মর্কুস6
1ইশুহা আকু লোইহিং হুইতেমসা তাইকো ডেওয়া নাসরতকো লোইতা হোপুয়ে। আকো য়োংতোংবিরে আকুহিংপারাং হোয়ে।2সানুকো দিনতা ইশুহা জোংসুওয়া সাতা হোমসা দিংঙাবিহিং ঝিপায়ে। আসা উইসে দিংঙাবিহা আকো ঝিপাওয়া নুওয়াংবি হিংমসা আআংপেপেচপুমসা জাংয়ে, “ই দিংঙাহা হানিসো এপাজিংওয়া নুওয়াংবি ঝিমেতা? ই দুংজিহা হেপা জিংওয়া দুংজিমে, ই দিংঙাহা হেপা এপা জিংওয়া আআংপেচপুওয়া কামবি জোকো চুমে?3ই মিস্ত্রীহা মরিয়োমকো চেংওয়া মোকোমগা? ইহা য়াকুব, য়োসেফ, য়হুদা আসা সিমোনকো ডুওয়া মোকোমগা? আকো য়েমেবিহা ইতা মোতোংগা?” ই নুওয়াং জাংমসা আবিহা ইশুহিংয়া মাদেংতো।4আত্রংরাং ইশুহা আবিহিংয়া জাংয়ে, “অগমবক্তাহিংয়া তাংসা লোইবিতা দেংমগা, আদো আপনিকো লোই আসা সাবেইবিকো প্যাকোতাহা হাংসুরে মাদেংমগা।”5আকো সোতা ইশুহা আউতাহা হাইমবিহিং সাংপাওয়া ল্যামসা দোসরা আআংপেপেচপুওয়া কাম মোজোতো।6আকু জায়গাকো দিংঙাবিকোতা দেংওয়া মিতিংমসা ইশুহা আআংপেপেচপুয়ে। বার্চো য়োংতোংবিহিং তানাংতা নিংপুওয়া (মথি ১০:১,৫-১৫; লুক ৯:১-৬)
ইশুহা লোই-লোইকো ন্যাতা জিংমসা দিংঙাবিহিং ঝিপামসা হোয়ে।7আকো নোইতা ইশুহা আপনিকো বার্চো য়োংতোংবিহিং তাইকোতা মোউয়ে। আসা জেসাংবিহিং ঘিকো চুওয়া সে আবিহিং পিচামসা নিহসো নিহসো জোমসা লোইবিতা আসা শহরবিতা8এপা জাংমসা নিংপুয়ে, “ন্যাতাকো সোতা হাইরে মোপুগে, না কোব্রেং, না সিপি, না ন্যাস্যা, আদো ইচো জুচোইওয়া দ্যই মেংচে পুকো।9কোকোইতা কোরোং লুচা আসা জুপাতা নিওয়া আংদুং ল্যামসা হাইরে মাপুগে।”10ইশুহা আবিহিং ন্যাসারাং জাংয়ে, “হানি সাতা নাবিহিং লেইতা, আকু লোইহিং মাহুইতেনু চোইপা নাবিহা আকু সাতারাং য়ুং।11দোসরা লোইতা দেকানু নাবিহিংমি হাংসুরে মোমোউচানাহা আসা দিংঙাবিমি নাবিকো নুওয়াং মাহিংদানাহা, আকু দিংঙাবিহিং সেংজাকো জোওয়া ন্যায়কো চেতাউনি পিচামসা তাংবাকো দুনা য়িতেমসা আকু লোইহিং হুইতে।”12য়োংতোংবিহা হোমসা দিংঙাবিহিং “নাবি হাই মেংতাওয়া কাম জো আকু কামবিহিং ল্যাপুই তামসা হিংপায়ে।”13আবিহা উইসে মেংতাওয়া লাংবেবিহিং নোপায়ে, আসা উইসে হাইওয়া দিংঙাবিহিং চুইতি ন্যামসা সাংপায়ে।14ইশুকো মিং তাংসাকোতা বেইপুওয়াকো সোতা হেরোদ জাইপুরে দিংঙাবিকো নামুসো ইশুকো নুওয়াং হিংয়ে। লেরাহা এপা জাংদিংমি, “বাপ্তিস্মা পিচাওয়া য়হুন্নাহা সিপুওয়াসো ঙারোমকোগুং, আকো সোতারাং ইশুহা এপাজিংওয়া টেরবো টেরবো কামবিরে জোকো চুমগুং।”15লেরাহা এপা জাংসুদিংমি, “ইহা এলিয়ারাংগা তামসা।” আসা লেরাহা এপা জাংসুদিংমি, “নাগাইকো অগমবক্তাবিতাহা ইচোগা” তামসা।16ই তাংসা নুওয়াং হিংমসা হেরোদহা জাংয়ে, “আকুহা য়হুন্নাগা। কা পোরো ঠেপাপুতেমগা, আদো ন্যাসারাং ঙারোমকোগুং।”17হাংপাতানাহা হেরোদহা আপনিকো এ ফিলিপকো মেহিং এচাপুমি নিমি। আকো মিংহা হেরোদিয়াস নিমি। আসা হেরোদিয়াসকো সোতা হেরোদহা য়হুন্নাহিংয়া জেলতা প্যইমসা এমি নিমি।18বাপ্তিস্মা পিচাওয়া য়হুন্নাহা হেরোদহিং জাংয়াচাংমি, “লিংপাং অনুসারহা নাতিহা একো মেহিংয়া এপা পারামসা এচামতুকোগা।”19আকো সোতা আকো মে হেরোদিয়াসহা য়হুন্নাহিংপা সেদ্রাংদিংওয়া নিমি। আসা আকুহা য়হুন্নাহিং স্যাকো কেংদিংমি, আদো হেরোদ জাইপু মামানেওয়াকো সোতা আকুহা হাইরে জোকো মোচুতো,20হাংপাতানাহা হেরোদহা গেদিংমি, য়হুন্নাহা সেংজাকো লাংবেতা তেইওয়া দিংঙা তামসা। আকো সোতা হেরোদহা য়হুন্নাহিংপা চুসুংমসা য়হুন্নাহিংয়া মাস্যাপা এদিংমি, হেরোদহা য়হুন্নাকো জাংওয়া মোকোইদো, য়হুন্নাকো জাংওয়াহিংয়া এনতাচাংমি।21নোইস্যাতাহা হেরোদিয়াসহা বদলা লাংকো তামসা ইচো মৌকা মুংয়ে। হেরোদ জাইপুহা তাইকো কেওয়াকো দিনতাহা টেরবো টেরবো আপনিকো সাকো মাটাবিহিং, সিপাইবিহিং, গালীলকো মাটা দিংঙাবিহিং চাকো মোউয়ে।22আত্রংহা হেরোদিয়াসকো চেমেহা আকু পাটীতা য়ৌইয়ে। আকো য়ৌইওয়া তিংমসা জাইপুসো আউতা নিওয়া তাংসা দিংঙাবিকো তুংসিংহা গাগ্রুপা জিংপে। আসা জাইপুহা আকু চেমেহিংয়া জাংয়ে, “নাতি হাই য়া, কা আকুরাং পিচারোওয়া।”23ন্যাসারাং জাইপুহা নাপোইমসা জাংয়ে, “কুং লোইকো উওয়্যা মোংটো য়াদো কা পিচারোওয়া।”24আত্রংহা আকু চেমেহা তাইকো আয়ুকোতা হোমসা উইকায়ে, “আয়ো, কা হাং য়াকোগা?” আকো আয়ুহা জাংয়ে, “বাপ্তিস্মা পিচাওয়া য়হুন্নাকো পোরো য়া!”25আসা আত্রংতারাং চেমেহা জাইপুকোতা হোমসা জাংয়ায়ে, “কাহিং বাপ্তিস্মা পিচাওয়া য়হুন্নাকো পোরো নেত্তা বারাংতা পিচা।”26ই নুওয়াং হিংমসা জাইপু হেরোদকো তুংসিং চিচপুয়ে, আদো উইসে দিংঙাবিকো নাগাইতা নাপোইমসা জাংপুনতেমকো সোতা মিচারো তামসা জাংমক্যইতো।27আসা আকুহা আত্রংতারাং ইচো সিপাইহিং য়হুন্নাকো পোরো ঠেপামসা সোংকো তামসা আজ্ঞা জোয়ে। সিপাইহা জেলকো নাপোতা হোমসা য়হুন্নাকো পোরো ঠেয়ায়ে,28আসা বারাংতা চুংপামসা চেমেহিং পিচায়ে, আসা আকু চেমেহা তাইকো আয়ুকোতা সায়ে,29ই দেরেং হিংমসা য়হুন্নাকো য়োংতোংবি লেমসা আকো জুপাহিং য়োপুমসা তোম্যইতা লিকাপুয়ে।30বার্চো জেংওয়া পোইংবিহা ইশুকোতা লারেয়ে আসা আবি হাই হাই কাম জো, আবি তাংসা ইশুহিং হিংপারেহে।31আসা ইশুহা আবিহিংয়া ন্যাসারাং জাংয়ে, “তে, য়াংবি তাংসা চিচ্চোওয়া জায়গাতা হোমসা সায়াকো।” হাংপাতানাহা আউতাহা উইসে দিংঙাবি য়ায়া-য়ুয়ুপা নিমি, আকো সোতা ইশুসো য়োংতোংবিহা চাকো আংকোরে মামুংপা জিংপে।32আবিহা নোওয়াইতা বাইপুমসা ইচো চিচ্চোওয়া জায়গাতা হায়ে।33দিংঙাবিহা আবি হাংতা হ্যাদাংমে তিংয়ে আসা সিদা চ্যইয়ে আসা উইসে দিংঙাবিহা শহরসো ঠুউইপুমসা আবিরোমা নাগাই দেকানতেমি,34ইশুহা নোওয়াইসো উইনতানি উইসে দিংঙাবিহিং তিংয়ে, আসা আবিহিং তিংমসা ইশুহা লামতুপুয়ে, হাংপাতানাহা আবিহা গোইত্র মোতোওয়া লুকাবি বেপা নিমি। আসা আকুহা আবিহিংয়া উইসে নুওয়াংবি ঝিপায়ে।35আসা হাত্রং সিনি হুইপুদাং, আত্রংহা য়োংতোংবিহা আউতা লেমসা ইশুহিং জাংয়ে, “নেহা মারি-মোকেবদাংতেও আসা ই জায়গাহা চিচ্চোপা নিও।36ই দিংঙাবিহিং নিংপি। আবিহা আকু আবেইকো লোইবিতা হোমসা হাইক্রি চাওয়াবি-আংওয়াবি চোইচামসা চাচাকো।”37ইশুহা জাংয়ে, “নাবিরাং আবিহিং চাকো পিচা।” য়োংতোংবিহা আকুহিংয়া জাংয়ে, “এসে দিংঙাকো চাওয়া কোব্রেংহা লাবে নিহরা জাতাংকো ন্যাস্যা পুমসা কাবিহিং চোইয়ামসা চাকো পিচকো জাংমগা?”38ইশুহা জাংয়ে, “নাবিকোতা হাসে ইব্রেং কোব্রেং নিংগা কাংকে?” য়োংতোংবিহা কাংমসা জাংয়ে, “ঙাব্রেং কোব্রেং আসা নিহপু নায়া নিনা।”39আকো নোইতা ইশুহা তাইকো য়োংতোংবিহিং দিংঙাবিহিংয়া পারা-পারা জোমসা স্যাম্যাবিরিতা গাপাকো তামসা আজ্ঞা জোয়ে।40আকো সোতারাং দিংঙাবিহিংয়া একশো একশো আসা পচাঁশ পচাঁশ জোমসা হুরাপা গাপায়ে।41ইশুহা আকু ঙাব্রেং কোব্রেংসো নিহপু নায়া চুংমসা লোডিংবাতা তিমসা সেংজাহিং গারানি তাহে, আসা দিংঙাবিহিং পিচাকো তামসা কোব্রেং ছিমসা য়োংতোংবিহিং সোইয়ে। এপা জোমসারাং আকুহা নায়ারে দিংঙাবিহিং চোপোইপুয়ে।42আবি তাংসা গাইপা চায়ে।43আসা য়োংতোংবিহা চামসা লাওয়া নায়াসো কোব্রেংকো চোংব্রাবিহা বার্চো ডেংগে মেইপা য়োয়ে।44আউতা চাওয়া দিংঙাবিকো প্যাকোতাহা পাঁচ হাজার পোজাবি আসা আবিকো সাকো দিংঙাবিরে নিমি।45আত্রংতা ইশুহা আকো য়োংতোংবিহিংয়া দাব্রিকো নুব্যা বেথসেদা লোইতা নাগাই নোওয়াইতা নিংপুয়ে। আসা তাতিহা দিংঙাবিহিং নিংপুকো তামসা আউতা য়ুংতেহে।46দিংঙাবিহিং নিংপুমসা ইশুহা য়্যাগোতা পাচাইয়াকো হোয়ে।47মিরি মোপুনুওয়া য়োংতোংবিকো নোওয়াইহা দাব্রিকো প্যাকোতা নিমি, আত্রংহা ইশুহা ঝাহাদিকো আরিতারাং নিদিংমি।48বিংঙাহা তুইপেং ভিমসা ইশুহা নোওয়াইহিংয়া দাব্রিকো প্যাকোতা দেকানতেওয়া তিংয়ে। হাপকুং হোহোইনুওয়া ইশুহা তিকো তোই-তোই তেইপামসা য়োংতোংবিকোতা লেপায়ে। হাংতা নোওয়াই নি, আকুরোমা নাগাই দেকাদাংতেনুওয়া49য়োংতোংবিহা আকুহিংয়া তিকো তোই তোইসো তেইপামসা আপনিবিকোতা লেপাওয়া তিংমসা আবিহা জেসাং দেপানা তামসা চুসুংপুমসা চিলিংসুয়ে,50হাংপাতানাহা আকুহিং তিংমসা তাংসা চুসুংপুয়ে। ইশুহা আত্রংতারাং য়োংতোংবিহিং জাংয়ে, “কারাংগা, মাচ্ছুংগে, সাডিংপা জো।”51আকো নোইতা ইশুহা নোওয়াইতা বাইয়ে, আসা বিংঙারে সাংয়ে। ই তিংমসা য়োংতোংবিহা সিওপারাং আআংপেপেচপুয়ে,52হাংপাতানাহা ইশু পাঁচ হাজার দিংঙাবিহিং চাকো-আংকো পিচাওয়া তিংমসারে য়োংতোংবিকো তুংসিংহা মোকোইয়াংমি, আদো আবিকো তুংসিংহা লুংটুই বেপা নিমি।53ইশুসো আকো য়োংতোংবিহা দাব্রি পেংমসা গনেসোরেত তাওয়া লোইতা দেরেহে আসা নোওয়াইহিংয়া আরিতা এহে।54নোওয়াইসো উইনতানি দিংঙাবিহা ইশুরাং গুং তামসা নাইয়ে।55আসা আবিহা আউতা নিওয়া লোই-লোইতা ঠুইপুমসা হোমসা হাইমবিহিং ন্যাগু নিপা পুপামসা ইশুকোতা পারায়ে।56শহরতা, লোইতা হাংতা হাংতা ইশু হ্যা, আউতারাং দিংঙাবিহা হাইমবিহিং পুপামসা পারাচাংমি, আবিহা ইশুকো আংদুংকো আরিকো নামু মেংচে সুচা মুংকো তামসা জাংচোইচাংমি, আসা আকো আংদুং সুচা মুংওয়াবিহা সাংচাংমি।
ইশুহা লোই-লোইকো ন্যাতা জিংমসা দিংঙাবিহিং ঝিপামসা হোয়ে।7আকো নোইতা ইশুহা আপনিকো বার্চো য়োংতোংবিহিং তাইকোতা মোউয়ে। আসা জেসাংবিহিং ঘিকো চুওয়া সে আবিহিং পিচামসা নিহসো নিহসো জোমসা লোইবিতা আসা শহরবিতা8এপা জাংমসা নিংপুয়ে, “ন্যাতাকো সোতা হাইরে মোপুগে, না কোব্রেং, না সিপি, না ন্যাস্যা, আদো ইচো জুচোইওয়া দ্যই মেংচে পুকো।9কোকোইতা কোরোং লুচা আসা জুপাতা নিওয়া আংদুং ল্যামসা হাইরে মাপুগে।”10ইশুহা আবিহিং ন্যাসারাং জাংয়ে, “হানি সাতা নাবিহিং লেইতা, আকু লোইহিং মাহুইতেনু চোইপা নাবিহা আকু সাতারাং য়ুং।11দোসরা লোইতা দেকানু নাবিহিংমি হাংসুরে মোমোউচানাহা আসা দিংঙাবিমি নাবিকো নুওয়াং মাহিংদানাহা, আকু দিংঙাবিহিং সেংজাকো জোওয়া ন্যায়কো চেতাউনি পিচামসা তাংবাকো দুনা য়িতেমসা আকু লোইহিং হুইতে।”12য়োংতোংবিহা হোমসা দিংঙাবিহিং “নাবি হাই মেংতাওয়া কাম জো আকু কামবিহিং ল্যাপুই তামসা হিংপায়ে।”13আবিহা উইসে মেংতাওয়া লাংবেবিহিং নোপায়ে, আসা উইসে হাইওয়া দিংঙাবিহিং চুইতি ন্যামসা সাংপায়ে।14ইশুকো মিং তাংসাকোতা বেইপুওয়াকো সোতা হেরোদ জাইপুরে দিংঙাবিকো নামুসো ইশুকো নুওয়াং হিংয়ে। লেরাহা এপা জাংদিংমি, “বাপ্তিস্মা পিচাওয়া য়হুন্নাহা সিপুওয়াসো ঙারোমকোগুং, আকো সোতারাং ইশুহা এপাজিংওয়া টেরবো টেরবো কামবিরে জোকো চুমগুং।”15লেরাহা এপা জাংসুদিংমি, “ইহা এলিয়ারাংগা তামসা।” আসা লেরাহা এপা জাংসুদিংমি, “নাগাইকো অগমবক্তাবিতাহা ইচোগা” তামসা।16ই তাংসা নুওয়াং হিংমসা হেরোদহা জাংয়ে, “আকুহা য়হুন্নাগা। কা পোরো ঠেপাপুতেমগা, আদো ন্যাসারাং ঙারোমকোগুং।”17হাংপাতানাহা হেরোদহা আপনিকো এ ফিলিপকো মেহিং এচাপুমি নিমি। আকো মিংহা হেরোদিয়াস নিমি। আসা হেরোদিয়াসকো সোতা হেরোদহা য়হুন্নাহিংয়া জেলতা প্যইমসা এমি নিমি।18বাপ্তিস্মা পিচাওয়া য়হুন্নাহা হেরোদহিং জাংয়াচাংমি, “লিংপাং অনুসারহা নাতিহা একো মেহিংয়া এপা পারামসা এচামতুকোগা।”19আকো সোতা আকো মে হেরোদিয়াসহা য়হুন্নাহিংপা সেদ্রাংদিংওয়া নিমি। আসা আকুহা য়হুন্নাহিং স্যাকো কেংদিংমি, আদো হেরোদ জাইপু মামানেওয়াকো সোতা আকুহা হাইরে জোকো মোচুতো,20হাংপাতানাহা হেরোদহা গেদিংমি, য়হুন্নাহা সেংজাকো লাংবেতা তেইওয়া দিংঙা তামসা। আকো সোতা হেরোদহা য়হুন্নাহিংপা চুসুংমসা য়হুন্নাহিংয়া মাস্যাপা এদিংমি, হেরোদহা য়হুন্নাকো জাংওয়া মোকোইদো, য়হুন্নাকো জাংওয়াহিংয়া এনতাচাংমি।21নোইস্যাতাহা হেরোদিয়াসহা বদলা লাংকো তামসা ইচো মৌকা মুংয়ে। হেরোদ জাইপুহা তাইকো কেওয়াকো দিনতাহা টেরবো টেরবো আপনিকো সাকো মাটাবিহিং, সিপাইবিহিং, গালীলকো মাটা দিংঙাবিহিং চাকো মোউয়ে।22আত্রংহা হেরোদিয়াসকো চেমেহা আকু পাটীতা য়ৌইয়ে। আকো য়ৌইওয়া তিংমসা জাইপুসো আউতা নিওয়া তাংসা দিংঙাবিকো তুংসিংহা গাগ্রুপা জিংপে। আসা জাইপুহা আকু চেমেহিংয়া জাংয়ে, “নাতি হাই য়া, কা আকুরাং পিচারোওয়া।”23ন্যাসারাং জাইপুহা নাপোইমসা জাংয়ে, “কুং লোইকো উওয়্যা মোংটো য়াদো কা পিচারোওয়া।”24আত্রংহা আকু চেমেহা তাইকো আয়ুকোতা হোমসা উইকায়ে, “আয়ো, কা হাং য়াকোগা?” আকো আয়ুহা জাংয়ে, “বাপ্তিস্মা পিচাওয়া য়হুন্নাকো পোরো য়া!”25আসা আত্রংতারাং চেমেহা জাইপুকোতা হোমসা জাংয়ায়ে, “কাহিং বাপ্তিস্মা পিচাওয়া য়হুন্নাকো পোরো নেত্তা বারাংতা পিচা।”26ই নুওয়াং হিংমসা জাইপু হেরোদকো তুংসিং চিচপুয়ে, আদো উইসে দিংঙাবিকো নাগাইতা নাপোইমসা জাংপুনতেমকো সোতা মিচারো তামসা জাংমক্যইতো।27আসা আকুহা আত্রংতারাং ইচো সিপাইহিং য়হুন্নাকো পোরো ঠেপামসা সোংকো তামসা আজ্ঞা জোয়ে। সিপাইহা জেলকো নাপোতা হোমসা য়হুন্নাকো পোরো ঠেয়ায়ে,28আসা বারাংতা চুংপামসা চেমেহিং পিচায়ে, আসা আকু চেমেহা তাইকো আয়ুকোতা সায়ে,29ই দেরেং হিংমসা য়হুন্নাকো য়োংতোংবি লেমসা আকো জুপাহিং য়োপুমসা তোম্যইতা লিকাপুয়ে।30বার্চো জেংওয়া পোইংবিহা ইশুকোতা লারেয়ে আসা আবি হাই হাই কাম জো, আবি তাংসা ইশুহিং হিংপারেহে।31আসা ইশুহা আবিহিংয়া ন্যাসারাং জাংয়ে, “তে, য়াংবি তাংসা চিচ্চোওয়া জায়গাতা হোমসা সায়াকো।” হাংপাতানাহা আউতাহা উইসে দিংঙাবি য়ায়া-য়ুয়ুপা নিমি, আকো সোতা ইশুসো য়োংতোংবিহা চাকো আংকোরে মামুংপা জিংপে।32আবিহা নোওয়াইতা বাইপুমসা ইচো চিচ্চোওয়া জায়গাতা হায়ে।33দিংঙাবিহা আবি হাংতা হ্যাদাংমে তিংয়ে আসা সিদা চ্যইয়ে আসা উইসে দিংঙাবিহা শহরসো ঠুউইপুমসা আবিরোমা নাগাই দেকানতেমি,34ইশুহা নোওয়াইসো উইনতানি উইসে দিংঙাবিহিং তিংয়ে, আসা আবিহিং তিংমসা ইশুহা লামতুপুয়ে, হাংপাতানাহা আবিহা গোইত্র মোতোওয়া লুকাবি বেপা নিমি। আসা আকুহা আবিহিংয়া উইসে নুওয়াংবি ঝিপায়ে।35আসা হাত্রং সিনি হুইপুদাং, আত্রংহা য়োংতোংবিহা আউতা লেমসা ইশুহিং জাংয়ে, “নেহা মারি-মোকেবদাংতেও আসা ই জায়গাহা চিচ্চোপা নিও।36ই দিংঙাবিহিং নিংপি। আবিহা আকু আবেইকো লোইবিতা হোমসা হাইক্রি চাওয়াবি-আংওয়াবি চোইচামসা চাচাকো।”37ইশুহা জাংয়ে, “নাবিরাং আবিহিং চাকো পিচা।” য়োংতোংবিহা আকুহিংয়া জাংয়ে, “এসে দিংঙাকো চাওয়া কোব্রেংহা লাবে নিহরা জাতাংকো ন্যাস্যা পুমসা কাবিহিং চোইয়ামসা চাকো পিচকো জাংমগা?”38ইশুহা জাংয়ে, “নাবিকোতা হাসে ইব্রেং কোব্রেং নিংগা কাংকে?” য়োংতোংবিহা কাংমসা জাংয়ে, “ঙাব্রেং কোব্রেং আসা নিহপু নায়া নিনা।”39আকো নোইতা ইশুহা তাইকো য়োংতোংবিহিং দিংঙাবিহিংয়া পারা-পারা জোমসা স্যাম্যাবিরিতা গাপাকো তামসা আজ্ঞা জোয়ে।40আকো সোতারাং দিংঙাবিহিংয়া একশো একশো আসা পচাঁশ পচাঁশ জোমসা হুরাপা গাপায়ে।41ইশুহা আকু ঙাব্রেং কোব্রেংসো নিহপু নায়া চুংমসা লোডিংবাতা তিমসা সেংজাহিং গারানি তাহে, আসা দিংঙাবিহিং পিচাকো তামসা কোব্রেং ছিমসা য়োংতোংবিহিং সোইয়ে। এপা জোমসারাং আকুহা নায়ারে দিংঙাবিহিং চোপোইপুয়ে।42আবি তাংসা গাইপা চায়ে।43আসা য়োংতোংবিহা চামসা লাওয়া নায়াসো কোব্রেংকো চোংব্রাবিহা বার্চো ডেংগে মেইপা য়োয়ে।44আউতা চাওয়া দিংঙাবিকো প্যাকোতাহা পাঁচ হাজার পোজাবি আসা আবিকো সাকো দিংঙাবিরে নিমি।45আত্রংতা ইশুহা আকো য়োংতোংবিহিংয়া দাব্রিকো নুব্যা বেথসেদা লোইতা নাগাই নোওয়াইতা নিংপুয়ে। আসা তাতিহা দিংঙাবিহিং নিংপুকো তামসা আউতা য়ুংতেহে।46দিংঙাবিহিং নিংপুমসা ইশুহা য়্যাগোতা পাচাইয়াকো হোয়ে।47মিরি মোপুনুওয়া য়োংতোংবিকো নোওয়াইহা দাব্রিকো প্যাকোতা নিমি, আত্রংহা ইশুহা ঝাহাদিকো আরিতারাং নিদিংমি।48বিংঙাহা তুইপেং ভিমসা ইশুহা নোওয়াইহিংয়া দাব্রিকো প্যাকোতা দেকানতেওয়া তিংয়ে। হাপকুং হোহোইনুওয়া ইশুহা তিকো তোই-তোই তেইপামসা য়োংতোংবিকোতা লেপায়ে। হাংতা নোওয়াই নি, আকুরোমা নাগাই দেকাদাংতেনুওয়া49য়োংতোংবিহা আকুহিংয়া তিকো তোই তোইসো তেইপামসা আপনিবিকোতা লেপাওয়া তিংমসা আবিহা জেসাং দেপানা তামসা চুসুংপুমসা চিলিংসুয়ে,50হাংপাতানাহা আকুহিং তিংমসা তাংসা চুসুংপুয়ে। ইশুহা আত্রংতারাং য়োংতোংবিহিং জাংয়ে, “কারাংগা, মাচ্ছুংগে, সাডিংপা জো।”51আকো নোইতা ইশুহা নোওয়াইতা বাইয়ে, আসা বিংঙারে সাংয়ে। ই তিংমসা য়োংতোংবিহা সিওপারাং আআংপেপেচপুয়ে,52হাংপাতানাহা ইশু পাঁচ হাজার দিংঙাবিহিং চাকো-আংকো পিচাওয়া তিংমসারে য়োংতোংবিকো তুংসিংহা মোকোইয়াংমি, আদো আবিকো তুংসিংহা লুংটুই বেপা নিমি।53ইশুসো আকো য়োংতোংবিহা দাব্রি পেংমসা গনেসোরেত তাওয়া লোইতা দেরেহে আসা নোওয়াইহিংয়া আরিতা এহে।54নোওয়াইসো উইনতানি দিংঙাবিহা ইশুরাং গুং তামসা নাইয়ে।55আসা আবিহা আউতা নিওয়া লোই-লোইতা ঠুইপুমসা হোমসা হাইমবিহিং ন্যাগু নিপা পুপামসা ইশুকোতা পারায়ে।56শহরতা, লোইতা হাংতা হাংতা ইশু হ্যা, আউতারাং দিংঙাবিহা হাইমবিহিং পুপামসা পারাচাংমি, আবিহা ইশুকো আংদুংকো আরিকো নামু মেংচে সুচা মুংকো তামসা জাংচোইচাংমি, আসা আকো আংদুং সুচা মুংওয়াবিহা সাংচাংমি।
The Seed Company