُت خٲر تکیازِ خداین ژٲرِو توٚہؠ اوے مۅکھہٕ تاکہِ سُہ بخشہِ توٚہہِ پنُن فضل۔10أسؠ چھِ زانان زِ یہِ چُھ پزر، تکیازِ یتھٕ پٲٹھؠ زن داوودنؔ لیٚوکھ،"تِم یِم پزنہٕ پٲٹھؠ رٕژِ زندگی نِش لطف اندوز سپدُن یژھان چھِ،تِمن پزِ نہٕ بد ونن یا تارن گٔری کرن۔11تِمن پزِ بدکار کرنس کلہٕ مورُن، بلکہِ تہ کرن یہِ رُت آسہ۔تِمن پزِ بیٚین لوٗکن سٟتؠ امنہٕ سان تعلقات قٲیِم کرنہٕ خٲطرٕ محنتہٕ سان کوشش کرٕنؠ۔12تِمن پزن یِم چیز کرٕنؠ تکیازِ خداوند چُھ راستباز لوٗکن دیدمان وُچھان روزان،سُہ چُھ نیک کار لوٗکن ہُنٛد منگُن قبول تھاوان،مگر بدکارن رد کران۔"13ییٚلہِ توٚہؠ نیکی کرنس کُن تنہٕ منہٕ روزیٚو، مُشکلنےٕ کرِ توٚہہِ سٟتؠ کانٛہہ بد۔14وۅنؠ گوو یوٚدوے توٚہؠ عِذا تُلِو کینٛہہ رُت کران کران۔ توٚہہِ پٮ۪ٹھ کرِ خدا پنُن فضل۔ "مہٕ کھوٚژِو تہٕ نہ مہٕ سپدِیو پریشان تِمو چیزو سٟتؠ یِمن باقےٕ لوٗکھ کھوٚژان چھِ۔"15پننِس ذہنس منٛز بسٲیو یہِ خیال زِ خداوند مسیحؔ چُھ پاک۔ ہر وِزِ روزیٚو تیار تِمن لوٗکن جواب دنہٕ باپتھ یِم پرژھنو زِ توٚہؠ کیا چُھ اعتمٲدی سان کران زِ خدا گژھِ، تہنٛدِ باپتھ کرُن۔16وۅنؠ گوو یِمن دِیو جواب بڈٕ نرمی تہٕ انکسٲری سان، کینٛہہ ویکھُت ورتاونہٕ ورٲے تاکہِ خدا کرِ تِمن شرمنٛدٕ یِم تتھ خٲرس رد کران چھِ یہِ توٚہؠ مسیحؔ ہس سٟتؠ یکُت کٔرتھ لوٗکھ ٲسِتھ کران چُھو۔ خدا کرِ تِمن شرمندٕ تکیازِ تِم چھِ توٚہہِ متعلق اپزِ کتھہٕ پھہلاوان۔17یِمے چیز کٔرِو تکیازِ یوٚدوے خدا چُھ یژھان زِ توٚہؠ تُلِو عِذا، یہِ چُھ بہتر زِ توٚہؠ تُلِو عِذا تکیازِ توٚہؠ چُھو رُت کران امہِ بجایہ زِ توٚہؠ تُلِو عِذا کُنہٕ بد کارٕ کِنؠ۔18یہِ چُھ پزر تکیازِ مسیحؔ ہن تہِ تُل عِذا۔ تٔمؠ تُل اکہِ وِزِ عِذا باقےٕ لوٗکو ہنٛدیٚو گنہو باپتھ۔ سُہ اوس راستباز شخص یُس غٲر راستباز لوٗکن ہنٛدِ فٲیدٕ باپتھ مود۔ یوٚدوے زن سُہ لوٗکو قتل کوٚر، خدایہ سنٛدؠ روحن کوٚر سُہ دُبارٕ زنٛدٕ۔19امی روحن بنوو سُہ اتھ لایق زِ سُہ کرِ خدایہِ سنٛدِ فتح مندی ہُنٛد اعلان تِمن بدروحن تہِ یِم خداین بٲنٛدؠ بنٲومٕتؠ چھِ۔20یِمو بد روحو کٔر سٮ۪ٹھا برونٛہہ نوح سنٛدِس زمانس منٛز خدایس نافرمانی ییٚلہِ نوح اکھ ناو بناوان اوس۔ خدا رود پرارٕ وُن زِ اما یِم لوٗکھ ما تراون گناہ کرٕنؠ۔ چھرا کینٛژوٕے لوٗکو لوٚب نجات اتھ ناوِ منٛز۔ خاص پٲٹھؠ أنؠ خداین امہِ سہلابہٕ منٛزٕ چھرا ٲٹھے نفر بوٚٹھ کھٲلِتھ۔21یہِ آب چُھ سۅ علامت یۅسہ بپتسمہ دِنٕچ نمایندگی کران چُھ یُس وۅنؠ توٚہہِ نجات دِوان چُھو۔ یہِ بپتسمہ چُھنہٕ تہنٛدٮ۪ن جسمن ہنٛز گندگی چھلان۔ بلکہِ چُھ یہِ باوان زِ أسؠ چھِ منٛگان خدایس یہِ یقین زِ تٔمؠ بخشؠ اسہِ پنٕنؠ کٔرؠ مٕتؠ گناہ۔ یہِ بپتسمہ چُھ توٚہہِ نجات دِوان خدایہِ سنٛدِ طرفہٕ یسوع مسیحؔ ہس دبارٕ زندٕ پراونہٕ کِنؠ۔22امہِ پتہٕ ییٚلہِ خداین پرٮ۪تھ کانٛہہ خبیث تہٕ طاقتہٕ وول روح تمِس تٲبین کوٚر، کھوٚت مسیحؔ آسمانس پٮ۪ٹھ، ییٚتہِ سُہ خدایس نکھہٕ عزتچہِ ساروےٕ کھۅتہٕ تھزِ جایہِ چُھ۔
Bridge Connectivity Solutions Pvt. Ltd.