Zumbunulo9
1Ntumwa wekudzimu webuhanu wakalidza lunyanga gugwe, ndakabona nyenyedzi yakayawa ibva pehhugwi ikawila muhango, yakapiwa khiyi dzegomba lisina palinopelela,2wakahhula gomba lisina palinopelela, kukabhuda busi gunga gunoyi gobhuda mubibi lemoto wembvuto, hhuba nemhepo kwakaba hhalima nentha yebusi gunobva mugomba lisina palinopelela.3Kukabhuda mhaho mubusi gwegomba dzikaba pehhugwi kwehango, mhaho dzakapiwa masimba anonga emhani dzehango.4Dzakabudziwa kuti dzisikubadze buhwa gwehango kene miti kene tjipi zwatjo tjinomela, koga dzikubadze ibabo boga basina lutjayo gweNdzimu pamhahha dzabo.5Mhaho dzakabvumigwa gwadzisa banhu kwemimwedzi mihanu, koga adzizobvumigwa babulaya, gwadzisiwa ikoku kwakakunga gwadziwa hapa nhu alumwa nemhani.6Mumahhuba iyawo banhu banowhohaka lufu koga abatowhoguwana, banowhohaka fa koga lufu gowhobatihha.7Mhaho dzaka dzinga mbizi dzinoyenda kungwa, mumiholo yadzo dzakadzakambala kunonga zwiyala zwezeezi, dzina buso gunonga gwebanhu,8dzaka dzina mavudzi anonga ebanhu betjikadzi, dzina meno anonga ehumba,9pazwifuba dzaka dzina kunonga zwidzibililo zwetshipi pazwifuba, hhoba yemapapiro adzo yaka inga hhoba yedzi koloyi njinji dzinokwebewa nembizi dziyenda kungwa.10Dzaka dzina mwise inoluma seyemhani, mumimwise iyeyo ndiko kwaka kunamasimba okubadza banhu kwemimwedzi mihanu.11Dzinamambo upehhugwi kwadzo iye ntumwa wegomba lisina palinopelela, zina lile netjiHhebheru eyi Abhadoni, netjiGiriki unodanwa Apholoyoni.12Mboli yekutanga yapinda, koga kowhotobela dzimwe mboli mbili hule kwayikoku.13Ntumwa wekudzimu webutanhatu wakalidza lunyanga gugwe, ndikawha whi libhuda munyanga dzilina dzetjibeso tjezeezi tjimbeli kweNdzimu,14liti kuntumwa wekudzimu webutanhatu waka enalunyanga, “Sunungula batumwa bekudzimu bana bakasungiligwa pagwizi gukulukulu Yufuretisi.”15Batumwa bekudzimu ibabo baka baka baakanyigwa awa iyeyo, nehhuba ilelo, mwedzi iwhoyo, negole ilelo, kuti babulaye lubabi gwembabi nhatu dzebanhu.16Ndakawha bunji gwebagwi baka bakatanha mbizi kuti baka bali mamiliyoni alimakhulu mabili.17Mumbono wangu ndakabona mbizi dzilisawhoku. Ibabo bakabakatanha mbizi baka bakambala zwidzibililo zwepafuba zwetshipi zwili zwihaba, kakale zwili zwembala wehhuhhugwi,nembala wesalifa miholo yembizi yakabe inga miholo yehumba mumilomo yadzo kwaka kubhuda moto, busi nesalifa.18Lubabi gwembabi nhatu dzebanhu gwakabulawa nemboli nhatu idzedzi, moto, nebusi, nesalifa kwaka kubhuda mumilomo yembizi.19Ngobe masimba embizi amumilomo yadzo, nemumimwise yawo, mwise yadzo yaka inga nyoka inamiholo, mbizi dzaka dzihingisa mwise iyeyo kuti dzikubadze banhu.20Banhu bose bakabe basala basakabulawa nemboli idzedzi, abazohanduka mumihingo yabo yabaka bethama nemaboko, kakale abazoletja namata meyambi, nemidzimwana yakabehhewa nezeezi, nesiliva, netshipi, nemabgwe, nemiti, isingabone, kene wha, kene yenda.21Abazohanduka, kuti baletje bulaya kwabo, kene buloyi gwabo, kene bupombgwe, kene bubava gwabo.
The Word for the World International