Zumbunulo11
1Ndakapiwa lukuni gwaka gunga lundzi goyela, ndakabudziwa kuti, “Milika uyende unoyela thempeli yeNdzimu, netjibeso, kakale ubale ibabo banonamata mukati.2Koga usiyele lubahhe gukuhhe kwethempeli ugusiye ngobe gwakapiwa Bataya, banowhotshamba munzi-nkulu wakayengemala kwemimwedzi ilimakumi mana anamimwedzi mibili.3Ndowhopa basupi bangu babili masimba elebesambeli kwemahhuba alitjiwulu tjina makhulu mabili anamahhuba makumi matanhatu bakambala masaka.”4Ibaba ndiyo miti yemitoba mibili nezwigadziko zwezwivoneko zwibili zwimile mbeli kwaHe wehango.5Hapa kuna nhu unohaka bakubadza, kobhuda moto mumilomo yabo, ukopisa babengi babo, nezila iyeyi ke bose banohaka bakubadza banobulawa sayikoku.6Banamasimba ehhalila kuhhuhhugwi kuyetila kuti vula isine mumahhuba elebesambeli kwabo, banoba banamasimba ehandula vula ibamalopa, kakale bana masimba eloba hango kene nayipi zwayo mboli pose pabanoba behaka.7Bapedza pa busupi gwabo gose, tjibanda tjinobhuda mugomba lisina kwalinopelela, tjowhogwa nabo, tjikabakunda tjikaba bulaya.8Mitumbi yabo inowholadzikiwa muzila yenzi-nkulu, nzi-nkulu iwhoyo mumeya udanwa uyi iSodoma neIgipita, ndiko kwakakowhomegwa He wabo patjileyanyo.9Bamwe banobva munjudzi dzose, nemundimi dzose, netjaba tjose, banowholingilila mitumbi yabo kwemahhuba matatu negaswa, besingabvume kuti mitumbi yabo ibiganyiwe mukumbu.10Banhu bagele muhango banowhohanha pehhugwi kwefa kwabo, banowhohanhisisa bepana zwipo, ngobe balebesambeli ibaba babili baka bedziyidza ibabo bagele muhango.11Hule kwemahhuba matatu anagaswa meya yebupenyu inobva kuNdzimu yakabangina bakamilika bakama nemakumbo abo, ibabo bakababona bakawigwa nehla kukulu.12Bakawha whi gulugulu libva kudzimu liti kubali, “Hhani ngeno!” bakatogwa negole bakayenda pehhugwi kudzimu, babengi babo bakaba linga.13Nelubaka igogo kwakaba netengenyeka kwehango kukulu, lubabi gwembabi dziligumi dzenzi-nkulu gukakolomoka, kukafa banhu bali zwiwulu zwilikutondeka, bose bakasala bakawigwa nehla kukulukulu bakapa gudzo kuNdzimu wekudzimu.14Mboli yebubili yakapinda, koga yebutatu inohha nekulibilidza.15Ntumwa wekudzimu wekutondeki waka lidza lunyanga gugwe, kwakaba nemawhi makulukulu kudzimu aka eti, “Bumambo gwehango gwatjibebumambo gwaHe wedu negwaKhirisitu uwe, unowhotonga nekusingapele.”16Bawhola bali makumi mabili nebana, baka baligele muzwigalo zwabo zwebumambo mbeli kweNdzimu, bakakotama bakanamata Ndzimu17beti,“Tomuboka imwi He Ndzimu imwi weMasimba Ose, uyapo, waka elipo,ngobe matjitola masimba enyu makulumukatanga tonga.18Njudzi dzaka hhala buhongola,koga gwenyu buhongola guka hha,lubaka gwekuti bafi batongewe gwatjiswika,negwekuti mupe mbhayilo balanda benyu, balebesambeli, nebakayengemala,nayibabo banohla zina lenyu,batukununu nebakulu,nepaladza ibabo banopaladza hango.”19Thempeli yeNdzimu ikudzimu yakahhugwa, kwakabon'wa muthempeli, arika yetjibvumilano, ipapo kwakatobela penya sekwenthari, nebomba netitima, netengenyeka kwehango netjivulamagwe, netjivulamabgwe tjikulu.
The Word for the World International