Hebrews13
1भाईचारा के प्रेम बनल रहई।2अतिथि-सत्कार करे से इंकार नऽ करिहऽ, काहेकि एकर जरिये से, केतना बेगर जानले ही स्वर्गदूतवन के अतिथि-सत्कार करलन हे। 3कैदियन के अईसे याद रखऽ, जईसे कि तूँ उनका जौरे कैद में हऽ, आउर जिनका साथ बुरा व्यवहार हो रहल हे, उनका अईसन याद रखऽ, जईसे कि ऊ तोरे ही देह हे।4वियाह सभे के बीच सम्मान के बात होवे के चाही, आउर वियाह के बिछौना निष्कलंक होवे के चाही, काहेकि परमेश्वर व्यभिचारी लोगवन आउर परस्त्रीगमन के न्याय करतन।5तोर स्वभाव जे कुछ तोरा भीर हे ओकरा में सन्तुष्ट रह के धन के लोभ से दूर होवे के चाही, काहेकि ऊ खुद ही कहलन हे कि, “हम तोरा कहियो नऽ छोड़म, आउर नऽ ही कहियो तोरा त्यागम,” 6ताकि हम आश्वस्त होके कहम, “प्रभु हमर मदतगार हथन, आउर हम नऽ डरम। कोई आदमी हमरा कौची करत?” 7अपन अगुवन के याद रखऽ, जे तोरा परमेश्वर के वचन सुनईलन, आउर उनकर चाल-चलन के फल पर विचार कर के उनकर विश्वास के अनुकरण करऽ।8यीशु मसीह कल आज आउर युगानुयुग लागी एक जईसन हथन। 9अलग अलग तरह के आउर अनोखा शिक्षावन से विचलित मत होईहऽ। काहेकि मन के अनुग्रह से मजबूत होवे ला अच्छा हे, नऽ कि ऊ खान-पान के चिजवन के द्वारा जे काम चले वालन लोगवन के ओकरा से कुछो फईदा नऽ होत हल।10हमरा भीर एगो वेदी हे जेकरा में से तम्बू में सेवा करे वाला लोगवन के खाय के अधिकार नऽ हे।11काहेकि महायाजक के द्वारा ऊ जानवरवन के लहू पाप लागी पवित्रस्थान में तऽ ले जायल जा हे, बाकि ऊ जानवर के देह छौनी के बाहर जला देवल जा हे।12येहिगुने यीशु भी फाटक के बाहर दुःख उठईलन, जेकरा से ऊ, ऊ लोगवन के अपन लहू के माध्यम से पवित्र करतन।13येहिगुने आवऽ हमनी उनकर निन्दा अपना ऊपर लेवल गेल छौनी के बाहर उनका भीर चलऽ। 14काहेकि ईहाँ हमर कोई स्थिर रहे वाला नगर नऽ हे, बाकि हम एगो आवे वाला शहर के खोज में ही।15तऽ आवऽ हम उनकर जरिये परमेश्वर लागी स्तुति रूपी बलिदान, मतलब कि उनकर नाम के स्वीकार करे वाला होठवन के फल हमेशा चढ़ायेम। 16बाकि आवऽ हमनी भलाई करे ला आउर बाँटे के इच्छा नऽ करियई, काहेकि परमेश्वर अईसन बलिदान से खुश होवऽ हथन।17अपन अगुवन के आज्ञा मानऽ आउर उनकर अधीन रहऽ, काहेकि ऊ लेखा देवेवाला के जईसन तोहनी के प्राण ला जगल रहऽ हथन, जेकरा से ई काम के आनन्द से करतन, नऽ कि दुःखी होके, काहेकि एकरा से तोरा कुछो फईदा नऽ होत। 18हमरा लागी भी प्रार्थना करऽ, काहेकि हमरा भरोसा हो गेल हे कि हमर विवेक शुद्ध हे, आउर हम सभे बात में बढ़ियाँ से चाल-चलन चाहऽ ही।19बाकि हम तोरा अईसन करे ला आउर भी हौसला दे ही जेकरा से हम जल्दी ही तोरा भीर लौट आयेम।20अब शान्ति के परमेश्वर, जे भेड़वन के महान चरवाहा, हमनी के प्रभु यीशु के अनन्त वाचा के लहू के द्वारा मर गेलऽ में से जिलईलन, 21ऊ तोरा उनकर इच्छा के पूरा करे लागी सभे भला काम करे लागी तईयार करतन, जे यीशु मसीह के जरिये से उनका खुश कर के हमनी में काम करऽ हे, उनकरे महिमा युगानुयुग ला होते रहई। आमीन।22अखनी हे भईवन, हम तोरा हौसला दे ही, कि ई उपदेश के बात के सह लऽ काहेकि हम तोरा खाली थोड़ा ही शब्द में लिखली हे।23ई जान लऽ कि हमनी के भाई तीमुथियुस जेल से रिहाई हो गेलन हे, आउर ऊ जल्दी आवऽ हे तऽ हम ओकरा साथे तोरा से मुलाकात करम।24अपन सभे अगुवन आउर सभे पवित्र लोगवन के नमस्कार कहिहऽ। इतालिया वाला तोरा नमस्कार कहऽ हथन।25तोहनी सभे पर परमेश्वर के अनुग्रह बरसते रहे।
Bridge Connectivity Solutions Pvt. Ltd.