1 کورنتھین9
1بہٕ چُھس نہٕ گنٛڈِتھ چھرا کینٛہہ خاص غذا کھیٚنہٕ باپتھ۔ سٲنؠ خداوند یسوعؔ مسیحؔ ہن سوزُس بہٕ یور پنُن رسول تہٕ مےٚ چُھ سُہ پننیٚو یمو أچھو دیدمان وُچھمُت۔ خداین جورؠ أسؠ پننس خداوندس سٟتؠ تہٕ مےٚ کٔر تہنٛدِ باپتھ اوٕ کِنؠ واریاہ مشقت۔2باقےٕ ما مانن نہٕ زِ بہٕ چُھس پانہٕ مسیحؔ ہن یور پنُن رسول سوزمُت۔ وۅنؠ گو توٚہہِ چھےٚ یہِ خبر۔ توٚہؠ چُھو یہِ زانان تکیازِ توٚہہِ دِتُو امیُک ثبوت زِ بہٕ چُھس مسیحؔ ہن سوزمُت ییٚلہِ خداین توٚہؠ خداوندس سٟتؠ جورِو۔3وۅنؠ کرٕ بہٕ پانس خلاف وۅتھن والیٚن تمن سوالن ہُند دفاع یِم پرژھان چھِ زِ آیا بہٕ چُھسا پزی مسیحؔ ہن یور سوزمُت پنُن رسول بنٲوِتھ۔4برنباسسؔ تہٕ مےٚ چھےٚ پزی ضرورت زِ توٚہؠ سوزِو اسہِ کھیٚن چٮ۪ن۔5أسؠ ہیٚکو پزی پنٕنؠ مسیحؔ ہس پٮ۪ٹھ ایمان تھاون واجِنؠ آشِنؠ ہٮ۪تھ اورٕ یور سفر کٔرِتھ۔ یہِ چُھ تی یہِ زن مسیحؔ سنٛدیو باقےٕ رسولو کوٚر۔ یمن منٛز پطرس تہٕ خداوند سُنٛد پنُن بوے تہِ چُھ تہٕ کیفسؔ۔ 6یہِ چُھنہٕ پوٚز زِ چھرا کیا چھِ بس أسؠ زٕ۔ بہٕ تہٕ برنباسؔ یِم مسیحؔ سنٛدؠ رسول چھِ یمن پننہِ باپتھ پزِ مشقت کرٕنؠ۔7کینہٛ سِپاہ چھِنہٕ ملکچ خدمت کرنہٕ باپتھ پننہِ چندٕ خرچاوان۔ کانٛہہ کمیُل چُھنہٕ دچھہِ کُلؠ رُوان تہٕ تُہنٛد فصل چُھنہٕ کھیٚوان۔ کانٛہہ گبہِ رٲچھ چُھنہٕ گبہِ رچھان تہٕ یہنٛد دۅد نَہ پانس چیٚوان۔8میٲنؠ دلیل چھنہٕ کُنہِ انسٲنؠ سونٛچس پٮ۪ٹھ دٔرِتھ۔ بلکہِ ہیکِو توٚہؠ یہِ موسیٰؔ سنٛز شریعت پٮ۪ٹھ تہِ پٔرِتھ۔9وُچھِو۔ موسیٰؔ ہنؔ کیا چُھ پننہِ تورات منٛز لیٚوکھمُت، "توٚہہِ پزِ نہٕ سُہ داندٕ گاسہٕ کھیٚنہٕ نِشہ پتھ رٹُن یُس توٚہہِ گاسہٕ تہٕ امیُک چھون الگ کڈنس منٛز اتھہٕ روٚٹ کرِ۔ ژٮ۪تس تھٲیِو خدا چُھنہٕ ژکہِ دانٛد سنٛز کتھ کران، وۅنؠ گو 10خدا چُھ زیادٕ تر سٲنی کتھ کران۔ اتھ شریعتس منٛز خداین لیکھنوو موسیٰؔ یِم احکام سانہِ باپتھ اوٕ کِنؠ زِ یُس تہِ گونگُل کرِ سُہ کرِ کراو۔ یُس تہِ زمین وایہِ تٔسؠ پزِ امید تھاوٕنؠ پھل مۅٹھ وٹنٕچ۔11اسہِ دِژ توٚہہِ خوش خبری ہنٛز تُرے زنتہٕ ٲسؠ أسؠ ووان روحٲنی بیول۔ اوے کِنؠ روزِ سانہِ باپتھ پونٛسہٕ رنٛگؠ مدد توٚہہِ نِش حٲصِل کرُن اکھ معمولچ کتھ۔ زنتہِ أسؠ پننہِ ؤےمتہِ پیالُک کینٛہہ پھل حٲصِل چھِ کران۔12کینژھو باقیو تہِ روٚٹ توٚہہِ نِش کینٛہہ پونٛسہٕ رنٛگؠ مدد۔ برنباس تہٕ بہٕ چھِ امہِ کھۅتہٕ ژۅرےٕ توٚہہِ نِشہ حٲصل کرنُک حق زانان۔ وۅنؠ گو اسہِ موٚنگ نہٕ توٚہہِ کانٛہہ مدد۔ بلکہِ ژور اسہ پننہِ باپتھ یمو چیزو ورٲے روزُن تاکہِ أسؠ بنو نہٕ مسیحؔ ہس رٕژ شیٚچھ پھٲلنس منٛز ٹھٔرؠ۔13یقیناً چُھو توٚہؠ زانان زِ تِم لوٗکھ یِم کُنہِ ہیکلس منٛز پنٕنؠ فرض ادا کران چھِ سُہ کھیٚن چٮ۪ن کینژھا پانس تہِ کھیٚوان چٮیٚوان یُس لوٗکھ اتھ مندرس ارپن کران چھِ۔ تِم رٲبی یِم قربان گاہس پٮ۪ٹھ قربان ادا کرن وٲلؠ چھِ قربٲنی باپتھ چیزو منٛز کینٛژھا پانس تہِ رٹان 14یتھے پٲٹھؠ خداوندن دِژ ہدایت زِ تس کٲنسہِ تہِ نفرس یُس خوش خبری ہنٛز تعلیم دِوان آسہ پزِ امہِ رٕژ شیٚچھ ہنٛز تعلیمہ پٮ۪ٹھ پننہِ زُو زٮ۪تہٕ باپتھ تہِ کینٛہہ حٲصل کرن۔ 15وۅنؠ گو مےٚ ما موٚنگ توٚہہِ کانٛہہ مدد۔ مزید چُھسنہٕ بہٕ توٚہہِ کانٛہہ مدد منٛگنہٕ باپتھ تہِ یہِ نامہٕ لیٚکھان۔ بہٕ کرٕ مرُن بہتر یمہِ نشہٕ زِ کانٛہہ نیہ مےٚ مُہِتھ تہٕ یتھ پٮ۪ٹھ مےٚ فخر چُھ۔16بہٕ ما کرٕ فخر خوش خبری ہنٛز تعلیم دِنہٕ باپتھ تکیازِ خدا چُھ یژھان زِ بہٕ دِمہٕ خوش خبری ہنٛز تعلیم۔ یوٚدوے بہٕ یہِ خوش خبری ہنٛز تعلیم دِنؠ بنٛد کرٕ خدا کرِ مےٚ پٮ۪ٹھ حد قٲیِم۔17خدا دِیہ مےٚ نیک اجر یوٚدوے بہٕ یہِ خوش خبری ہنٛز تعلیم دِمہٕ تکیازِ مےٚ ژٲر یہِ کٲم پانہٕ۔ وۅنؠ گو مےٚ کٔر نہٕ یہِ کٲم پانہٕ۔ تکیازِ، مےٚ ووٚن خداین مےٚ کیازِ پزِ کرُن۔18خدا دییہِ مےٚ توتہِ اجر۔ سُہ کرِ یہِ یوٚدوے بہٕ یہِ خوش خبری ہنٛز تعلیم دِنچ کٲم لوٗکن کانٛہہ ماوضہٕ ہیٚنہٕ ورٲے کرٕ۔ بہٕ چُھس لوٗکن یہِ خوش خبری امی آیہِ دِوان تاکہِ بہٕ کرٕ نہٕ غلط استعمال تمیُک یہِ کرنہٕ باپتھ بہٕ مقرر چُھس۔ تکیازِ بہٕ چُھس رٕژ شیٚچھ ہنٛز تعلیم دِوان۔19چونکہِ بہٕ چُھس خوش خبری ہنٛز تعلیم مفُت دِوان، مےٚ چھنہٕ کٲنسہِ انسان سنٛز خدمت کرنچ ضرورت۔ وۅنؠ گو بہٕ چُھس سارے انسٲنیتچ خدمت کرٕنؠ ژاران تاکہِ بہٕ کرٕ ژرٮ۪ن لوٗکن ہنٛز خدمت۔ یِم مسیحؔ ہس پٮ۪ٹھ پژھ قٲیِم تھٲوِتھ چھِ۔20ییٚلہِ بہٕ یہودٮ۪ن منٛز آسہٕ یِم زانان چھِ زِ تِمن پزِ موسیٰؔ سنٛز شریعت پولوسٕؔنؠ۔ بہٕ چُھس عمل کران أکِس تِتھِس شخصہٕ سنٛدؠ پٲٹھؠ یُس زانان چُھ زِ تس چھےٚ موسیٰؔ سنٛز شریعت پالنٕچ ضرورت۔ ییٚلہِ زن بہٕ پانہٕ زانان چُھس زِ مےٚ چھنہٕ موسیٰؔ سنٛز شریعت پالنٕچ ضرورت۔ بہٕ چُھس امہِ آیہِ عمل کران تاکہِ بہٕ کرٕ تمن لوٗکن مدد یِم زانان چھِ زِ تِمن چھےٚ ضرورت موسیٰؔ سنٛز شریعت پالنٕچ مسیحؔ ہس پٮ۪ٹھ ایمان اننس منٛز۔21ییٚلہِ بہٕ تِمن لوٗکن سٟتؠ چُھس آسان یِم موسیٰؔ سنٛز شریعت مانان چھنہٕ۔ بہٕ چُھس موسیٰؔ سنٛز شریعت نَہ مانن والیٚن ہنٛدؠ پٲٹھؠ عمل کران۔ بہٕ چُھس امہِ آیہِ عمل کران تاکہِ بہٕ کرٕ موسیٰؔ سنٛز شریعت نَہ مانن والیٚن مدد تاکہِ تِم انن مسیحؔ ہس پٮ۪ٹھ ایمان۔ بزرگو بہٕ چُھس خدا سنٛز شریعت مانان تکیازِ بہٕ چُھس مسیحؔ سنٛدؠ احکام مانان۔22ییٚلہِ بہٕ تِمن لوٗکن سٟتؠ چُھس آسان یِم غلط تہٕ صحیح اڈلیٚکؠ پٲٹھؠ زانان چھِ، بٕتہ چُھس یِمنےٕ غلط کیو صحیح اڈلیٚکؠ پٲٹھؠ زانن والیٚن ہنٛدؠ پٲٹھؠ عمل کران۔ بہٕ چُھس امہِ آیہِ عمل کران تاکہِ بہٕ ہیٚکہٕ یِمن غلط تہٕ صحیح اڈلیٚکؠ پٲٹھؠ زانن والیٚن مدد کٔرِتھ تاکہِ یِم انَن ایمان مسیحؔ ہس پٮ۪ٹھ۔ یہِ زن توٚہؠ پانہٕ وُچِھتھ ہیٚکو۔ ییٚلہِ بہٕ لوٗکن سٟتؠ آسان چُھس بہٕ چُھس تہنٛدؠ پٲٹھؠ عمل کران تاکہِ خدا کرِ پنٕنؠ کٲم میانیو تمام کامیٚو کِنؠ بخشہِ نجات یمو منٛز کینژھن۔23یہِ زن توٚہؠ وُچِھتھ ہیٚکو بہٕ چُھس یموے طریقو عمل کران تکیازِ بہٕ چُھس یژھان زِ لوٗکھ کرن رٕژ شیٚچھ پٮ۪ٹھ پژھ۔ مزید چُھس بہٕ یہِ سورےٕ کران تاکہِ بٕتہ پراوٕ تہِ یمیُک زن خداین خوش خبری منٛز وعدٕ دیُتمُت چُھ۔24یقیناً چُھو توٚہؠ زانان زِ سٲری دورن وٲلؠ چھِ مٲدانس منٛز دورِ منٛز شریک آسان۔ مگر چھیکرس چُھ اکُے زوٚن یہِ دور زینان تہٕ چُھ امہِ باپتھ انعام تہِ زینان۔ ییٚلہِ توٚہؠ خدایہِ سنٛز خدمت کران چُھو یہِ چھےٚ زٲنؠ تو اتھ دورِ ہِش۔ توٚہہِ چھےٚ ژٔر مشقت کرٕنؠ تہِ پراونہٕ باپتھ یمیُک وعدٕ توٚہہِ خداین کوٚرُو۔ یتھٕ پٲٹھؠ اکھ دورن وول دور زیننہٕ باپتھ مشقت چُھ کران۔25سٲری کھِلٲڈؠ چھِ تِمن سارِنےٕ چیزن احتیاطہٕ سان قوبوس منٛز تھاوان یہِ تِم کران چھِ۔ تِم چھِ اکہِ تِتھِ تاجہٕ باپتھ مقابلس منٛز آسان یُس پنہٕ ؤتھرن ہُنٛد بنیامُت آسان چُھ تہٕ یُس پنہٕ پنہٕ تہِ گٔژھِتھ ہیٚکہِ۔ وۅنےٕ گو أسؠ چھِ پانس پٮ۪ٹھ قوبو کران تاکہِ أسؠ پراوو تہِ یہِ خداین اسہِ سٟتؠ وعدٕ کوٚر یُس ہمیشہٕ پوشوُن آسہ۔26اوے کِنؠ چُھس بہٕ زنتہِ اکھ دورن وول یُس پننس مقبر حدس کُن سیٚودے تیر ہیٚو دوران چُھ۔ زٲنؠ تو بہٕ چُھس اکھ مُکہٕ بازیُس پننس مدِ مقابلس سیٚود نشانس پٮ۪ٹھ ماران چُھ۔27بہٕ چُھس پننس بدنس پوٗرٕ قوبوس منٛز رٔٹِتھ تہٕ اتھ پننہِ خدمتہٕ باپتھ ورتاوان۔ بہٕ چُھس یہِ اوٕ کِنؠ کران زِ بہٕ چُھس نہٕ یژھان خوش خبری ہنٛز تُرے لوٗکن دِنؠ تہٕ پتہ یہِ زانُن زِ خداین کٔرؠ نہٕ قبول۔
Bridge Connectivity Solutions Pvt. Ltd.