James5
1हे धनवान सभे, अब आवऽ, आउर रोवऽ, आउर अपन आवे वाला दुःख के चलते तूँ विलाप करऽ।2तोर संपत्ति सड़ गेल हे आउर तोर कपड़ा के कीड़ा खा लेलक हे।3तोर सोना-चाँदी में काई लग गेल हे, आउर ओकरा पर लगल जंग तोर विरोध में गवाही लागी होत आउर ऊ आग के जईसन तोर मांस खा जायेत। तूँ अंतिम दिन में जमा करलऽ हे।4देखऽ, जे मजदूरवन तोर खेत के काटलन हे ओकर मजदूरी जे तूँ रोक लेलऽ हे, चिल्ला रहल हे, आउर फसल काटे वाला के दोहाई सेनाओं के प्रभु के कान में चल गेल हे। 5तूँ धरती पर भोग-विलास से जिनगी बितईलऽ हे आउर बड़ी जादे सुखी से जिनगी बितईलऽ हे। तूँ अपन हृदय के वध के दिन लागी मोटा कर लेलऽ हे।6तोहनी धर्मी के दोषी ठहरईलऽ हे आउर उनका मार देलऽ हे। ऊ तोहनी के विरोध नऽ करऽ हथन।7येहिगुने, हे भाई सभे, प्रभु के आवे के दिन तक धीरज सहित इंतजार करऽ। देखऽ, जईसे किसान जमीन के कीमती फल के आशा में, ओकरा लागी ऊ घड़ी तक धीरज सहित इंतजार कर रहल हे जहिया तक कि समय से पहिले चाहे देर से ही उनका मिल नऽ जायेत। 8तोहनी के भी धीरज धरे के इंतजार करे ला हे। अपन हृदय के मजबूत करऽ, काहेकि प्रभु के आगमन निकट आ गेल हे।9हे भईवन, एक दोसर के विरोध में शिकायत नऽ करऽ, ताकि तोरा पर भी दोष नऽ लगावल जाय। देखऽ, परमेश्वर जे न्याय करे वाला निकट दुआरी पर खड़ा हथन।10हे भईवन, जे भविष्यद्वक्तावन प्रभु के नाम से बात करलन, उनकर दुःख सहे आउर धीरज धरे के एगो आदर्श समझऽ।11देखऽ जे सह लेलन हे हम ओखनी के धन्य कहऽ ही। तोहनी अय्यूब के सहनशीलता के बारे में तऽ सुनलऽ ही होवऽ, आउर प्रभु के तरफ से जे ओकर प्रतिफल होल ओकरा देख लऽ हे, कि प्रभु जादे करुणामय आउर दयावान हथन। 12बाकि सभे से पहिले, हे हमर भईवन, किरिया नऽ खईहऽ, नऽ तऽ स्वर्ग के नऽ ही धरती के, नऽ ही कोई आउर चीज के किरिया खईहऽ। बाकि तोहनी के बात “हाँ” के “हाँ” ही होवे, आउर “नऽ” के “नऽ” ही होवे, ताकि तोहनी न्याय के अधीन नऽ हो जईवऽ।13का तोहनी के बीच में कोई आदमी दुःख के भोग रहलन हे? तऽ ऊ प्रार्थना करतन। का कोई आदमी खुशी हथन? तऽ ऊ स्तुति के भजन गावे।14का तोहनी के बीच में कोई आदमी रोगी हे? तऽ ऊ कलीसिया के पुरनियन के बोलावे, आउर ओखनी प्रभु के नाम से जैतून के तेल से ओकरा अभिषेक करतन उनका पर प्रार्थना करतन।15आउर विश्वास के प्रार्थना रोगी के बचा लेत आउर प्रभु उनका उठा के खड़ा करतन। आउर जदि ऊ पाप भी करलन होत तऽ ऊ भी उनका लागी मांफ करल जायेत।16येहिगुने, एक दोसरा के सम्मुख अपन-अपन पाप के अंगीकार कर लऽ आउर एक दोसर लागी प्रार्थना करऽ जेकरा से कि तूँ चंगा हो जईवऽ। काहेकि कि धर्मी जन के प्रार्थना के सामर्थ से बड़ी कुछ होवऽ हे।17एलिय्याह भी हमनी के जईसन दुःख-सुख भोगी आदमी हलन, आउर ऊ बरसा नऽ होवे लागी प्रार्थना करलन, आउर साढ़े तीन साल ला धरती पर बरसा नऽ होल। 18आउर ऊ फिन से प्रार्थना करलन, आउर आसमान से बरसा गिरल आउर धरती अपन फल पैदा करलक। 19हे हमर भईवन, जदि तोहनी में कोई सच्चाई के राह से भटक जईतन आउर कोई उनका वापस फेर लईतन,20तऽ ऊ ई जान लेतन कि जे कोई पापी के ओकर राह में भटके से वापस फेर लावऽ हथन, तऽ ऊ उनकर प्राण के मरे से बचईतन आउर ढेर पापवन के ढाँप देतन।
Bridge Connectivity Solutions Pvt. Ltd.