1 کورنتھین10
1وۅنؠ چُھس بہٕ توٚہہِ دینی باین یہِ ژٮ۪تس پاوُن یژھان زِ سٲنؠ یہُودؠ جد اجداد دراے خدایس پتہٕ پتہٕ ییٚلہِ سُہ تِمن اوٚبرٕ تٔلؠ ظٲہِر سپُد۔ تِم تٔرؠ سٲری خشک سُرخ سمندر منٛزؠ ییٚلہِ خداین تہنٛدِ باپتھ آبہٕ منٛز اکھ خشک وتھ کھوجؠ۔2یہِ اوس زنتہٕ تمن سارنےٕ بپتسمہ دیُت تاکہِ تِم بنن سٲری موسیٰؔ سنٛدؠ۔ یہِ سپُد ییٚلہِ تِم اتھ اوٚبرس پتہٕ پتہٕ پکان رودؠ تہٕ پٔکؠ سۅرخ سمندر منٛزؠ۔3یِمو ساروٕے کھیٚو سُہ روحٲنی خاص غذا یُس مَنّ خداین بخُش۔4تِمو سارِوےٕ چیو یِکہٕ وٹہٕ سُہ خاص آب یُس یِمن خداین دیُت۔ یہِ سپُد ممکن ییٚلہِ تِمو سُہ آب چیو یُس اکہِ بڈِ پلہٕ منٛزٕ دراو یُس تِمن خداین دستیاب تھوو تہٕ رود یِم پتہٕ پتہٕ پکان۔ یہِ آب اوس تی کینٛژھا یہِ تِمن مسیحؔ ہن دیُت۔ 5وۅنؠ گو واریہو یہُودؠ جدو اجدادو کوٚر نہٕ خدا خوش توٚہؠ ہیٚکو پانے ؤنِتھ زِ یہِ چُھ پوٚز تکیازِ تِم مودؠ سٲری سیٚکہِ صحراوس تران تران۔ 6یِم معاملہٕ یِمن سٟتؠ سپٕدؠ چھِ شکلاوان زِ اسہِ کِتھہٕ پٲٹھؠ چھےٚ عمل کرٕنؠ۔ تِمن سٟتؠ امہِ سپدتہِ سٟتؠ چُھ خدا اسہِ خبردار کران تاکہِ أسؠ تراوو یچھِ کامہِ۔ تِمہٕ یچھٕ کامہِ یِم تِمو کرِ۔7توٚہہِ پزِ نہٕ پۅتٕلؠ پوٗزا کرٕنؠ۔ یہِ زن سٲنؠ کینٛہہ یہُودؠ اجداد کران ٲسؠ۔ توٚہؠ ہیٚکو پانہٕ زٲنِتھ زِ تِم ٲسؠ پۅتٕلؠ پوٗزا کران۔ تکیازِ موسیٰؔ چُھ لٮ۪کھان۔ اسرائیل یو ہیوٚت کھیوٚن تہٕ شراب چیوٚن تہٕ پتہٕ باقین خداین غٲر منٲسب جنسی آیہِ پوزُن۔8اسہِ پزِ نہٕ غٲر منٲسب جنسی حرکت کرٕنؠ یہِ زن سٲنؠ کینٛہہ یہُودؠ اجداد کران ٲسؠ۔ اوٕ کِنؠ زِ تِم ٲسؠ یہِ کران مودؠ ترٛوووہ ساس فرد تِمو منٛزٕ اکسےٕ دوٚہس منٛز۔ 9اسہِ پزِ نہٕ خداوند یسوعسؔ مقابلہٕ یُن یہِ زن سانٮ۪و کینٛژو یہُودؠ اجدادو کوٚر۔ اوٕ کِنؠ زِ تِمو کوٚر یہِ، سرفو مٲرؠ تِم۔ 10توٚہہِ پزِ نہٕ شکایت کرٕنؠ یہِ زن سٲنؠ کینٛہہ یہُودؠ اجداد کران رودؠ۔ اوٕ کِنؠ زِ تِمو کوٚر یہِ اکہِ وُچاپہٕ زوزٲژ یۅسہ تِمن پٮ۪ٹھ خداین سوز نیہ تٔمؠ مٲرِتھ۔11یِم چیز یِم زن سانیٚو اجدادو ژٲلؠ چھِ ہاوان اسہِ کِتھٕ پٲٹھؠ چھےٚعمل کرٕنؠ۔ پزر چُھ یہِ زِ کٔمؠ تام تھوو یہِ لیکھِتھ زِ تِمن سٟتؠ کیا سپُد تاکہِ أسؠ ہٮ۪چھو یِمو نِش۔ تکیازِ أسؠ تہِ چھِ تِمو منز یِم از ٲخری دوٚہُن ژالان چھِ۔12یتھٕ پٲٹھؠ یِم دلیلہٕ شکلاوان چھےٚ تِمن لوٗکن یِمن دٔر پژھ تہٕ ایمان چُھ مسیحؔ ہس پٮ۪ٹھ پزِ یقینی بناوُن زِ تِم روزن نہٕ ناکام مسیحؔ ہس پتہٕ پتہٕ پکنس منٛز۔13باقےٕ لوٗکو تہِ ژٲلؠ تِتھؠ چیز یِم توٚہہِ تنبلاون۔ مزید خدا کرِ وفادٲری سان عمل۔ سُہ دِیہ توٚہہِ تہِ ویٚتراونہٕ یُس توٚہہِ تنبلاوِ تہٕ توٚہؠ ہیٚکو نہٕ تتھ دفاع کٔرِتھ بلکہِ دِیہ سُہ توٚہہِ تہِ یمہِ سٟتؠ توٚہؠ وفادٲری سان دفاع ہیٚکو کٔرِتھ ییٚلہِ کانٛہہ چیز توٚہہِ تنبلایو۔14اوٕ کِنؠ یہِ مےٚ ونُو میانیو دینی باجیو یمن بہٕ لول چُھس بھران پوٚز زٲنِتھ مٲنِتھ تراوو باقےٕ خداین ہنٛز عبادت کرٕنؠ۔15بہٕ چُھسو یمہِ آیہِ اوٕ کِنؠ ونان زِ بہٕ چُھس زانان توٚہؠ چھُو سونٛچن سمجھن وٲلؠ تہٕ دانا۔ توٚہہِ پزِ پانہٕ فٲصلہٕ کرُن زِ یہِ بہٕ وۅنؠ ونو تہِ چھا صحیح کِنہٕ غلط۔16ییٚلہِ أسؠ شراب چٮ۪مو یُس اسہِ خداوند سٕنٛدِس کالہٕ کِس کھٮیٚنس برکت بخشہِ۔ أسؠ چھِ یِکہٕ وٹہٕ جُڑان مسیحؔ سٕنٛدِس خوٗنس سٟتؠ ییٚلہِ أسؠ مقدس ژوٚٹ کھٮیٚمو اسؠ چھِ یِکہٕ وٹہٕ مسیحؔ سٕنٛدِس بدنس سٟتؠ جُڑان۔17أسؠ چھِ ژۅچہِ ہُنٛد اکھ تِلم تُلان تہٕ خداوند سٕنٛدِس کال کھیٚنہٕ کِس رسمس منٛز سٲری چھِ یکہٕ وٹہٕ کھیٚوان اتھ ژۅچہِ کھنجہِ۔ اوٕ کِنؠ زِ أسؠ چھِ یہِ کران أسؠ چھِ پانہٕ وٲنؠ جُڑان زنتہٕ أسؠ اکُے بدن چھِ۔18نیتو وۅنؠ مثال اسرائیلی لوٗکن ہنٛز۔ کینٛہہ ارپن کرن وٲلؠ لوٗکھ چھِ امہِ ارپن کرنہٕ یِنہٕ والہِ چیزٕ منزٕ پانس تہِ کھیٚوان۔ امیُک مطلب گو تِم چھِ قربان گاہس سٟتؠ جُڑان یتہِ رٲبی امہ ارپن کرنہٕ آمتہِ چیزچ باقےٕ ہن خدایس پیش کرِ۔19بہٕ چُھس بحث کران زِ لہٰذا یُس ماز کانٛہہ بیٚیہِ کٲنسہِ خدایس پیش کرِ تہٕ یِم باقےٕ خدا چھِنہٕ تیتؠ پُرقوت وٲلؠ تہٕ اہم۔20وۅنؠ گو، توٚہہِ پزِ زانُن زِ ییٚلہِ تِم، یمن خدایس پٮ۪ٹھ پژھ چھنہٕ پنٕنؠ قربٲنی پیش چھِ کران، تِم چھِ ژکہِ اتھ یچھ غٲبی زُو زٲژن پیش کران نَہ زِ خدایس۔ بہٕ چُھس توٚہہِ ونان زِ یچھ غٲبی روحٲنی زُوزٲژن سٟتؠ مٕہ جُڑِو۔ 21توٚہؠ ہیٚکو نہٕ سُہ مقدس شراب تہِ چٮ۪تھ یُس خداوندس سٟتؠ مُنسلِک چُھ تہٕ سُہ شراب تہِ یُس یچھ غٲبی زُوزٲژن ہند تہِ آسہ۔ توٚہؠ ہیٚکو نہٕ سُہ غذا تہِ کھیٚتھ یُس خداوند سُنٛد چُھ تہٕ سُہ غذا تہِ یُس بس یچھ غٲبی زُوزٲژن ہند تہِ آسہ۔ 22وۅنؠ گو یِم دۅشوے چیز کرن تِمن منٛز خداوند سٕنٛدِ حسدچ تہٕ امید تھاوٕنؠ۔ مزید أسؠ چھِ تمسنٛدِ کھۅتہٕ کم قوت وٲلؠ۔ 23توٚہہِ منٛزٕ چھِ کینٛہہ ونان "بہٕ ہیٚکہٕ کینٛہہ تہِ کٔرِتھ تہٕ توتہِ بننہٕ قصوروار۔ "وۅنؠ گو بہٕ چُھس یہِ ونان کینٛہہ چیز چھِنہٕ کُنہِ جسمہٕ باپتھ تہِ ویہِ وٕنؠ۔ توٚہہِ منٛزٕ چھِ کینٛہہ بیٚیہِ تہِ ونان، "بہٕ ہیٚکہٕ کینٛہہ تہِ کٔرِتھ تہٕ توتہِ بننہٕ قصوروار۔ "وۅنؠ گو بہٕ چُھس یہِ ونان، "کینٛہہ چیز کرنونہٕ ہرگز وۅتھہٕ واشرس منٛز مدد۔"24مٕہ کٔرِو مشقت چھرا پننہِ باپتھ کینٛہہ بہتر پراونہٕ باپتھ۔ بلکہِ پزِ توٚہہِ واریاہ مشقت کرٕنؠ باقین ہنٛدِ باپتھ بہتر پراونہٕ باپتھ۔25توٚہؠ ہیٚکو کانٛہہ تہِ غذا کھیٚتھ یُس توٚہؠ ماز بازرٕ منٛز مٔلؠ أنِو۔ توٚہہِ چھنہٕ ضرورت یہِ زاننچ زِ یہِ کتہِ آو تاکہِ توٚہؠ زٲنِو زِ آیا یہِ چھا رُت کِنہٕ خراب کھیٚنہٕ باپتھ۔26توٚہؠ ہیٚکو یہِ کٔرِتھ تکیازِ داوودنؔ لیٚوکھ یہِ "یہِ زمین تہٕ اتھ سٟتؠ جورِتھ پرٮ۪تھ کانٛہہ چیز چُھ خداوند سُنٛد۔" 27کُنہِ وقتہٕ پرژھن توٚہہِ لوٗکھ یِمن ایمان آسہ نہٕ پانس سٟتؠ کھیٚنہٕ چٮ۪نہٕ باپتھ۔ تہٕ توٚہؠ کٔرِو یہِ کرنُک فٲصلہٕ۔ ییٚلہِ یہِ سپدِ توٚہؠ ہیٚکو تہِ سورےٕ غذا کھیٚتھ یہِ تِم پیش کرن۔ توٚہہِ چھنہٕ یہِ زاننچ ضرورت زِ یہِ کتہِ آو تاکہِ توٚہؠ زٲنِو یہِ کھیوٚن چھا رُت کِنہٕ نہَ۔28وۅنؠ کانٛہہ نفر ما ونہِ توٚہہِ زِ ہُمؠ نفرن کوٚر خدایس غذا پیش۔ یِژھِ حالژ منٛز پزِ نہٕ توٚہہِ یہِ غذا کھیوٚن توٚہہِ پزِ امہِ آیہِ اوٕ کِنؠ عمل کرٕنؠ زِ توٚہؠ اتھ غذہس متعلق ونن وٲلِس واتہِ فٲئدٕ تہٕ یہِ زاننہٕؔ زِ صحیح کیا چُھ تہٕ غلط کیا۔29"صحیح تہٕ غلط زاننہٕ کِنؠ" ؤنِتھ چُھ میون مطلب زِ یہِ بیاکھ نفر چُھ زانان زِ ژٕ کیا چھُکھ زانان۔ عام پٲٹھؠ یہِ بیاکھ انسان سونچان چُھ زِ صحیح کیاہ چُھ تہٕ غلط کیا گژھِ نہٕ مےٚ تتھ رُکاوٹ بنُن یہِ بہٕ کرنس قٲبل چُھس۔30ییتِس کالس بہٕ خدایہِ سُنٛد مشکوٗر روزٕ ییٚلہِ بہٕ غذا کھٮ۪مہٕ کٲنسہِ زِ نہٕ مےٚ متعلق یتھ تیُتھ ونُن تمہِ باپتھ یتھ پٮ۪ٹھ مےٚ خدایہ سُنٛد شکُر کوٚر۔31اتھ سٲرسےٕ ژھۅٹرٲوِتھ ییٚلہِ توٚہؠ کینٛہہ کھیٚیِو یا چییو تہٕ بے شک ییٚلہِ تہِ کینٛہہ کٔرِو، توٚہہِ پزِ تِتھٕ پٲٹھؠ عمل کرٕنؠ زِ توٚہؠ تہٕ باقےٕ لوٗکھ کرن خدایس تعظیم۔32تِتھٕ پٲٹھؠ مٕہ کٔرِو عمل زِ غٲر یہُودؠ تہٕ دین دار بٲجؠ گژھن پست ہمت مسیحؔ ہس پٮ۪ٹھ پژھ کرنس منٛز۔33بہٕ ہاوٕ یہِ کِتھہٕ پٲٹھؠ چُھ کرُن پننہِ زُونہٕ کہ وطیرٕ سٟتؠ۔ بہٕ چُھس ہر وِزِ تِتھٕ پٲٹھؠ عمل کران زِ سٲری کرن اتھ قبول۔ بہٕ چُھس نہٕ مشقت کران پننہِ باپتھ کینٛہہ پراونہٕ باپتھ۔ بلکہِ چُھس بہٕ واریاہ زُو ژٹان باقین ہنٛدِ باپتھ کینٛہہ بہتر پراونہٕ باپتھ۔ بہٕ چُھس یہِ اوٕ کِنؠ کران زِ خدا بچاوِ تِمن۔
Bridge Connectivity Solutions Pvt. Ltd.