Numbers30
1तब मूसा इस्राएली गोत्र के अगुवन बुलईलन, आउर उनका से कहलन जौन यहोवा ई आज्ञा देलन हल।2जखनी कोई यहोवा से मन्नत मानतन, चाहे वचनबद्ध होवे के कसम खईतन, तऽ ऊ अपन वचन नऽ तोड़तन। उनका अपन मुंह से निकसे वाला सभे चीज के करे ला अपन वादा के पूरा करे के चाही। 3जखनी कोई कुँवारी लड़की अपन बाबूजी के घर में रह के यहोवा से मन्नत मानलन; आउर अपन बाबूजी के घराना के भीतर प्रतिज्ञा बाँधतन।4जदि उनकर बाबूजी ऊ मन्नत आउर प्रतिज्ञा के सुनतन, जेकरा से ऊ अपने आप के बाँधलन हे, आउर जदि ऊ ओकरा पलटे लागी कुछ नऽ कहतन, तऽ उनकर सभे मन्नत पूरा होत, आउर सब प्रतिज्ञा जेकरा से ऊ खुद के बान्धलन हे, ऊ सभे अटल ठहरत।5बाकि जदि उनकर बाबूजी ओकरा प्रतिज्ञा सुन लेतन आउर उनका अईसन नऽ करे देतन तऽ उनका ओकरा करे के जरुरत नऽ हे जे ऊ वचन देलन हल यहोवा उनका मांफ करतन कि ऊ जे वचन देलन हे ओकरा पूरा नऽ कईलन।6जदि एगो बिना शादिसुदा लड़की मन्नत मानला के बाद कोई लड़का से बियाह कर लेवे ला, चाहे अपन मुंह से बिन सोचले समझले कोई वचन देलक हे, जेकरा से ऊ अपने आप के बाँध लेलक हे,7आउर ओकर होवे वाला पति ई सुन लेवे, बाकि ओकरा से कुच्छो नऽ कहऽ हे, तब ओकर मन्नत पूरा होत, आउर ऊ प्रतिज्ञा जेकरा से ऊ अपने आप के बान्धलक हे, ओहू कायम रहत।8बाकि जौन दिन ओकर होवे वाला पति ई सुन के ओकरा रोकतन, तऽ ओकर मन्नत के जेकरा से ऊ अपने आप के बाँधलक हे आउर अपन मुँह से उतावला होके ऊ बतियन, जेकरा से ऊ खुद के बाँधलक हे, खतम कर देत, आउर यहोवा ओकरा मांफ देतन।9बाकि विधवा या तलाकशुदा औरत के कोई भी मन्नत ओकर विरोध में ठहरत।10जदि कोई औरत अपन पति के घर में मन्नत मानत, चाहे कसम खा के प्रतिज्ञा बाँधत,11आउर ओकर पति सुनऽ हथिन, बाकि विरोध नऽ करऽ हथिन तऽ उनका अपन वचन के पूरा करे के चाही।12बाकि जदि ऊ सुन हथिन आउर ओकरा करे के इजाजत नऽ दे हथिन तऽ उनका अपन वचन के मुताबिक करे के जरुरत नऽ हे आउर यहोवा ओकरा मांफ करतन, काहेकि ऊ अईसन नऽ कईलन।13औरत के पति ओकरा से सब करे के उमीद कर सकलन हे जेकर ऊ वचन देलन हे चाहे ऊ ओकरा ऊ करे के इजाजत दे सकलन हे जेकर ऊ वचन देलन हे।14बाकि जदि ओकर पति कहियो ओकरा से कुछ नऽ कहलन, तऽ ऊ ओकर सभे मन्नत आउर बाँधल गेल वाचा के पक्का करऽ हे, आउर ऊ अटल रहत, काहेकि जौन दिन ऊ ओकर समाचार सुनलन ऊ दिन ऊ ओकरा से कुच्छो नऽ कहलन।15जदि ओकर पति ओकर मनौता सुनला के बाद अपन मेहरारू के मनौता नऽ माने देतन, तऽ ऊ ओकर दोष लागी जबाबदेह होतन।16जौन विधि यहोवा मूसा के सुनावे ला आज्ञा देलन ऊ येही सभे हे, मतलब कि पति आउर ओकर पत्नी के बीच के विधि आउर बाप आउर बेटी के बीच के विधि हे जहिया ऊ बाबूजी के घर में बचपन से रहल हे।
Bridge Connectivity Solutions Pvt. Ltd.