Ис66
1Тыге ойла Господь:«Пылпомыш – Мыйын престолем,а мланде – йол шындыме верем.Могай пӧртым Мыланем те чоҥен кертыда,могай верыште Мый канаш тӱҥалам?2Чыла тидым Мыйын кидем ыштен,теве тыге чылажат ышталтын! – ойла Господь.Но теве кӧ дек Мыйын поро кумылем:кӧ ӧкынышӧ да ӱҥышемше шӱлышан,кӧ Мыйын шомакем пырткен колыштеш.3Ӱшкыжым шӱшкылшӧ [осал еҥ] –айдемым пуштшо дене иктак;пачам надырлан кондымаш тудланпийым пиктен пуштмо дене иктак,кинде надырым кондымаш –сӧсна вӱрым кондымо дене иктак,ладыным [шарныктыш семын] тӱтырымаш –шояк юмылан кумалме дене иктак.Нуно шкаланышт келшыше корным ойырен налыныт,йырнык пашаштлан нуно куанат.4Садлан Мыят тыге ыштымыштлан нуным чуриктарем,мо деч лӱдыныт – нунылан тидымак колтем.Мый ӱжынам, но вашмутым пуышо лийын огыл,ойленам – нуно колыштын огытыл.Шинча ончылнем нуно осалым ыштеныт,мо ок келше Мылам – тудым ойыреныт».5Господьын шомакшым пырткен колыштшо-влак,Тудын мом ойлымыжым колыштса:«Иза-шольыда-влак, кӧмытын тендам ужмышт ок шу,кӧмыт тендам Мыйын лӱмемлан кӧра поктен колтат, тыге ойлат:”Тек Господь шке чапшым ончыкта,тунам тендан куандам ончалына!”Но нуно намысыш пурат».6Теве ола гыч йӱк-йӱан, храм гыч гӱжлымӧ йӱк шокта!Тиде – Господьын йӱкшӧ, тушманже-влаклан Тудо ӱчым шукта.7Мӱшкырым пӱтырашат тӱҥалын огыл, а Сион азам ыштен,эше коршташат тӱҥалын огыл, а тудо эргым ыштен!8Кӧ тыгайым колын, кӧ ужын тыгайым?Шочеш мо эл ик кечыште але калык – ик татыште?Но Сионын мӱшкыржӧ пӱтыраш тӱҥалын веле,тунамак эргыж-влакым ыштен.9«Мӱшкыран ӱдырамашым аза шочмо жап марте шуктымеке,Мый тудлан ышташ ом пу мо? – ойла Господь.Мый, азам ышташ полшышо, тудлан корным петырем мо?» –ойла тыйын Юмет.10Иерусалим дене пырля чылан куаныза,Иерусалимым йӧратыше-влак, тудлан йывыртыза!Чылан, кӧ тудын шотышто ойгырен шортын,тудын дене пырля куаныза!11Тендам аза семын тудо пукша,оҥжо пелен те лыпландарыме лийыда,тудын чапшын шӧржым, келанен, шер теммеш йӱыда.12Вет Господь тыге ойла:«Колтем Мый тудын дек эҥер семын тыныслыкым,ташлыше йогын семын калык-влакын поянлыкыштым.Тӱҥалыт тендам пукшаш, кидыште нумалашда пулвуйваке шынден рӱпшаш.13Кузе ава шке икшывыжым лыпландара,туге Мый тендам лыпландарем,Иерусалимыште те лийыда лыпландарыме».14Тидым ужын, шӱм-чонда куана,да нӧргӧ шудо семын капда ӱнарым налеш.Господьын вийже Тудын тарзыж-влак ӱмбалне палдырна,а тушманже-влак ӱмбак шыдыже йога.15Теве Господь тул лоҥгаште толеш,орваже-влак улыт пуйто тӱтан мардеж.Кугу шыдыжым Тудо опталеш,Тудын шылталымыже – пуйто тулйылме.16Тул дене да шке кердыж денеГосподь кажне айдемылан судым ышта,Тудын кидше деч шуко еҥ пыта.17«А кӧмыт, икте почеш весе,отыш каяш шкеныштым эрныктен ямдылат,сӧсна шылым, колям да моло йырныкым кочкыт,нуно чыланат пытат, – ойла Господь. –18Пашаштым да шонымашыштым пален, Мый чыла калыкым, тӱрлӧ йылме дене кутырышо-влакым, погаш каем. Нуно толыт да Мыйын чапем ужыт,19да Мый нунын ӱмбак палдарыше палым пыштем. Нунын кокла гыч утаралт кодшо южо еҥым Мый калык-влак деке колтем: Фарсисыш, Пулыш, пикшызе-влак илыме Лудыш, Тувал ден Иаваныш, тораште улшо отролашке – тушто Мыйын нерген колын огытыл да Мыйын чапем ужын огытыл. Нуно калык-влаклан Мыйын чапем нерген увертарат.20Чыла калык кокла гыч нуно тендан чыла иза-шольыдам Иерусалимыш, Мыйын святой курыкышкем, Господьлан пӧлек шотеш имне дене, орва да ула дене, мул да верблюд дене кондат, – ойла Господь. – Кузе израиль эрге-влак Господьын пӧртыш кинде надырым ару атеш кондат, нунат тыгак кондымо лийыт.21Нунын кокла гыч южо еҥжым Мый иерей ден левит-влаклан шогалтем», – ойла Господь.22«Кузе Мыйын ыштыме у кава ден у мландеМыйын чурий ончылнем эре лийыт, – ойла Господь, –тугак тендан тукымда ден лӱмдаМыйын чурий ончылнем эре лийыт.23Тунам кажне у тылзын, кажне шуматкечынчыла еҥ Мый декем вуйым саваш толеш, – ойла Господь.24А лекмекышт, нуно Мый дечем кораҥше-влакын колышо капыштым ужыт:нунын шукшыштат ок коло, тулат ок йӧрӧ –кажне еҥлан нуно йырнык лийыт».
Institute for Bible Translation, Finland