Mark8
1ऊ दिन में, फिन से लोग के एगो आउर बड़का भीड़ जमा हो गेल। ऊहाँ दू दिन रहे के बाद, उनका भीर खाय लागी खाना नऽ बचल। येहिगुने यीशु अपन चेलवन के अपना भीर बोल के उनका से कहलन,2“तीन दिन से ई लोग हमरा साथे हथन, आउर उनका भीर खाय लागी कुछ नऽ बचल हे, येहिसे अब हम ओखनी लागी तरस आ रहल हे।”3जदि हम ओखनी के भूखले घरे भेज देम, तऽ ओखनी में कुछ लोग अपन घर के राह में हीं मूर्छित हो जईतन। “ओखनी में से कुछ लोग ढेर दूर-दूर से अईलन हे।”4उनकर चेलवन जानऽ हलन कि ऊ ई सुझाव दे रहलन हल कि ओही ऊ लोगवन के कुछ खाय लागी देतन, येहिगुने ओखनी में एगो जवाब देलन, “ई भीड़ के संतोष करे लागी हम, हो सकऽ हे कि खाना नऽ खोज सकऽ ही। ई जंगल में कोई नऽ रहऽ हथन!”5यीशु उनका से पूछलन, “तोहनी भीर केतना रोटी हे?” ओखनी जवाब देलन, हमनी भीर सातगो रोटी हे।6यीशु भीड़ के आज्ञा देलन, “जमीन पर बईठ जा!” जखनी ऊ बईठ गेलन तऽ ऊ, सातगो रोटी लेके ओकरा लागी परमेश्वर के धन्यवाद करलन आउर ओकरा टुकड़ा में तोड़लन, आउर ओकरा चेलवन के देलन कि ऊ ओकरा लोगवन के देतन।7ओखनी ई भी देखलन कि उनका भीर कुछ छोटकन मछलियन भी हल। येहिगुने ओकरा लागी परमेश्वर के धन्यवाद करलऽ के बाद, ऊ अपन चेलवन से कहलन, “ओखनी के ई सभे दऽ।” उनकर जरिये भीड़ के मछलियन देवे के बाद,8लोगवन ऊ खाना खईलन, आउर ओखनी खुद के संतोष करे लागी भर पेट खईलन। छोड़ल गेल खाना के टुकड़वन के उनकर चेलवन जमा कर के सातगो बड़का दौरी भर लेलन।9उनकर चेलवन अनुमान लगईलन कि ऊ दिन लगभग चार हजार लोग खाना खईलन हे। ओकर बाद यीशु भीड़ के विदा कर देलन।10एकर तुरन्त बाद, ऊ अपन चेलवन के साथे नाव पर चढ़ गेलन, आउर ऊ जलयात्रा कर के गलील के झील के पार दलमनूता नगर में गेलन।11फिन कुछ फरीसियन यीशु भीर अईलन। ऊ उनका से बहस करे लगलन आउर दबाब बनावे लगलन कि ऊ कोई स्वर्गीय चिन्ह देखईतन जेकरा से परकट होवे कि उनका परमेश्वर भेजलन हे।12यीशु अपन आत्मा में गबड़ा आह भरलन, आउर फिन उनका से कहलन, “तूँ हमरा से कोई चिन्ह देखावे लागी काहे कहऽ रहलऽ हे? हम तोरा से सच कह ही, हम तोरा लागी कोई चमत्कार नऽ करम!”13तऽ ऊ उनका छोड़ के चल गेलन। ऊ आउर उनकर चेलवन नाव पर चढ़ गेलन आउर गलील के झील के पार दोसरा तरफ चल गेलन।14उनकर चेलवन भरपूर खाना लावे लागी भूला गेलन हलऽ। खास कर के, उनका भीर नाव में खाली एगो रोटी हलऽ15जखनी ऊ जा रहलन हलऽ, तऽ यीशु ओखनी के चेतौनी दे के कहलन हल, “सचेत रहऽ! फरीसियन आउर हेरोदेस के खमीर से सावधान रहऽ!”16उनकर चेलवन उनकर बात के गलत समझलन। येहिसे ओखनी अपने में चर्चा करे लगलन, “ऊ अईसन येहिसे कहलन होत काहेकि हमनी भीर रोटी नऽ हे।”17यीशु जानऽ हलन कि ऊ अपने में का बात रहलन हे, येहिसे ऊ कहलन, “तूँ भरपूर रोटी नऽ होवे के बारे में काहे बात रहलऽ हे? जौन बात हम अखनी कहली हे तोहनी के ओकरा समझे के चाही! तूँ मन में विचार नऽ कर रहलऽ हे!18तोहनी भीर आँख तऽ हे, बाकि तोहनी जे देखऽ हऽ ओकरा समझऽ नऽ हऽ! तोहनी भीर कान तऽ हे बाकि जे हम कहऽ ही तूँ ओकरा समझऽ नऽ हऽ!” फिन ऊ पूछलन, “का तोहनी के ऊ याद नऽ हे जे घटना होल हल19जखनी हम पाँचगो रोटी तोड़ के पाँच हजार लोग के खिलईली हलऽ? नऽ खाली सभे लोग खा के संतुष्ट होलन हल, ईहाँ तक ईहाँ खाना बच गेल हल! तोहनी के छोड़ल रोटी के टुकड़वन से केतना दौरी नऽ जमा करलऽ हल?” ओखनी जबाब देलन, “हमनी भरल 12 दौरी जमा करली हल।”20फिन ऊ पूछलन, “जखनी हम चार हजार लोग के खिलावे लागी सात रोटी तोड़ली हल, तऽ फिन से जखनी सभे भर पेट खा लेलन, ओकर बाद रोटी के बचल टुकड़ा के केतना बड़का छैंटियन के तोहनी जमा करलऽ हल?” ओखनी जबाब देलन, “हमनी भरल सात बड़का दौरी जमा करली हलऽ।”21तऽ ऊ उनका से कहलन, “हम नऽ जानऽ ही कि अईसन कईसे हो सकऽ हे कि तूँ अखनी तक नऽ समझलऽ।”22यीशु आउर चेलवन बैतसैदा नगर में पहुँचलन। लोग एगो आंधर आदमी के यीशु भीर लेके अईलन आउर उनका से विनती करलन कि ऊ उनका चंगा करे लागी उनका छूतन।23यीशु ऊ आंधर आदमी के हाथ पकड़ के उनका नगर के बाहर तक गेलन। ऊ, ऊ आदमी के आँख पर थूकला के बाद, उनका पर अपन हाथ रखलन। ऊ उनका से पूछलन, “का तूँ कुछ देखऽ हऽ?”24ऊ आदमी ऊपर देखलन, आउर फिन कहलन, “हाँ, हम लोगवन के देखऽ ही! ऊ इधर-उधर चल-फिन रहलन हे, बाकि हम ओखनी के साफ-साफ नऽ देख पा रहली हे। ओखनी पेड़ के जईसन देखाई दे हथन!”25तऽ यीशु फिन से ऊ आंधर आदमी के आँख के छूलन। ऊ आदमी बड़ी धियान से देखलन, आउर ओही घड़ी ऊ पूरा तरह से चंगा हो गेल! ऊ सभे कुछ साफ-साफ देख सकऽ हलन।26यीशु उनका से कहलन, “नगर में मत जा!” फिन यीशु, ऊ अादमी के उनकर घरे भेज देलन।27यीशु आउर उनकर चेलवन बैतसैदा से निकल के कैसरिया फिलिप्पी नगर के बगल के गाँव में गेलन। राह में ऊ, उनका से पूछलन, “लोग का कहऽ हथन कि हम कौन ही?”28ओखनी जबाब देलन, “कुछ लोग कहऽ हथन कि तूँ यूहन्ना बपतिस्मा देवे वाला हऽ। कुछ लोग कहऽ हथन कि तूँ एलिय्याह भविष्यद्वक्ता हऽ। आउर दोसरा लोग कहऽ हथन कि तूँ पहिले वाला भविष्यद्वक्तावन में से कोई हऽ।”29ऊ उनका से पूछलन, “तोहर का कहना हे? तूँ का कहऽ हऽ कि हम कौन ही?” पतरस उनका जबाब देलन, “हम विश्वास करऽ ही कि तूँ मसीह हऽ!” 30तऽ यीशु उनका कड़ाई से आज्ञा देलन कि ओखनी कोई से नऽ कहतन कि ऊ मसीह हथन।31फिन यीशु अपन चेलवन के शिक्षा देवे लगलन कि ऊ, मतलब कि आदमी के बेटा, जरुर दुःख उठईतन। ऊ पुरनियन, प्रधान महायाजक, आउर यहूदी शास्त्रियन आदमियन के द्वारा नकार देवल जईतन। ईहाँ तक कि उनका मार देवल जईतन, बाकि मरे के बाद तिसरका दिन ऊ फिन से जिन्दा हो जईतन।32ऊ उनका से ई बात साफ तौर से कहऽ देलन। बाकि पतरस यीशु के अलग ले जा के अईसे बात करे लागी उनका डाँटे लगलन।33यीशु घूम के अपन चेलवन तरफ देखलन। फिन ऊ पतरस के ई कह के डाँटलन, “अईसन सोचे ला बंद करऽ! अईसन बात करे लागी तोरा शैतान प्रेरित कर रहल हे! जौन परमेश्वर हमरा से करवावे ला चाहऽ हथन ओकरा करे के इच्छा के बजाय, तूँ चाहऽ हऽ कि हम ऊ करम जे लोग हमरा से करवावे ला चाहऽ हथन।”34फिन ऊ अपन चेलवन के साथे भीड़ के जमा करलन कि ऊ उनका सुनतन। ऊ उनका से कहलन, “जदि तोहनी में से कोई हमर चेला बने ला चाहऽ हथन, तऽ तोहनी के खाली ओही काम नऽ करे ला हे जेकरा से तोहनी के जिनगी बितावे ला आसान हो जाय। तोहनी के ऊ अपराधियन के जईसन दुःख सहे लागी भी तईयार रहे ला हे, जेकरा ऊ जगहवन पर क्रूस ढोके ला जायला अलचार करल जा हे जेज्जा उनका क्रूस पर चढ़ावल जायेत। जौन कोई भी हमर चेला बने ला चाहऽ हथन उनका अईसने करे ला हे।35तोहनी के अईसन येहिसे करे के हे काहेकि जौन ई बात के नकार के ऊ हमरा से जुड़ल हथन अपन जिनगी के बचावे के कोशिश करऽ हथन ऊ अपन जिनगी के खो देतन। जिनका हत्या येहिसे कर देवल जा हे काहेकि ऊ हमर चेला हथन आउर काहेकि ऊ दोसरा के शुभ समाचार सुनावऽ हथन ऊ हमरा साथे हमेशा जिन्दा रहतन।36लोग ई संसार में ऊ सभे कुछ प्राप्त कर सकऽ हथन जे ऊ चाहऽ हथन, बाकि जदि ऊ अनन्त जिनगी के प्राप्त नऽ करऽ हथन तऽ सच में ऊ कुछ प्राप्त नऽ करलन!37ई सच के बारे में धियान से विचार करऽ कि अईसन कुछ भी नऽ हे जौन लोग परमेश्वर के दऽ जेकरा से उनका अनन्त जिनगी प्राप्त होत!38आउर ई बारे में विचार करऽ: बड़ी लोग ई कहे से इंकार कर दे हथन कि ऊ हमरा से जुड़ल हथन। ई दिन में जखनी बड़ी लोग परमेश्वर से दूर हो गेलन हे आउर पाप में जिनगी बिता रहलन हे, तऽ विश्वासघाती लोग हमर बात के नकार दे हथन, तऽ हम, मतलब कि आदमी के बेटा, भी ई कहे से नकार देम कि ऊ हमरा से जुड़ल हथन जखनी हम पवित्र स्वर्गदूतवन के साथे आउर ऊ महिमा सहित जे हमर पिता भीर हे वापस अईतन!”
Bridge Connectivity Solutions Pvt. Ltd.