James1
1याकूब, परमेश्वर के आउर प्रभु यीशु मसीह के दास, बारह गोत्र के जे तित्तर-बित्तर हे चिट्ठी लिख रहली हे; आनन्दित रहऽ! 2हे हमर भईवन, जखनी तूँ तरह-तरह के परीक्षा में पड़वऽ, तऽ एकरा पूरा आनन्दित होईहऽ,3ई जानऽ कि तोहनी के विश्वास के परखे जाय से धीरज बढ़ऽ हे।4बाकि धीरज के अपन पूरा काम करे दऽ, ताकि तूँ कोई बात के कमी-घटी के बिना सिद्ध आउर पूरा हो जा।5अब जदि तोहनी में से कोई के ज्ञान के घटी होत, तऽ ऊ परमेश्वर से माँगतन, जे सभे के उदारता से देवऽ हथन आउर उलाहना नऽ देवऽ हथन, आउर ओखनी के देवल जायेत।6बाकि ऊ कोई भी बात के शंका कईले बेगर प्रार्थना विश्वास से माँगतन, काहेकि जे आदमी संदेह करऽ हे ऊ हवा से चले आउर उछले वाला समुद्र के लहर जईसन हो गेल हे।7येहिगुने अईसन आदमी ई नऽ समझे कि प्रभु से कुछ मिलत,8दुचित्ता आदमी, अपन सभे राह में स्थिर नऽ हे।9अखनी दीन भाई अपन बड़ाई पर गर्व करतन,10बाकि धनवान अपन दीनता पर, काहेकि ऊ तऽ घास के फूल के जईसन मिट जायेत।11काहेकि सूरज अपन गरमी के साथे उगऽ हे आउर घास के सुखा दे हे, आउर ओकर फूल झड़ जा हे आउर ओकर रूप के सुन्दरता मिट जा हे। ओईसहीं धनवान भी अपन राह में ही मुरझा जायेत। 12धन्य हथन ऊ आदमी जे परीक्षा में स्थिर रहऽ हथन। काहेकि, स्वीकार होवे पर, उनका जिनगी के ऊ मुकुट मिलत, जिनकर प्रतिज्ञा ऊ लोग सभे से करलन हे जे उनका से प्रेम करऽ हथन।13कोई के भी जिनका परीक्षा हो रहल होत ई नऽ कहे, हमर परीक्षा परमेश्वर के तरफ से करल गेल हे, काहेकि परमेश्वर बुराई से अनजान हथन, आउर ऊ अपन आप से कोई के परीक्षा नऽ करऽ हथन।14बाकि सभे आदमी अपनहीं इच्छा से परीक्षा में पड़ के घसीटल जा हथन आउर बहक जा हथन।15फिन गलत इच्छा गर्भवती होके, पाप के पैदा करऽ हे, आउर पाप, बढ़ के मृत्यु के जनम दे हे।16हे हमर प्रिय विश्वासी भईवन, राह से नऽ भटकऽ।17सभे अच्छा उपहार आउर सभे उत्तम दान ऊपरे से हीं हे, जे ज्योति के पिता परमेश्वर के ओर से नीचे आवऽ हे, जेकरा में कोई भी परिवर्तन चाहे बदलाव के परछाहीं नऽ हे।18इच्छा से, परमेश्वर हमनी के सच्चाई के वचन के द्वारा जनमईलन, जेकरा से हमनी उनकर सृष्टि करल में पहिला फल के जईसन होत।19हे हमर प्रिय भईवन, जान लऽ: बाकि सभे आदमी सुने लागी तत्पर, बोले में धीरज, आउर गोस्सा में धीमा होवऽ।20काहेकि आदमी के गोस्सा परमेश्वर के धार्मिकता के काम नऽ करऽ हे।21येहिगुने पूरा मलिनता आउर दुष्टता के बहुतायत के दूर कर के, ऊ बुनल गेल वचन के विनम्रता से ग्रहण कर लऽ, जे तोहनी के प्राण के उद्धार करे में सक्षम हे।22बाकि वचन के पालन करे वाला बनऽ आउर खाली सुने वाला ही नऽ, कि अपन आप के बहकावऽ।23काहेकि जे कोई वचन के सुने वाला हथन, आउर पालन करे वाला नऽ होतन तऽ ऊ आदमी के जईसन हथन जे अपन के चेहरा के आईना में देख रहलन हे।24येहिगुने कि ऊ अपने आप के देख लेलन आउर तुरन्त भूला गेलन कि ऊ कईसन हलन।25बाकि जे आदमी स्वतंत्रता के सिद्ध व्यवस्था पर धियान करलन आउर अईसन करल जारी रखलन, सुन के भूला जाय वाला नऽ, बाकि ऊ काम के करे वाला होलन, अईसन आदमी अपन काम में आशीषित होतन।26जदि कोई अपने आप के भक्त मानतन, आउर अपन जीभ पर लगाम नऽ लगावत, बाकि अपन मन के धोखा देतन, तऽ ऊ आदमी के भक्ति बेकार हे। 27परमेश्वर पिता के सम्मुख शुद्ध आउर निर्मल भक्ति ई हे: कि अनाथ सभे आउर विधवा सभे के क्लेश में उनकर सुधि लऽ, आउर अपने आप के संसार से बेदाग रखऽ।
Bridge Connectivity Solutions Pvt. Ltd.