Mark8
1g liyyametdiyn, max i mlaymen leεbaδ egget elmerreθ xlaf, welγer-senc δme δečen, inabe yesuwε etlemδas yennasen:2«ecfeqe f leεbaδe, εlexaTer γer-sen iyδi tlaθe eyyam wellečiyn Hette cey.3ukan uznaθen yleHwecensen unihnin zuwmen, δeεyan uggebriδ, uδiysen leεbaδ useδen seg lebεiyδ.»4erren f elles etlemδas: «max eyged iyjen eyeccecbeε leεbaδe elkul eseγrum dahen g elxle?»5yenceδten: «menyeθ iγerwem ettineεne?» ennen: «sebεe.»6yennasen yleεbaδ egeεmzen f elqeεεeθ, yeTTef sebεediyn ntineεne yecxer ykesserθent yuciyneθ yetlemδas bac e ntferqen fellasen, ferqentent.7ukanen γer-sen zade lewse ntiHwiyθin ettimezyanin, ibarex δiysneθ yesuwε yennasen yetlemδas entferqen Hette ennihenti.8ečen leεbaδ elδecebεen, laymen seg elli yefDel eyεebbe sebεe ettisiyfes.9kanen εuddi erbεe laf rajel, yezenten rewHen.10elweqθes yini g elfluwkeθ detlemδas yexDem yetwali ecciyreθ delmanuwθe.11emlaymen felles ifarisiyyen ebδen etεenaδen δiys eĎlben essis elHejjeθ seg esme bac e θjerben.12yeθnehheδ eSbiyH yen: «imette iĎelleb eljiyle g elHejjeθ? exennenne elHeq: eljiyle esettaseδ Hette elHejjeθ.»13yedjiyn yeδwel g elfluwkeθ yecceT elli iqabel.14etwen etlemδas eddaγen eγrum, weθkan γer-sen g elfluwkeθ kan teneεnuwyθ icθ.15iweSSaθen yesuwε yennasen: «erreθ elbelennum seg elxmiyreθ nifarisiyyen delxmiyr nhiyruwdus!»16eqqiymen ettemεenaδen meεe beεDhum eqqaren: «yenneyane sah εlexaTer elγennac eγrum?»17ifaq essisen yesuwε yennasen: «ecbiykum ettemεenaδem εlexaTer elγerwemc eγrum? endre eltefhiymemc elture? endre εman ulewnennum?18ziyγ γerwem TiTTawin weltzerremc ettmedjiyn weltsellemc? eltesfekkiremc?19max i kesre xemse ettineεne yxemse laf, menyeθ ettisiyfes εebbaneθ s weγrum iθlaymem?» erren felles: «eθnac.»20yen: «umax i kesre sebεe ettineεne yerbεe laf, menyeθ ettisiyfes iθlaymem?» ennen: «sebεe.»21yennasen: «weltefhimemc elture?»22ewDen ibiytSeyda, eγeδnes lebHaD nleεbaδ ileεmi mellegnes bac e θilemmes.23igewwet yeffeγ essis elberre ntemuwreθ, yeskuwfes g tiTTewines, iHuT ifesnes felles yenceδt: «endre tzerreδ g Haje?»24yerqeb yen: «zerre g leεbaδ, emme emeccejer egguwren.»25iHuT yesuwε ifesnes tikkelt xlaf f TiTTawin nweryaz, yeδwel izer belgde yeδwel δuSHiH izer kul cey.26yezent yelHuces yennes: «eθerjεec ytemuwreθ.»27yexDem yesuwε detlemδas ytimuwre nqeySeriyyeθ fiylibbus, weggebriδ yenceδten: «δ wiyn neč γer leεbaδ?»28erren felles: «yuwHenna elmeεmdan, wellan xlaf elli eqqaren: iliyya. wellan zade elli eqqaren: iyjen seg lenbye.»29yenceδten: «uγerwem xenyum, δ wiyn neč?» yen buTrus: «cex δelmesiyH !»30ynebbeh fellasen bac e lleqqaren yHette Hed felles.31yebδe yesuwε yetseqre δiysen elli bnaδem yelzem eyeθwejjeε egget, weθqeblenc wiwessaren dimeqqaren nelkuhhan dimuεelmen necceriyεeθ, yjaf yemmenγ, ubeεεeδ tlaθe eyyam eyekker.32w ykan yeqqar g edwiye eSbiyH uggemmes etlemδas. eyendeγ yewiθ buTrus yebδe yetlum δiys.33yebren yezer etlemδas, yeεrex buTrus yennes: «ebεeδ felle eyecciyĎan! exememex δexemmem nleεbaδ muc nrebbi.»34inabe leεbaδ detlemδas yennasen: «elli yexs eyyeθbeε, yelzem elyetxemmemc imenes yqam eSlibes yeθbεiyδ.35εlexaTer elli yexs eymenneε imenes etyexser, emme elli eyexser imenes f elxeĎriyw delxaĎer nelbcareθ ettimenneε.36δmette δeyenfeε elεebδ max eyerbeH eddunyeθ elkulhe yexser imenes?37wesmette elεebδ eyefδe imenes?38εlexaTer elli eyesθεar essi dedwiyw g eljiyle elxayen elfaseδ, δeyesθεar essis bnaδem max eyeddes g elmejδ ndaddes delemlayxe unĎiyfen.»
Chutney Media Agency Limited