Zumbunulo10
1Ndakabona umwe ntumwa wekudzimu unasimba ejita ebva kudzimu, akapombegwa negole nenlanlabungo ulipehhugwi kwen'holo uwe, buso gugwe gwaka gunga hhuba, makumbo awe aka enga mabibi emoto.2Muluboko gugwe kwaka kuna lukwalo gutukununu gwakahhulika, wakatshamba negumbo lile loludli pehhugwi kwegungwa, lelumehwe likatshamba pehhugwi kwehango,3wakadanilila newhi gulugulu laka linga bomba kwehumba, paakadanilila titima kulikutondeka kwakadabila.4Titima kulikutondeka kwakati kwadabila, ndaka ndohaka kwala, koga ndikawha whi libva kudzimu liti, “zwina zwinhu zwalebgwa netitima kulikutondeka, usizwikwale pasi.”5Ntumwa wekudzimu wandakandabona alimile pehhugwi kwegungwa nange pehhugwi kwehango, wakamilidzila luboko gugwe goludli kudzimu.6Wakatuna nayiye unotjila nekusingapele, wakabumba kudzimu nezwimukati kwekudzimu, nehango nezwimukati kwehango, negungwa nayiko kose kumukati akati, “Kusitjabe nenonoka kakale.7Koga mumahhuba ewhi ledanilila kwelunyanga gwalidziwa nentumwa wekutondeka, tjakasumbikika tjeNdzimu tjaakabudza balanda babe balebesambeli tjakafanila hhadzisika.”8Whi landakawha lilebeleka nemi libva kudzimu, lakakolebeleka kakale nemi liti, “Yenda unotola lukwalo gwakahhulika gumu luboko wentumwa wekudzimu umile pehhugwi kwegungwa nange pehhugwi kwehango.”9Ndakayenda kuntumwa wekudzimu ndikati andipe lukwalo gutukununu, iye wakati kundili, “Ugutole ugudle, ntumbu uwo unowholuma, koga munlomo uwo gowhozipa sebutji.”10Ndakatola lukwalo gutukununu gubva muluboko gwentumwa wekudzimu, ndikagudla, munlomo wangu gwakazipa sebutji, koga ndakati ndagudla ntumbu wangu ukaluma.11Ndakakobudziwa kuti, “Wakafanila lebesembeli kakale nekwebanhu banjinji, nekwenjudzi njinji, nekwendimi njinji, nabomambo banjinji.”
The Word for the World International