1 پطرس2
1چونکہِ یِم چیز چھِ پٔزؠ، اوٕ کِنؠ مہٕ کٔرِو کمین گی تہٕ نَہ مہٕ کٔرِو کٲنٛسہِ سٟتؠ تارن گٔری۔ ظٲہِر دار مہٕ بٔنِو تہٕ نَہ مہٕ تھٲیِو کٲنٛسہِ ہُنٛد ازروُن، نہ مہٕ کٔرِو کٲنٛسہِ ہنٛز غٲبت، تہٕ نَہ مہٕ لٲگِو کٲنٛسہِ ہانٛژ۔2یتھٕ پٲٹھؠ نوزٲید چھرا پننہِ ماجہِ ہُنٛد خٲلِص دۅد ژھاران چُھ تِتھے پٲٹھؠ ژھٲرِو توٚہؠ تہِ خدایس متعلق پزرٕچ تعلیم تاکہِ اتھ ہیٚچِھتھ پرٲیو توٚہؠ تہِ روحٲنی پۅختہٕ گی۔ توٚہہِ پزِ یہِ کرُن یوتام توٚہہِ خدا مکمل پٲٹھؠ نجات بخشہِ یمہِ گناہ گار دنیا نِشہ۔3توٚہہِ پزِ یہِ کرُن اوٕ کِنؠ زِ توٚہہِ ژیونُو یہِ پانہٕ زِ خداوند کٲژاہ مہربٲنی چُھو توٚہہِ کران۔4توٚہؠ آیو خداوند یسوعس کُن۔ سُہ چُھ أکِس پلس ہیٚو یُس اکہِ بڈِ تعمیرک حصہٕ چُھ، وۅنؠ گو سُہ چُھ زنٛدٕ۔ یوٚدوے زن لوٗکو تس انکار کوٚر، خداین ژور سُہ تہٕ چُھس واریاہ قدر کران۔5تہٕ توٚہؠ تہِ چُھو پل ہِوؠ یِم زنٛدٕ چھِ۔ یتھٕ پٲٹھؠ لوٗکھ کنیٚو سٟتؠ مکان تعمیر کران چھِ خدا چُھ توٚہہِ اکھ أکِس سٟتؠ رلاوان اکہِ تعمیرٕکؠ پٲٹھؠ یتھ منٛز خدایہِ سُنٛد روح چُھ۔ سُہ چُھو توٚہہِ تہِ تعمیر کران کاہنن ہنٛدؠ پٲٹھؠ یِم خداین الگ ژٲرؠ خدایس خۅش کروٕنہِ پٲکیزٕ عملہٕ کرنہٕ باپتھ، یسوع مسیحؔ سٕنٛدِ برکتہٕ۔6یہِ یسعیاہنؔ لیٚوکھ زٕ خداین ووٚن صحیفن منٛز چُھ ہاوان زِ یہِ چُھ پوٚز۔ "دھیان تھٲیو! بہٕ چُھسو یروشلم شہرس منٛز تھاوان اکھ سُہ یُس تعمیرس منٛز اہم کٔنؠ چُھ۔ مےٚ ژور سُہ۔ سُہ چُھ سٮ۪ٹھا مۅلُل۔ تہٕ یُس کانٛہہ تس پٮ۪ٹھ پژھ تھاوِ سُہ سپدِنہٕ یقیناً زانہٛہ بے عزت۔7اوے تہِ خدا بخشیٚو توٚہہِ عزت یِم یسوعس پٮ۪ٹھ یقین قٲیِم کرن۔ وۅنؠ گو تم یِم تس اِنکار کرن یقین کرنس چھِ تِمن تعمیر کرن والیٚن ہنٛدؠ پٲٹھؠ یِمن متعلق کمؠ تام زبورن منٛز لیٚوکھ زِ "سۅ کٔنؠ یۅسہ تعمیر کار دٔسِلن دٲرِتھ ژھٕنؠ چھےٚ بنیمٕژ تعمیرچ اہم ترین کٔنؠ۔"8یسعیاہنؔ تہِ لیٚوکھ صحیفن منٛز زِ مسیحؔ آسہ زنتہٕ"اکھ کٔنؠ یۅسہ لوٗکن کھوٚند دییہِ،تہٕ اکھ پل یُس لوٗکن بُتھِ لگہ۔"یتھٕ پٲٹھؠ لوٗکھ چھِ چھۅکل گژھان کنہِ پلہٕ پیٚٹھؠ وسِتھ،یِتھٮ۪ن لوٗکن چھےٚ بُتھؠ کھکھٕر لگان خدایہِ سنٛدِس پٲغامس بُتھِ لٔگِتھ؛یی سپدِ یہِ خداین اِرادٕ کوٚر۔9اُلٹہٕ چُھو توٚہؠ ایماندار تِم لوٗکھ یِم خداین ژٲرمٕتؠ چھِ پننہِ باپتھ۔ توٚہؠ چُھو زنتہٕ کاہنن ہنٛز اکھ جماتھ یِم خدایہِ سنٛز عبادت کران چھِ تہٕ تس سٟتؠ حکمرٲنی کران چھِ۔ توٚہؠ چُھو لوٗکن ہنٛز جماتھ یۅسہ خداین الگ ژٲرمٕژ چھےٚ پننہِ باپتھ۔ توٚہؠ چُھو تِم لوٗکھ یِم ملکِیت چھِ خدایہِ سٕنٛدؠ۔ تاکہِ توٚہؠ کٔرِو اظہار تِمن قٲبل تعریف چیزن ہنٛدؠ یِم خداین کٔرؠ۔ تٔمؠ ٲسِو توٚہؠ پننہِ پرانہِ زُونکہِ وطیرٕ منٛزٕ نٮ۪بر کٔڑؠ مٕتؠ ییٚلہِ توٚہؠ گیٖر ٲسِو گُنہن منٛز تہٕ خدایس متعلق انزان تہٕ تٔمؠ کٔرِو توٚہؠ زٲنؠ یاب پانس متعلق عظیم پزرٕ نِشہ۔10یہِ ہوشیع ہنؔ لیٚوکھ توٚہہِ متعلق چُھ پوٚز یِم نہٕ "کُنہِ لُکہٕ جماژ" منٛز ٲسی مگر تِم چھِ وۅنؠ "خدایہِ سنٛزِ جمٲژ منٛزٕ" اکہِ وقتہٕ کوٚر نہٕ خداین توٚہہِ سٟتؠ رحمُک سلوٗک۔ مگر وۅنؠ چُھ سُہ توٚہہِ سٟتؠ رحمُک سلوٗک کران۔11ایماندار سٲتھیو یِمن بہٕ لول بران چُھس، توٚہؠ چُھو زنتہٕ پر ملکٕکؠ ہِوؠ۔ یہُنٛد اصل گرٕ چُھ جنتس منٛز۔ اوے چُھسو بہٕ زور دِوان توٚہہِ زِ تِم چیز مہٕ کٔرِو یِم تُہنٛد گناہ گار نفس توٚہہِ کرنس اُکساوان چُھو۔ یِژھٕ خٲہشہِ کرنو توٚہہِ بُرباد۔12تِمن لوٗکن منٛز روزیٚو رٕژٕ عملہٕ کران یِمنہٕ خدایس زانان چھِ تاکہِ یِم چیز توٚہؠ وُنکٮ۪س کران چُھو تہٕ یتھ تِم ٲکھِتھ غلط مانان چھِ۔ تِم وچُھن زِ توٚہؠ چُھو ژکہِ رُت کران تہٕ تِم کرن خدایس عزت ییٚلہِ سُہ سارٕنےٕ انصاف کرنہِ ییہِ۔13خداوند یسوع مسیحؔ ہس عزت بخشنہٕ باپتھ کٔرِو تِمن سارنےٕ ہنٛز تابعدٲری یِمن طاقت چُھ لوٗکن پٮ۪ٹھ حکمرٲنی کرنُک۔ اتھ منٛز چُھ بادشاہ تہِ تکیازِ تمِس چھےٚ لوٗکن پٮ۪ٹھ ساروےٕ کھۅتہٕ ژٔر حکمرٲنی حٲصل۔14اتھ منٛز چھِ تہنٛدؠ گورنر تہِ، تکیازِ بادشاہن سوزؠ تِم سزا دِنہِ تِمن لوٗکن یِم بدکار کران چھِ تہٕ تِمن عزت دِنہِ یِم رٕژٕ کامہِ کران چھِ۔15تہنٛز تابعدٲری کٔرِو یِم لوٗکن حکومت کران چھِ۔ تکیازِ یی چُھ خدا یژھان۔ سُہ چُھ یژھان زِ توٚہؠ کٔرِو رٕژٕ کامہِ تاکہِ احمقن سپدِ ٹھوٚر یِمنہٕ خدایس زانان چھِ نادٲنستہٕ پٲٹھؠ یہٕ وننس قٲبل گژھنہٕ نش زِ توٚہہِ چھِ غلط کار کٔرمٕتؠ۔16تہنٛز تابعدٲری کٔرِو یِم لوٗکن حکومت کران چھِ تِمن لوٗکن ہنٛدؠ پأٹھؠ یم رضاکارانہٕ یہٕ کرنہٕ خأطرٕ آزاد چھِ، مگر پنٕنؠ حیثیت مہٕ کٔرِو استعمال کرنچ کوشش یتھٕ پٲٹھؠ زن آزاد لوٗکھ غلط کامہِ کٔھٹِتھ تھاونہٕ خاطرٕ کران چھِ۔ امہِ بجایہ، کٔرِو تابعدٲری تِمن لوٗکن ہنٛدؠ پأٹھؠ یِم خدا سنٛز خدمت چھِ کران۔17پرٮ۪تھ کٲنٛسہِ کٔرِو عزت۔ پننٮ۪ن تمام ایماندار سٲتھین بٔرِو لول۔ خدایس کٔرِو تعظیم، بادشاہن کٔرِو احترام۔18ہے گرٕکُلی غلامو یِم ایمان وٲلؠ چھِ، پننٮ۪ن مٲلکن سٟتؠ تھٲیو مکمل احترامُک وطیرٕ۔ یہِ کٔرِو نہ صرف تِمن مٲلکن سٟتؠ یِم توٚہہِ سٟتؠ رحمُک سلوٗک چھِ کران بلکہِ تِمن سٟتؠ تہِ یِم توٚہہِ سٟتؠ ظلم، زبردستی کران چھِ۔19پننٮ۪ن مٲلکن کُن روزیٚو کلہٕ نۅمرِتھ تکیازِ یہِ چُھ تی یتھ خدا چُھ ترجیح چُھ دِوان۔ یوٚدوے کانٛہہ سختی ویٚترایہِ، تہٕ تُلہِ ہنٛگہٕ منٛگہ عِذا سُہ نفر چُھ آگاہ خدایس متعلق تہٕ زانان زِ سُہ کیا چُھ یژھان۔20پننٮ۪ن مٲلکن روزیٚو کلہٕ دٲرِتھ، تکیازِ اتھ منٛز چُھنہٕ تہنٛدِ باپتھ کہین عزت یوٚدوے توٚہہِ کانٛہہ اوٕ کِنؠ لایہِ زِ توٚہہِ چُھو گناہ کوٚرمُت۔ بحرہال یہِ چُھ تہِ یتھ خدا مازان چُھ۔ یوٚدوے توٚہہِ برداشت کوٚرُو ییٚلہِ توٚہہِ عِذا ووتُو، توٚہہِ کٔرِو رٕژ کٲم۔21خدا چُھ یہِ مازان تکیازِ تٔمؠ دِتو توٚہہِ ناد رُت کران کران عِذا تُلنُک۔ تٔمؠ کوٚرُو توٚہہِ آلو اور کُن تکیازِ مسیحؔ ہن تہِ تُل عِذا تہنٛدِ باپتھ اکھ مثال بننہٕ خٲطرٕ تاکہِ توٚہؠ کٔرِو تی یہِ تٔمؠ کوٚر۔22"تٔمؠ کوٚر نہٕ کانٛہہ گناہ۔تہٕ نہ ووٚنُن تیوٚتھ یمہِ سٟتؠ لوٗکن دھوکھہٕ واتہِ۔"23ییٚلہِ لوٗکو تس ملامت کٔر، تٔمؠ کٔر نہٕ تِمن واپس زانہٛہ ملامت۔ییٚلہِ تٔمؠ عِذا تُل، تٔمؠ دِژ نہٕ تِمن زانہٛہ تہِ دھمکی یِمو تس عِذا واتنوو۔بلکہِ تھٲوٕن پژھ قٲیِم خدایس پٮ۪ٹھ، یُس سارنےٕ پرکھاوان چُھ یہِ ہاونہٕ باپتھ زِ سُہ چُھ معصوم۔24پانہٕ آو مسیحؔ ہس سزا دِنہٕ سانیٚو گنہو کِنؠ تٔمسنٛدِس جسمس ییٚلہِ سُہ مود صلیبس پٮ۪ٹھ یمہِ مقصدٕ باپتھ زِ أسؠ زُوو پاک پٲٹھؠ تکیازِ أسؠ چھِنہٕ وۅنؠ گنہس انٛدر۔خداین بٔلرٲیو توٚہؠ تکیازِ لوٗکو دِتؠ مسیحؔ ہس چھۅکھ۔25خداین بٔلرٲیو توٚہؠ تکیازِ توٚہؠ ٲسِو خدایس ژھٮ۪نہٕ گٲمٕتؠ تِمن تیرن ہنٛدؠ پٲٹھؠ یِم رٲومٕتؠ ٲسؠ، مگر وۅنؠ أنِو خداین واپس مسیحؔ ہس نِش۔ یس تُہنٛد پرواہ چُھ تہٕ رٲچھ چُھو۔ یتھٕ پٲٹھؠ اکھ پُہل پننٮ۪ن تیٖرن رچھان چُھ آسان۔
Bridge Connectivity Solutions Pvt. Ltd.