Иер4
1«Пӧртылнет гын, Израиль, – ойла Господь, –пӧртыл Мый декем;Мыйын шинча ончычем йырнык-влакетым кораҥдет гын,тетла йомын от кошт.2Чын, ару шӱм-чон дене, шояк деч поснаГосподьын лӱмжӧ дене товатлаш тӱҥалат гын,калык-влакым Мый суапландарем,да нуно Мый денем моктанаш тӱҥалыт».3Иуда мландыште да Иерусалимыште илыше-влаклан Господь тыге ойла:«Шкаланда у пасум куралза,коршаҥге коклаште ида ӱдӧ.4Иудан калыкше да Иерусалимыште илыше-влак,Господьын лияш манын, пӱчмӧ йӱлам эртарыза,шӱмдан ӱскыртлыкшым пӱчкын кудалтыза!Уке гын осал пашаланда верч Мыйын шыдем тул семын ылыжеш,тудым нигӧ йӧртен огеш керт.5Каласкалыза Иуда мландыште, Иерусалимыште ойлыза,увертарыза, эл мучко пуч дене пуалтыза!Кугу йӱкын кычкырыза да ойлыза:”Погыныза! Чоткыдемдыме олалашке каена!”6Тистым Сион велыш нӧлталзада куржса, ида шогал!Вет Мый йӱдвел гыч ойгым,кугу пытымашым кондем.7Лев лектеш чашкерла гыч,калык-влакым пытарыше толеш:мландетым пустаҥдаш манын,тудо шке верже гыч лектеш.Олат-влак шалатыме лийыт,илыше-влак деч посна кодыт.8Сандене чоштыра вургемым чийыза да мӱгырен шортса,вет Господьын кугу шыдыже мемнан деч кораҥын огыл.9Тудо кечын, – ойла Господь, –кугыжан да он-влакын шӱмышт чытыраш тӱҥалыт,иерей-шамыч чот лӱдыт, пророк-влак ӧрткат».10Тунам мый каласышым: «О, Господь Юмем! ”Тендан дене тыныс лиеш” манын ойлымет дене Тый тиде калыкым да Иерусалимыште илыше-влакым ондаленат веле мо? А вет логарна деке кердым шынденыт!»11Тудо жапыште тиде калыклан да Иерусалимыште илыше-влаклан тыге каласыме лиеш: «Ир мландысе чоҥгатала гыч когартыше мардеж Мыйын калыкем ӱмбаке чоҥештен толеш. Но тудын дене пырчым пуалтараш, арва деч эрыкташ ок лий –12тиде мардеж утыждене виян! Мыйын кӱштымем почеш тудо толеш, тунам Мый нунын дене судым ыштем».13Теве тудо нӧлталтеш пыл семын,орваже-влак пуйто тӱтан мардеж улыт,имньыже-влак кудалыт арыслангайык деч писынрак.Ойго мыланна, ме пытенна!14Иерусалим, шӱметым осал деч эрыкте,тунам тый утарыме лият.Мыняр жап эше осал шонымашлан озаланаш пуэт?15Дан гыч кычкырыме йӱк солна,туткар нерген увер Ефрем курык гыч шокта.16Увертарыза калык-влаклан, Иерусалимлан каласыза:«Олам авырен налаш тора эл гыч толыт,Иудан олаж-влак ваштареш йӱкышт шергылтеш!17Пасу орол-влак семын нуно Иерусалимым авырат,вет тудо Мыйым колыштмыжым чарнен», – ойла Господь.18Коштмо корнет ден пашат-влак тыйым тышке шуктеныт,сулыкет тылат орлыкым конден,шӱмышкет тудо шуын.19Кӧргем, мыйын кӧргем!Коржеш мыйын шӱмем, кӱлтка тудо,мый шып лийын ом керт.Вет пуч йӱкым колам, кредалаш ӱжшӧ тургыж йӱкым!20Ойго почеш ойго, пӱтынь эл пустаҥдыме!Омашем-влак вучыдымын шалатыме улыт,пӱрдышшӧ-влакым ик татыште сӱмыреныт.21Кужун мо эше мылам тистым ончашда пуч йӱкым колышташ?22«Мыйын калыкем шонен моштыдымо,Мыйым тудо ок пале.Улыт нуно ушдымо йоча-влак,нимогай умылымашышт уке.Ушышт сита лач осаллан,а порым нуно ыштен огыт мошто».23Ончем мый мландым, но тудо тӱсдымӧ да яра,ончальым кавам – уке тушто волгыдо.24Ончем курык-влакым – нуно чытырат,чыла кӱкшака-влак тарванат.25Ончем: ик еҥат уке, кайык-влак чоҥештен каеныт.26Ончем: сад-пакчан кундем ир мландыш савырнен,Господьын йӱлышӧ шыдыжлан кӧра олаже-влак шалатыме улыт.27Тыге Господь ойла: «Уло мланде пустаҥдыме лиеш,но тудым пӱтынек Мый ом пытаре.28Сандене мланде ойгыраш тӱҥалеш,кӱшнӧ кава пычкемышалтеш:ышташ шонымем нерген Мый каласенам –тидлан ом ӧкынӧ, шонен пыштымем деч ом кораҥ.29Имнешке ден пикшызе-влакын йӱк-йӱанышт деччыла олаште илыше-шамыч куржыт –каят сип чодырашке, кӱ курыклаш кӱзат.Чыла ола пустаҥеш, ок код тушто ик чонат.30Мом тый ышташ тӱҥалат, пустаҥдыме ола?Молан тый шемалге-йошкар вургемым чиет,шӧртньӧ сӧрастарышым сакетда шинчатым чиялтет?Арам тый шкендым сӧрастарет!Пӧржмариет-влак тыйым кӱлдымыш луктыныт,нуно тыйым пытараш шонат.31Пуйто азам ыштыше ӱдырамашын кычкырыме йӱкшым колам,икымше гана йочам ыштыше семын тудо кечкыжеш.Кычкыра Сион ӱдыр, кидшым шуялтен:”Ойго мыланем!Пуштшо-влак ончылно пыта вием!”»
Institute for Bible Translation, Finland