Иер3
1Тыге ойлат: ”Кунам марий шке ватыжым ойырен колта, ӱдырамаш кая да вес пӧръеҥын пелашыже лиеш гын, икымше марийже тудым угыч марлан налын кертеш мо? Тидын дене эл шакшылыме ок лий?” Шукышт дене тый яжарланенат, а кызыт Мый декем пӧртылнет? – ойла Господь. –2Нӧлтал вуетым да курык-влакым ончал – уло мо тугай вер, кушто яжарланен отыл? Корно воктене тый корныеҥ-влакым ир мландысе араб семын ваҥен шинченат. Яжарланымет да осал пашат дене тый мландым шакшыленат!3Садланак йӱр лийын огыл, шошымсо кугу йӱр йӱрын огыл! Но тый яжар ӱдырамаш гай койынат, нимогай вожылмашет уке.4А кызыт тый Мылам ойлет: ”Ачаем, самырыкем годым Тый мыйым йӧратенат!5Эре мо шыдешкаш тӱҥалат? Кугу шыдетым курымеш кучет мо?” Тыге ойлет тый, но осал пашам мыняр кертат, тунар ыштет!»6Иосий кугыжан вуйлатымыж годым Господь мылам каласен: «Мый дечем кораҥше Израиль мом ыштен, ужынат мо? Тудо кажне кӱкшӧ курыкыш, кажне ладыра пушеҥге йымак коштын да тушто яжарланен.7Чыла мом ыштымыж деч вара Мый ойленам: ”Пӧртыл Мый декем!”, но тудо пӧртылын огыл. Тидым тудын ӱшанле огыл Иуда шӱжарже ужын.8Мый дечем кораҥше Израильын яжарланымыжлан Мый тудым ойырен колтенам, ойырлымо нерген кагазым пуэнам. Но Мый ужынам: тудын ӱшанле огыл Иуда шӱжарже тидын деч лӱдын огыл – тудат каен да яжарланаш тӱҥалын.9Намысдыме пашаж дене тудо элым шакшылен, кӱ ден пушеҥгылан кумалын, яжарланен.10Туге гынат, Израильын ӱшанле огыл Иуда шӱжарже Мый декем уло шӱм-чон дене огыл, а лӱмлан гына савырнен», – ойла Господь.11Господь мыланем каласен: «Мый дечем кораҥше Израиль ӱшанле огыл Иуда деч чынлыракыш лектын.12Кай да йӱдвелыш тыгай шомак-влакым увертаре:Пӧртыл, Мый дечем кораҥше Израиль, – ойла Господь, –ӱмбакет Мый шыдын ом ончо.Вет Мый поро улам, – манеш Господь, –курымеш шыдешкаш ом тӱҥал.13Лач титакетым умыло,вет тый Господь Юмет деч кораҥынатда весе-влак дене кажне ладыра пушеҥге йымалне яжарланенат,Мыйын йӱкем колыштын отыл, – ойла Господь.14Пӧртылза мӧҥгеш, Мый дечем кораҥше икшывем-влак, – ойла Господь, – вет те Мыйын улыда. Кажне ола гыч икыт дене, кажне тукым деч кокыт дене Мый тендам налам да Сионыш кондем.15Тыланда Мый чонемлан келшыше кӱтӱчӧ-влакым пуэм. Нуно тендам кӱлеш семын, шот дене кӱташ тӱҥалыт.16Тудо кечылаште, кунам те тиде мландыште шукемыда, шуко чотан лийыда, – ойла Господь, – ”Господьын ойпидыш шондыкшо” манын ойлаш огыда тӱҥал. Тудын нерген шонаш огыт тӱҥал, тудым огыт шарналте, йокрокланаш огыт тӱҥал да вес шондыкым огыт ыште.17Тудо жапыште Иерусалимым ”Господьын престолжо” манын лӱмдат. Калык-влак Господьын лӱмжылан кумалаш Иерусалимыш погынат да осал, ӱскырт шӱмыштын ӱжмышт почеш тетла огыт ыште.18Тудо кечылаште Иуда ден Израиль калык пырля погынат да йӱдвел мланде гыч Мыйын ача-кочаланда пуымо мландышке пӧртылыт».19Мый каласышым: «Кузе Мый тендам шке эргым-влак семын ужнем да тыланда эн сай мландым, моло калыкын деч чаплыракым, пуынем ыле! Мый шонышым: тый Мыйым ”Ачаем” манын лӱмдаш тӱҥалат да Мый дечем от кораҥ.20Но кузе вате шке марийжым ондала, тыгак тыят, Израиль калык, Мыйым ондаленат!» – ойла Господь.21Кӱкшакалаште йӱк шокта,Израиль эрге-влак шортын кумалыт,вет нуно чын корно гыч кораҥыныт,шке Господь Юмыштым монденыт.22«Пӧртылза мӧҥгеш, Мый дечем кораҥше эрге-влак:Мый тендам ӱскырт улмыда деч паремдем!»«Теве ме Тый декет толына,Тый мемнан Господь Юмына улат!23Вет кӱкшакалаште лач ондалчык,курыклаште шояк юмылан кумалше тӱшкан йӱкшӧ шокта.Чынжым гын Израильым Господь Юмына веле утарен кертеш!24Самырык жапна гычак тиде йырнык полганмемнан ача-кочана-влакын паша саскаштым,тыгыде ден шолдыра вольыкыштым,эрге ден ӱдырыштым пӧжген илен.25Тек ме, вожылын, мландымбак возына,да мемнам намыс леведеш!Вет самырык жап гыч тачысе кече мартеме да ача-кочана-влак Господь Юмына ончылно сулыкым ыштенна,Тудын йӱкшым колыштын огынал!»
Institute for Bible Translation, Finland