James4
1तोहनी के बीच में लड़ाई कहाँ से आवऽ हे आउर झगड़ा कहाँ से आवऽ हे? का ई तोहनी के ललसा के ओर से नऽ हे जे तोहनी के अंग में लड़ते भिड़ते रहऽ हे?2तोहनी लालच करऽ हऽ, आउर तोरा मिलऽ नऽ हे। तूँ हत्या करऽ आउर डाह करऽ हऽ, तूँ प्राप्त करे में सक्षम नऽ होवऽ हऽ। हऽ। तूँ झगड़ऽ आउर लड़ऽ हऽ। तोरा येहिगुने नऽ मिलऽ हे काहेकि कि शुद्ध मन से नऽ माँग हऽ3तूँ माँगऽ हऽ आउर तोरा मिलऽ नऽ हे, काहेकि तूँ बुरा मन से माँगऽ हऽ, ताकि अपन भोग-विलास में खरचा कर देवऽ।4हे व्यभिचारी सभे! का तूँ नऽ जानऽ हऽ कि ई संसार से दोस्ती करल परमेश्वर के साथे दुश्मनी करल हे? येहिगुने जे कोई भी ई संसार के दोस्त होवे ला चाहऽ हे ऊ परमेश्वर के दुश्मन हो गेल हे। 5चाहे का तूँ ई सोचऽ हऽ कि पवित्रशास्त्र बेकार कहऽ हे कि, "जौन आत्मा के ऊ हमर भीतर बसईलन हे ऊ ईर्ष्या से तरसऽ हे?" 6बाकि ऊ तऽ आउर भी अनुग्रह देवऽ हे। येहिगुने ई कहऽ हे, "परमेश्वर अभिमानी के तऽ विरोध करऽ हे, बाकि ऊ तऽ नम्र पर अनुग्रह करऽ हथन।" 7येहिगुने, परमेश्वर के अधीन हो जा। आउर शैतान के सामना करऽ, तऽ ऊ तोरा भीर से भाग जायेत।8परमेश्वर के निकट आवऽ तऽ ऊ भी तोर निकट अईतन। हे पापी सभे, अपन-अपन हाथ शुद्ध करऽ; आउर हे दुचित्ता लोग अपन हृदय के पवित्र करऽ। 9दु:खी होवऽ आउर शोक करऽ आउर रोवऽ! तोर हँसी शोक में, आउर तोर आनन्द उदासी में बदल जायेत।10प्रभु के सामने नम्र बन जा, तऽ ऊ तोरा ऊँचा उठईतन। 11हे भाई सभे, एक दोसर के विरोध में बात नऽ करऽ। जे आदमी कोई भाई के विरोध में बात करऽ हे चाहे अपन भाई पर दोष लगावऽ हे ऊ व्यवस्था के विरोध में बात करऽ हे आउर व्यवस्था पर दोष लगावऽ हे। बाकि जदि तूँ व्यवस्था पर दोष लगावऽ हऽ, तऽ तूँ व्यवस्था के पालन करे वाला नऽ, बाकि ओकरा पर न्याय करे वाला ठहरलऽ।12परमेश्वर एगो मात्र व्यवस्था देवे वाला आउर न्याय करे वाला तऽ एक ही हथन, आउर ओही हथन जे उद्धार करे आउर नाश करे में सक्षम हथन। बाकि तूँ कौन हऽ, जे अपन पड़ोसी पर दोष लगा रहलऽ हे?13अब आवऽ, जे ई कहऽ हऽ कि, "आज चाहे कल हम ई शहर से ऊ शहर में जायेम आउर ऊहाँ एक साल बितायेम आउर व्यापार करम आउर फईदा कमायेम।"14तूँ जे आवे वाला कल के बात नऽ जानऽ हऽ, तोर जिनगी हईये का हे? काहेकि कि तूँ भाप के जईसन हऽ जे तनी देर लागी देखाई दे हे आउर फिन लोप हो जा हे। 15एकर बजाय, तोरा कहे के चाही, "जदि प्रभु के इच्छा होवे, तऽ हम जिन्दा रहम आउर ई भी करम आउर ऊ भी करम।"16बाकि अब तूँ अपन डिंग मारे पर घमण्ड करऽ हऽ। अईसन सभे घमण्ड बुरा होवऽ हे।17येहिगुने जे कोई भलाई करे ला जानऽ हथन आउर भलाई नऽ करऽ हथन उनका लागी ऊ पाप हे।
Bridge Connectivity Solutions Pvt. Ltd.