1 کورنتھین11
1کٔرِو یہِ بہٕ کران چُھس۔ یتھٕ پٲٹھؠ بہٕ کران چُھس تہٕ یہِ یسوعؔ مسیحؔ ہن کوٚر۔2بہٕ چُھسو توٚہہِ شاباش کران اوٕ کِنؠ زِ توٚہؠ چُھو ہر وِزِ سونچان روزان زِ بہٕ کیا تعلیم چُھس دِوان تہٕ کیا کران۔ تہٕ بیٚیہِ اوٕ کِنؠ زِ توٚہؠ چُھو ژٮ۪تھ دِتھ پژھ کران تہٕ تہِ کران یہِ مےٚ توٚہہِ پژھ عمل کرنہٕ باپتھ ونُو۔3بہٕ چُھسو توٚہہِ ونان زِ پرٮ۪تھ کانٛہہ انسان چُھ یوان مسیحؔ سٕنٛدِ پیٚٹھےَ۔ آشِنؠ چھےٚ یِوان پننس رٲنؠ سٕنٛدِ پٮ۪ٹھٕ۔ ٲخرس پٮ۪ٹھ چُھ یوان مسیحؔ خدایہ، سٕنٛدِ پٮ۪ٹھٕ۔4مرد ما لاگن کلہٕ وولت ییٚلہِ تِم عبادت کرن یا تہِ ونن یہِ خدا ونان چُھ۔ یہِ کرن وٲلؠ چھِ تس مسیحؔ ہس شرمنٛدٕ کران یُس خدا سٕنٛدِ پٮ۪ٹھٕ آو۔5زنان ما تھاون کلہٕ ننگے ییٚلہِ تِم عبادت کرن یا تہِ ظٲہِر کرن یہِ خداین ووٚن چُھ تمن لوٗکن شرمنٛدٕ کران یمو پٮ۪ٹھٕ تِمہٕ آیہِ یعنی پننٮ۪ن رانٮ۪ن۔ توٚہؠ ہیکِو پانہٕ وُچِھتھ تہٕ ؤنِتھ زِ یہِ چُھ پوٚز۔ اوٕ کِنؠ زِ کانٛہہ زنان یۅسہ پنُن کلہٕ ننگے تھاوان چھےٚ زنتہٕ سۅ زنان یمسُنٛد کلہٕ کٲنسہِ کٲسِتھ تھوومُت آسہ۔ 6پزر گو کٲنٛسہِ پزِ تس زنانہِ ہُنٛد مس ژھوٚٹ کاسُن یۅسہ کلہٕ ننگے تھاوِ۔ اوٕ کِنؠ زِ لوٗکھ چھِ ژھوٚٹ آسن واجنہِ زنانہِ ہتے ہتے کران۔7بیٚیہِ پٲرؠ پزِ نہٕ مردن پنُن کلہٕ ولُن اوٕ کِنؠ زِ تِم چھِ نمایندٕ خدا سنٛدؠ تہٕ تس عزت کران۔ ہُپٲرؠ چھِ زنانہٕ پننٮ۪ن رانٮ۪ن عزت کران۔8توٚہؠ ہیٚکو پانہٕ ؤنِتھ یہِ چُھ پوٚز اوٕ کِنؠ زِ خداین بنوو نہٕ آدمؔ زنانہٕ خوٲہِش۔ بلکہِ بنٲو تٔمؠ حوا مرد آدمؔ سٕنٛدِ پٮ۪ٹھٕ۔ 9بیٚیہِ پٲرؠ تہِ ہیٚکو ؤنِتھ توٚہؠ زِ یہِ چُھ پوٚز اوٕ کِنؠ زِ خداین بنوو نہٕ مرد آدمؔ زنانہِ حوایہِ ہنٛدِ باپتھ بلکہِ بنٲون زنان حوا مرد آدمؔ سٕنٛدِ باپتھ۔ 10اوٕ کِنؠ زِ آشنہِ چھےٚ پننٮ۪ن رانٮ۪ن عزت کران آشنٮ۪ن پزِ سمبالُن یہِ تِم کلس پٮ۪ٹھ تھاون۔ تِمن پزِ یتہِ کرُن پُرقوت والہِ روحٲنی آسنہٕ باپتھ۔ 11امہِ باوجود، ییٚلہِ خداین لوٗکھ جورؠ مسیحؔ ہس سٟتؠ زنانہٕ ہیٚکن نہٕ مردو ورٲے ٲسِتھ تہٕ مرد زنانو ورٲے۔12پزر چُھ۔ یی زِ زنؠ (حوا) آیہ مردٕ ( آدمؔ) سنٛدِ پٮ۪ٹھ، مگر مرد چھِ وجودس اوٕ کِنؠ زِ زنہِ دیُت تِمن زایُن۔ وۅنؠ گو پرٮ۪تھ کانٛہہ چیز آو زنؠ تہٕ مرد ہیٚتھ خدا سنٛدِ پٮ۪ٹھٕ۔13توٚہؠ کرِو پانے فٲصلہٕ زِ ننٛگے کلہٕ خدایہ سنٛز عبادت کرن واجِنؠ زنانہ چھا منٲسب عمل کران کِنہٕ نہ۔14توٚہؠ ہیٚکو پانہٕ وُچِھتھ یِمن معاملن زِ یہِ کٲژاہ بے عزتی چھےٚ زِ مرد تھاون زیوٹھ مس۔15وۅنؠ گو، توٚہؠ ہیٚکو وارٕ وُچِھتھ زِ زٲنِتھ زِ معاملہٕ کیا ہیٚو چُھ زِ زنانہِ ہُنٛد زیوٹھ مس چھِ تھاومن چُھ با عزت۔ یہِ چُھ اوٕ کِنؠ زِ خداین دیُت زنانن زیوٹھ مس۔ یمچ کٲم تُہنٛد کلہٕ ولُن تہِ چُھ۔16وۅنؠ یوٚدوے کانٛہہ اتھ میٲنس یہِ وننس پٮ۪ٹھ واد واد لاگہِ تیٚلہِ ونہٕ بہٕ زِ نَہ چھِ أسؠ تہٕ نَہ چھِ خدایہِ سنٛدؠ گرجہ کٲنسہِ زنانہ کلہٕ ننگے عبادت کرنُک تہٕ پیش گوئی کرنُک اجازت دِوان۔17وۅنؠ دِمہٕ بہٕ توٚہہِ تعلیم اکہِ بدل موضوع ہٕچ تہٕ اتھ پٮ۪ٹھ کرو بہٕ توٚہہِ مٹھ مٹھ۔ اوٕ کِنؠ زِ توٚہؠ چُھو پننٮ۪ن دین دار باین اتھہٕ روٚٹ کرنہٕ بجایہ نقصان واتناوان ییٚلہِ توٚہؠ پانہٕ وٲنؠ یکہٕ وٹہٕ سمکھان چُھو۔18یہِ چھےٚ گۅڈنچ کتھ یۅسہ بہٕ توٚہہِ ونہٕ۔ کینٛژو لوٗکو ووٚن مےٚ زِ ییٚلہِ توٚہؠ خدایہِ سنٛز عبادت باپتھ پننٮ۪ن دینی باجیٚن سٟتؠ خدایہِ سنٛزِ عبادت باپتھ یوان چُھو توٚہؠ چُھو بیوٚن بیوٚن مخٲلف دٔرؠ بناوان۔ مےٚ چُھ یقین زِ اتھ منٛز چُھ رژھ کھنٛڈ پزر تہِ۔19بہٕ چُھس یقین کران اوٕ کِنؠ زِ تہنٛزن جمٲژن منٛز چھیٚنہٕ ضرورت پانہٕ وٲنؠ رضامندی ہنٛز۔ یتھٕ پٲٹھؠ گژھِ یہِ، صاف سارنےٕ زِ تہنٛز جمٲژ منٛز کمن چُھ خدا قٲبلِ قبول زانان۔20یمو بیٚنریٚو کِنؠ چُھو نہٕ توٚہؠ پزنہٕ پٲٹھؠ خداوند سُنٛد مقدس کال کھیوان ییٚلہِ توٚہؠ دینی باجیٚن ہنٛدؠ پٲٹھؠ یِکہٕ وٹہٕ یہِ کھیٚنہٕ باپتھ یِوان چُھو۔21اتھ دعوتس منٛز چھِ کینٛہہ لوٗکھ باقین غذا واتنہٕ برونٛٹھےٕ پنن کھیٚن بیہان۔ اوٕ کِنؠ چُھنہٕ کینٛژن منٲسب کھیٚن بیٚٹانےٕ۔ ییٚلہِ باقےٕ کھیٚتھ چیٚتھ بدمست گژھان چھِ۔22توٚہؠ چُھو امہِ آیہِ عمل کران امہِ باوجود زٕ توٚہؠ ہیٚکو پننٮ۪ن گرن منٛز تہِ کھیٚتھ چٮ۪تھ۔ امہِ بدلہٕ چُھو توٚہؠ خدایہِ سٕنٛدِس گرجس منٛز تہِ بغُض تہٕ ازروُن ہٮ۪تھ۔ خاص پٲٹھؠ چُھو توٚہؠ پننہِ کھۅتہٕ کم آسن والیٚن شرمنٛدٕ کران۔ توٚہہِ پزِ پانے زانُن زِ بہٕ کیا ونو توٚہہِ۔ بہٕ کرو نہٕ امہِ باپتھ توٚہہِ مٹھ مٹھ۔ ہرگز ہرگز نہٕ۔23مےٚ چُھو توٚہہِ برونٛٹھےٕ ووٚنمُت زِ مےٚ کیا ہیوٚچھ پننِس خداوندس نِش ییٚلہِ یہُوواہنؔ خداوند یسوعؔ حوالہٕ کوٚر تمن حٲکمن یِمو سُہ پتہٕ صلیبس دیُت۔ تمہِ رٲژ تُج یسوعنؔ اکھ ژۅچہِ ٹُکرٕ۔24تٔمؠ کوٚر خدایہِ سُنٛد شکُر ادا امہِ ژۅچہِ ٹُکرٕ باپتھ تہٕ پتہٕ کٔرِن اتھ نِکؠ نِکؠ حصہٕ تاکہِ تسنٛدؠ شٲگرد ہیٚکن کھیٚتھ یِمہٕ۔ اوٕ پتہٕ ووٚنُن "یہِ ژوٚٹ زٲنؠ چُھ میون بدن، یُس بہٕ تہنٛدِ باپتھ پیش چُھس کران۔ بیٚیہِ کٔرِو تہِ یہِ مےٚ کوٚرمُت چُھ تاکہ توٚہؠ تھٲیِو یاد زِ بہٕ کِتھہٕ پٲٹھؠ چُھس پنُن پان تہنٛدِ باپتھ پیش کران۔"25یُتھےٕ تٔمؠ یہِ ژۅچہِ ٹُکرٕ تُل، تٔمؠ تُل شراب پیالہٕ تہِ ییٚلہِ تِم کھیٚتھ مۅکلییہ۔ تٔمؠ ووٚن یہِ شراب پیالہٕ چُھ نوعہد یمیُک بہٕ ابتدا چُھس کران پننہِ خوٗنہٕ سٟتؠ۔ دوٚہرٲیو یہِ مےٚ کوٚڑ ییٚلہِ ییٚلہِ توٚہؠ یِم شراب پیالہٕ چیو تاکہِ توٚہہِ روزِ ژٮ۪تس مےٚ کِتھہٕ پٲٹھؠ کوٚر تہنٛدِ باپتھ پنُن پان پیش قربٲنی باپتھ۔ 26امیُک مطلب گو یوٚتام خداوند واپس پھیرِ ییٚلہِ توٚہؠ خداوند سٕنٛدِس مقدس کالس منز شرکت کٔرِو۔ یہِ ژوٚٹ کھیٚتھ تہٕ یِم شراب پیالہٕ چٮ۪تھ تہٕ توٚہؠ کٔرِو تۅرے زِ خداوندن پُروو وصال۔27امہِ پتہٕ کینٛہہ لوٗکھ خداوند سٕنٛدِس اتھ کالس منٛز شرکت کرن وٲلؠ کینٛہہ لوٗکھ ما کھیٚن یہِ ژوٚٹ تہٕ چٮ۪ن شراب یمہٕ پیالہٕ سٟتؠ تِتھٕ پٲٹھؠ یُس توہین کرِ مسیحؔ ہس۔ خدا رٹہِ تمن ذمہ دار امہِ عملہِ کِنؠ خداوند سٕنٛدِ بدنہٕ تہٕ رتہٕ باپتھ۔28امہِ نِشہ بچنہٕ باپتھ پزِ دین دارن بڈٕ پرواہ کٔرِتھ وچُھن زِ تِم کِتھہٕ پٲٹھؠ چھِ ویوہار کران۔ امہِ پتہٕ ہیٚکن تِم ژوٚٹ، کھیٚن تہٕ شراب تہِ چٮ۪تھ یمہِ پیالہٕ سٟتؠ۔29توٚہہِ پزِ پنُن ویوہار پرزٕناون اوٕ کِنؠ زِ کینٛہہ لوٗکھ چھِ کھیٚوان تہٕ چیٚوان خداوند سٕنٛدِس کالس دوران مگر پرزٕنٲوتھ چھِنہٕ ہیٚکان زِ خداین چھِ دین دارن خداوندس سٟتؠ یِتھؠ پٲٹھؠ جورمٕتؠ زِ زنتہٕ تٔمؠ خداوند سُنٛدےٕ بدن چُھ۔ تِم یتھٕ پٲٹھؠ خداوند سٕنٛدِس کالس دوران کھیٚوان چیٚوان چُھ نتیجہٕ تمیُک نتیجہٕ نیرِ خدایہ سٕنٛدِ طرفہٕ سزا تہِ۔30اوٕ کِنؠ زِ تہنٛز جمٲژ منٛزٕ کٔر کینٛژو غٲر منٲسب عمل واریاہ سپٕدؠ بٮ۪مار تہٕ واریاہ مودؠ تہِ۔31اوے پزِ اسہِ دین دارن بڈِ ژٮ۪تھ سان زانن زِ أسؠ کِتھہٕ پٲٹھؠ تہٕ کمہِ آیہ چھِ عمل کران امہِ برونٛہہ زِ أسؠ کرو شرکت خداوند سٕنٛدِس مقدس کالس منٛز۔ تیٚلہِ دِیہ نہٕ خدا اسہِ سزا۔32وۅنؠ گو ییٚلہِ خدا اسہِ سزا دِیہ سُہ چُھ اسہِ تربیت کران۔ یتھٕ پٲٹھؠ چُھنہٕ اسہِ خدا تِمن سٟتؠ شٲمل کران یمن سُہ مسیحؔ ہس پٮ۪ٹھ ایمان نَہ تھاونُک قصوروار ٹھہراوِ۔33اندس پٮ۪ٹھ میانیو دینی باجیو، خداوند سُنٛد مقدس کال کھیٚنہِ سمیٚو۔ توٚہہِ پزِ نہٕ کھیوٚن شروع کرُن یۅتام نہٕ سارنےٕ کھیوٚن تہٕ چیوٚن برونٛہہ کُن واتہِ۔34کانٛہہ تہٕ زوٚن یُس یِتھٕ پٲٹھؠ بۅچھِ آسہ زِ سُہ لاگہِ کھیوٚن باقےٕ سارنےٕ کھیٚن تہٕ چیٚنہٕ برونٛہہ کُن واتنےَ۔ تس پزِ پننہِ گٔری کھیوٚن۔ یتھٕ پٲٹھؠ ییٚلہِ زن توٚہؠ پانہٕ وٲنؠ یِکہٕ وٹہٕ سمیٚو، خدا دِیہ نہٕ توٚہہِ سزا۔ مےٚ ووٚن نہٕ تہِ سورےٕ یہِ مےٚ وننچ ضرورت ٲس۔ اوے دِمہٕ بہٕ توٚہہِ مزید ھدایت تمن باقےٕ چیزن متعلق بیٚیہِ کُنہِ دوٚہہ ییٚلہِ بہٕ توٚہہِ دُبارٕ سمکھٕ۔
Bridge Connectivity Solutions Pvt. Ltd.