মর্কুস5
1ইশুহা য়োংতোংবিহিংপা গালীল দাব্রিকো নুব্যাই গেরাসিনবিকো লোইতা দেয়োংয়ে।2ইশু নোওয়াইসো উই-মুউইতি তোম্যইকো হোরোংবাংসো ইচো জেসাং দোইংচপুওয়া দিংঙাহা ইশুহিং দোসপাকো লেহে।3আকু দিংঙাহা তোম্যইবিরিতারাং য়ুংমি। হাংসুরে আকুহিংয়া সাংগ্লিসো তাইমসারে এমকোইমি।4হাংতানাহা আকুহিংয়া খুই-কোকোইবি তাইমসা এচাংদো, আকুহা সিংদিবি আসা সাংগ্লিবিহিংয়া দ্যইপাপুচাংমি। আকুহিংয়া হাংসুরে প্যইমসা একোহা মাচুমি।5আকুহা জেইশুংরে লিইশুংরে য়্যাগোতা আসা তোম্যইবিরিতা চিংচাই-বাকাইমসা কোইচাংমি, আসা আপনিকো জুপাহিংনাং লুংটুইসো ন্যাচপাপুচাংমি।6আকুহা ইশুহিং তানাংসোরাং তিংয়ে আসা ঠুইপামসা চুনুইমসা নুংরেহে,7আসা আকুহা ঙামসা জাংয়ে, “ও ইশু, টেবো সেংজাকো চেংওয়া, নাতিহা কাহিংয়া হাং জোদাংগা? সেংজাকো মিং লাংমসা কা জাংচারোওয়া, কাহিং মোকোইচ্যাপাপি।” হাংপাতানাহা ইশুহা আকু জেসাংহিংয়া নাগাইসোরাং নোপামসা লেই তামসা জাংপুনতেমি নিমি।9আসা ইশুহা আকুহিং উইয়ে, “নাকো মিং হাংগা?”
আকুহা জাংয়ে, “কুং মিংহা ফৌজ, হাংপাতানাহা কাবিহা উইসে নিনা।”10আসা আকু জেসাংহা ইশুহিং ন্যাসারাং “ই লোইসো কাবিহিং মিঘিপি” তামসা জাংচায়ে।11আত্রংহা য়্যাগ্যইতাহা উইসে পাকাবিকো পারা য়োচোই দিংমি।12জেসাংবিহা ইশুহিং “নাতিহা কাবিহিং আকু পাকাবিকোতা নিংপি, কাবিহা পাকাবিকো নাপোতা হোচারো তামসা জাংচায়ে।”13ইশুহা আবিহিংয়া হোপুই তামসা জাংয়ে, এপা জাংপুনতানি জেসাংবিহা আকু দিংঙাকো জুপাসো নোপুমসা পাকাবিকোতা হোপুয়ে। পাকাবিহা বাংপুমসা য়্যাগোইসো ট্যংমসা ঝাহাদিতা নুচপুমসা সিপুয়ে। আউতা সিপুওয়া পাকাবিহা দুই হাজার নিমি।14পাকা ল্যাচোইমবিহা ঠুইপুমসা হোমসা ই নুওয়াংবি দিংঙাবিহিং লোই-লোইতা আসা শহরতা হিংপায়ে। আসা আত্রংহা উইসে দিংঙাবিহা হাং জিংপুমে তামসা কাংকো লেহে।15আবিহা নাগাইকো জেসাংবি দ্যইংচপুওয়া দিংঙাহিং সাংমসা আংদুং লুচামসা ইশুহিংপা গাদিংওয়া তিংয়ে। আসা দিংঙাবিহা চুসুংপে।16আউতা এপা জিংপুওয়া তিংওয়া দিংঙাবিহা আকু জেসাং দ্যইংচপুওয়া দিংঙাকো নুওয়াং আসা পাকাবিকো ট্যইংপুওয়া নুওয়াংবিহা আউতা ওয়াংওয়া দিংঙাবিহিং হিংপায়ে।17আসা দিংঙাবিহা ই নুওয়াং হিংমসা ইশুহিং কাবিকো লোইহিং হুইতেমসা হ্যাপুই তামসা জাংচায়ে।18ইশুহা হাত্রং আকু লোইসো নোওয়াইতা বাইপুমসা হাদাং, আত্রংহা আকু সাংওয়া দিংঙাহা ইশুহিং জাংচায়ে, “কাহিংনে নাতিহিংপারাং পুরাপি।”19আদো ইশুহা আকুহিংয়া এপা জাংমসা নিংপুয়ে, “নাতিহা নাকো সাতা হোতু আসা সেংজাহা নাকো তোইতা হাসেকো টেবো কাম জোমি নিমমে, আসা নাকো তোইতা হাসেকো লামতুমসা কাম জোমি নিমমে আকুহা নাকো আপনিকো দিংঙাবিহিং হিংপাতু।”20আকু দিংঙাহা হোপুয়ে, আসা ইশুহা আকো তোইতা হাসেকো টেবো কাম জোমমে আকো বিষয়তা ত্যাচো শহরতা হোমসা দিংঙাবিহিং হিংপায়ে। আসা আকো নুওয়াং হিংওয়া দিংঙাবিহা তাংসা আআংপেপেচপুয়ে।21ইশু নোওয়াইতা বাইপুমসা ন্যাসারাং দাব্রিকো নুব্যাকো আরিতা হ্যানুওয়া আকো হুরাপা দিংঙাবিহা দাব্রিকো আবিতা দেয়োংয়ে, আত্রং চোইপা ইশুহা দোব্রিকো আরিতারাং জাদিংমি।22জোংসুওয়া সাকো মাটা য়াইরোস মিংকো ইচো দিংঙাহা আউতা লেহে, ইশুহিং তিংনুওয়া আকুহা ইশুকো কোকোইতা চুইনুইয়ে,23আসা ইশুহিং জাংচায়ে, “কুং, চিংসোইরি চেমেহা সিপুদাংতেনা। নাতিবেমি হোমসা আকো তোইতা খুই ওইপিনাহা আকুহা সাংরোওয়া।”24ইশুহা য়াইরোসহিংপা হোয়ে। আসা উইসে দিংঙাবিহা ইশুকো নুনুই হুইপুমসা আকো হুরাপা জিটুং-মিটুংপা জিংপুয়ে।25আকু উইসে দিংঙাবিকো প্যাকোতাহা ইচো মেমে নিমি। আকু মেমেকোতাহা লো বার্নিংসো য়ুতি মাচ্যাওয়া হাইওয়া নিমি।26আকুহা উইসে সাংপাওয়া দিংঙাবিহিং কাংপাদো আকো হাইওয়া মাসাংয়াংমি। আকোতা নিওয়া তাংসা পুংজিবিহা আকু হাইওয়াতারাং মাচানতেমি, আদো আকো হাইওয়াহা সিও-সিওপা চিয়োপুনতেমি।27আকুহা দোসরা দিংঙাবিকোসো ইশুকো নুওয়াং হিংমসা জিটুং-মিটুংপা নিওয়া দিংঙাবিকো নোইসো লেমসা ইশুকো আবেইতা জারেমসা আকো আংদুং সুরেয়ে,28হাংপাতানা আকুহা নোদিংমি, “ইকোই মেংচে ইশুকো আংদুং সুনারাং কা সাংচারোওয়া।”29ইশুকো আংদুং সুনতানি আকো য়ুতি হ্যাওয়া চ্যায়ে, আসা আকুহা সিদা চ্যইয়ে তাইকো জুপাতা নিওয়া হাইওয়া সাংয়ে তামসা।30ইশুহা তাত্রিংপা সিদা চ্যইয়ে, তাইকো জুপাসো সে নোপুওয়া। আকো সোতা আকুহা তাংসাহিং হুরামসা ন্যইয়ে আসা উইয়ে “হাংসু কুং আংদুং সুংগা?”31আকো য়োংতোংবিহা জাংয়ে, “কাং, নাতিরাং তিংদিংয়ো! দিংঙাবিকো জিটুং-মিটুংপা জু্ইশুওয়া, আদো নাতিহা জাংদিংয়ো কাহিং হাংসু সুমগা তামসা?”32আদো ইশুহা কাহিংয়া হাংসু সুমমে তামসা তাংসাহিং হুরামসা ন্যইয়ে।33আত্রংহা আকু মেমেহা তাইকোতা হাইজিংপু আকু সিদা চ্যইমসা পিপিং-দোদোউপা ইশুকো কোকোইতা চুনুইমসা নুংরেহে। আসা তাংসা নুওয়াং ইশুহিং ল্যারেয়ে।34ইশুহা আকুহিংয়া জাংয়ে, “ও চেমে, নাকো দেংওয়াসোরাং নাতিহা সাংয়ে। এনতাপা হোতু, নেহা নাকো হাইওয়া সাংপুকো।”35ইশু য়্যইদিংওয়া কোকোইত্তা, জোংসুওয়া সাকো মাটা য়াইরোসকো সাসো দিংঙাবি লেমসা য়াইরোসহিং জাংরেহে, “নাকো চেমে সিপুনতেনা, নেহা উটকেওয়াহিংয়া মোকোইচ্যাপাগে।”36আদো আকু দিংঙাবিকো জাংওয়া নুওয়াং মিহিংমেপা জোমসা ইশুহা জোংসুওয়া সাকো মাটা য়াইরোসহিং জাংয়ে, “মাচ্ছুংগে, সেংজাকো তোইতা মেংচে দেংকো জো।”37ইশুহা পত্রস, য়াকুব আসা আকো এ য়হুন্নাহিং ল্যামসা হাংসুহিংনে আপনিহিংপা মাপুরাতো।38ইশুহা য়াইরোসকো সাতা দেয়োংনুওয়া দিংঙাবিহা য়েদোই-কেদোইসদিংমি আসা চিলিংমসা কাইসুদিংমি।39ইশুহা নাপোতা হোমসা দিংঙাবিহিং জাংয়ে, “নাবিহা হাংপা চেলোউ-মেলোউপা কাইশুমগা? চেংহা মিসিয়াংনা, আদো জিংদিংনা।”40ই নুওয়াং হিংমসা দিংঙাবিহা লেংসুয়ে। আত্রংহা ইশুহা আবিহিংয়া সাসো বাইরেতা নিংপুয়ে, আসা চেংকো আয়ুসো আপা আসা তাতিহিংপা নিওয়া য়োংতোংবিহিং পুরামসা চেমে নিওয়া সিরিতা হোয়ে।41আকুহা চেংকো খুই চুংমসা জাংয়ে, “তালিতা কুমি।” [গ্রিক ক্যাতাহা ই জাংওয়াহা “ও চেমে, কা জাংরোওয়া লো।”]42আসা চেমেহা তাত্রিংপা লোমসা তেইয়ে। ই তিংমসা আবিহা আজিপ্পারাং আআংপেপেচপুয়ে। আকুহা লো বার্নিংকো চেমে নিমি।43আসা ইশুহা আবিহিং সাডিংপা জিংমসা “ই নুওয়াং হাংসুহিংনে মাজাংকো” তামসা জাংয়ে, আসা চেংহিং হাইক্রি চাওয়া-আংওয়াবি পিচা তামসা আবিহিং জাংয়ে।
আকুহা জাংয়ে, “কুং মিংহা ফৌজ, হাংপাতানাহা কাবিহা উইসে নিনা।”10আসা আকু জেসাংহা ইশুহিং ন্যাসারাং “ই লোইসো কাবিহিং মিঘিপি” তামসা জাংচায়ে।11আত্রংহা য়্যাগ্যইতাহা উইসে পাকাবিকো পারা য়োচোই দিংমি।12জেসাংবিহা ইশুহিং “নাতিহা কাবিহিং আকু পাকাবিকোতা নিংপি, কাবিহা পাকাবিকো নাপোতা হোচারো তামসা জাংচায়ে।”13ইশুহা আবিহিংয়া হোপুই তামসা জাংয়ে, এপা জাংপুনতানি জেসাংবিহা আকু দিংঙাকো জুপাসো নোপুমসা পাকাবিকোতা হোপুয়ে। পাকাবিহা বাংপুমসা য়্যাগোইসো ট্যংমসা ঝাহাদিতা নুচপুমসা সিপুয়ে। আউতা সিপুওয়া পাকাবিহা দুই হাজার নিমি।14পাকা ল্যাচোইমবিহা ঠুইপুমসা হোমসা ই নুওয়াংবি দিংঙাবিহিং লোই-লোইতা আসা শহরতা হিংপায়ে। আসা আত্রংহা উইসে দিংঙাবিহা হাং জিংপুমে তামসা কাংকো লেহে।15আবিহা নাগাইকো জেসাংবি দ্যইংচপুওয়া দিংঙাহিং সাংমসা আংদুং লুচামসা ইশুহিংপা গাদিংওয়া তিংয়ে। আসা দিংঙাবিহা চুসুংপে।16আউতা এপা জিংপুওয়া তিংওয়া দিংঙাবিহা আকু জেসাং দ্যইংচপুওয়া দিংঙাকো নুওয়াং আসা পাকাবিকো ট্যইংপুওয়া নুওয়াংবিহা আউতা ওয়াংওয়া দিংঙাবিহিং হিংপায়ে।17আসা দিংঙাবিহা ই নুওয়াং হিংমসা ইশুহিং কাবিকো লোইহিং হুইতেমসা হ্যাপুই তামসা জাংচায়ে।18ইশুহা হাত্রং আকু লোইসো নোওয়াইতা বাইপুমসা হাদাং, আত্রংহা আকু সাংওয়া দিংঙাহা ইশুহিং জাংচায়ে, “কাহিংনে নাতিহিংপারাং পুরাপি।”19আদো ইশুহা আকুহিংয়া এপা জাংমসা নিংপুয়ে, “নাতিহা নাকো সাতা হোতু আসা সেংজাহা নাকো তোইতা হাসেকো টেবো কাম জোমি নিমমে, আসা নাকো তোইতা হাসেকো লামতুমসা কাম জোমি নিমমে আকুহা নাকো আপনিকো দিংঙাবিহিং হিংপাতু।”20আকু দিংঙাহা হোপুয়ে, আসা ইশুহা আকো তোইতা হাসেকো টেবো কাম জোমমে আকো বিষয়তা ত্যাচো শহরতা হোমসা দিংঙাবিহিং হিংপায়ে। আসা আকো নুওয়াং হিংওয়া দিংঙাবিহা তাংসা আআংপেপেচপুয়ে।21ইশু নোওয়াইতা বাইপুমসা ন্যাসারাং দাব্রিকো নুব্যাকো আরিতা হ্যানুওয়া আকো হুরাপা দিংঙাবিহা দাব্রিকো আবিতা দেয়োংয়ে, আত্রং চোইপা ইশুহা দোব্রিকো আরিতারাং জাদিংমি।22জোংসুওয়া সাকো মাটা য়াইরোস মিংকো ইচো দিংঙাহা আউতা লেহে, ইশুহিং তিংনুওয়া আকুহা ইশুকো কোকোইতা চুইনুইয়ে,23আসা ইশুহিং জাংচায়ে, “কুং, চিংসোইরি চেমেহা সিপুদাংতেনা। নাতিবেমি হোমসা আকো তোইতা খুই ওইপিনাহা আকুহা সাংরোওয়া।”24ইশুহা য়াইরোসহিংপা হোয়ে। আসা উইসে দিংঙাবিহা ইশুকো নুনুই হুইপুমসা আকো হুরাপা জিটুং-মিটুংপা জিংপুয়ে।25আকু উইসে দিংঙাবিকো প্যাকোতাহা ইচো মেমে নিমি। আকু মেমেকোতাহা লো বার্নিংসো য়ুতি মাচ্যাওয়া হাইওয়া নিমি।26আকুহা উইসে সাংপাওয়া দিংঙাবিহিং কাংপাদো আকো হাইওয়া মাসাংয়াংমি। আকোতা নিওয়া তাংসা পুংজিবিহা আকু হাইওয়াতারাং মাচানতেমি, আদো আকো হাইওয়াহা সিও-সিওপা চিয়োপুনতেমি।27আকুহা দোসরা দিংঙাবিকোসো ইশুকো নুওয়াং হিংমসা জিটুং-মিটুংপা নিওয়া দিংঙাবিকো নোইসো লেমসা ইশুকো আবেইতা জারেমসা আকো আংদুং সুরেয়ে,28হাংপাতানা আকুহা নোদিংমি, “ইকোই মেংচে ইশুকো আংদুং সুনারাং কা সাংচারোওয়া।”29ইশুকো আংদুং সুনতানি আকো য়ুতি হ্যাওয়া চ্যায়ে, আসা আকুহা সিদা চ্যইয়ে তাইকো জুপাতা নিওয়া হাইওয়া সাংয়ে তামসা।30ইশুহা তাত্রিংপা সিদা চ্যইয়ে, তাইকো জুপাসো সে নোপুওয়া। আকো সোতা আকুহা তাংসাহিং হুরামসা ন্যইয়ে আসা উইয়ে “হাংসু কুং আংদুং সুংগা?”31আকো য়োংতোংবিহা জাংয়ে, “কাং, নাতিরাং তিংদিংয়ো! দিংঙাবিকো জিটুং-মিটুংপা জু্ইশুওয়া, আদো নাতিহা জাংদিংয়ো কাহিং হাংসু সুমগা তামসা?”32আদো ইশুহা কাহিংয়া হাংসু সুমমে তামসা তাংসাহিং হুরামসা ন্যইয়ে।33আত্রংহা আকু মেমেহা তাইকোতা হাইজিংপু আকু সিদা চ্যইমসা পিপিং-দোদোউপা ইশুকো কোকোইতা চুনুইমসা নুংরেহে। আসা তাংসা নুওয়াং ইশুহিং ল্যারেয়ে।34ইশুহা আকুহিংয়া জাংয়ে, “ও চেমে, নাকো দেংওয়াসোরাং নাতিহা সাংয়ে। এনতাপা হোতু, নেহা নাকো হাইওয়া সাংপুকো।”35ইশু য়্যইদিংওয়া কোকোইত্তা, জোংসুওয়া সাকো মাটা য়াইরোসকো সাসো দিংঙাবি লেমসা য়াইরোসহিং জাংরেহে, “নাকো চেমে সিপুনতেনা, নেহা উটকেওয়াহিংয়া মোকোইচ্যাপাগে।”36আদো আকু দিংঙাবিকো জাংওয়া নুওয়াং মিহিংমেপা জোমসা ইশুহা জোংসুওয়া সাকো মাটা য়াইরোসহিং জাংয়ে, “মাচ্ছুংগে, সেংজাকো তোইতা মেংচে দেংকো জো।”37ইশুহা পত্রস, য়াকুব আসা আকো এ য়হুন্নাহিং ল্যামসা হাংসুহিংনে আপনিহিংপা মাপুরাতো।38ইশুহা য়াইরোসকো সাতা দেয়োংনুওয়া দিংঙাবিহা য়েদোই-কেদোইসদিংমি আসা চিলিংমসা কাইসুদিংমি।39ইশুহা নাপোতা হোমসা দিংঙাবিহিং জাংয়ে, “নাবিহা হাংপা চেলোউ-মেলোউপা কাইশুমগা? চেংহা মিসিয়াংনা, আদো জিংদিংনা।”40ই নুওয়াং হিংমসা দিংঙাবিহা লেংসুয়ে। আত্রংহা ইশুহা আবিহিংয়া সাসো বাইরেতা নিংপুয়ে, আসা চেংকো আয়ুসো আপা আসা তাতিহিংপা নিওয়া য়োংতোংবিহিং পুরামসা চেমে নিওয়া সিরিতা হোয়ে।41আকুহা চেংকো খুই চুংমসা জাংয়ে, “তালিতা কুমি।” [গ্রিক ক্যাতাহা ই জাংওয়াহা “ও চেমে, কা জাংরোওয়া লো।”]42আসা চেমেহা তাত্রিংপা লোমসা তেইয়ে। ই তিংমসা আবিহা আজিপ্পারাং আআংপেপেচপুয়ে। আকুহা লো বার্নিংকো চেমে নিমি।43আসা ইশুহা আবিহিং সাডিংপা জিংমসা “ই নুওয়াং হাংসুহিংনে মাজাংকো” তামসা জাংয়ে, আসা চেংহিং হাইক্রি চাওয়া-আংওয়াবি পিচা তামসা আবিহিং জাংয়ে।
The Seed Company