1 پطرس4
1اوٕ کِنؠ زِ مسیحؔ ہن تُل جسمٲنی عذاب، توٚہؠ تہِ سپدِو تیار باقے مسیحؔ ہن ہنٛدؠ پٲٹھؠ عذاب تُلنہٕ باپتھ۔ یہِ سونچان زِ مسیحؔ ہن کِتھہٕ تُل عذاب۔ یی کٔرِو تکیازِ تِم یِم جسمٲنی عذآب تُلن، چُھنہٕ ہرگِز گنہن منٛز سپدن گیٖر۔2تاکہِ تِم کرن نہٕ تِتھؠ چیز یِم گناہ گار لوٗکھ یژھان چھِ کرٕنؠ سٲرؠ سےٕ زُوون کالس منٛز۔ تِم چھِ امہِ بجایہ تِم چیز کرنہٕ خٲطرٕ زنٛدٕ روزان، یِم خدا یژھان چُھ زِ تِم گژھن کرٕنؠ۔3بہٕ چُھسو یہِ ونان اوٕ کِنؠ زِ توٚہؠ چُھو برونٛٹھےٕ پنن واریاہ زُوون کال تہ کران خرچ کوٚرمُت یہِ خدایس نہ زانن وٲلؠ کران چھِ۔ تہنٛدؠ پٲٹھؠ کَریوٕ توٚہہِ جنسی طور غٲر اخلٲقی تہٕ نفسٲنی عملہٕ۔ شراب چٮ۪تھ گو مس تہٕ غٲر اخلٲقی مجلسن، شرابہٕ محفلن تہٕ پۅتٕلؠ پوٗزایہِ منٛز راوٕ روو وقت یتھ زن خداین ٹھاکھ اوس کوٚرمُت۔4یِمن چیزن کُن وُچِھتھ چھِ خدایس نہ زانن وٲلؠ حٲران سپدان زِ توٚہؠ چُھونہٕ شریک سپدان تِمن سٟتؠ وۅنؠ تہنٛدٮ۪ن فضول بے وایہِ غٲر اخلٲقی چیزن منٛز۔ امیُک تر چُھ یہِ زِ تِم چھِ توٚہہِ کۅ کتھ لٲگِتھ تھاوان۔5اکہِ دوٚہہ چُھ یِمن لوٗکن خدایس برونٛہہ کنہِ جواب دیُن پرٮ۪تھ چیزُک یہِ تِمو کوٚرمُت آسہ۔ سُے کرِ پرٮ۪تھ کٲنٛسہِ ہنٛزن عملن ہُنٛد انصاف۔6اوٕ کِنؠ چُھ لوٗکو یسوعس متعلق رٕژِ شیٚچھِ ہنٛز تعلیم دِژمٕژ تِمن ایمان والیٚن لوٗکن یِم وۅنؠ مودمٕتؠ چھِ۔ تاکہِ یِم ایمان وٲلؠ یِمن لوٗکھ انسٲنی معیارو پرکھاوان ٲسؠ پننِس زُوون کالس منٛز چھِ وۅنؠ پاک روحکہِ برکتہٕ ہمیشہٕ باپتھ خدٲیی معیارو زُووان۔7یتھ زمینہِ پٮ۪ٹھ گژھن سٲری چیز جلدے فناہ۔ اوٕ کِنؠ ہیٚیِو صاف صاف عقلہِ کٲم تاکہِ توٚہؠ کٔرِو رٕژ عبادت۔8سارِوےٕ کھۅتہٕ اہم اکھ أکِس سٟتؠ تھٲیِو محبت خلوصہٕ سان۔ تکیازِ ییٚلہِ توٚہؠ کٲنٛسہِ محبت کٔرِو توٚہؠ کٔرِو تسٕنٛدؠ تِم سٲری اتٕرؠ معاف یِم تٔمؠ توٚہہِ سٟتؠ کٔرؠ۔9پانس کُن یِنہٕ والیٚن مسیحؔ ہن دِیو کھٮ۪ن چٮ۪ن، روزن تہٕ شونٛگن جاے خوش خوش۔10پننٮ۪ن ایماندار سٲتھین دِیو تِم تحفہٕ یِم زن خداین توٚہہِ دتِو۔ تِم بیوٚن بیوٚن تحفہٕ تھٲیو وارٕ پٲٹھؠ یِم توٚہہِ خداین دِتؠ مٕتؠ چُھو۔11یِم کینٛہہ ونان چھِ تِمن پزِ تِتھے پٲٹھؠ کتھ ونٕنؠ یتھٕ پٲٹھؠ خداین ؤنؠ۔ یِم تِمن خدمت کرن تِمن پزِ تمی طاقتہٕ یہِ خدمت کرٕنؠ یُس تِمن خداین دِیُتمُت چُھ۔ یی کٔرِو خدایہِ سنٛز عظمت ہاونہٕ باپتھ تہِ کٔرِتھ یتھ لایق توٚہؠ یسوع مسیحؔ ہن بنٲیِو۔ بہٕ چُھس عٲجزی کران زِ پرٮ۪تھ کانٛہہ وُچِھن سُہ کوتاہ تابناک تہٕ پُرقوت چُھ ہمیشہٕ ہمیشہٕ باپتھ۔ خدا کٔرِن یہ بٔنِنؠ۔12ایماندار سٲتھیو یِمن بہٕ لول بران چُھس، یِمو دھوکھہٕ دٲوؠ چیزو سٟتؠ مہٕ گٔژھِو حٲران۔ یِم توٚہہِ ژٮ۪ترٲیو۔ یِم چیز چُھو توٚہہِ آزمٲیش کران یتھٕ کِنؠ لوٗکھ کُنہِ دھاتس نارس ترٲوِتھ آزماوان چھِ۔ یہِ مہٕ سونٛچِو زِ توٚہہِ سٟتؠ چُھ کہتام نوو سپدان۔13امہِ بدلہٕ گٔژھِو کم زیادٕ خۅش زِ توٚہؠ چُھو تِتھُے عذاب تُلان یُس عذاب مسیحؔ ہن تُلمُت چُھ۔ خۅش گٔژھِو پنُن عذاب تُلان تاکہِ توٚہؠ سپدِو خۅش ییٚلہِ مسیحؔ واپس پھیرِ تہٕ پرٮ۪تھ کٲنٛسہِ ہاوِ زِ سُہ کوتاہ جلال وول چُھ۔14یوٚدوے باقےٕ لوٗکھ توٚہہِ یُتھ تیُتھ ونن اوٕ کِنؠ زِ توٚہؠ چُھو پژھ کران مسیحؔ ہس۔ خداین کوٚرُو توٚہہِ فضل تکیازِ تُہنٛد عذاب تلُن چُھ ہاوان زِ خدا سنٛز عظمت درشاوان وول روح چُھ توٚہہِ منٛز بسِتھ۔15یہِ کتھ بنٲیو یقینی زِ توٚہؠ تُلِو نہٕ عذاب اوٕ کِنؠ زِ توٚہہِ موٕرون کانٛہہ یا نیو کینٛہہ ژوٗرِ یا کۅرو کانٛہہ کۅ کار یا باقین ہنٛدٮ۪ن معاملن منٛز دِتُو بیجا دخل۔16مگر امہِ موجُب مہٕ گٔژھِو شرمنٛدٕ زِ توٚہہِ تُلو عذاب مسیحیؔ آسنہٕ کِنؠ۔ بلکہِ کٔرِو خدا سُنٛد شکُر زِ توٚہہِ چُھو ناو "مسیحیؔ"17بہٕ چُھسو یہِ ونان اوٕ کِنؠ زِ یہِ چُھ وۅنؠ وق لوٗکھ خدایہِ سٕنٛدؠ دٔسؠ پرکھاونہٕ یِنُک۔ گۅڈٕ پرکھاوِ سُہ تِمن یِم تسٕنٛدؠ چھِ۔ چونکہِ سُہ پرکھاوِ ایمان والیٚن گۅڈٕ۔ سونٛچِو کم ہٲبتناک چیز سپدن تِمن سٟتؠ یِم ٲخرس تسنٛدِ طرفہٕ آمژِ رٕژِ شیٚچھِ انکار کرن۔18سلیمانن تہِ لیوکھ صحیفن منٛز،"یوٚدوے رٕژِ وتہِ پکن والیٚن راستباز لوٗکن جنتس گژھنہٕ برونٛہہ عذاب پیٚیہِ تلُن،کوتاہ زیادٕ ویکھت عذاب آسہ تلُن بیزار تہٕ گناہ گار لوٗکن!"19اوے تہِ یوٚدوے تِم لوٗکھ یِم عذاب چھِ تُلان تکیازِ خدا چُھ یژھان تُہنٛد عذاب تلُن۔ تِمن پزِ خدایس کُن پژھ قٲیِم تھاوٕنؠ پننہِ زُو جانہٕ رٕژ عمل برابر جٲری تھٲوِتھ۔ خداین أنؠ تِم وجودس تہٕ سُہ چُھ ہمیشہٕ تہِ کران یمیُک تٔمؠ وعدٕ چُھ کوٚرمُت۔
Bridge Connectivity Solutions Pvt. Ltd.