Mark9
1yennasen: «tay δexennenne elHeq: ellan seg ihelli dahen δ wiyn yetjafc kan ezren elmlax nrebbi yuseδ s elquwweθ.»2ubeεεeδ sette eyyam yiwi yesuwε buTrus dyeεquwb dyuwHenna, elyen eqqiymen weHδasen g eddehreθ teεle, yeθjelle ezzeθensen.3eδwlen edbeces lemεen δimellalen elli eliged Hette Hed enyer siyn.4effeγnasen iliyya dmuwse , ukanen dukkan yyesuwε.5yen buTrus yyesuwε: «siydiy, mesmHe lukan eneqqiym dahen. edj eneg tlaθe ettiĎelliylin: icθ icex, wicθ ymuwse, wicθ yiliyya.»6w ykan elyessiync δme iyeqqar seg elxuwf elli yeTTefθen nette deSSuHHabes.7teseδ esHabeθ teg fellasen eTTel, yesδasen eSSuwθ esyiyn: «δwahen memmi elli exsaθ, esleθ edwiys.»8ebernen liyhliyh yaxi ufiyn iyδsen kan δyesuwε.9max i bδen δegzen seg eddehreθ iweSSaθen yesuwε bac e lleqqaren yHette Hed elli zrint kan max eyekker bnaδem seg ejafi.10eTfen elwSiyyeθes, emme eqqiymen necδen g beεDhum: «δmette nette ekkar seg ejafi?»11usiyn enceδent: «imette imuεelmen necceriyεeθ eqqaren: yelzem eyeddes iliyya qebl?»12yer fellasen: «mbelHeq, eyeddes iliyya qebl ySelleH kul cey, yemenni emmax i yemmari g elxθab elli bnaδem yelzem eyεane egget eHqrent leεbaδ.13emme tay δexennenne: iliyya yuseδ, egen δiys elli exsen, emmax i yemmari felles g elxθab.»14umax i δuwlen yetlamδe iddiyn zriyn leεbaδ egget enneDen fellasen wimuεelmen necceriyεeθ etεenaδen δiysen.15max i θezriyn eθHeyren elkul exeDmen etselmen felles.16yenceδten: «f mette itεenaδem δiysen?»17yer felles eryaz essisen: «ya siydiy, uγeδγex memmi εlexaTer δiys erruwH ettemenzuwsθ ettedjaθ δebekkuwc,18umax etteTTef, ettessender, yeg tixecxac yreSSe isennuqnes yemmekbes. mellegγasen yetlemδax eθgelben yaxi elgeddenc.»19yer fellasen: «eyeljiyl elli liθemmenc, ellemmi δeqqiyme iyδwem? ellemmi δexenneHmle? eγeδmiyδ efruwx.»20eγeδnesθ yyesuwε. max i ttezre erruwH temenzuwsθ elweqθes tessenderθ f elqeεεeθ, yetmerreγ utixecxac etteffeγneθ seg imiys.21yenceδ yesuwε daddes nwefruwx: «seg lemmi elHeltes sahen?» yennes: «seg max δemezyen.22umenyeθ nmerre etlewweH g elεafyeθ ziyγ uggamen bac e ttenγ. kan eθgeddeδ eθegeδ Haje esxef fellane tεewendane.»23yennes yesuwε: «imat teqqarδiyδ kan eθgeddeδ. emmen εlexaTer rebbi yetged eyeg kul cey yimuwmnen.»24elweqθes izeεweg daddes nwefruwx: «ettemne, εawniyδ bac e rniyye!»25yezer yesuwε elli leεbaδ ettemleyamen, yenzer f erruwH temenzuwsθ yennes: «eyerruwH tileĎrecθ tebekkuwcθ! enniyγem effeγ seg wefruwx umeεεač esθeδwleδ xlaf.»26θzeεweg erruwH temenzuwsθ texbeĎ efruwx elxebĎeθ teqwe teffeγ essis, yeδwel efruwxdiyn eminemmitte, elennen leεbaδ egget: «yjaf.»27yeTTefθ yesuwε seg wefuses yessikkerθ, yekker ibed.28max i yuwδef yelHuwc encδent etlemδas weHδasen: «imette engeddec nečin enessufeγ erruwH temenzuwsθ?»29yer fellasen: «ennuwεe yettemgelleb kan s tzalliθ.»30efγen esyiyn eθεeddan seg eljliyl. w ykan yesuwε eliγic Hed eyesl essis,31εlexaTer ykan yetseqre g etlemδas, yeqqerasen: «δeyemmuwc bnaδem yleεbaδ, usiyn δeθenγen ubeεεeδ enγas s etlaθe eyyam eyekker.»32yemenni ellefhimenc edwiye, ukδen eθencδen.33ewDen ykefernaHuwm. max i δuwδfen yelHuwc yenceδten: «f mat iθkanem ettemxeSamem uggebriδ?»34yemenni esegren, εlexaTer kanen ettemεenaδen uggebriδ δ wiyn emeqqar δiysen.35yeqqiym inabe etlamδe leθnac yennasen: «elli yexs eyeδwel δemezwar, yelzem eykuwn δeneggaru nelkul yexδemten elkul.»36welbeεδ yeTTef efruwx, iHuT uggemmesensen, yeγemmerθ yennasen:37«elli eyeqbel efruwx emwah f ellesmiyw eyyeqbel, welli eyyeqbel eyyiqebbelc kan enneč emme elli yuzeniyδ zade.»38yennes yuwHenna: «imuεellem, nezre eryaz yetgelleb g ecyaĎen s ellesmex weθnedjiyc, εlexaTer muc essiyne.»39yennasen yesuwε: «edjemt! leHebbe Hette Hed eyeg elHajeθ s ellesmiyw usiyn eyged eyen felle edwi yuwHec.40elli muc fellane iyδne.41wexennenne elHeq, elli exenyuc elkas nwamen εlexaTer xenyum tebεiyn elmesiyH, ellejres yetraHc.»42yen yesuwε: «elli eysender iyjen seg idreriye elli ettemnen essi g elfsaδ, esθemmayel tγaγet ntesiyreθ g texrumtes yemmeHδef g iylel xires.43wiδekan yessendrax efusex g elfsaδ quSSi, εlexaTer eθeδfeδ elmemlxeθ nrebbi s wafus iyjen xiyr nelli ebδen γerx sen δifassen texDmeδ yelεafyeθ,44[mani tixečawin etjefnec welεafyeθ eltnessiyc.] 45wiδekan yessendrax ekreεex g elfsaδ quSSi, εlexaTer eθeδfeδ elmemlxeθ nrebbi s wekreε iyjen xiyr nelli eθebδiyδ γerx sen dikraεen texDmeδ yelεafyeθ.46[mani tixečawin etjefnec welεafyeθ eltnessiyc.]47wiδekan tessendrex tiTTex g elfsaδ eqleεt, εlexaTer eθeδfeδ elmemlxeθ nrebbi s tiT icθ xiyr nelli eθkuwneδ γerx sent eTTiTTawin texDmeδ yelεafyeθ.48mani tixečawin etjefnec welεafyeθ eltnessiyc.49kul iyjen δeyemmelleH s elεafyeθ.50tisent tebhe, emme max eθeδwel meεεač eθmelleH, max eθgeddem etterrem tmelleH? edjeθ tisent δiywem, texsem beεDkum.»
Chutney Media Agency Limited