Isai18
1Ethiawpia pren aw paipra pown kowi kowh pren luk kowi piakra nauang ting kown mih dow kramra uowi lai kowbow!Amatni kowh chawnlawng dow alap uowi mih iawng lowra prakowi cham krawi kowi khai.2Amatni dow tui luk iawng uaklung hown thawpah mih lawng hown cham chin ria mang mih khai.Alenma mih ria mang miuüa low, akroma panow pik mia sisurma miuüa tut-e kowkowi büa diah.Atawnchow mih hai alakma mih maru-uüa kramah mih chenchapuüa tut-e kowkowi büa diah.Akeng chenchapuüa kowi krawi thua reng mih chenchapuüa tut-e kowkowi büa diah.Awchawng awlang hown bak pren miuüa tut-e kowkowi büa diah.3Lusa kowi kowh maru-uüa low, hungma mawngma kowi tawng khe chow siphaiuüa naruang tamkhuown kown mih tang mü büa diah,now tawng khe chow natum baw kown mih sünta büa diah.4CHAKRAMANG tek ang mih, “Kuangchan achimchow mih hownia sat uang iiu den mih iawng ang naiiu mü kown;luprak ngen khin khe linlanma uangnim uang uowi mih iawng ang uowi rah hownia rarim raramma ang naiiu mü kown,” pakhai.5Ngen luprak dowi rawn aprek sar mih saichow hown aia nakrawi kretta kown,now krawi taprek mih amia maten dow aia nakuakta kown;6Ethiawpia siphaiuüa kowh uak dow hungh kowi kowh langta hai kaurawng uaramchak hawmh tut-e nacham kuakta bowk kown:satma palawng amatni kowi dow langta nachaah kown,now chungrau palawng amatni kowi mih kaurawng uaramchak hawmh nachaah kown.7Nami khin khe mukuang siphaiuüa kowh CHAKRAMANG tut-e awmrawm sung nauang ting kown,aia kowi dow naiawngün awmrawm sung mih akroma panow pik mia sisurma mih chenchap nauang peah kown.Nami chenchap dow atawnchow hai alakma kowi kowh maru-uüa kramah mih chenchap chekhai,nami chenchap dow awchawng awlang hown bak pren mih chenchap chekhai.Nami chenchapuüa hownia kowh awmrawm sung dow mukuang siphaiuüa kowh CHAKRAMANG uowi rah Zaiawn hungh kowi nauang pawla kown.
The Seed Company