Isai4
1Nami ni khe dow lainowmma kachakuüa na-e kown. Naiawng rakowi kachakuüa lowk ia kowi masiuüa ranit ia natownah hanow natek pe kown mih, “Anging matia vüi chakkham hai khupdip tawngklai anging nakram kown taih; en masi pami kham anging krowngchow now na taih. Ka hua dowi mih rukraira henta anging diah,” napa kown.2Nami ni khe dow CHAKRAMANG kowh singh mia mih klangiungma hai kri kraingma naphaw kown.Pren kowi kowh uih dow ta sing uowi mih Israeluüa kowh bawrira hai kri kraing müa uanh nachowng kown.3Nami ni khe dow Zaiawn kowi kowh ta sing uowi miuüa kowi chimsaima mih maru pahai nahawah bowt kown.Amatni kowh dow Jerusalem kowi nata sing kownkow ming rui uowi khowk chekhai.4Zaiawn kowh sürlawi hai Jerusalem sai maru mih vi lawi natama bowt kown.Nami dow aia kowh tara chet müa maih hown CHAKRAMANG nasawk nasauta pe bowt kown.5Nakhowk khe dow Zaiawn hungh luk kowi hai nakowi kowh takua talawm miuüa maten luk kowini-e kowh vüi uangnim hai uar-e kowh vüi lün pluplup mih maih nowi CHAKRAMANG natow pe kown.CHAKRAMANG kowh kraingra dow Zaiawn luk kowi natakhu kown.6Nami kraingra dow ni-e kowh sat den hownia tatung tanimra nachowng kown,now liku uangchak uang khe kowh tatung tanimra nachowng kown.
The Seed Company