Иер5
1«Иерусалимын уремлаж дене кайыза!Ончалза, пален налза, погынымо верлаште кычалза:чыным ыштыше да ӱшанле кеч ик еҥым муыда гын,Мый тиде олам чаманен налам!2Ойлат нуно: ”Господь дене товатлем!”,но мутышт нунын шояк».3О, Господь! Чынлыкым огыл мо Тые ужнет?Шке калыкетым Тый кырет, а нуно корштымым огыт шиж,Тый нуным пытарет, а нуно туныктымым кӱлдымыш луктыт.Лийыныт ӱскырт, кӱ деч пеҥгыде,ынешт пӧртыл мӧҥгеш.4Мый шоналтышым:«Нине еҥ-влак, очыни, йорло улыт,нуно ушдымо улыт да Господьын корныжым огыт пале,шке Юмыштын законжым огыт шинче.5Мый вуйлатыше-влак деке каем,нунын дене кутыралтем.Вет нуно Господьын корныжым,шке Юмыштын законжым палат».Но нунат кепшылым шалатеныт,шинчыр-влакым кӱрлыныт.6Садлан чодыра гычын лев ӱмбакышт кержалтеш,ир мландысе пире кӱрышт пытара,олашт воктене леопард ваҥаш тӱҥалеш.Кӧ ола гыч лектеш – кӱрыштмӧ лиеш,вет нунын сулыкышт шукемын,Господь деч шуко гана кораҥыныт.7«Кузе Мылам тыйым серлагаш, Иерусалим?Шочшет-влак Мый дечем кораҥыныт,кӧмыт юмо огытыл, нунын дене товатлат.Мый нуным теммеш пукшенам, а нуно аташланенытда яжар-влакын пӧртышкышт кашакын коштыныт.8Нуно кочкын темше да кӱтлаш шонышо ожо гай улыт,кажныже вес еҥын ватыжым сутланен онча.9Тидлан Мый нуным мут кучаш ом шогалте мо? – ойла Господь. –Тыгай калыклан Мый ӱчым ом шукто мо?10Кӱзыза виноград аҥан пырдыжлашкыжеда руыза, но пӱтынек огыл.Пӱчкедыза укшлажым – нуно Господьын огытыл.11Вет Израиль тукым ден Иуда тукымМыланем нимынярат ӱшанле лийын огытыл, – ойла Господь.12Господь деч кораҥын, нуно каласеныт:”Тудо нимом ок ыште!Мемнан дек ойго ок тол,ме кердымат, шужымашымат огына уж.13Пророк-влак лач мардеж семын улыт,[Господьын] шомакше нунын дене уке.Тек чыла тиде ойго шкешт денак шукталтеш!”»14Сандене Господь Юмо Саваоф тыге ойла:«Тыгай мут-влакым ойлымыштланМый умшаштет шке шомакем тул гайым ыштем,а тиде калык пу лиеш, да тиде тул нуным пытара!15О, Израиль калык! Мый тыйын ӱмбакетумбачын калыкым кондем, – ойла Господь, –виян калыкым, акрет калыкым!Тудын йылмыжым тый от пале,мом кутырымыжым от умыло.16Пикш лодакше пуйто почмо шӱгар,нуно чыланат тале сарзе улыт.17Нуно лектыш ден киндетым кочкыт,эргыч ден ӱдыретым, тыгыде ден шолдыра вольыкетым,виноград ден смоква пушеҥгетым пытарат,чоткыдемдыме да инанен илыме олат-влакымкердышт дене шалатат.18Но нине кечылаштат, – ойла Господь, – Мый тендам пӱтынек ом пытаре.19Кунам тый дечет йодыт: ”Молан Господь Юмына мемнан дене чыла тидым ыштен?”, нунылан вашеште: ”Те Господьым коденда да шке мландыштыда йот юмо-влаклан служитленда, садлан вес мландыште йот еҥ-шамычлан служитлаш тӱҥалыда”».20«Ойлыза тидым Иаков тукымлан,Иуда мландыште увертарыза, тыге каласыза:21Колышт, ушдымо да шонен моштыдымо калык!Уло тендан шинчада, но тудо ок уж,уло пылышда, но тудо ок кол!22Мый дечем огыл мо те лӱдшаш улыда, – ойла Господь, –Мыйын ончылно огыл мо чытырышаш улыда?Ошмам Мый пыштенам теҥызлан чек семын,тудо – курымешлан вончен кертдыме чарак.Толкын-влак лупшат, но вийышт ок сите,лӱшкат, но огыт керт вончен.23А тиде калыкын шӱмжӧ ӱскырт, мут колыштдымо:тупынь савырнен, нуно кораҥ каеныт.24Шоналтен огытыл нуно:”Господь Юмына деч лӱдман –Тудо шке жапыштыже шыже ден шошо йӱрым пуа,мыланна тӱредаш арня-влакым палемда!”25Осал пашада-влак чыла тидым кораҥденыт,сулыкда-влак тендам сайлык деч посна коденыт.26Йӧрдымӧ еҥ-шамыч Мыйын калыкем коклаште улыт:кайык кучышо-влак семын нуно шылын шинчат,еҥым кучаш оптышым шындат!27Кайык дене темше четлык семын пӧртышт ондалымаш дене темын,садлан нуно кӱшкӧ нӧлталтыныт, лийыныт поян,28ӧрденыт, погеныт коям.Шотлен пытараш ок лий осалыштым,тулык йоча-влакын пашаштым чын огыл судитлат.Йорло-шамычым судышто пыдалын огыт нал гынат,нине еҥ-влак сайын илат.29Тидлан Мый нуным мут кучаш ом шогалте мо? – ойла Господь. –Тыгай калыклан Мый ӱчым ом шукто мо?30Шучко да йырнык паша ышталтеш тиде мландыште:31пророк-влак шоям увертарат,нунын кӱштымышт почеш иерей-шамыч вуйлатат,а Мыйын калыкемлан чыла тиде келша.Но кунам чыла тидлан мучаш толеш,мом те ышташ тӱҥалыда?
Institute for Bible Translation, Finland