2 Krónikasi7
1Dan lagumuchunbalin Salomón furíeigi le, aba lábürühan watu gemeti siélugiñe, aba lagumuchaguagüdüni adagaragüdüni gudawarügüti luma le líbiri adagaragüdüni aba tabuinchun ténpulu lau luéirigun Wabungiute,2darí lun siñá lan hebelurun fádirigu ñeinhin.3Dan harihinbalin sun Ísüraelina watu gemeti luma lararirun luéirigun Wabungiute tuagun ténpulu, aba háhuduragun, aba habuluchagun dagá herebe múarugu aba híchugun uéiriguni lun Wabungiute águyuguagüdeina ítara:
«Ladüga buiti Wabungiute, ladüga magumuchaditi línsiñehabu».4Lárigiñe sun le, aba lanügün urúei hama sun lílana fulasu adagaragüdüni lun Wabureme.5Aba líchugun urúei Salomón keisi adagaragüdüni wein-bián-milu bágasu wügüriña hama san-wein-milu mudún.
Ítara liña lanúadirunu urúei hama sun lílana Ísüraeli litenpulun Wabungiute.6Lídanñanu habara fádirigu hama giñe Lewitagu, lau hálagu le lánina áfaruni sagüráuti le ladügübei urúei lun lafarún úara luma uremu le gíribei: «Ladüga magumuchaditi línsiñehabu» danha le leremuhan Dawidi hama. Ábatiha híñaahanu fádirigu fidu hagibugiñe, sun añaha lan sun Ísüraelina rara.7Anúadira lumuti giñe Salomón lamidangua bürürü le tigibugiñebei litenpulun Wabureme, ñein líchiga adagaragüdüni gudawarügüti luma lagüle adagaragüdüni le lánina arandaruni, lugundun gíbeyati adagaragüdüni le gudawarügüti, idewesei le fulúaruauti luma agülei lun latarü lauti buronse le ladügübei.8Lidan dan ligía lefeduhei Salomón hama sun Ísüraelina, hama bürübünu ñǘbuintiña lúmagiñe Amatügiñe darí lumoun lidunari Ehiptu tufedun dibasein.9Larugan aba hadügün aban fedu wéiriguti, lugundun efeduha hamaali lan buga lanuadirúniwa latarü luagu sedü weyu, efeduha haméi tufedun dibasein luáguya sedü weyu.10Weyu wein-ǘrüwa lidan lisedün hati, aba lóunahaniña urúei gürigia hábiñoun lau ugundani luagu buiti le ladügübei Wabureme lun Dawidi, lun Salomón luma houn Ísüraelina ha lumutuniña.
—Aganba naali bafurieidun, ani anúadira naali fulasu le keisi ténpulu lun adagaragüdüni.13Ánhana lubeiti óunaha aban lumabeigan, lun nadügün lun máhuyun lan huya, o lun nariñagun houn chagagaru lun hagumuchaguagüdüni ichari, o lun lan nóunahan sandi hawagun numutuniña,14ánhaña ǘnabudaguagüda numutuniña houngua, lun hafurieidun nun, lun háluahanina, lun hígiruni luriban hóuserun, naganbubaña siélugiñe, feruduna nubéi hafigoun, ábame náguyugüdüni awanseruni lun hageira.15Lúmagiñe guentó, níchuguba narigei lun furíeigi le burí adügǘti lidan fulasu le,16lugundun anúadira naaru ténpulu to ani díreinoun keisi luban niri lun súnwandan.17Anhein lubeiti buidu bóuserun niñúarü kei bugaha ladügüni Dawidi le búguchi, lun badügüni sun le nariñagubei bun, lun bafalaruni nilurudun luma nugumadin,18Nederebudagüdübei barúeihan según nidaradun luma búguchi Dawidi dan le meha nariñagunbei lun luagu ñeinbei lan aban ladügawagun arúeiha Ísüraeli súnwandan.19Gama lumoun anhaün adireira nuéi, lun magunfulirun humani burí lúrudu luma gumadi le níchugubei hun, lun háhuduragun houn amu búngiugu,20nasagarubadün lídangiñe fulasu le níchugubei hun, günringuanóunme ténpulu to nanúadiruboun, adüga nuguyame lun lébunabadün lan habulan sun néchanigu.21Ténpuluti to meha wéiriguboun, tagünrinchawaguba, súnmeti ásügürütiña tubadugiñe, taweiriduba hanigi, ábame hálügüdahan ka lan uagu ladügei Bungiu katei le lun ageiraü le luma tun ténpulu to.22Lariñawagúame lun luagu ladüga lan hígiruni Aburemei le Habungiute hagüchagu, le asagarubaliña Ehiptugiñe, luma ladüga lan háhuduragun houn amu búngiugu; ligía lan lébubei lóunahani óunwenbu wuribani le hawagun.
«Ladüga buiti Wabungiute, ladüga magumuchaditi línsiñehabu».4Lárigiñe sun le, aba lanügün urúei hama sun lílana fulasu adagaragüdüni lun Wabureme.5Aba líchugun urúei Salomón keisi adagaragüdüni wein-bián-milu bágasu wügüriña hama san-wein-milu mudún.
Ítara liña lanúadirunu urúei hama sun lílana Ísüraeli litenpulun Wabungiute.6Lídanñanu habara fádirigu hama giñe Lewitagu, lau hálagu le lánina áfaruni sagüráuti le ladügübei urúei lun lafarún úara luma uremu le gíribei: «Ladüga magumuchaditi línsiñehabu» danha le leremuhan Dawidi hama. Ábatiha híñaahanu fádirigu fidu hagibugiñe, sun añaha lan sun Ísüraelina rara.7Anúadira lumuti giñe Salomón lamidangua bürürü le tigibugiñebei litenpulun Wabureme, ñein líchiga adagaragüdüni gudawarügüti luma lagüle adagaragüdüni le lánina arandaruni, lugundun gíbeyati adagaragüdüni le gudawarügüti, idewesei le fulúaruauti luma agülei lun latarü lauti buronse le ladügübei.8Lidan dan ligía lefeduhei Salomón hama sun Ísüraelina, hama bürübünu ñǘbuintiña lúmagiñe Amatügiñe darí lumoun lidunari Ehiptu tufedun dibasein.9Larugan aba hadügün aban fedu wéiriguti, lugundun efeduha hamaali lan buga lanuadirúniwa latarü luagu sedü weyu, efeduha haméi tufedun dibasein luáguya sedü weyu.10Weyu wein-ǘrüwa lidan lisedün hati, aba lóunahaniña urúei gürigia hábiñoun lau ugundani luagu buiti le ladügübei Wabureme lun Dawidi, lun Salomón luma houn Ísüraelina ha lumutuniña.
Ladügün Wabungiute aban daradu luma Salomón
11Dan lagumuchunbarun Salomón litenpulun Wabungiute, lani palasiu luma sun le ladügübei tidan,12aba lasaliragun Wabureme lun áriebu, aba lariñagun lun:—Aganba naali bafurieidun, ani anúadira naali fulasu le keisi ténpulu lun adagaragüdüni.13Ánhana lubeiti óunaha aban lumabeigan, lun nadügün lun máhuyun lan huya, o lun nariñagun houn chagagaru lun hagumuchaguagüdüni ichari, o lun lan nóunahan sandi hawagun numutuniña,14ánhaña ǘnabudaguagüda numutuniña houngua, lun hafurieidun nun, lun háluahanina, lun hígiruni luriban hóuserun, naganbubaña siélugiñe, feruduna nubéi hafigoun, ábame náguyugüdüni awanseruni lun hageira.15Lúmagiñe guentó, níchuguba narigei lun furíeigi le burí adügǘti lidan fulasu le,16lugundun anúadira naaru ténpulu to ani díreinoun keisi luban niri lun súnwandan.17Anhein lubeiti buidu bóuserun niñúarü kei bugaha ladügüni Dawidi le búguchi, lun badügüni sun le nariñagubei bun, lun bafalaruni nilurudun luma nugumadin,18Nederebudagüdübei barúeihan según nidaradun luma búguchi Dawidi dan le meha nariñagunbei lun luagu ñeinbei lan aban ladügawagun arúeiha Ísüraeli súnwandan.19Gama lumoun anhaün adireira nuéi, lun magunfulirun humani burí lúrudu luma gumadi le níchugubei hun, lun háhuduragun houn amu búngiugu,20nasagarubadün lídangiñe fulasu le níchugubei hun, günringuanóunme ténpulu to nanúadiruboun, adüga nuguyame lun lébunabadün lan habulan sun néchanigu.21Ténpuluti to meha wéiriguboun, tagünrinchawaguba, súnmeti ásügürütiña tubadugiñe, taweiriduba hanigi, ábame hálügüdahan ka lan uagu ladügei Bungiu katei le lun ageiraü le luma tun ténpulu to.22Lariñawagúame lun luagu ladüga lan hígiruni Aburemei le Habungiute hagüchagu, le asagarubaliña Ehiptugiñe, luma ladüga lan háhuduragun houn amu búngiugu; ligía lan lébubei lóunahani óunwenbu wuribani le hawagun.
Bible Society of Honduras