Mark10
1yekker yesuwε esyiyn yexDem yecciyreθ nelyehuwdiyyeθ yeqĎeε esuwf nelurdun, emlaymen felles leεbaδ yebδe yetseqre δiysen emelεaδeθ.2eqrebnes ifarisiyyen encδent bac e θjerben: «mat iθenne ecceriyεeθ? iged eryaz eyellef yliweces ziyγ la?»3yer fellasen: «s mette ixeniweSSe muwse?»4ennen: «yenne elli eryaz iged esyari yliweces tefreyθ nwellefes usiyn eθellef.»5yemenni yennasen yesuwε: «εlexaTer ulewnennum eqSeHen yuryawem muwse elwSiyyeθe.6seg emezwar yexleqθen rebbi edxer dellenθe.7uwahen yme eyedj eryaz daddes dyemmes yeqqiym dliweces,8lessen eδwlen iyjen. meεεač sen, emme iyjen.9welli eθilayem rebbi, eθyetbeεεeδc elεebδ.»10umax i δuwδfen yelHuwc encδent etlamδe f elHkayeθe,11yennasen: «elli eyellef yliweces usinc ayeγ icθ xlaf, yezne felles,12welli eθellef yweryazes taγ iyjen xlaf tezne felles.»13eseδnes leεbaδ s idreriynsen bac e yHuT efuses fellasen, yemenni etlamδe εrxenten.14yezer yesuwε wediyn yeθγeccec yennasen: «edjeθ idrari eyyeddasen wenterremc, εlexaTer γer-sen elmlax nrebbi.15tay δexennenne elHeq: elli liqebbelc elmlax nrebbi emmufruwx δemezyen, eθyetteδefc.»16welbeεδ iγemmerθen iHuT ifesnes fellasen ibarexθen.17yeffeγ ywebriδ, yaseδ eryaz yettezzel yesjδes yenceδt: «eyimuεellem eSSaleH, δmette δege bac e θurθe edder diyme?»18yennes yesuwε: «imette etnabiyδ δiyye eyeSSaleH? eSSaleH kan δrebbi weHδes.19cex tesseneδ elwSaye: eθenγec, eθezniyc, eθexrec, eθecehδc s ezzuwr, eθeDelmec, kerrem s daddex dyemmex.»20yer felles eryazdiyn: «eyimuεellem, seg max neč δemezyen uneč θebεe g elwSayaθe elkul.»21yerqbes yesuwε yeεjebθ yennes: «yelzmex elHajeθ xlaf: berre ezzenz elli γerx elkul tferqeδ essumes f iqelliylen, usahen eyeδwel γerx elkenz γer rebbi, tekreδ eθbεiyδ.»22yujeεθ edwi nyesuwε, yexDem Hziyn, εlexaTer ykan γer-s egget erzi.23yerqeb yesuwε yetlemδas yen: «muwεer aδef nimuγniyyen yelmelx nrebbi!»24esθeγerben edwiys, yerni yennasen xlaf: «eyidreriyw, muwεer aδef yelmemlxeθ nrebbi!25aδef nwelγem g tiT ntissiyniθ eshel nwaδef numuγni yelmelx nrebbi.»26ernin esθeγerben exθer encδen beεDhum: «δ wiyn δeyemneε ziyγ?»27yerqebθen yesuwε yen: «leεbaδ eθetgeddenc egen wahen, emme rebbi yetged eyeg kul cey.»28yennes buTrus: «tay nečin nedje kul cey neθbεax.»29yer f elles yesuwε: «tay δexennenne elHeq, leHebbe Hed yedje elHuwc ziyγ δemmaθen ziyγ ettemmaθin ziyγ δyemme ziyγ δdadde ziyγ δidrari ziyγ δijiyman f elxeĎriyw delbcareθ,30kan eyawi g eddunyeθe myat merre seg leHwac demmaθen ettemmaθin deθyemme d idrari d ijiyman d εeδδeb, yawi g ellaxreθ edder diyme.31wegget seg imezwaren eδuwlen δellexren, wegget seg ellexren eδwlen δimezwaren.»32ukanen uggebriδ δeδelyen yuwrceliym uyesuwε yegguwr ezzeθensen. ukanen etlemδas dleεbaδ elli θebεen δiys merεubiyn uxayfiyn. yawi eθnacdiyn weHδasen elmerreθ xlaf yebδe yHekkeyasen f elli δesyejre,33yen: «tay nečin δenali yuwrceliym, ubnaδem δeyemmuwc yelkuhhan imeqqaren dimuεelmen necceriyεeθ, usiyn δeHukmen felles s ujafi uwcent yelHukkam δiγriyben,34elli δeSSen felles, eskufsen felles, ewθent, enγent, ubeεεeδ tlaθe eyyam eyekker.»35elweqθes eqerben yetweliys yeεquwb dyuwHenna, idrari nzebediy, ennanes: «eyimuεellem, nexs exentegeδ elli δexnen.»36yenceδten: «δmette iθexsem exennege?»37erren felles: «edjane eneqqiym, iyjen f elyminex wiyjen f eliserex g elmemlexθex.»38yennasen yesuwε: «xenyum eltessinemc δmette iddelbem: endre eθgeddem eθeswem seg elkas elli δeswe essis, weθeqblem temeεmuwdiyyeθ nelwjayeε elli δetteqeble?»39erren felles: «enged.» yennasen: «emmale elkas elli δeθeswe δeθeswem essis, utemeεmuwdiyyeθ nelwjayeε elli δetteqeble δetteqeblem.40emme egeεmez f elyminiyw deliseriyw, elgeddac exenyθuwce εlexaTer yelli iHeDresenten rebbi.»41eslen etlamδe elεecre edwiye, eθγececen f yeεquwb dyuwHenna.42inebaθen yesuwε yennasen: «tessenem elli erruwyyes ntimuwre Hekmen δiysneθ, welli imeqqarnensneθ etteθsellaten fellasneθ.43eθedjemc wahen δiywem, welli yexs eykuwn δemeqqar δiywem yelzem eykuwn δexeddemennum.44welli yexs eykuwn δemezwar δiywem yelzem eykuwn δelεebδ nelkul.45εlexaTer bnaδem elyeddusiyc bac e θexeδmen leεbaδ emme bac e nyexδem yuwc leHyeθes δelfeδyeθ f elberceθ.»46ewDen yeriyHa. unette δeyeffeγ seg eriyHa wiyδes etlemδas dleεbaδ egget, bertiymawus, memmis ntiymawus, eĎellab δileεmi, ykan ygeεmez f eccafeθ nwebriδ.47max i yesle elli δeyeθεedde esyiyn nette δyesuwε ennaSriy, yebδe yetzeεweg: «yesuwε, emmiys ndawud, ereHmiyδ!»48enzren felles leεbaδ bac e yesger, yaxi yerni izeεweg exθer: «emmiys ndawud, ereHmiyδ!»49ibed yesuwε yen: «nebameθ!» naben ileεmi ennanes: «eθcejjeε tekreδ, tay yetnabe δiyx.»50ylewweH ebernuwses yekker yexDem yyesuwε.51yennes yesuwε: «δmette iθexseδ exege?» yennes: «exse ezre, ya siydiy!»52yennes yesuwε: «berre! elimenex yeSSebrayex.» elweqθes yeδwel izer yeθbeε yesuwε uggebriδes.
Chutney Media Agency Limited