Numbers29
1"हरेक साल सातवाँ महीना के पहिला दिन यहोवा के सम्मान करे लागी पवित्र सभा करे के चाही। तोरा ऊ दिन कोई काम-काज रोजाना के जइसन नऽ करे के चाही। ई ऊ दिन होत जखनी तूँ तुरही फूकवऽ। 2हरेक साल सातवाँ महिना के पहिला दिन तोरा यहोवा लागी मनभाऊ होमबलि चढ़ावे के चाही। ताकि मीठा सुगन्ध फईले। तोरा एगो बछड़ा, एगो मेढ़ा, आउर सातगो बेकसूर भेड़ के मेम्ना के चढ़ावे के चाही।3आउर तूँ ओकरा साथे तीन किलोग्राम अन्नबलि चढ़ईहऽ मतलब कि जैतून के तेल से सानल आटा, बैल लागी एपा के तीन दशमांश हिस्सा, आउर बछड़ा के पीछे मेढ़ा के साथे एपा के दू दसमांश भाग।4आउर सातगो भेड़ के मेम्नामन में से हरेक मेम्ना लागी दसमांश हिस्सा दिहऽ।5तोरा अपना पछतावा करे लागी एगो बकरी के एगो बच्चा पापबलि के रूप में चढ़ावे के चाही।6सातवाँ महीना में ई सभे चढ़ावा के हरेक महीना के पहला तारीख के तूँ जौन चढ़ईवऽ, मतलब कि होमबलि आउर अन्नबलि चढ़ईहऽ। ई रोजाना होमबलि, आउर ओकर अन्नबलि आउर ओकर अर्घ के चढ़ावा अलगे होवे के चाही। जखनी तूँ ई सभे भेंटवन के चढ़ईहऽ, तऽ तूँ ऊ बतिया के पालन करिहऽ जौन सुगन्ध फइलावे के आज्ञा देवल गेल हे, मतलब कि यहोवा लागी आग में चढ़ावल गेल बलिदान। 7सातवाँ महीना के दसवां दिन तोर माफी के दिन होत येहिसे यहोवा के आदर में तोरा एगो पवित्र सभा करे के चाही। तोरा खुद के नरम बनावे के चाही आउर उपवास में रह के अपन पाप लागी दुःख प्रकट करऽ आउर कोई काम नऽ करे के चाही।8तोरा होमबलि चढ़ावे के चाही ताकि यहोवा लागी मीठा सुगन्ध फईलावल जाय। तोरा एक साल के एगो बछड़ा, एगो मेढ़ा आउर सातगो नर मेम्नामन के चढ़ावे के चाही। जेकरा में कोई ऐब नऽ होवे के चाही।9तूँ ओकरा साथे अन्नबलि चढ़ईहऽ, मतलब कि तेल से सानल मैदा, बछड़ा लागी एपा के तीन दशमांश हिस्सा, आउर एगो मेढ़ा लागी दू दशमांश भाग चढ़ईहऽ।10आउर हरेक सातगो मेम्ना लागी एपा के दसवां हिस्सा चढ़ईहऽ।11तोरा पापबलि के रूप में एगो बकरा चढ़ावे के चाही। ई पछतावा, रोजाना होमबलि, अन्नबलि आउर उनकर अर्घ के बलिदान के अलावे होत।12सातवाँ महीना के पन्द्रहवाँ दिन यहोवा के आदर में तोरा एगो पवित्र सभा करे के चाही। तोरा ऊ दिन रोजाना के काम नऽ करे के चाही, आउर तोरा सात दिन तक परव मनावे के चाही। 13आउर होमबलि चढ़ईहऽ, मतलब कि अईसन बलिदान चढ़ईहऽ जे यहोवा लागी बढ़ियाँ सुगन्ध फईलावे। तोरा तेरहगो जवान बछड़ा, दूगो मेढ़ा आउर एक साल के चौदहगो निर्दोष नर मेम्ना के बलि चढ़ावे के चाही। सभे बलिदान बेऐब होवे के चाही।14आउर ओकरा साथे अन्नबलि चढ़ईहऽ, मतलब कि तेल से सानल मैदा, आउर तेरहगो बछड़ा, सभे बछड़ा लागी एपा के तीन दसमांश हिस्सा, आउर दुन्नो मेढ़वन में एक एकगो मेढ़वा लागी दू दशमांश हिस्सा चढ़ावे के चाही।15आउर चौदहगो भेड़ में से हरेक लागी एपा के दसवां हिस्सा चढ़ईहऽ।16तोरा एगो बकरा के पापबलि के रूप में चढ़ावे के चाही, एकर अलावे होमबलि, अन्नबलि आउर ओकरा साथे अर्घबलि।17आउर ई सात दिवसीय परब के के दूसरका दिन तूँ बारहगो बछड़ा, दूगो मेढ़ा आउर एक साल के निर्दोष चौदहगो नर मेम्ना के बलि चढ़ईहऽ, जे बेऐब होवे।18आउर ओकरा में सभे बछड़ा, आउर मेढ़ा, आउर भेड़ के बच्चवा के साथ उनका अन्नबलि आउर अर्घ चढ़ईहऽ, आउर आज्ञा के मोताबिक जादे से जादे चढ़ावा चढ़ईहऽ।19तोरा होमबलि, अन्नबलि आउर उनकर अर्घ के अलावे पापबलि के रूप में एगो बकरा के चढ़ावे के चाही।20परब के तीसरा दिन ग्यारह गो बछड़ा, दुगो मेढ़वन आउर एक वरिस के चौदहगो नर मेम्नामन के बलि चढ़ईहऽ, जेकरा में सभे निर्दोष होवे।21आउर सभे बछड़ा, मेढ़ा आउर मेम्ना के अन्नबलि आउर अर्घ चढईहऽ, आउर आज्ञा के मोताबिक जादे से जादे बलि चढ़ईहऽ।22तोरा होमबलि, अन्नबलि आउर ओकर अर्घ के अलावे पापबलि के रूप में एगो बकरा के चढ़ईहऽ।23आउर परब के चौथा दिन तूँ दसगो बछड़ा, दूगो मेढ़ा आउर एक वरिस के चौदहगो नर बेकसूर मेम्ना के बलि चढ़ईहऽ।24आउर बछड़ा, मेढ़ा, आउर मेम्ना लागी अन्नबलि आउर अर्घ चढ़ईहऽ, आउर आज्ञा के मोताबिक जादे से जादे बलि चढ़ईहऽ।25तोरा होमबलि, अन्नबलि आउर उनकर अर्घ के अलावे पापबलि के रूप में एगो बकरा के बलि चढ़ावे के चाही।26परब के पाँचवाँ दिन तोरा नौ गो बछड़ा, दूगो मेढ़वन आउर एक साल के चौदहगो नर बेकसूर मेम्ना के बलि चढ़ईहऽ।27आउर तूँ ओकरा साथे बछड़ा, मेढ़ा, आउर मेम्ना लागी अन्नबलि आउर अर्घ चढ़ईहऽ, ओउर आज्ञा के मोताबिक जादे से जादे चढ़ईहऽ।28तोरा होमबलि, अन्नबलि आउर उनकर अर्घ के अलावे पापबलि के रूप में एगो बकरा के बलि चढ़ावे के चाही।29परब के छठवाँ दिन तोरा आठगो बछड़ा, दूगो मेढ़ा आउर चौदहगो नर बेकसूर मेम्ना के बलि चढ़ावे के चाही।30आउर ऊ बछड़ा, मेढ़ा, आउर मेम्नामन के अन्नबलि आउर अर्घ चढ़ईहऽ, आउर आज्ञा के मोताबिक जादे से जादे बलि चढ़ईहऽ।31तोरा होमबलि, अन्नबलि आउर उनकर अर्घ के अलावे पापबलि के रूप में एगो बकरा के बलि चढ़ावे के चाही।32परब के सातवाँ दिन तूँ सातगो बछड़ा, दूगो मेढ़ा आउर एक साल के चौदहगो बेकसूर नर मेम्ना के बलि चढ़ावे के चाही।33आउर ओकरा साथे बछड़ा, मेढ़ा, आउर मेम्ना के अन्नबलि आउर अर्घ चढ़ईहऽ, ओउर आज्ञा के मोताबिक जादे से जादे चढ़ईहऽ।34तोरा होमबलि, अन्नबलि आउर उनकर अर्घ के अलावे पापबलि के रूप में एगो बकरा के बलि चढ़ावे के चाही।35परब के आठवाँ दिन तोरा एगो आउर पवित्र सभा करे के चाही। तोरा ऊ दिन रोज जईसन काम नऽ करे के चाही।36तोरा होमबलि आउर आग में जराके यहोवा लागी मीठा सुगन्ध फैलावे ला चढ़ावे के चाही। तोरा एक वरिस के एगो बछड़ा, एगो मेढ़ा, आउर सातगो बेकसूर नर मेम्ना के बलि चढ़ावे के चाही।37आउर बछड़ा, मेढ़ा आउर भेड़ के बच्चा के अन्नबलि आउर अर्घ चढ़ईहऽ, आउर आज्ञा के मोताबिक जादे से जादे बलि चढ़ईहऽ।38तोरा होमबलि, अन्नबलि आउर ओकर अर्घ के अलावे पापबलि के रूप में एगो बकरा के बलि चढ़ावे के चाही।39ई ओही हे जे तोरा अपन तय परव में तोरा यहोवा के चढ़ावे के चाही। ई तोर प्रतिज्ञा आउर स्वतंत्र बलि के अलावे होवे के चाही। तोरा एकरा होमबलि, अन्नबलि, अर्घ, आउर मेलबलि के रूप में चढ़ावे के चाही।40तब मूसा इस्राएली लोग के ऊ सभे बतियन बतईलन जौन यहोवा कहेला हुकुम देलन हल।
Bridge Connectivity Solutions Pvt. Ltd.