Ис65
1«Кӧ Мыйын нерген йодыштын огыл –Мый Шкемым нунылан палдаренам,кӧ Мыйым кычалын огыл – нуно муыныт.”Мый тыште, Мый тыште улам!” –Мыйын лӱмем дене огыл лӱмдалтше калыклан ойленам.2Кечыгут Мый кидем вуянче калык дек шуенам,кӧмыт уда корно дене, шке шонымышт почеш коштыт –3калык деке, кӧмыт Мыйым эре сырыктат,отылаште надырым кондат,кермыч ӱмбалне тамлыпушым йӱлалтат.4Шинчат нуно шӱгарыште,курыкпомышто йӱдым эртарат,сӧсна шылым кочкыт,кӧршӧкеш тӱрлӧ йырныкым шолтат.5Молылан ойлат: ”Мый декем ит лишем, тораште шого –мый тылат святой улам”.Нуно Мылам нерым чыгылтыше шикш гай,кечыгут йӱлышӧ тул гай улыт.6Теве тидым Мыйын чурием ончылно возымо.Шып ом лий, но пӧртылтем,пӱтынек Мый нунылан пӧртылтем7нунын сулыкыштлан, тыгак ачаштын сулыкыштлан, –ойла Господь. –Вет курыклаште нуно тамлыпушым тӱтыреныт,кӱкшакалаште Мыйым намысленыт.Ондак ыштыме пашаштлан Мый нунылан тичмашнек пӧртылтем».8Тыге ойла Господь:«Кунам виноград орлаҥгын сокшо эше уло, каласат:”Тудлан зияным ит ыште – уло тушто суап”.Тыгак Мыят шке тарзе-влакем арален кодем,нуным чылаштым ом пытаре.9Иаков деч Мый тукымым шуем,Иудам курыкем-влакын озаштым ыштем.Мыйын ойырен налме калыкем тушто оза лиеш,тарзем-влак тушто илаш тӱҥалыт.10Мыйын чурием кычалше калыкемланШарон лиеш шорык кӱтымӧ вер,Ахор лапвер – шолдыра вольыкын каныме верже.11А тендам, кӧмыт Господьым коденыт,Мыйын святой курыкем монденыт,кӧмыт Гадлан ӱстелым погатда Менин коркашкыже тамлештарыме йошкар аракам темат –12тендам Мый кердылан пуэм,сукен шинчыда те чылан да руэн пуштмо лийыда.Вет ӱжынам Мый тендам – пуэн огыдал вашмутым,ойленам – те колыштын огыдал.Шинча ончылнем осалым ыштенда,мо ок келше Мылам, тудым ойыренда».13Садлан Господь Юмо тыге ойла:«Мыйын тарзем-влак кочкыт,а те шужен шинчаш тӱҥалыда,Мыйын тарзем-влак йӱыт,а те йӱде орланаш тӱҥалыда.14Мыйын тарзем-влак куанаш тӱҥалыт,а те намысыште лийыда.Мыйын тарзем-влак куанен кычкыраш тӱҥалыт,а те шӱм-чон орлыкда дене кычкырен шортыда –тендан чондам йӧсылык авалта.15Мыйын ойырен налме-влакемлантендан лӱмда каргымаш семын лиеш.Господь Юмо тендам пытара,а шке тарзыже-влаклан вес лӱмым пуа.16Тиде мландыште шкаланже суапландарымашым йодшо кажне еҥтудым чын Юмын лӱмжӧ дене йодаш тӱҥалеш,тиде мландыште товатмутым пуышо кажне айдемечын Юмын лӱмжӧ дене товатлаш тӱҥалеш.Эртыше орлык мондалтеш,Мыйын шинча ончычем тудо йомеш.17Теве Мый у кава ден у мландым ыштем,шарнаш огыт тӱҥал ончычсым,огеш лий тудо ушыштат.18А те мом ыштымемлан куанаш, курымеш йывырташ тӱҥалыда.Мый Иерусалимым йывыртымаш олам ыштем,тушто улшо калыкым куан дене темем!19Мый Шкежат йывыртем Иерусалимлан,куанаш тӱҥалам шке калыкемлан.Шортмо да варгыжме йӱк тетла тушто ок шокто.20Тушто икмыняр кече гына илыше аза ок лий,шоҥго еҥат ӱмыр лугыч ок коло.Каласат шӱдӧ ияш колышо нерген: ”самырык колен”,кӧ шӱдӧ ийым ок шукто – каргыме еҥлан шотлат.21Чоҥат нуно пӧртым – илаш тӱҥалыт шкештак,шындат виноградым – саскажым кочкыт шкеак.22Чоҥымо пӧртыштышт весе-влак тетла огыт иле,шындыме кушкылыштын саскаштым весе-влак тетла огыт коч.Пушеҥге семын Мыйын калыкем кужу ӱмыран лиеш.Мыйын ойырен налме-влакеммом ыштымыштым шкеак кучылтыт.23Огеш лий нунын тыршымышт арам,ӱмыр лугыч лийше йочашт ок лий.Лийыт нуно Господьын суапландарыме калыкше –нуно шкешт да ончыкылык тукымышт.24Ӱжын кумалмышт деч ончычак Мый нунылан вашештем,эше ойлымыштым огыт чарне – Мый нуным колам.25Пире ден пача пырля кочкын кошташ тӱҥалыт,лев ӱшкыж семын олымым кочкаш тӱҥалеш,а кишкылан кочкыш мланде пурак лиеш.Мыйын святой курыкыштемнимогай осал ден эҥгекым огыт ыште», –ойла Господь.
Institute for Bible Translation, Finland