Numbers28
1यहोवा मूसा से ई कहलन,2इस्राएली लोग से ई कहऽ, कि जौन बलिदान वेदी पर जलावल जाय ऊ हमरा भीर लावऽ जखनी ऊ जलावल जायेत तऽ ओकर सुगंध हमरा बढ़ियाँ लगत आउर ओखनी से कहतन, कि ऊ एकरा ठीक समय पर जरुर लईतन।3उनका से कहऽ, 'कि ऊ रोजदिन एक एक साल के दू दुगो नर मेमना होमबलि ला लईतन जेकरा में कोई ऐब नऽ रहे के चाही ओकरा यहोवा के वेदी पर पूरा तरह से जरा देवे के चाही।4ऊ एगो मेमना के भोर में आउर दूसरका के साँझ के समय चढ़इतन।5उनका एक लीटर जैतून तेल के साथे मिलावल एक किलोग्राम महीन पिसल आटा के अन्नबलि लावे के होत।6एही ऊ रोजाना के होमबलि हे जौन सीनै पर्वत पर खुशबूदार सुगन्ध फैलावे के आज्ञा देवल गेल हल, मतलब कि ई यहोवा लागी आग में चढ़ावल गेल हव्य हे।7आउर ओकर साथ के अर्घ एगो भेड़ के मेम्ना के पीछे एक चौथाई हीन के होवे तोरा पवित्रस्थान में यहोवा लागी तेज एक लीटर दाखमधु के अर्घ चढ़ावे के चाही।8दूसरा मेम्ना के साँझ के समय दोसरा अन्नबलि के साथे जे भोर के चढ़ावल जा हे, चढ़ईहऽ। तोरा ओकरा साथे एगो आउर दाखमधु भी चढ़ावे के चाही, जे यहोवा लागी खुशबूदार सुगंध फैलावे ला अग्नि द्वारा देवल गेल चढ़ावा होत।9आउर सब्त के दिन तोरा एक एक साल के बेकसूर नर मेमना जेकरा में कोई दोष ने होवे। आउर जैतून के तेल से सानल गेल दू किलोग्राम आटा के अन्नबलि के रूप में आउर ओकरा साथे दाखमधु भेंट चढ़ईहऽ।10ई रोजदिन के होमबलि आउर ओकरा साथे दाखमधु के अलावे, सब विश्रामदिन ला होमबलि होत।11हरेक महीना के सुरुआत में तोरा यहोवा के होमबलि चढ़ावे के चाही। तोरा दूगो बछड़ा, एगो मेढ़ा, आउर एक एक साल के सातगो निर्दोष भेड़ के मेम्ना चढ़ावे के चाही।12आउर सभे बाछा के साथे जैतून के तेल से सानल तीन किलोग्राम आटा अन्नबलि कर के चढ़ईहऽ, आउर एगो मेढ़ा के साथे तेल से सानल गेल एपा के दू दसमांश मैदा अन्नबलि कर के चढ़ईहऽ।13आउर हरेक भेड़ के बच्चा लागी अन्नबलि ला तेल से सानल एक किलोग्राम आटा भी चढ़ईहऽ। ई होमबलि होवत, जेकरा से खुसबूदार सुगंध पईदा होत, आउर यहोवा लागी आग में जलावल गेल हव्य होत।14आउर लोग के अर्घ बछड़ा के पीछे आधा हीन, मेढ़ा के पीछे एक तिहाई हीन, आउर भेड़ के बच्चवन के पीछे एक चौथाई हीन दाखमधु होवे साल के सभे महीना में हरेक महीना ला होमबलि होत।15यहोवा लागी पापबलि ला एगो बकरा चढ़ावल जाय ई रोजाना के होमबलि आउर ओकरा साथे दाखमधु के चढ़ावा अलगे से होत।16हरेक साल के पहला महीना के चौदहवां दिन यहोवा के फसह के परब आवऽ हे।17पहिला महीना के पंद्रहवाँ दिन के जेवनार मनावल जा हे। सात दिन तक, बेगर खमीर के रोटी खाय के चाही। 18ई परव के पहला दिन यहोवा के आदर ला एगो पवित्र सभा होवे के चाही। तोरा रोजाना जइसन कोई काम नऽ करे के चाही।19बाकि तोरा यहोवा लागी आग में होमबलि चढ़ावे के चाही। तोरा दूगो बछड़ा, एगो मेढ़ा, आउर एक-एक साल के सातगो बेकसूर मेमना के चढ़ावे के चाही।20बछड़ा के साथे एपा के तीन दसवां भाग के अन्नबलि तेल से सानल आटा के, आउर मेढ़ा के साथे एपा के दू दसवां अन्नबलि चढ़ईहऽ।21आउर सातगो मेम्ना में से हरेक के साथे एपा के दशमांश तेल से सानल गेल आटा,22आउर अपना ला पछतावा करे ला एगो बकरा पापबलि कर के एगो बकरा चढ़ईहऽ।23तोरा ई सभे रोजाना भोरिये जरुर होमबलि के अलावे चढ़ावे के चाही।24जईसन कि ईहाँ बखान कईल गेल हे, तोरा फसह के सातो दिन ला रोजाना ई बलिदान चढ़ावे के चाही मतलब कि आग में चढ़ावल गेल बलिदान के भोजन यहोवा लागी मनभावन सुगंध होत। एकरा से रोजाना होमबलि आउर ओकरा साथे दाखमधु के अलगे से चढ़ावे के चाही।25परव के सातवाँ दिन यहोवा के सम्मान में तोहनी के एगो पवित्र सभा होवे, आउर ऊ दिन रोज के जइसन काम-काज नऽ करिहऽ।26आउर पहिला फसल उपज के दिन जखनी तूँ अपन सप्ताह के परव में यहोवा लागी नया अन्नबलि चढ़ावऽ, तऽ यहोवा के आदर लागी एगो पवित्र सभा करिहऽ, आउर ऊ दिन रोज के जइसन काम नऽ करिहऽ।27तोरा यहोवा लागी सुगन्ध फैइलावे लागी होमबलि चढ़ावे के चाही। तोरा दूगो जवान बछड़ा, एगो मेढ़ा, आउर एक-एक साल के सातगो नर मेम्ना के बलि चढ़ावे के चाही।28आउर उनका साथे जाय लागी अन्नबलि चढ़ावऽ: मतलब कि एक-एक बैल के पीछे तेल से सानल एपा के तीन दसवां भाग आटा, आउर एक-एक मेढ़ा के पीछे दू दसवां भाग तेल से सानल आटा।29सातो मेम्ना में से हरेक एगो लागी तेल से सनाल एक किलोग्राम आटा चढ़ईहऽ।30आउर अपन पछतावा ला एगो बकरा भी ले लिहऽ। 31आउर जखनी तूँ बेकसूर जान के जनावर के ओकर अर्घ के साथ चढ़ईहऽ, तऽ ई रोजाना होमबलि आउर ओकरा साथे अन्नबलि के अलावे होवे के चाही।
Bridge Connectivity Solutions Pvt. Ltd.